SAM 6

Vawsaw Ccyh lya Sawsangnaw

David Hlaw

1 Pou Bawipaw , thinriate

beih yn pe nan,

thinsote beih yn thuihei nan.✝6.1: Sam 38.1

2 Pou Bawipaw , ka thawzya keiccuze

thaw beih yn ccih;

Pou Bawipaw , ka ru hae tuh

myarya rih hae zah,

a thyngku hae keiccuze beih yn dansah.

3 Ka hiinnaw mah myarya ri lanpaw kha a tung,

Pou Bawipaw hohseciamou na um cih?

4 Pou Bawipaw , yn ki lah,

ka hiinnaw hynh yn khumtua;

atynpaw na sungsahnaw te yn khumtua.

5 Pawccecize chinaw kya tuh

nang kha liathuinaw um khyh;

Michi khua kya tuh hum nynh mou

ae thehoysah kho cih?

6 Hawkhaekute ka thaw myarya bang vae;

zi takyh ka ikhung tuh mitphi te acia;

ka iphae tuh ka mitphi te ka ciasah.

7 Ngaethyanaw keiccuze

ka mit tuh phin zah,

ka rhaw hae balyn keiccuze

ngaw ka muih kho khyh.

8 Nanning hoyleinaw rya

a lah hae paw balyn,

ka kyate cceih oh,

pawccecize Bawipaw nynh

ka rawnaw roi kha a thae vae.✝6.8: Mat 7.23; Luk 13.27

9 Bawipaw nynh bawmnaw

ka ngiakupaw kha a thae vae;

Bawipaw nynh ka sawsangnaw kha yn ccoupya.

10 Ka rhaw hae balyn tuh

mih maethah cih zah,

myarya ri lanpaw kha a tung cih hae;

a ccue cih hae zah, vaekheihmawte

maethya a bongkuh cih hae.