SAM 142

✝ 142 Abyalu: 1Sa 22.1, 24.3 Lue khylan Sawsangnaw*142 Abyalu: David lungkarung lungkhu a um lya a sawsangnaw.

David Sawsangnaw

1 Bawipaw kalan ka roisawte ka sia;

Bawipaw kalan ka roisawte ka ngia.

2 Ka lungccing leinaw kha

amaw malang ka thuakhae;

ka vawsawnaw kha

amaw malang ka hopya.

3 Ka muisaw tuh a lungthaw he azya ze,

ka ccianaw laanpi kha phe na ny.

Ka ccianaw laanpi kyakhe

kaang yn syakhaw vae hae.

4 Ka ranglang khe he ka do tuh,

kae yn nyhpaw lu kheit san um khyh;

ka hanlan khynnaw um vae khyh;

humhung nynh mah kae kha

yn oihsah vae khyh.

5 Pou Bawipaw , na kalan ka sia zah,

"Nang tuh ka khynnaw nynh na thua,

a hiin hae paw ram kyaze nang tuh

ka hanpaw nynh na thua," ka cipya.

6 Myarya nyaa lan zakawsangsah

ka thua keiccuze

ka siapaw hynh yn ngaepya tua.

Yn tuaa yn sah hae paw kyate yn khumtua,

pawccecize minmin tuh

kamaw laeze myarya mih thawsae.

7 Na min kha the ka hoysah kho nawlan,

thong kyate beih yn pousah.

Ka tungvaw myarya na hoy keiccuze

miding hae nynh kae kha

yn koihlu cih hae.