1 Pou vaawccungccaw hae,

Bawipaw kha thehoysah oh,

a phu-enaw te a lesaenaw kha

thehoysah oh.✝

2 Bawipaw a min phu-enaw kha

thehoysah oh;

athyaapaw ccaannaw khate

Bawipaw kha beik oh.

3 Bawipaw roi tuh rili vawlan khe accae;

phu-enaw Pachia tuh

kholung hawte thyh zah,

Bawipaw tuh myarya lungpaw

tui vawlan khe a um.

4 Bawipaw roi tuh huhan a hoi;

Bawipaw roi tuh lesaenaw te

phe abeih.

5 Bawipaw roi nynh

sidar thingku hae kha a khya.

Bawipaw nynh Lebanon e

sidar ku hae kha a khya.

6 Lebanon mua kha vaetuataw hawte

thohsakuh zah,

Sirion kha anopaw ccungtepaw hawte a thohsaku.

7 Bawipaw roi nynh maeesoi kha

a awsah.

8 Bawipaw roi nynh ramkaw kha

a hysah;

Bawipaw nynh Kadesh ramkaw kha a hysah.

9 Bawipaw roi nynh sazuh pinung kha

ataw a thansah,

thingnaw kha a khuasaku;

te a beikinn kyakhe

ccungccaw hae balyn nynh, "Phu-e sah!"

a ci hae.

10 Bawipaw tuh tuileih vawlan khe a haung;

Bawipaw tuh siapharan lante zungzae a haung.

11 Bawipaw nynh a ccungccaw hae kha

thawzung pya vae hae sah!

Bawipaw nynh a ccungccaw hae kha

daenaw te hythuapya vae hae sah!