Guardar o coração

23 Ең бастысы, таза сақта жүрегіңді,

Өйткені ол — өміріңнің қайнар көзі.

26 Балам, жүрегіңді маған бағышта,

Риза бол* өзіңді жүргізетін жолдарыма!

Тәлім алып, Тәңір Иеге мойынсұнудың зор пайдасы

1 Балам, берген нұсқауларымды еш ұмытпа,

Өсиеттерімді менің жүректе сақта!

2 Өйткені олар ғұмырыңды ұзартар,

Амандық пен тыныштық молынан дарытар.

45 Ізгі адам жан дүниесіндегі игілікті қазынадан игілік алып шығады, ал зұлым адам арам жан дүниесінен арамдық алып шығады. Жан дүниең* неге толса, ауызың соны айтар.

10 Ал мен Құдайдың киелі үйінің

Ішінде жасыл зәйтүндей өсіп-өнемін,*

Құдайдың рақымына мәңгі сенемін.

8 Жүректері пәк тазалар бақытты:

олар Құдайды көретін болады!*

2 Мені жалмауға зұлымдар таяп қалса,

Қарсылас, жауларым маған бас салса,

Өздері-ақ сүрініп, жығылады да.

3 Мен қорықпаймын, әскер қоршап алса да,

Үмітім үзілмес, ол маған лап қойса да.

3 Жаратқан — жартастай берік қорғаным,

Мені қауіп-қатерден құтқарушым,

Құдайым — сенім артқан шың құзым,

Қалқандай қорғаушым, мықты құтқарушым,

Әрі биік таудағыдай баспанам!

4 Мадаққа лайық Жаратқанға сиынам,

Ол мені арашалайды жауларымнан.

5 Өлім толқындары жан-жақтан құрсады,

Заңсыздық тасқыны көміп тастады,

7 Уа, Құдай, олардың тістерін қиратшы,

Ием, арыстандай жақтарын күйретші,*

2 Бұл күнәкар дүниенің өмір сүру салтын үлгі етпеңдер, қайта, ой-тілектерің Құдайдың жаңартуымен түбегейлі өзгерсін! Осылай сендер Оның еркін — ненің игілікті, ұнамды және кемелді екенін ажырата білетін боласыңдар.

8 Осы Таурат заңы кітабында жазылғандардың бәрін сақтап, орындай алуың үшін оларды аузыңнан тастамай, күні-түні оқып, солар туралы ойланатын бол! Сонда ғана өркендеп табысты боласың.

5 Құдай Иеңді шын жүректен, бүкіл жан дүниеңмен, бар күш-қуатыңмен сүй!*

6 Бүгін Мен өздеріңе тапсырып отырған осы сөздер жүректеріңнен тұрақты орын алсын!

46 оларға былай деді: «Мен бүгін сендерге нықтап айтқан осы сөздерді түгелдей жүректеріңе жазып, жаттап алыңдар! Содан бұл Таурат заңының барлық сөздерін балаларыңа үйретіп, сақтап орындауды өсиет етіңдер!

6 Еш нәрсені уайымдамай, барлық жағдайда өтініштеріңді Құдайға сиынып тілекпен және шүкірлікпен білдіріңдер! 7 Сонда Құдайдың адам ақылынан асқан керемет тыныштығы сендердің жүректерің мен ой-саналарыңды Мәсіх Исада сақтайды.

8 Құдайға жақындаңдар, сонда Ол да сендерге жақындайды. Ей, күнәкарлар, қолдарыңды жамандық атаулыдан жуып тазартыңдар! Ей, екіойлы табансыздар, жүректеріңді орнықтырыңдар!

8 Сендер де сабырмен күтіп, жүректерің мызғымас табанды болсын. Өйткені Иеміз жуырда қайтып келмек.

Құдайға бағышталған қасиетті өмір сүру жөніндегі нұсқаулар

1 Сонымен, Мәсіх өлімнен қайта тірілгенде сендер Онымен бірге рухани тірілдіңдер. Сондықтан көкке* лайықты қасиеттерді иемденуге ұмтылыңдар! Өйткені Мәсіх көкте, Құдайдың оң жағында отыр.