26 तब परमेसर ह कहिस, "हमन मनखे ला अपन सरूप, अपन समानता म बनावन, ताकि ओमन समुंदर के मछरी, अकास के चिरई अऊ घरेलू-पसु अऊ जम्मो बन पसु अऊ भुइयां म रेंगइया जम्मो जीव-जन्तु ऊपर अधिकार रखंय।"

27 तब परमेसर ह मनखे ला अपन खुद के सरूप म बनाईस,

अपन ही सरूप म परमेसर ह ओमन ला बनाईस;

नर अऊ नारी करके ओह ओमन ला बनाईस।

8 तब यहोवा परमेसर, जऊन ह दिन के ठंडा समय बगीचा म घुमय, ओकर अवाज ओमन ला सुनई दीस। तब आदम अऊ ओकर घरवाली बगीचा के रूखमन के बीच म यहोवा परमेसर ले लुका गीन।

12 जइसने कि एक मनखे के दुवारा पाप ह संसार म आईस, अऊ पाप के दुवारा मिरतू आईस, अऊ ये किसम ले मिरतू ह जम्मो मनखे ऊपर बगर गीस, काबरकि जम्मो झन पाप करिन।

45 जइसने कि परमेसर के बचन म लिखे हवय: "पहिला मनखे आदम ह एक जीयत परानी बन गीस", पर आखिरी आदम ह जिनगी देवइया आतमा बनिस। 46 आतमिक ह पहिले नइं आईस, पर सारीरिक ह पहिले आईस, अऊ तब आतमिक ह आईस। 47 पहिला मनखे ह धरती के धुर्रा म ले बनाय गीस, पर दूसरा मनखे ह स्वरग ले आईस। 48 जऊन मन धरती के अंय, ओमन ओकर सहीं अंय जऊन ह धरती म ले बनाय गे रिहिस, पर जऊन मन स्वरग के अंय, ओमन ओकर सहीं अंय जऊन ह स्वरग ले आईस। 49 जइसने हमन धरती के मनखे के रूप ला धारन करे हवन, वइसने हमन ओ स्वरग के मनखे के रूप ला घलो धारन करबो।

1 "मनखेमन माईलोगन ले जनमथें,

ओमन थोरकन दिन के अंय अऊ ओमन के जिनगी ह दुख ले भरे रहिथे।

17 ‘का नासमान मनखे ह परमेसर ले जादा धरमी हो सकथे?

का एक बलवान मनखे अपन सिरजनहार ले जादा सुध हो सकथे?

17 "मनखे ह का ए कि तेंह ओला बहुंत महत्व देथस,

अऊ तेंह ओकर ऊपर बहुंत धियान देथस,

6 परमेसर के बचन म एक झन एक जगह गवाही दे हवय:

"मनखे ह का ए कि तेंह ओकर ऊपर धियान देथस,

या मनखे के बेटा* ह का ए कि तेंह ओकर खियाल रखथस?

24 मनखे के पांव ला यहोवा ह रसता देखाथे।

तब कोनो मनखे अपन रसता ला कइसे समझ सकथे?

22 एकरसेति अपन पुराना चालचलन ला छोंड़ देवव, जऊन ह तुम्हर पहिली के जिनगी ले संबंध रखथे अऊ अपन धोखा देवइया लालसा के दुवारा बिगड़त जाथे; 23 अऊ अपन मन के आतमा म नवां बन जावव; 24 अऊ नवां चालचलन ला धर लेवव, जऊन ह सही के धरमीपन अऊ पबितरता म, परमेसर के सरूप म सिरजे गे हवय।

15 मसीह ह अपन देहें म यहूदी कानून ला, हुकूम अऊ नियम सहित खतम कर दीस, ताकि ये दूनों जाति म ले ओह अपन खुद म एक नवां मनखे बनावय अऊ ये किसम ले सांति के इस्‍थापना करय।

11 पर, हे परमेसर के जन, तेंह ये जम्मो चीज ले दूरिहा रह अऊ धरमीपन, भक्ति, बिसवास, मया, सहनसीलता अऊ नमरता के काम म अपन मन ला लगाय रख।

11 जब मेंह लइका रहेंव, त लइकामन सहीं गोठियावत रहेंव, लइकामन सहीं सोचत रहेंव, अऊ मोर समझ ह लइकामन सहीं रिहिस। पर जब मेंह सियाना हो गेंव, त मेंह लइकापन के बात ला छोंड़ देंव।

21 काबरकि तोर चालचलन ला यहोवा ह देखत हवय,

अऊ ओह तोर जम्मो चालचलन ला परखथे।

1 मनखे ह अपन मन के योजना के बस म रहिथे,

पर मुहूं के सही जबाब यहोवा करा ले आथे।

5 यहोवा ह ये कहत हे:

"सरापित ए ओ मनखे, जऊन ह मनखे ऊपर भरोसा करथे,

जऊन ह मनखे के सहारा लेथे

अऊ जेकर मन ह यहोवा ले भटक जाथे।

7 अइसने मनखे ह ये झन सोचय कि ओला परभू ले कुछू मिलही। 8 ओह दुचित्ता मनखे ए अऊ ओह अपन जम्मो काम म स्थिर नइं ए।

1 कोनो सियान मनखे ला झन डांट, पर ओला अपन ददा सहीं जानके समझा दे। जवानमन ला भाई,