1 Mingaee hae nynh mih thinlung kya,

"Pachia um khyh," a ci hae.

Minmin tuh arohpaw thua hae zah,

anungsikuhpaw hoyleinaw kha

a rae hae;

hoynaw a raepaw lu kheit san

um khyh.✝

2 A hawpaw, Pachia a ccungpaw lu kheit san

a um tou cipaw muih khylan

Pachia nynh vaawlang te

ccungccaw kha a dobung.

3 Mih balyn te pong cceihsei hae,

mih balyn mawte phe lokuh lante

a ccouseikuh hae;

ahoypaw a cyihpaw hum san um khyh,

lu kheit san um khyh.

4 Ka ccungccaw hae kha sanlou hawte

ae hae zah,

Pachia kalan saw a sang lei hae paw

ccungccaw hoylei hae paw hynh

nythyanaw hoi khyh hae tou?

5 Minmin tuh myaryamaw a rih cih hae,

a la hoi boi lei hae paw rikawnaw kha

a hoi cih hae.

Pawccecize Pachia nyh lei hae paw

ru kha Pachia nynh phiariphiarae

a nung cih hae;

Pachia nynh a vua vae hae keiccuze

maethyanaw a mue cih hae.

6 Israel hanlan khumnaw tuh

Zion kyate yn thua vae sah!

Pachia nynh a ccungccaw hae kha

hoynaw he a pyathui hae te,

Jakob tuh a lungtua cih;

Israel tuh a lungpaw cih.