Incentivo

31 Бұл жайында не дейміз? Құдай жақтаса, бізге кім қарсы шыға алады?!

10 Қорықпа, Мен саған жар боламын,*

Абыржыма, Мен сенің Құдайыңмын!

Саған қуат беріп көмектесемін,

Жеңімпаз қолыммен сүйемелдеймін.

31 Ал сенім артқандар Жаратқан Иеге*

Жаңа күш-қуатты иемденеді де,*

Қырандай қанаттарын жайып кеңістікке*

Самғай жөнеледі, алайда талмайды,

Жүре береді, бірақ еш болдырмайды.

13 Себебі маған күш-қуат беретін Мәсіхпен бірге болсам, бәріне де төзе аламын.*

6 Қайратты да батыл болыңдар, жауларыңнан еш үрейленіп қорықпаңдар! Себебі Құдайларың Жаратқан Ие сендермен бірге жүріп жар болады. Ол сендерді ешқашан тастап та кетпейді, жалғыз да қалдырмайды.*

7 Өйткені Құдай бізге қорқыныш емес, күш, сүйіспеншілік және ұстамдылықты дарытатын Киелі Рухын сыйлады.

3 Иә, тіпті азап шегіп жүрсек те, шаттана аламыз. Себебі азаптың бізге шыдамды болуды үйренуге көмектесетінін білеміз. 4 Шыдамдылықтан сенімділік* туады, ал сенімділік бізге үміт береді. 5 Бұл үміт алдамшы қиял емес, өйткені бізге сыйлаған Киелі Рухы арқылы Құдай жүрегімізді Өзінің сүйіспеншілігіне кенелтті.*

35 Ендеше жігер берген нық сенімдеріңнен* күдер үзбеңдер! Сол үшін берілетін зор сый алдарыңда күтіп тұр.

10 Болашақта басыңнан кешетіндеріңнен қорықпа! Рас, шайтан кейбіреулеріңді түрмеге салып, сынамақ, ал көретін азаптарың он күнге ғана созылады. Өлімге дейін* Маған адал бол, сонда саған «мәңгілік өмір тәжін»* сыйлаймын.

33 Мен бұларды сендер Менімен тығыз байланыста тұрып, тыныштыққа кенелсін деп айттым. Күнәкар дүниеде қысымшылық көресіңдер; алайда батыл болыңдар: Мен осы дүниені жеңіп шықтым!*

Уақытша азаптар және мәңгілік ұлылық

16 Сондықтан да еш мойымаймыз. Тәніміз тозып әлсірегенмен, жан дүниеміз* күн сайын жаңара түсуде. 17 Уақытша көретін жеңіл азаптарымыз бізді өздерінен әлдеқайда зор, тіпті шексіз де мәңгілік ұлылыққа жеткізеді! 18 Сонымен көзге көрінетін емес, көрінбейтін нәрселерге назар тігеміз. Себебі қазір көрініп тұрғандар өткінші, ал көрінбейтіндер мәңгі.

23 Иса оған:

— «Қолыңыздан келсе» деген не сөз? Сенушіге бәрі де мүмкін,* — деп жауап берді.

5 Істеген күнәларым басымнан асты,

Ауыр жүктей денемді жерге жаншыды.

23 Асыға гөр маған көмек беруге,

Құтқарушым менің, уа, Жаратқан Ие.

Құдайға сиыну жыры және сапар бата

1 (Киелі үйге қарай өрлеп бара жатқанда айтылатын жыр.)

«Тауға көзді қадаймын

Қайдан жәрдем келер деп.

6 Орныма жатып, ұйықтаймын бейқам,

Содан оянып, тұрамын қайтадан,

Себебі мені қорғайды Жаратқан.

11 Өйткені сендерге деген ниетім Өзіме аян: сендерге қасірет емес, амандық пен тыныштық бұйырып, болашақ пен үміт сыйлайтын ниетім бар, — деп нық айтады Жаратқан Ие. —

17 Құдайың Жаратқан Ие араңда тұр! Ол — батыр іспетті құдіретті Құтқарушы саған қатты шаттанады, сүйіспеншілігімен сені тыншытып, саған қуанып мерекелейді».

26 Иса оларға қарап:

— Бұл, адамның қолынан келмейді, бірақ Құдайдың қолынан бәрі де келеді, — деп жауап берді.

9 Алайда (Киелі жазбаларда) алдын ала жазылғандай, көз көріп, құлақ естімеген, адам ойына ешқашан келмеген игіліктерді Құдай Өзін сүйетіндерге дайындап қойған.*

12 Бірақ Шаммах егістіктің ортасында тұрып алып, філістірлерді қырып-жойып, егістікті аман сақтап қалды. Осылайша Жаратқан Ие Шаммахты үлкен жеңіске жеткізді.