10 तम्हैं प्रभू सम्हनै निं घमंड करी ताकि सह तम्हां खास बणाईं करै ठीक मोक्‍कै दी बढाओए।

6 तैही रहा परमेशरा सम्हनै सादै-सिधै ज़हा का थारी फाज़त करनैओ बल आसा। ताकि सह थारअ तैहा धैल़ी अदर करे ज़ुंण तेऊ काढी आसा डाही दी।

14 तेखअ ज़ै तिंयां मुंह सेटा अरज़ करे अर ज़ै तिंयां दिला का पाप करनअ छ़ाडे, तै हेरनी मुंह स्वर्गा का तिन्‍नें अरज़ शूणीं अर तिन्‍नें पाप माफ करी करनी मुंह तिन्‍नें ज़िम्मीं-ज़ैगा भिई रज़दी-पज़दी।

8 किल्हैकि तूह बिधाता आसा धर्मीं अर झणैल़ू,

तूह खोज़ा पापी मणछा का कि किहअ लागा तेरी बाता हांढणअ।

9 भोल़ै मणछा का सखाऊआ तूह भलअ करनअ अर

इहअ कि तूह किज़ै च़ाहा।

23 शरेरै मणछा लागा ज़रूर ठोहल़,

पर मानदार मणछे करा सोभै इज़त।✝

12 बरैबाद हणैं का आजी एछा मणछा घमंड,

अदर हआ तेऊ ई मणछो ज़ुंण मानदार हुअ।

3 ज़ेऊ साबै तम्हैं ज़िन्दगी ज़िऊआ, तेथ निं सिधअ आपणअ नफअ भाल़णअ। घमंडी निं हणअ। हथू करनी होरीए बी इज़त। होर मणछ बी समझ़णैं आप्पू का खास।

20 म्हारै प्रभू अर बाब परमेशरो प्रतप्प लोल़ी जुगै-जुगै हंदअ रहअ। एवमस्तू

12 तै आसा परमेशरै तम्हैं आपणैं पबित्र लोग हणां लै छ़ांटै दै अर सह करा तम्हां लै झ़ूरी, बडी झींण, भलाई, शरीफ, मानदार, झ़ूरी अर सबर करनै आल़ै।

2 तम्हैं लोल़ी शरीफ, मानदार, सबर करनै आल़ै अर एकी दुजे गलती ज़िरी बी झ़ूरी करनै आल़ै।

13 ए भाईओ, तम्हैं आसा परमेशरै आज़ाद हणां लै शादै दै अर ऐबै निं तम्हां मोसा गूरे बधाने गलामी दी रहणें ज़रुरत आथी, पर इहअ निं सोठा कि तम्हैं आसा देहीए पापी सभाबे साबै काम करना लै आज़ाद। एकी-दुजै संघै करा झ़ूरी अर च़ाकरी तम्हैं आसा एता करना लै आज़ाद।

8 खिरी बोला हुंह तम्हां सोभी लै इहअ कि तम्हैं सोभै रहा आप्पू मांझ़ै एक मन्‍न हई। एकी-दुजैओ डाहणअ धैन-खैल। एकी-दुजै संघै करा भाई अर बैहणी समझ़ी झ़ूरी, होरी लै हणअ झणैल़ू अर घमंड निं कधि करनअ।

3 थारअ हार शंगार निं लोल़ी दखाऊटी हुअ, थारअ शंगार लोल़ी इहअ हुअ ज़ुंण परमेशरे लोगा शोभा दैआ, नां कि कई रंगे गुछ़टी बाली करै अर सुन्‍नैं-च़ंदी, मोती, अर किम्मती झिकल़ै बान्हीं करै। 4 तम्हैं लोल़ी भितरी थारै दिला का शोभलै हुऐ, ज़ुंण शोभा सदा रहा। मतलब थारअ सिधअ-सादअ सभाब अर शांत बभार ज़ेतो मोल परमेशरा का खास्सअ शुझिआ।

