Homem
A Bíblia fala sobre o homem como criação de Deus — feito à sua imagem e semelhança, mas também frágil, mortal e necessitado de redenção.
Criado à imagem de Deus
Deus criou o homem à sua imagem. Mas pelo pecado, o homem caiu e passou a depender da graça para ser restaurado.
Ana God ere mogl, yegl dugwa, Nono yoba beke yenamniwe dugwa. Yoba nono munere moraiglmedi beke yenamga. Beke yomun, ye dumo makan mudu ya taragl pra pra makan mina wan meglkwa i, bitno mere mogl, sugl moraiglkwa. Ye buglo bagle ki sugl moglsre, kua ki sugl moglsre, agl bugla ya taragl pra pra makan mina wan meglkwa i ama sugl moglsre, yegl eraiglmiwe di, yegl dugwa. Ana God yoba beke yogwa. Yene moglmere moraiglmedi beke yogwa. Yagl ya abu beke yogwa.
Ana min paugwa igne i we, Yawe God dumo wakaile suna makandigle wan moglkwa, pribrika. Prisre, Yawe God no kan dinabedi ede paimara teke pabrika.
Adam erumara i mina geglkwa mabuno yumga ba Jisas erumara i mina kor meglkwa i, yumga
Ana okna ibo yagl Adam swara ye tadaglme erumara i mina tadaglme ede suna udre, yoba mudu uglo kogl koglo meglkwa i, bi di kodugwa. Te, tadaglme ede suna umara i, geglkwa mabuno akie ugwa. Adam erumara i, tadaglme ede suna ugo, yoba mudu uglo kogl koglo meglkwa i ama tadaglme erikwa pre ye mudu geglkwa.
God kamo mina okna ibo yegl beglkwa,
God yagl swara ta komono kana bekugwa, Adam i, ye u yoba pidre, kor moglmiwe
di, yegl beglkwa. Ba okuo Krais, ye Adam kor mere yegl ta ugwa i, ye murubuglo moglsre, nono aimadi kamin kor moramga i norukwa. Nono komono kana heven ogono nagino i ta ikrumga. Makandigle ogono nagino komono kana yumga ba okuo heven ogono nagino inamga. Yagl Adam komono kana moglkwa i, God makan gaba idre, beke yogwa pre ye makandigle yoba moglkwa. Yegl moglkwa ba Jisas okuo ugwa i, ye heven ibo kide kodo, ede atne ugwa pre ye heven yoba moglkwa. Yegl pre nono makandigle munga i, Adam gagiglma mogl umga pre Adam ogo nagie pamere yegl, nono ogono nagino kuno yegl paugwa. Ba nono Jisas yobama ta munga i, erme heven yoba munga pre Jisas adigl u kor pidre, ogo nagie kor yumere mere yegl, okuo nono heven ogono nagino inamga.
Fragilidade humana
O homem nascido de mulher é de poucos dias e cheio de inquietação. Deus conhece nossa fragilidade e cuida de nós.
Prio. Yoba ta mem i pre bage swara ta yegl boglkwa,
God yo, no yoba munga i, ene siragl pre no pre i mitna ede motne?
No yoba yoko munga ba ene no suglno wakai motniwa.
Renovação e chamado
Despojados do velho homem e revestidos do novo, somos chamados a buscar a justiça, a piedade e o amor.
No Jisas kamo yegl beke tomgo, ene prikwa, ene okna mogl pai erikwa i, deno muduno okna goglo paugwa i, duglo bogl wan meglkwa. Ene deno muduno goglo i, tadaglme eraiglmedi pogglau bogl, u kide kaima pidre, ene bakagl togwa. Yegl mere erukwa ba ene deno muduno goglo okna paugwa i, ene gugl kide kodimiwedi, ene yegl beke tomga. Te, ene ka ta beke tomga i, yegl mere paugwa, God nomane kor ene ege ege beke te moglko, ene ege ege kiano mina nomane kor kor imiwe di, ene okna yegl beke tomga. Te, God deno muduno kor ene padigl togwa pre di tomga i, God yene mabuno du ere, wakai kaima moglmere yegl, ye ene deno muduno kor padigl tomiwe dumga.
Jisas nono ere i swara edugwa i, ye ede prak mina goglkwa igne i ye God lomo, okna Israel yoba norukwa i, mudu si dudugwa. Okna no Israel yoba lono kane kane paugo, ene yugobuno pere, meda meglkwa i, no lono i ta pre kan erekrikwa pre nono pere pere munga. Okna pere pere munga ba lo i mudu Jisas goglmara i si dudu kodo, ye pre medunga yoba munga i nono i swara ede, yugobuno kor ta moraiglmedi i nogugl edugwa.
Pol ka las dugwa
Yegl erikwa ba ene God yobamo motnga pre mabuno yegl eraiglmara i, ene ere dinagledi teke ede eglke pidre, God mabunomo du paugwa i duglo bogl moglo. Ene yegl ersre, God kamo pre medigl moglsre, yoba den mudn te moglo. Te, ene adigl gigledi moglsre, mogl atne ede moglo.
Na gak kebra moglka igne, na nomana gak kebra nomano pamere paugo, ka diga ama gak kebra dimere i diga. Ba na yake ede pi yagl moglka igne, na gak kebra mabunono i kide kodiga. Kuno yegl mere, nono erme gak kebra mere yegl munga i, okuo kide kodidre, God mabunomo mudu pre pogl sinamga.
A confiança errada
Maldito o homem que confia no homem. O homem de duplo ânimo é instável em todos os seus caminhos.
Yoba yegl ta morabuka i, ege ege kina suo yogo, ege mere yage sugwa ta moglkwa pre ye Yagl Kade agle di prabuka igne, na Yagl Kade di teimere yegl ta ere narabiwe di prikrabuka paugwa.
Timoti ye pre mediglkwa yoba i, bormai swara meglmedi kanabuka
Ana ene pre mediglkwa yoba meglmara suna i, yagl kidagl ta moraiglkwa i, ene ka muglkudi di tekro. Ye nomane inaiglmedi ka ta di tenatnga panan, na ninama meglmedi kandre, ye ka kiede di to. Te, yagl kulu mo kumugl gak ta suna moraiglkwa i, ye na agrama meglmedi kandre,