Homem de Deus
O homem de Deus é aquele que busca a justiça, a piedade, a fé e o amor. A Bíblia apresenta modelos de homens íntegros que andaram com Deus e marcaram a história.
Características do homem de Deus
O homem de Deus foge das paixões e segue a justiça, a piedade, a fé, o amor, a perseverança e a mansidão.
Zynnaw kya-e Ahoypaw Rhawtuknaw
Thuasalama, pou Pachia ccungccapaw, nang tuh tuh-e uccaw hae kha sibia lah dingnaw, Pachia rawrinaw, zynnaw, sungsakunaw, ngaesangnaw te lungnenaw kha hoi lan zuaku tua.
Na kum ano keiccuze hum nynh san ae la dothatheih nan sah; thuasalama nang tuh bya kya, ozia kya, sungsakunaw kya, zynnaw kya te thyaapapingnaw kya zyntu hae nynh dosuinkupaw la thua.
Nyathya Hyynaw Bya
Raeringkute lungkyhrarih lan um oh, zynnaw kya tynkaring lan thadyn oh, nae rawthung sah, nae thawsae sah. Nanning nynh pawpaw balyn kha sungsakunaw te cyih oh.
Pou ccungccapaw, aning nynh
ahoypaw kha phe ae hopya vae;
dingrarih lante cyi lanpaw,
thawccinaw hoi lanpaw te
zakawsangsakute Pachia malang
hiin lanpaw kha
Bawipaw nynh nang
ae ngiapaw thua khyh tou?
Exemplos bíblicos
Noé era justo e íntegro entre seus contemporâneos. Jó era homem reto que temia a Deus e se desviava do mal.
Noah nynh Pachia Lungrytung
Hynh-e hae tuh Noah konglang nynh thua hae. Noah tuh midingpaw, tuh-e she lyaze ccaenaw um leipaw thua zah Pachia ryte a mungkuh hae paw nynh thua.
Job te A Innbyn
A min Job cikuhpaw ccungccapaw lu kheit tuh Uz ram kya a la um. Tuh-e paw tuh ccaenaw um leipaw te adingpaw thua zah, Pachia rawrihpaw te hoyleinaw a sibiapaw nynh thua.
Johan a ci hae paw ccungccapaw lu kheit kha Pachia nynh a saw. Tuh-e paw liate ccungccaw hae balyn nynh a zyn nawlan hae, awnaw kong ccaekiakhan khylan ccaekia lang yn thua.
Mihawpaw nynh tuh
hawnaw kalan khe nynh a do,
thuasalama mingaeepaw mit tuh
laephi athangnaw langkhe nynh a do.
Viver como filho de Deus
Quem faz a vontade de Deus é eleito. Medite na Palavra e ande nos caminhos do Senhor como verdadeiro discípulo.
Thuasalama amaw kha lehkhan hae zah amaw min a zynpaw balyn kha Pachia ccaaw thuanaw kaw a pya hae. Minmin tuh chiisaw te saahpaw ccaaw, pynsaw rynaw te saahpaw ccaaw, ccungccaw rynaw te saahpaw ccaaw thua khyh hae; thuasalama Pachia rynaw te saahpaw ccaaw nynh athua hae.
Pachia nynh misei hae bya tuh thaepah khyh hae cipaw kha ah ny oh; thuasalama Pachia kha beik zah a rynaw a raepaw bya tuh a ngaepya.
Mino hae nynh mih laanpi kha
pawtemou a thyaasah kho cih hae?
Na bya thyhte raeringkunaw liate
a thyaasah cih hae.
Ka thinlung balyn te
nang kha kae ccung; na kawbya kyate
ccanglang yn cciasah sei nan.
Na tungvaw ka sei khyh nawlan,
na bya kha ka thinlung kya ka ccykeku.
Pou Bawipaw , nang kha
kae thehoysah;
na phungbya kha beih yn ccangpah.
Nae hopyapaw na phungzae balyn kha
ka siakhae cih.
Hoirumnaw patae kya
lungrythuakhaeku hawte,
na phunglang kyakhe
ka lungry a thuakhaekuh cih.
Na kawbya kyakhe ka thinlung kha
tyty ka nung cih zah,
na laanpi kha hoyte ka dokuh cih.
Na phungbya kyakhe
ka lungrythua cih zah,
na bya kha ka ning lan khyh.
Laanpi Ccangning
Ccungccaw hoylei hae paw nynh
tuanaw pyapaw kha lawku leite,
misei hae laanpi kha mah zui leite,
sarisarya acihthya hae paw
mih umnaw kya mah
a haungbua leipaw,
Bawipaw kawbya kyakhe
a lungrythua zah,
tuh-e kawbya kha khuazi khuadae
a tuapaw tuh lungtuapaw nynh thua.
Aning tuh vawkhu pe linpaw,
amaw accyh kya athae thae zah,
anaw anaan leipaw
thingku te nynh aloku.
A cyipaw balyn kya
a laan a sui a ua cih.
Ccungccaw hoylei hae paw tuh
tuhte thua khyh,
khisan nynh a mungpaw
vaekang te nynh aloku hae.
Tukeiccuze ccungccaw hoylei
hae paw tuh byapianaw kya
thadyn lan khyh hae, misei hae tuh
miding hae pumkunaw kya
umbua lan khyh hae;
pawccecize Bawipaw nynh miding hae
laanpi kha a do-oihpya hae,
thuasalama ccungccaw hoylei
hae paw laanpi tuh aroh cih.
langmaw nae ozia te asekuh lante ahynthyapaw ryduaanaw thyhte phe aroh vae paw arynpaw ccungccaw kha na vua nawlan oh, te nae thinlung te nae tuanaw kha thawsah te na um nawlan oh, te ahmepaw dingnaw kya te thyaanaw kya Pachia hawmawte rae athuapaw, athawpaw ccungccaw kha nanning nynh na lawku nawlan oh nynh thua.