Gratidão a Deus
A gratidão a Deus é atitude que transforma a vida. Reconhecer que toda boa dádiva vem de Deus nos leva a louvar, servir e viver com alegria e propósito.
Tudo vem de Deus
Toda boa dádiva vem do alto. Agradecer a Deus é reconhecer que Ele é a fonte de toda bênção e sustento.
E fo, God ingarizir biziba bar, da bar dera. Ezɨ e bizir kurabar mɨn a dar ganan kogham. Puvatɨ. E God mɨnabagh da iniam.
E fo, God ingarizir biziba bar, da bar dera. Ezɨ e bizir kurabar mɨn a dar ganan kogham. Puvatɨ. E God mɨnabagh da iniam. E fo, e daghebar amɨsɨ, e God ko mɨgeir arazim ko Godɨn akamɨn gun mɨgeir arazim damutɨ, God arazir kamɨn daghebar amutɨ, da Godɨn bizibar mɨraram otogham.
En Ekiam Krais Iesus, ingangarim bagha gavgavim na ganigha ghaze, kɨ an ingangarim damuam. Egha ingangarir kam damuasa na amɨsefe. Ezɨ kɨ kamaghsua a mɨnaba.
Kɨ mɨghɨghavɨra ia mɨgei, faragh damuamin bizim a kamakɨn, ia gumazamiziba bagh God ko mɨkɨmɨva a mɨnabɨva an azangsɨghɨva, egh a gumazamiziba bar men akurvaghsɨ a gakaghon.
Ezɨ ga kamaghɨn God ko mɨgei, an gavgavir ekiar aghuimɨn, God gavgaviba bar ia danɨngtɨ, ia tuivigh gavgavigh osɨmtɨziba ateram, egh aghumra ikɨva osɨmtɨziba gɨvaghamin dughiam mɨzuam. Egh ia bar akueghɨva, en Afeziam mɨnabagh. A ia gamizɨma ia arazir aghuibar gɨn zui, egh bizir aghuir a ia bagha mɨseveziba iniam. Ia Godɨn gumazamiziba ko da iniam, kar Godɨn Nguibamɨn angazangarimɨn aven itir darasi.
Egh ia a gisɨn tuivigh gavgavigh, mati temem biba sara nguazimɨn tugha gavgafi. Uaghan mati dɨpenim dɨpenir akɨnir gavgavibagh isɨn tughav iti. Ia nɨghnɨzir gavgavim Akar Aghuir Epafras ian sure gamizir kamɨn iti, egh kamaghɨn ian nɨghnɨzir gavgavim aghung mangɨvɨra ikɨ. Egh zurara God mɨnabɨvɨra ikɨ.
Krais navir amɨrizim ia ganɨngi, egha ia gamizɨma ia navir vamɨra iti, ezɨ navir amɨrizir kam ian navir averiabar ikɨva ia gativagh nɨghnɨzir aghuiba ia danɨngam. Ia fo, navir amɨrizir kam bagha God ian diazɨma ia bar uari inigha inivafɨzir vamɨran mɨn oto. Egh zurara God mɨnabɨ.
Louvor e gratidão
Louvai ao Senhor e dai-lhe graças! Ele fez maravilhas e é digno de todo louvor e agradecimento.
Ikiavɨra Itir God a bar guizbangɨra dera,
kamaghɨn kɨ bar a mɨnabagham.
Kɨ Godɨn Bar Pɨn Itimɨn ziam fɨva,
a bagh ighiaba bangam.
"Kamaghɨn deragham, ia bar God mɨnabagh.
Kamaghɨn garir ofa ia a damu.
Kɨ Godɨn Bar Pɨn Itim, bizir aghuir ia na danɨngasa mɨkemegha gɨvaziba,
ia da isɨ na danɨng.
Kɨ Godɨn ziam fɨ egh onger akabar amuam.
Egh a mɨnabɨva an ziar ekiamɨn gun mɨkɨmam.
Eghtɨ gumazamizir nɨ baghavɨra zuiba, men naviba deraghtɨ,
me bar akuegh ikɨ.
Gumazamizir kaba, nɨ bar moghɨra ua me ini.
Nɨ me bagha amizir ingangarir kam me bar a gifonge.
