Humildade

10 Gu̱xrígú-mijnálaꞌ ná inuu Ana̱ꞌlóꞌ, jamí ikhaa̱ ma̱ꞌnii̱ rí ma̱gi̱ꞌdoo numalaꞌ.

6 Ikhaa jngó, gu̱xrígú-mijnálaꞌ ná inuu Ana̱ꞌlóꞌ tsí gíꞌdoo mbá xúgíí tsiakhe̱, kajngó ikhaa̱ ma̱ꞌnii̱ rí phú ma̱gi̱ꞌdoo numalaꞌ ído̱ gága̱nú mbiꞌi.

3 Asndo náá rí nu̱ne̱laꞌ, ma̱xátsa̱ña̱ꞌlaꞌ ni máꞌ mu̱xúxu̱xí-mijnálaꞌ. A̱ꞌkhue̱n gakon gu̱ne̱-waba-mijnálaꞌ, jamí mbámbáa gáju̱mu̱u̱ rí i̱tha̱án gíꞌdoo numuu dxájuu xó rí ikhaa.

20 A̱gu̱ma-mba̱a̱ mbá jámuu mbiꞌi Táta̱ Ana̱ꞌlóꞌ. Xkuaꞌnii gáꞌne.

12 Maphú nandoo Ana̱ꞌlóꞌ jaꞌyalaꞌ, rí asndo niraꞌwáa̱nꞌlaꞌ rí ma̱nindxa̱ꞌlaꞌ xa̱bii̱. Ikhaa jngó jámba̱ miꞌtsú ga̱ñáwíin a̱kia̱nꞌlaꞌ, ga̱ꞌne májáan a̱kia̱nꞌlaꞌ, gu̱xrígú-mijnálaꞌ, ga̱ꞌne gamakuáanꞌlaꞌ, jamí ma̱xájiꞌnáaꞌlaꞌ nacha̱ guéño.

2 Gu̱xrígú-mijnálaꞌ jamí gamakuáanꞌlaꞌ gáꞌne. Ga̱ꞌngo̱o̱ a̱kia̱nꞌlaꞌ ju̱ya̱-mijnálaꞌ numuu rí nandalaꞌ ju̱ya̱-mijnálaꞌ.

13 Xómáꞌ ikháanꞌlaꞌ rá, a̱ngui̱nꞌ, tándxaꞌwálaꞌ Ana̱ꞌlóꞌ rí mi̱ꞌthán-ñájwanlaꞌ gáꞌne xtángoo. Ra̱ꞌkhá rúꞌkhue̱n iꞌthán rí ma̱goo mu̱ne̱laꞌ asndo wátha̱ inii rí xkawe̱ꞌ rí nandoo gáꞌne xuyalaꞌ. A̱ꞌkhue̱n gakon, gu̱ne̱-mba̱a̱-mijnálaꞌ kajngó ma̱kujma rí nandalaꞌ ju̱ya̱-mijnálaꞌ.

Xáne gíꞌmaa rí ma̱ju̱wá xa̱bi̱i Ana̱ꞌlóꞌ ná numbaa

8 Rí nda̱wa̱á jayu rá, mbá xúgiáanꞌlaꞌ gu̱ru̱wa̱a ju̱ma̱ꞌlaꞌ. Gu̱mbáñúúlaꞌ tsí guáꞌdáá gajmá. Ga̱galaꞌ ju̱ya̱-mijnálaꞌ xómá nandúún juya-mijná mbá guꞌwíin xa̱bo̱. Ga̱ñáwíin a̱kia̱nꞌlaꞌ ju̱ya̱-mijnálaꞌ jamí gu̱xrígú-mijnálaꞌ.

3 Ma̱xáxná-gamiéjwanlaꞌ rí mu̱ne̱-ratha-mijnálaꞌ guéño ga̱jma̱á xtíin rí phú numuu, ni máꞌ xábí ajwa̱nꞌ mo̱jmo̱ꞌ, ni máꞌ rí mu̱ne̱-ratháálaꞌ guéño xó rí nu̱xtígúu idxa̱ꞌlaꞌ. 4 I̱wa̱á máján rí ga̱ri̱gá rí mitsaan ná awúun a̱kia̱nꞌlaꞌ, rí ma̱xámangua̱ꞌlaꞌ jamí rí ma̱ꞌne gamakuáanꞌlaꞌ. Rúꞌkhue̱n rí phú i̱tha̱án gíꞌdoo numuu ná inuu Ana̱ꞌlóꞌ.

