Humildade
A humildade é o caminho da honra verdadeira. Deus resiste aos soberbos, mas dá graça aos humildes. Jesus lavou os pés dos discípulos e nos ensinou que o maior é aquele que serve.
Humilhar-se diante de Deus
Humilhai-vos diante do Senhor e Ele vos exaltará. Quem se humilha será exaltado, e quem se exalta será humilhado.
Ene yegl ersre, Yaglno Kade moglmara mogl atne edibi, yene ere mogl, ene ake mitna edenabuka.
Yegl pre ene mudu God yobuglomo podo pamedi prisre, ye moglmara mogl atne ede molo. Ene yegl eribi, ege swara ta God wakai prumere ene ake mitna edenabuka.
Humildade como virtude
Considerai os outros como superiores a vós mesmos. Revesti-vos de humildade, mansidão e paciência no trato uns com os outros.
Ene swara swarade moraiglmara i, ene enene we di prikre, te ene kagno kade inamnedi pre taragl swara kaima ta erekrio. Ene yegl ta erekre, enene pre i atne edidre, agroma abaroma tau moraiglkwa i pre i mitna edio.
Ana nono Neno Kade God i, nono aimadi kamin ye kagie kade tedre, ye debie si pai moramga paugwa. Kaima.
Nono mogl atne edidre, deno muduno te ikne ikne edinamga paugwa
God ene kere idre, yoba pere moraiglmedi edidre, ene dem muduo togwa. Yegl erukwa pre ene mabuno tau eraiglkwa paugwa i, yegl mere paugwa, ene kiede mogl, mogl atne edidre, yoba mitno gogl, mabuno wakai ere tenaiglkwa paugwa. Te, ene yoba tabre deno kubro tekrio.
Ene enene mogl atne ede, deno muduno wida di idre, deno tabre kubrokraiglmedi prika. Te, ene enene deno muduno ikne ikne tenaiglkwa paugwa. Yegl pre, pre mediglkwa yoba ta ene aglau ere tebi, ene ye aglau erikwa i pre moglkrio.
Agrama abarama wagle, ene prio! God ene lo mina atne kane paikre, yoko kaima moraiglmedi agle dugwa. Ba ene kane paikrumnedi prisre, deno muduno goglo duglo boglkrio! Ene yoko kaima munedi prisre, ene ikne ikne wakai kan, niglno kogono ere teo!
Mabuno wakai ikne ikne ere tenamga paugwa
Ana na ene siragl mere mogl pai eraiglkwa pre di wiga i, ka okuo kaima ta dinaglka i, yegl dinaglka, ene mudu nomano swara yedre, ikne ikne mitno gogl, agroma abaroma mudu deno muduno teo. Te, ene ama mogl atne edidre, enene ikne ikne ere wakai ere teo.
Ana ene abu meglkwa i, ene nagino meda keme ekin garaiglkwa i, kuno ta erekrabuka. Ene bitno yugu ere wakai ersre, taragl gol mina bekigwa mo kugugl gagl wakai edidre, ekin gaunedi prikrio. Ene ekin kaima garaiglkwa i, ogono nagino mina gaglkraiglkwa ba ene deno muduno wida di idre, kiede meglbi, ene ekin kaima gaiglkwa mere yegl panabuka. Ekin yegl mere i, God wakai kaima yomedi kanugwa. Te, ekin i ama dudukrabuka, aimadi yei pai morabuka.
O exemplo de Jesus
Aprendei de mim, que sou manso e humilde de coração. O maior entre vós seja o que serve — esse é o caminho do Reino.
Na mogl mitna edekre, yoba ere wakai ere teiga yoba moglka pre ene na mabunona bekio. I siragl pre ene na mabunona beke moglsre, duglo beglbi, ene kaima ir si prisre, deno muduno wida di inaiglkwa. I siragl pre na ene na duglo boraiglmara i, na ene yubun podo kake tenaiglmedi tekraglka. Taragl tau u dinabuka i keme ene kakenaiglmedi tenaluwe dugwa.
Ene mige moni i pi goduglme yoba tenaiglkwa igne, ene yoba ta dede, aglage kaglkane ere, debino sinaiglmedi dedekrio. Yoba mabuno kibi erikwa i, yoba debino sinaiglmedi ka mabuno yugu ya yoba meglmara biugel sio digwa i, ye ka kaima topono i kodigwa.
Ana Jisas ame didre, ye duglo beglkwa yagl magigl ya wio di togo, wigo, Jisas ye di te, yegl dugwa, Ene ta kade moragledi pratnga i, ene mogl atne edidre, yoba ake ple di tenatnga pamiwe dugwa.
ye duglo beglkwa yagl yegl di togwa, Na kagna mina gak kebra magigl moglkwa i di inatnga i, na di inga paugwa. Te, na di inatnga i, ene God, na dedugo, wiga i, ama di inga mere yegl paugwa. Te, yoba ira ta ene meglmara kagno paikrukwa i, God ye kagno pamedi kanugwa.
Humildade verdadeira
O que se exige de ti? Praticar a justiça, amar a misericórdia e andar humildemente com teu Deus.
Gak neno manoma ya kogon erikwa ya bitno yoba bogl mabuno siragl mere eraiglkwa
Ene abu, yagl ebinoma ta meglkwa i, ene winoma kano prisre, mogl atne edenaiglkwa paugwa. Yaglno Kade mabuno i du pamedi kanugwa pre ene pre mediglkwa abu ta meglkwa i, yegl erio. Te, ene yagl, abu winoma ta meglkwa i, ene ebinoma deno muduno tedre, ye deno muduno ere kide eramnedi erekrio.
Ene ikne ikne deno muduno swara yei moraiglkwa. Te, ene mogl mitna edidre, yoba kade munedi prikre, yoba ta kagno paikrukwa i bogl akie wan, ye meglmere yegl, kuno moraiglkwa.
Te, yoba togl meda meglkwa i kanigwa, ene yoba tom tai, yoba yoko, kagno paikrukwa meglmedi kanigwa. Yegl kanigwa ba God ene agle dugo, ene ede suna wimara i mina ye i nogugl ede, yoba ta kagno pamedi prikwa yobamo i kagno ta paikrumedi i nogugl edugwa. God gumuglo mina yoba ye yene kagno ake mitna ede dinaiglmedi prukwa pre mabuno yegl erukwa.
God nomane wakai norukwa i, yegl mere paugwa
Ana ene tau nomano wakai pamedi pribi, ene mogl atne edidre, mabuno wakai eraiglmara i mina, nomano wakai i, i nogugl edenaiglkwa paugwa. Yegl eribi, ene mabunono wakai i, yoba kandre, ene nomano wakai pamedi kanaiglkwa.