Guardar o coração
Guardar o coração é o mandamento mais urgente de Provérbios. Sobre tudo o que se deve guardar, guarda o teu coração, porque dele procedem as fontes da vida.
Sobre tudo, guarda o coração
O coração é a nascente de tudo — pensamentos, desejos, decisões. Guardá-lo é proteger toda a vida espiritual e emocional.
सबी ते जादा आपणे मनो री रक्षा कर,
कऊँकि जिन्दगिया रा मूल़ स्रोत सेईए।
ओ मेरे पाऊ, आपणा मन मेरी तरफा खे लगा,
ओर तेरी नजर मेरे चाल-चलणो पाँदे लगी री रओ।
ओ मेरे बच्चेयो, मेरिया शिक्षा खे नि पूलेयो,
आपणे दिलो दे मेरिया आज्ञा खे याद राखेयो;
कऊँकि एड़ा करने ते तेरी उम्र बढ़नी,
ओर तूँ जादा शान्तिया साथे रणा।
खरा माणूं आपणे खरे मनो रे पण्डारो ते खरिया गल्ला निकयाल़ोआ और बुरा माणूं आपणे बुरे मनो रे पण्डारो ते बुरिया गल्ला निकयाल़ोआ, कऊँकि जो, जेसरे मनो रे परे रा ओआ, तेड़ा ई मुंओ ते निकल़ोआ।
Coração puro e renovado
Cria em mim um coração puro, ó Deus. Os puros de coração verão a Deus — e o Espírito renova nosso interior.
ओ परमेशर, मेरे पीतरे शुद्ध बचारा खे पैदा कर ओर माखे दुबारा इमानदार बणा
धन्य ए सेयो, जिना रे मन साफ ए,
कऊँकि तिना परमेशर देखणा।
ओ परमेशर, माखे परख ओर मेरा दिल पछयाण, माखे जांची-परखी लओ!
ओर मेरे बचारा खे जाणी लओ!
ओर देख कि मांदे कोई बुरी चाल तो नि ए,
प्रभु, माखे सदा रिया बाटा रे लई चल!
ओ प्रभु, माखे जांच ओर परख;
मेरे मन ओर मेरे दिलो खे परख।
तेरी करूणा तो मेरिया आखी सामणे ए
ओर आऊँ तेरी सच्चाईया पाँदे चलदा आई रा।
तूँ जाणेया कि राती दे बी आऊँ क्या सोचूँआ; तैं परखी की जाणी ला रा कि आऊँ क्या बोलूँआ ओर क्या करूँआ, ओर तूँ जाणेया कि मैं कदी बी चूठ ना बोलणे री ठाणी ली री ए।
मैं ओरी जेड़े काम नि कित्ते;
मैं हमेशा सेई कित्तेया जो सई ए,
ओर मैं दूजेया माणूंआ साथे गल़त बर्ताव नि कित्तेया ए।
आऊँ हमेशा तेरिया ई बाटा दे चलदा आई रा,
ओर कदी बी तिजी ते पटकी नि रया।
ओ परमेशर, मेरा परोसा तां पाँदे अटल ए,
ओर मां जय-जयकार करदे ऊए तेरे गीत गाणे!
Guardar com a Palavra
Não vos conformeis com este mundo. A Palavra de Deus guardada no coração nos protege do pecado e nos direciona.
और एसा दुनिया रे लोका जेड़े नि बणो, बल्कि तुसा रे मनो रा नवां ऊई जाणे ते, तुसा रा चाल-चलण बी बदलदा रओ। ताकि तुसे परमेशरो री खरी, भावती और सिद्ध इच्छा अनुभवो ते पता करदे रओ।
बिधानो री एसा कताबा दे लिखी रिया इना समजा रिया गल्ला खे याद राखणा, इदे ई रात-दिन त्यान देणा, ओर जो कुछ तिदे लिखी राखेया तेतेरे मुताबिक करदे रणा, कऊँकि एड़ा ई करने ते तेरे सारे काम सफल ऊणे ओर तेरी बढ़ोतरी ऊणी।
पूरे दिलो ते आऊँ तेरी सेवा करने री कोशिश करूँआ;
माखे तू आपणियां आज्ञा ते पटकणे नि देया!
मैं तेरे वचन आपणे दिलो रे तारण करी राखे,
ताकि तेरे खलाफ पाप नि करुँ।
ओर तूँ यहोवा आपणे परमेशरो साथे आपणे पूरे मनो ते, पूरे प्राणो ते, पूरे दमाको ते ओर आपणी पुरिया तागता ते प्यार कर। यो आज्ञा जो आऊँ आज ताखे सुणाऊँआ सेयो तुसे सदा याद राखणियां।
तेबे मूसे तिना खे बोलेया, "जितणी गल्ला आज आऊँ तुसा खे चिताई की बोलूँआ, तिना सबी पाँदे आपणा-आपणा मन लगाओ ओर तिना दे, मतलब एते व्यवस्था री सारी गल्ला खे मानणे दे चौकसी करने री आज्ञा आपणे बच्चेया खे देओ।
Vigilância e paz
A paz de Deus guarda nossos corações em Cristo Jesus. Chegai-vos a Deus, purificai os corações — e Ele estará convosco.
केसी बी गल्ला री चिन्ता नि करो। पर हर एकी परिस्थितिया रे तुसा री अर्ज, प्रार्थना और बिनतिया रे जरिए, धन्यवादो साथे परमेशरो सामणे ल्याए जाओ। तेबे परमेशरो तुसा खे शान्ति देणी। ये शान्ति माणूंआ री समजा ते बिल्कुल बारे ए। एसा तुसा रे दिल और तुसा रे सोच-बिचार मसीह यीशुए रे सयी-सलामत राखणे।
परमेशरो नेड़े आओ, तो से बी तुसा रे नेड़े आऊणा। ओ पापियो! आपणी जिन्दगिया ते पापो खे दूर करो और ओ दोगले लोको! आपणे दिलो खे पवित्र करो।
ईंयां ई तुसे बी सब्र राखो और आपणे दिलो खे मजबूत करो, कऊँकि प्रभुए रा आऊणा नेड़े ए।
जबकि तुसे मसीह साथे जिऊँदे कित्ते, तो स्वर्गो रिया चीजा री टोल़ा रे रओ, जेती मसीह परमेशरो री बगला रे दाँणे कनारे बऊत ई सम्मानित जगा रे बैठी रा और परमेशरो रे दाँणे कनारे बैठी रा।