1 Pou Bawipaw , nang kha kae ko;

arangte yn thuanua tua;

nang kha he kae ko ze,

ka roi kha yn ngaepya tua.

2 Ka sawsangnaw hynh na malang

mynkhuhpaw lante yn ccoupah lah,

ka kuih ka hangthungpaw hynh

zete silawnaw lante yn ccoupya tua.✝

3 Pou Bawipaw , ka khalang kya

rhawviatu yn nungpah lah,

ka mung thuakaw kya yn ngawpya tua.

4 Hoyleinaw a rae hae paw ryte mungkute

ahoy leipaw cyisahnaw kya ciaakute,

ka thinlung hynh ahoy leipaw kalan

yn maeleih nan;

mih aepaw athuapaw kha

yn aesah bua nan.

5 Miding hae nynh yn zia hae sah lah,

mih lungzi hae paw nynh

yn thuihei hae sah.

Ccungccaw hoylei hae paw chitui kha

ka lu kya papin yn thuh nan hae sah,

pawccecize ka sawsangnaw nynh

ahoy leipaw mih cyisahnaw kha po a rawse.

6 Minmin tungvaw

seibe cih hae paw kalan khe

minmin kha pya he a thua hae te,

ka bya hynh lungrythua lan a um

cipaw a nyh cih hae.

7 Zoihtatae lan a koi hae paw lung tuh

laephi kya kaheikalah a pazaeku hawte,

mih ru tuh Michi khua thuakaw kyakhe

kaheikalah pazaekuh sah.

8 Thuasalama pou PACHIA, ka Bawipaw,

ka mit nynh namaw kalan khe a do;

namaw kya khynnaw kha ka ccungku;

thungkhaw lei lante yn cciataw nan.

9 Yn syakhaw hae paw kaang kyate thuasah,

hoyleinaw a raetu hae

kaang kyate yn luesah.

10 Ka makhae kyalya te ka lue lyakhe,

ccungccaw hoylei hae paw tuh

mimaw kaang kya kae hae sah.