Humildade

10 Жаратқан Иенің алдында бой ұсыныңдар, сонда Ол сендерді жоғарылатпақ.

6 Сонымен, Құдайдың құдіретті қолының астына бой ұсыныңдар; Өзі белгілеген уақыты жеткенде Ол сендерді жоғарылатпақ.

14 сонда Менің атыммен аталып жүрген халқым* Маған бой ұсына сиынып, еркімді білгісі келсе* және теріс жолдарынан қайтса, онда Мен оларға көктен құлақ саламын. Мен күнәларын кешіріп, олар тұрған елді сауықтырып, қайтадан амандық пен тыныштық сыйлаймын.*

8 Сен тұратын қасиетті үйіңді,

Ұлылығың мекендейтін орынды*

Сондай сүйемін, уа, Жаратқан Ие.

9 Күнәкарлармен бірге жанымды алма,

Қанішерлермен бірге өмірімді құртпа.

23 Менмендік адамның мерейін түсірер,

Кішіпейілдік оны құрметке жеткізер.

12 Адам құлар алдында асқақ болар,

Абыройы асар алдында кішіпейіл болар.

3 Жеке басының абырой-атағын ойлайтын менмен емес, кішіпейіл болып, басқаларды өздеріңнен жоғары қойыңдар!

20 Құдай Әкеміздің ұлылығы мәңгілік мадақтала берсін! Аумин.

12 Ал енді, Құдай сендерді сүйіп, өз халқым деп таңдап алғандықтан, ұдайы жанашыр, мейірімді, кішіпейіл, ілтипатты, сабырлы болып, осы қасиеттерге бөленіңдер!

2 Барлық жағдайларда кішіпейіл, ілтипатты, бір-біріңе төзімді болып, сүйіспеншілік көрсетіңдер.

Мәсіх жолындағы еркіндік жүгенсіздік емес, ізгілік туындатады

13 Бауырластар, Құдай сендерді еркіндікке шақырды. Бірақ еркіндікті күнәлі құмарлықтарыңды қанағаттандыру үшін теріс пайдаланбаңдар, қайта, бір-біріңе сүйіспеншілікпен қызмет етіңдер!

Әділдік үшін азап шегу

8 Қорыта айтқанда, бәрің де өзара ниеттес, қуаныш пен қайғыға ортақтас, бір-біріңді туған бауырлардай сүйетін, қайырымды да кішіпейіл болыңдар.

3 Сендердің көріктерің сыртқы әшекейлерге: шашты ерекшелеп жинау, алтын әшекей бұйымдар тағып, көз тартарлық әдемі киімдер киюге тәуелді болмасын. 4 Қайта, көріктерің жүректеріңдегі көзге көрінбес ізгі қасиеттеріңнен тұрсын; мейірімді де сабырлы жан дүниелеріңнің* мәңгі солмайтын көркі Құдай алдында аса бағалы.

29 Қамытымды бірге киісіп,* үйреніңдер Өзімнен,

Өйткені жуас, кішіпейілмін шын жүректен,

Тыныштық табады сонда көңілдерің.

30 Себебі ыңғайлы — қамытым Менің,

Әрі жеңіл — жүктейтін міндеттерім».*

2 Сондықтан қайыр бергенде оны екі жүзділер секілді жұрт мақтасын деп мәжілісханалар мен көшелерде жариялатпаңдар!* Сендерге шындығын айтамын: олар алмақ сыйларын осымен-ақ алып қойды.

35 Иса жайғасып отырғаннан кейін, он екі елшісін қасына шақырып алып:

— Кім ең бастыларың болғысы келсе, сол бәріңнен де кішік болып, бәріңе қызмет ете берсін! — деді.

48 — Кім осындай сәбиді Менің атыммен қабылдаса, соның Мені де қабылдағаны. Ал кім Мені қабылдаса, оның Мені Жібергенді де қабылдағаны. Естеріңде болсын: араларыңда ең кішік кім болса, ең ұлыларың — сол.

4 Жаратқанды терең қастерлейтін кішіпейілдер

Байлық, абырой, шынайы өмірге кенелер.

33 Жаратқанды шын қастерлеу даналыққа үйретер

Және кішіпейіл жанның абыройы өсер.

2 Менмендікке масқара серік,

Кішіпейілге даналық серік.

8 — Уа, адам, Жаратқан Ие саған ненің игілікті екенін білдірген еді. Ол сенен нені талап етеді? Әділ істер істеп, мейірімділікті ұнатуыңды, әрі сиынатын Құдайыңмен тығыз байланыста болып кішіпейіл жүруіңді талап етеді емес пе?!*

Сенушілердің отбасындағы өмірі

18 Әйелдер, күйеулеріңе мойынсұныңдар!* Иемізбен байланыстағы сендердің осылай істегендерің жөн.

19 Күйеулер, әйелдеріңді сүйіп, оларға қатаң болмаңдар!

16 Өзара ынтымақтас болыңдар; өркөкірек емес, кішіпейіл болып,* өздеріңді басқалардан ақылды санамаңдар!

28 Осы дүние маңызды деп есептейтіндерді жою үшін Құдай осы дүниенің менсінбей, қорлап, түкке тұрғысыз деп санағандарын таңдап алды. 29 Осылайша Құдайдың алдында ешкімнің де мақтануына болмайды.

Шынайы даналық жанжалға бастамайды

13 Араларыңдағы қайсың парасатты да саналысың? Сондай адам онысын үлгілі мінез-құлқымен, парасатты инабаттылығымен көрсетсін.