Intimidade com Deus

8 परमेसवर कै धोरै आओ तो वो भी थारे धोरै आवैगा। हे पापियों, अपणे जीवन तै पाप दूर करो, अर हे दोगले माणसों अपणे मन नै पवित्र करो।

हमेशा की जिन्दगी कै खात्तर एक न्योंदा

1 यहोवा न्यू कहवै से*, "आओ सारे तिसाए माणसों, पाणी कै धोरै आओ; अर जिनकै धोरै रुपया ना हो, थम भी आकै मोल ल्यो अर खाओ! दाखमधु अर दूध बिना रपिये अर बिना दाम* दिए आकै ले ल्यो। 2 जो खाण की चीज न्ही सै, उसकै खात्तर थम क्यूँ रुपया लगाओ सों, अर जिसतै पेट न्ही भरदा उसकै खात्तर क्यूँ मेहनत करो सों? मेरी और मन लगाकै सुणो, फेर बढ़िया चीज खाण पाओगे अर चिकणी-चिकणी चिज्जां नै खाकै सन्‍तुष्‍ट हो जाओगे। 3 मेरे लोगों कान लगाओ*, अर मेरै धोरै आओ; सुणो, फेर थम जिन्दा रहोगे; अर मै थारे गैल सदा का करार बाँधूँगा, यानिके दाऊद तै करी होई अटल करुणा का करार। 4 सुणो*, मन्‍नै दाऊद ताहीं राज्य-राज्य के माणसां कै खात्तर गवाह अर प्रधान अर हुकम देण आळा ठहराया सै। 5 सुण, तू इसी जात्ति नै जिस ताहीं तू न्ही जाणदा बुलावैगा, अर इसी जात जो तेरे ताहीं न्ही जाणदी तेरै धोरै दौड़ी आवैगी, वे तेरे परमेसवर यहोवा अर इस्राएल के पवित्र परमेसवर कै खात्तर न्यू करैंगी, क्यूँके उसनै तेरे ताहीं शोभायमान करया सै।"

6 "जिब ताहीं यहोवा मिल सकै सै तब ताहीं उसकी खोज म्ह रहो, जिब ताहीं वो धोरै सै* तब ताहीं उसनै पुकारो;

24 उनके पुकारण तै पैहलाए मै उननै जवाब देऊँगा, अर उनके माँगदे ए मै उनकी सुण ल्यूँगा।

3 मेरे तै प्रार्थना कर अर मै तेरी सुणकै तेरे ताहीं बड़ी-बड़ी अर मुश्किल बात बताऊँगा जिननै तू इब्बे न्ही समझदा।

11 क्यूँके यहोवा की या वाणी सै, के जो कल्पना मै थारै बारै म्ह करुँ सूं उन ताहीं मै जाणु सूं, वे नुकसान की न्ही, बलके सलामती ए की सैं, अर अन्त म्ह थारी उम्मीद पूरी करुँगा।

परमेसवर खात्तर लालसा

1 जिस तरियां हिरणी नदी के पाणी खात्तर तिसाई सै,

उस्से तरियां, हे परमेसवर, मै तेरे खात्तर तिसाया सूं।

2 जिन्दे परमेसवर, हाँ परमेसवर, का मै प्यासा सूं,

मै कद जाकै परमेसवर नै अपणा मुँह दिखाऊँगा?

प्यासा मन परमेसवर म्ह तृप्त

1 हे परमेसवर, तू मेरा परमेसवर सै,

मै तेरे ताहीं लगन तै ढूँढ़ूगा;

सूक्खी अर निर्जल बंजर धरती पै,

मेरा मन तेरा तिसाया सै, मेरी देह तेरी घणी इच्छा करै सै।

2 इस तरियां तै मन्‍नै पवित्र स्‍थान म्ह तेरे पै निगांह करी,

ताके तेरी सामर्थ्य अर महिमा नै देक्खूँ।

3 क्यूँके तेरी करुणा जीवन तै भी आच्छी सै,

मै तेरी बड़ाई करुँगा।

4 इस तरियां मै जीवन भर तेरे ताहीं धन्य कहन्दा रहूँगा;

अर तेरा नाम लेकै अपणे हाथ ठाऊँगा।

5 मेरा जी मान्‍नो चर्बी अर चिकणे खाणे तै छिक्या हो,

अर मै जयजयकार करकै तेरी बड़ाई करुँगा।

6 जब मै बिछोणे पै पड्या तन्‍नै याद करुँगा,

तब रात के एक-एक पहर म्ह तेरे पै ध्यान करुँगा;

7 क्यूँके तू मेरा मददगार बण्या सै,

इस करकै मै तेरे पंखां की छाया म्ह जयजयकार करुँगा।

8 मेरा मन तेरे पाच्छै-पाच्छै लाग्या सै;

अर मेरे ताहीं तो तू अपणे सोळे हाथ तै थाम्मे रहवै सै।

9 पर जो मेरी जान के दुश्मन सै,

वो धरती की निचली जगहां म्ह जा पड़ैगें;

10 वे तलवार तै मारे जावैंगे,

अर गादड़ां का खाणा हो जावैंगे।

11 पर राजा परमेसवर कै कारण खुश होवैगा;

जो कोए परमेसवर की कसम खावै, वो बड़ाई करण पावैगा;

पर झूठ बोलण आळे का मुँह बन्‍द करया जावैगा।

22 वा महिमा जो तन्‍नै मेरै ताहीं दी, मन्‍नै उन ताहीं दी सै, ताके वे उस्से तरियां ए एक होवै जिस तरियां हम एक सा, 23 मै उन म्ह अर तू मेरे म्ह ताके वे सिध्द होकै एक हो जावै, अर दुनिया नै बेरा पाट्टै के तन्‍नै ए मेरै ताहीं भेज्या, अर जिस तरियां तन्‍नै मेरै तै प्यार करया उस्से तरियां उनतै प्यार करया।"

17 तेरा परमेसवर यहोवा तेरे बीच म्ह सै, वो उद्धार करण म्ह पराक्रमी सै; वो तेरै कारण आनन्द तै मगन होवैगा, वो अपणे प्यार के मारे चुप रहवैगा; फेर ऊँच्‍ची आवाज तै गान्दा होया तेरै कारण मगन होगा।"

9 जै हम अपणे पाप नै परमेसवर के स्याम्ही मान ल्या, तो वो म्हारे पाप नै माफ करण म्ह भरोसेमन्द अर धर्मी सै, अर वो हमनै सारे अधर्म तै शुद्ध करै सै।