Humildade

10 प्रभुक आघे नम्र बनो, तब ऊ तुहुरिन्के आदर करहीँ।

6 तबेकमारे परमेश्वरके आघे अपनहे नम्र बनाऊ, जे सुरक्षा देहक लग बल्गर बताँ। ताकि ऊ ठिक समयमे तुहुरिन्हे सम्मान दिँत।

3 स्वार्थ या घमण्डसे कुछु ना करो, पर जतरा आदर तुहुरे अपनहे करथो, उहिसे धेउर आदर तुहुरे दोसुर जहनहे करो।

20 हमार परमेश्वर बाबक महिमा सदासर्वदा हुइती रहे। आमेन! (यकर मतलब हुइत, अस्तेहेँ होए।)

ख्रीष्टियन जीवन

12 जब कि परमेश्वर तुहुरिन्हे अपन पवित्र मनै हुइक लग चुनल बताँ, और तुहुरिन्हे प्रेम करथाँ। तबेकमारे तुहुरे करुणा, भलाई, दीनता, नम्रता और सहनशीलता धारण करो।

2 अर्थात सारा दीनता और नम्रतासे, और धिरजतासे और तुहुरिन्मे रहल प्रेमके कारण तुहुरे एकदोसर जहनके व्यवहारहे सहलेऊ।

पवित्रआत्मामेसे जीवन

13 हे मोरिक विश्वासी भैयो, परमेश्वर तुहुरिन्हे स्वतन्त्र करक लग बलैले बताँ, तबेकमारे तुहुरिन्हे आब मोशक नियम कानुन पालन करे परना कौनो जरुरी नै हो। पर तुहुरे उ स्वतन्त्रताहे अपन शरीरके खराब इच्छा पूरा करक लग पापी स्वभावहे मौका ना देऊ। बेन एकदोसर जहनहे प्रेम करो और एकदोसर जहनके सेवा करो।

मजा काम करेबेर अइना दुःख

8 अन्तिममे विश्वासी भैयो, मै तुहुरिन्हे यी कहे चाहतुँ, कि तुहुरे एकतामे बैठो, एकदोसर जहनके लग सोँचो। एक्के परिवारके सदस्य हस एकदोसर जहनहे प्रेम करो। एकदोसर जहनहे दया देखाऊ, और एकदोसर जहनसे नम्र होऊ।

3 अपनहे सुग्घुर बनाइक लग अपन भुट्लामे रहर लग्तिक झोँटी ना बनाऊ। और सोन, मोती और बहुत महिँगा लुग्गा लगाके दोसुर जहनके ध्यान अपन ओहोँर ना तानो। 4 तुहुरिन्के भित्री मनमे रहल बात तुहुरिन्हे सुग्घुर बनाइत। उ कलक तुहुरिन्के नरम और शान्त व्यवहार हो, जोन परमेश्वरके लग बहुत किम्ती बा।

29 मोरिक जुवा *अपन उप्पर उठालेऊ, और मोरिक संग सिखो। काकरेकी मै विनम्र और कोमल मनके बतुँ। तब् तुहुरे अपन प्राणमे अराम भेटैबो। 30 काकरेकी मोरिक जुवा सहज बा, और मोरिक भरवा हलुक बा।"

2 "तबेकमारे जब तुहुरे दान देबो, तब् औरे जहनहे देखाइक लग ना करो, जसिके कपटीन यहूदी बैठक भवनमे और डगरमे करथाँ, ताकि मनै ओइन्के प्रशंसा करिँत। जात्तिके, मै तुहुरिन्हे कहतुँ, मनैनके प्रशंसक रुपमे ओइने अपन ईनाम भेटासेकल बताँ।

35 येशू बैठ्गिलाँ, और बाह्रथो चेलनहे बलाके अपन चारु ओहोँर जमा करलाँ और कलाँ, "यदि तुहुरिन्केमेसे केऊ भारी हुई चाहत कलेसे, अपनहे उहि अतरा नम्र बनाई परी कि ऊ सक्कुहुनसे छुटी बा।"

48 और ओइन्हे कलाँ, "जे मोरिक नाउँमे यी लौँदाहे स्वीकार करत, उ महिन्हे स्वीकार करत। और जे महिन्हे स्वीकार करत, उ महिन्हे पठुइयाहे स्वीकार करत। काकरेकी तुहुरे सक्कुजहनमेसे जे सक्कुहुनसे छुटी बा, वहे भारी रहत।"

ख्रीष्टियन परिवार सम्बन्धी शिक्षा

18 हे जन्नी मनै, तुहुरिन्हे अपन-अपन थरवक अधिनमे रना चाही। काकरेकी ख्रीष्टके विश्वासी हुइलक ओहोँरसे तुहुरे असिक करे परना हो। 19 हे थारु मनै, अपन-अपन जन्नीनहे प्रेम करो, और ओइन्से नम्र रहो।

16 एकदोसर जहनके ओत्रेहे ध्यान देहो, जतरा ध्यान तुहुरे अपन धरथो; घमण्ड ना करो; पर नम्र मनैनके संगत करो; अपन नजरमे बुद्धिमान ना बनो।

27-29 पर परमेश्वर असिन मनैनहे रोज्लाँ, जेनहे संसारके मनै मूर्ख मानिँत। ताकि परमेश्वर उ मनैनके लाज कराई सेकिँत जेने सोच्थाँ कि हम्रे जन्नाहाँसुन्नाहाँ बती। और परमेश्वर असिन मनैनहे रोज्लाँ, जेने कमजोर बताँ ताकि परमेश्वर बल्गर मनैनके लाज कराई सेकिँत। और जेनहे संसारके मनै एकदम खास मन्थाँ, ओइन्हे नाश करक लग परमेश्वर असिन मनैनहे रोज्लाँ, जेनहे संसारके मनै हेल्हा करथाँ। और असिन मनैनहे रोज्लाँ, जेनहे संसारके मनै कुच्छु फेन नै हो कहिके मन्थाँ। परमेश्वर असिके यहे कारणसे करलाँ ताकि कौनो फेन मनैया परमेश्वरके आघे घमण्ड करे ना सेके।

दुई मेरके बुद्धि

13 तुहुरिन्मेसे बुद्धिमान और समझदार के बा? यदि तुहुरे बुद्धिमान और समझदार बतो कलेसे मजा जीवन जिके और उ नम्रतासे जोन तुहुरिन्के ज्ञानसे आइत, तुहुरे मजा काम करे परत।