Egh me zurara kamagh mɨkɨm suam,
"God, a guizbangɨra bar dera."
O God, e zurara nɨ mɨnaba egha nɨn ziam fe.
E nɨn ziar ekiamɨn gun mɨgɨa,
bizir igharagha garir nɨ amibagh eghari.
Nɨn gumazamizir nɨn sipsipbar mɨn itiba,
zurazurara nɨ mɨnamam.
En ovavir borir gɨn otivamiba,
me uaghan nɨn ziam fɨ kamaghɨra ikiam.
E an Dɨpenimɨn aven mangɨ
an ziam fɨva a mɨnamam.
E a mɨnabagh
an ziar ekiam bar a pɨrafam.
Nɨ nan navir osɨmtɨzim batoghezɨ
kɨ bar akuegha ighiabagh ami.
Kɨ faragha azirakar korotiaba aghui,
ezɨ datɨrɨghɨn nɨ nan azirakar korotiaba suegha,
nan azirakam oteghavkɨnizɨ nan navim derazɨ kɨ bar akonge.
Ikiavɨra Itir God, kɨ uan akam dukuaghan kogham.
Kɨ uan navir averiamɨn onger akabar amu egh nɨn ziam fam.
Egh zurara nɨ mɨnabɨvɨra ikiam.
Asapɨn adarazi ighiar kam bati:
E bar Ikiavɨra Itir Godɨn ziam dɨponɨva a mɨnabaka.
Egh ingangarir ekiar an amizibar gun Kantrin Igharazibar Gumazamiziba bar me mɨkɨmam.
Ikiavɨra Itir Godɨn Araziba bar dera, ezɨ a zurara en apangkuva ikia mamaghɨra iti.
Kamaghɨn amizɨ, e bizir kam bagh a mɨnabagham!
Expressões de gratidão
Dar graças com oração e súplica. A gratidão se expressa em palavras, atos e atitudes que glorificam a Deus.
Ia bizitam bagh nɨghnɨgh osɨman markɨ. Ia zurara uan osɨmtɨziba bagh God ko mɨkɨm. Ia God ko mɨkɨm a mɨnabɨ, egh a ian akurvaghsɨ ia an azang.
Egh ia zurara, en Ekiam Krais Iesusɨn ziamɨn, bizir otiviba bar, da bagh God Afeziam mɨnabɨ.
Egh ia akar mɨzɨrɨziba ko akar onganiba ko asuir mɨgɨrɨgɨar kurabar amuan markɨ. Kar uaghan ia damuamin araziba puvatɨ. Arazir ia damuamimra kara, ia God mɨnabɨ.
God zurara bizir bar avɨriba ia danɨngtɨ, ia bizir avɨriba igharaz darazi danɨngamin tuavim ikiam. Eghtɨ en ingangarimɨn, ia me danɨngamin bizir kaba, me damightɨ, me God bar a mɨnabagham.
Bizir e bativir kaba bar, da ia bangɨn e batifi. God kamaghsua, arazir kamɨn an apangkuvim gumazamizir avɨriba bativ mangɨvɨra ikiam. Egh gumazamizir kaba a mɨnabɨ mangɨvɨra ikɨ, an ziam fam. Kamaghɨn bizir kaba e batifi.
Bizir tizim ia bato, God mɨnabɨvɨra ikɨ. God kamaghsua, ia gumazamizir Krais Iesusɨn poroghav itiba ia arazir kaba bar, dar amu.
Egha ghaze:
"Ekiam, nɨ Godɨn Gavgaviba Bar Itim.
Nɨ bar fomɨra ikia
egha iza datɨrɨghɨn uaghan iti.
Nɨ uan gavgavir ekiam inigha
egha datɨrɨghɨn atrivimɨn iti.
Kamaghɨn amizɨ, e nɨ mɨnabi.
Ezɨ kɨ uabɨ, ighiam bangɨva nɨn ziam fɨva
asɨzitam mɨsuegh ofa isɨ nɨ danɨngasa.
Bizir kɨ nɨ ko akam akɨrigha gɨvaziba, kɨ dar amuam.
O Ikiavɨra Itir God, nɨ uabɨra en akurvazima,
e angamɨra nɨ ko iti."