31 एतरे ए भायु! आहयी वात ने जाणीन आमु ह़ु कीया? आहयु कीया के कदीम भगवान अमारी वगो से, ता अमारो वीरोद कोय करहे? कोय नी करे।

13 जे मने सक्‌ती आपे, तीनी मे मे आखु कंय कर सकत्‌लो से।

7 काहाके भगवान आपणु ने बीक नी आत्‌मा नी, पण ताखत, अने मोंग, अने गम नी आत्‌मा आपलो से।

3 नीस्‌तु आहयु नी, बाखीन आमु दुख मे बी घमंड करो, आहयु जाणीन के दुख मे धीरज से। 4 अने धीरज सी खरा नीकळवा, अने खरा नीकळवा सी आह पयदा हये। 5 अने आह सी लाज नी आवे, काहाके जे चोखली आत्‌मा आमने आप मेली तीना लारे भगवान नो मोंग आपणा मन मे नाख मेल्‌यो।

35 एतरे खुद नी हीम्‌मत ना सोड़ो काहाके हीनु फोळ मोटु से।

10 जे दुख तने झेलवा पड़हे, तीनी सी ना बीहे। काहाके देखो, भुतड़ो तमारी माय्‌न थोड़ाक ने जेल मे कुंडवा वाळो से के तमने पारखे; अने तमने दह दाड़ा लग दुख झेलवा पड़हे। जीव आपते लग भरहो करन्‌यो रे, ता मे तने तारा जीक नु ईलाम जीवाय आपही।"

33 हाव आहयी कळी मे तमने दुख झेलवा पड़हे। ते बी हीम्‌मत राखजो, मे आहयी कळी ने जीक लेदलो से। मे आहयी आखी वात आनीन करते केदलो से, के आव्‌वा वाळा दाड़ा मे तमु दुख झेलता जाय्‌न बी मारी मे सांती हात कर लेवो तेम।

16 एतरुत नी करते आमु हीम्‌मत नी सोड़या। भले अमारा डील मे नो जोर कमतो हयतो जाय र्‌यो हय ते बी अमारी आत्‌मा दाड़ी-दाड़ीक नवली हयतीत जाय री। 17 काहाके अमारी थोड़ीक वार नी हळकली वेला अमारी जुगु घण-जबर फायदा वाळी से अने आहयी आमु ने जलमकी बड़ाय मे जवा करीन मदत आपती जाय। 18 एतरे आमु देखली चीज ने नी; पण वण-देख्‌याण चीज ने भरहा नी लारे एकडीट्‌या भाळ रीया; काहाके देखाये तीहयी चीज थोड़ाक दाड़ा तक टेकहे; पण वण-देख्‌याण चीज अमरकाय नी जलमकी बण्‌ली रेय अने रेहे।

23 अने ईसु तीने केदो, "कदीम तने बणे, ता एम मने ह़ु करवा केय? भरहो करवा वाळा वाटु आखु कंय हय सके।"

26 ईसु तीमनी भणी भाळीन केदो, "माणहु जुगु ते आहयु, नी बणे एवु से। पण भगवान जुगु आखु कंय बण जाय।"

9 पण जीसम लीखलु से:

"जे चीज डोळा नी देख्‌या, अने कान्‌टा नी ह़मळ्‌या,

अने जे वात माणहु ना वीच्‌यार मे नी आवी,

एवी वात ने मालीक भगवान तीहया मोंग करन्‌या जुगु तीयार करलो से।"