35 A̱ꞌkhue̱n ni̱ge̱ꞌe̱ Jesús, nindxaꞌwúu̱n tsí mbá gu̱wa̱ꞌ i̱jmi̱i (12), jamí xáꞌnii niꞌthúu̱n: «Xí mbáa nandoo ma̱nindxu̱u̱ xa̱bo̱ ginii, ikhaa tsúꞌkhue̱n jaꞌyoo rí ma̱nindxu̱u̱ tsí nda̱wa̱á jayu ná inúú mbá xúgíin, jamí ikhaa̱ ma̱ꞌne-mba̱ꞌwuu̱n mbá xúgíin xa̱bo̱».

48 A̱ꞌkhue̱n niꞌthúu̱n tsí naꞌsngúu̱n: «Asndo tsáa tsí na̱grui̱guíi ada̱ tsíge̱ꞌ ga̱jma̱á numuꞌ, ikhúúnꞌ máꞌ i̱grui̱gúu̱n. Jamí tsí na̱grui̱gúúnꞌ ikhúúnꞌ, na̱grui̱guíi̱ máꞌ tsí nixúngu̱únꞌ mangaa. Numuu rí xa̱bo̱ tsí i̱wa̱á lájwíin ná majña̱ꞌ mbá xúgiáanꞌlaꞌ, ikhaa tsúꞌkhue̱n tsí phú i̱wa̱á gíꞌdoo numuu».

Xáne gíꞌmaa rí ma̱ju̱wá tsí nagóó tsu̱du̱u̱ Krísto̱

18 Ikháanꞌlaꞌ nána̱ tsáanꞌ ni̱nújúnlaꞌ, gu̱ne̱-mbáníílaꞌ rí nuthanlaꞌ a̱jmbialaꞌ, numuu rí rúꞌkhue̱n jaꞌyoo rí mu̱ne̱laꞌ tsáanꞌ nanimba̱ꞌlaꞌ ju̱ya̱á Táta̱.

19 Ikháanꞌlaꞌ táta̱ tsáanꞌ ni̱ni̱ꞌgúúnlaꞌ, ga̱galaꞌ ju̱ñu̱ú gu̱ꞌwia̱ꞌlaꞌ, jamí mu̱xúñúu̱laꞌ mi̱ndaꞌkho.

16 Gu̱ru̱wa̱a ju̱ma̱ꞌlaꞌ gajmiálaꞌ i̱ꞌwíin. Mu̱xúxu̱xí-mijnálaꞌ, rí ga̱mbáxa̱ꞌ gajmiálaꞌ tsí ngíníi. Ma̱xáju̱ma̱ꞌlaꞌ rí ikháanꞌlaꞌ phú na̱ma̱ñalaꞌ mbá xúgíí.

28 Ikhiin tsí tsíjmii jayu, tsí ndawa̱a̱ tsí iya-makúún, jamí tsí nda̱a̱ nitháan numúú, tsúꞌkhue̱n niraꞌwíin Ana̱ꞌlóꞌ kajngó ma̱ꞌne-matii̱nꞌ tsí gíꞌdoo numúú. 29 Ikhaa jngó nimbáa ma̱xákúxe̱-mina̱ꞌ ná inuu Ana̱ꞌlóꞌ.

A̱jma̱ inii ná na̱ꞌkha̱ rí na̱ma̱ñúú xa̱bo̱

13 Á xtáa mbáa tsí gakon rí na̱ma̱ñuu jamí nafroꞌo̱o̱ náá rí máján ma̱ꞌne ná majña̱ꞌlaꞌ dxe̱ꞌ. Gasngájmee̱ ne̱ ga̱jma̱á majñu̱u̱ rí gamakuii̱ jamí rí tsíkúxe̱-mine̱e̱ꞌ ído̱ naꞌnii̱ rí máján.