1 Vawsaw na tung ccyh lyakhe

Bawipaw nynh nang kha

ae thaepah vae sah!

Jakob Pachia min nynh

ae thungkhaw vae sah!

2 A beikinnthyaa kyate

bawmnaw ae pya vae sah,

te Zion Mua kyate ae bawm vae sah!

3 Si na lawnawpaw balyn kha

ae liathuipah sah lah,

Maee-ute si na lawnawpaw hae kha

ae ccoupah vae sah.

4 Na thinlung nynh a rypaw kha

ae pya sah lah,

na paccynkupaw balyn kha

ae ccingsahpah vae sah.

5 Na tae keiccuze lungtuate

kae sia cih zah,

kae Pachia min te taenaw poi

kae tua cih.

Bawipaw nynh na ngianaw balyn kha

ae ccingsahpah vae sah.

6 Bawipaw nynh chitui a thuhpaw kha

a bawm cih cipaw ka ny;

athyaapaw a vaawram kyate

a thaepah cih zah,

a ranglang kuih khate

taenaw alepaw kha a pya cih.

7 Ccungccaw abang nynh

rhawtuknawpaw marangle hae kha

a doliaku hae, abang nynh

marang hae kha a doliaku hae,

thuasalama aening tuh

Bawipaw ah Pachia min kha

ah doliaku oh.

8 Minmin tuh a thy a pawkuh cih hae zah

a khuliakuh cih hae,

thuasalama aening tuh

ah thokuh cih oh zah,

tynkaring lan ah thadyn cih oh.

9 Pou Bawipaw , siapharan kha

taenaw pyatua;

kaening nynh kae ko vae ze oun thaepya tua.