29 "मेरअ जूँ जोचा आपणैं कैल़ै, संघा शिखल़ा मुखा सत्त। हुंह आसा झणैल़ू अर मानदार। मुंह करनी थारी मज़त, तेखअ भेटणीं थारै शाह शांती। 30 किल्हैकि मेरअ जूँ आसा सान अर ज़ुंण मुंह तम्हां लै बोल़णअ सह करनअ निं तम्हां लै कठण हणअ।"

2 "तैही बोला हुंह, ‘ज़ै तूह गरीबा लै दान करे, सह निं सोभी का लागदअ खोज़णअ कि मंऐं किज़ै दैनअ। ज़िहअ कपटी मणछ सभागृहा अर बागै काढा रहैऊंणा लै। ताकि लोग तेता भाल़ी तिन्‍नें बड़ैई करे।’

"हुंह खोज़ा तम्हां का सत्त कि तिन्‍नां गअ तेतो फल भेटी।

35 तेखअ बेठअ ईशू धरनीं अर तिंयां बारा च़ेल्‍लै शादै आप्पू सेटा, संघा बोलअ तिन्‍नां लै इहअ, "ज़ै तम्हां मांझ़ै कुंण बडअ हणअ च़ाहा, तेऊ लागा पैहलै सोभी का होछ़अ सोभिओ दास हणअ।"

48 संघा बोलअ ईशू तिन्‍नां लै, "ज़ुंण बी मेरै नाओंऐं एऊ शोहरूए कदर करे, सह करा मेरी अर परमेशरे दुहीए कदर ज़ुंणी हुंह संसारा लै आसा छ़ाडअ द। किल्हैकि ज़ुंण तम्हां मांझ़ै होछ़ै का बी होछ़अ आसा सह आसा सोभी का बडअ।"

4 मानदारी दी रहणअ बिधाते डरा हेठै,

बिधाता दैणीं तम्हां लै लाम्मी अमर, माया अर अदर पुआज़अ।

33 बिधातो अदर करी एछा अक्ल ई,

ज़ै तम्हां अदर लोल़ी, तै लागा शरीफ हणअ।

2 ज़ुंण मणछ घमंड करा, तिन्‍नां पल़ा बादा का शर्मिंदै हणअ,

पर अक्ली आल़अ मणछ हआ शरीफ।

8 ओ मणछो! मंऐं परमेशर बिधाता आसा तम्हां का खोज़ी हेरअ द कि भलअ किज़ै आसा अर किज़ै आसा बूरअ, ‘हुंह च़ाहा इहअ कि तम्हैं धर्मीं अर झणैल़ू होए अर मानदार रही ज़िहअ हुंह थारअ परमेशर बोले तेही ज़िन्दगी ज़िऊए।’"

18 ओ बेटल़ीओ, आपणैं-आपणैं मर्धे डरा हेठै रहा किल्हैकि तम्हैं आसा प्रभू ईशू दी विश्वास करनै आल़ै।✝

19 ओ मर्धो, आपणीं-आपणीं लाल़ी संघै करा झ़ूरी अर तिन्‍नां लै निं काठै रहा बणी।

16 ज़िहअ भलअ तम्हैं आप्पू लै सोठा तिहअ सोठणअ दुजै लै बी, घमंडी निं हणअ पर गरीब आम लोगे संगती दी रहणअ अर आप्पू लै निं इहअ समझ़णअ कि हुंह आसा होरी का खास्सअ समझ़कार।✝

28 परमेशरै छ़ांटै तिंयां मणछ ज़हा अह संसार निक्‍कै अर बृथा समझ़ा ताकि सह तेता बरैबाद करे ज़ेता संसार खास समझ़ा। 29 परमेशरै किअ इहअ एते तैणीं कि तेऊ सम्हनै कोहै घमंड नां करी सके।

13 तम्हां मांझ़ै ज्ञैनी अर समझ़कार कुंण आसा? ज़ुंण इहअ होए सह करै आपणैं भलै कामां बाझ़ी घमंड किऐ अक्ल करै।