1 Bawipaw tuh siapharan thua zah,

lesaenaw te ccaan athua;

Bawipaw tuh ccaan thua zah,

a cce kyakhe thawzung te voide athua.

Aning nynh laephi kha

a nuekuh kho lei lante

a tynsah;

2 na bawitungkhung kha

langmawlya te a la tyn vae;

ccyh a um mawze

nang tuh na la um vae.

3 Pou Bawipaw , vawpi hae tuh

ahangkuh thung hae,

vawpi hae tuh mih roi a ccae;

vawpi hae tuh a siarua hae.

4 Rilipi tuihu laeze lesaehua zah,

rili tuileih laeze a lesaehua,

Bawipaw tuh ahangnaw kya alesae!

5 Na phunglang hae tuh myarya atyn;

Pou Bawipaw , thyaanaw tuh

na inn te zungzae angaekuh.