8 परमेशरा नेल़ एछा, तै एछणअ सह तम्हां नेल़ बी, ओ पापी मणछो, पाप करनअ छ़ाडा, ओ दोगल़ै लोगो, आपणैं दिल करा शुचै।✝

1 बिधाता बोला आपणीं परज़ा इहअ,

"ज़ेतरै बी नचिशै आसा तिंयां एछा सोभ,

इधी पाणीं सेटा!

ज़हा का किछ़ ढब्बै निं आथी तिंयां बी एछा

संघा निंयां खाणां लै नाज़!

झुटणा लै निंयां दाखो रस अर दुध,

एतो निं तम्हां किछ़ ढब्बै अर मोल लागणअ दैणअ!✝

2 ज़ेता करै तम्हैं रज़दै निं आथी, तेता लै किल्है करा तम्हैं आपणैं ढब्बै बरैबाद?

ज़ेता करै पेट निं रज़दअ, तेता लै किल्है करा मैन्थ?

मेरी गल्‍ल शूणां संघा करा ज़िहअ हुंह बोला तिहअ,

तम्हां भेटणअ बधिया का बधिया खाण-पींण।

3 ओ मेरी परज़ा! ओर्ही एछा मुंह सेटा लै, धैन दैआ,

मुंह सेटा एछा, तै रहणैं तम्हैं ज़िऊंदै!

मुंह करनी तम्हां संघै सदा लै करार अर

तम्हां लै दैणीं मुंह बर्गत ज़ुंण मंऐं राज़ै दाबेदा लै ज़बान दैनी ती।✝

4 मंऐं बणाअं सह* राज़अ अर देशा-देशा लै हुकम करनै आल़अ प्रधान,

तेऊ बाती रहैऊअ मंऐं तिन्‍नां का महान बल।✝

5 ताह करनअ तिन्‍नां देशा लै बी हुकम

ज़हा संघै तेरी भेत-बछ़ैण बी निं आथी ती,

ऐबै एछणैं तिंयां ताह सेटा लै ठुर्हदा कि ताह संघै ज़ुल़े!

हुंह आसा तेरअ परमेशर बिधाता इज़राईलो पबित्र परमेशर,

मुंह करनअ आजू इहअ ई अर

मुंह बढेरनीं तेरी शोभा शान।"

6 बिधाता बाखा फिरा संघा करा तेऊ सेटा अरज़

सह सका अज़ी बी तम्हां भेटी।✝

24 ज़ेतरी तिंयां अरज़ करी निं मुक्‍कणैं तेता का आजी हेरनअ मुंह तिन्‍नें गल्‍लो ज़बाब दैई।

3 तूह कर मुंह सेटा अरज़ अर मुंह हेरनअ तेरी गल्‍लो ज़बाब दैई। मुंह खोज़णीं ताखा एही कठण अर महान गल्‍ला ज़ेते बारै ताखा किछ़ बी थोघ निं आथी।

11 ज़ुंण मंऐं थारै बारै सोठी आसा डाहअ द, तेते बारै ज़ाणा सिधअ हुंह, मेरी सोठ आसा थारै भलाईए तैणीं, सह निं थारी हान्‍नी करने आथी। मेरी सोठ हणीं एही ज़ेथ आजू तम्हां आशा रहे।

1 हे बिधाता, ज़ेही हरनी गाडे पाणीं झुटणा लै फहुंकिआ,

तिहअ फहुंकिआ हुंह ताल्है।

2 हे परमेशर, मुंह आसा ताह ज़िऊंदै परमेशरे एही चिश कि

ताह सेटा हुंह केभै पुजूं!

1 हे बिधाता, तूह आसा मेरअ परमेशर,

मेरअ मन्‍न रहा ताह ई बाखा लागी,

मेरी झ़ूरा सारी देही ताल्है ई,

ज़ेही पाणीं बाझ़ी शुक्‍की ज़िम्मीं,

तेही आसा मेरी आत्मां ताल्है नचिशी।

2 मंऐं भाल़ी तेरी पबित्र ज़ैगा

तेरअ बल अर तेरअ महान धुप्पअ।

3 तेरी झींण आसा मुल्है मेरी ज़िन्दगी का बी पैरी,

मुंह करनी तेरी ई बड़ैई।

4 मुंह रहणअ सारी अमरा तेरअ शूकर करदै लागी,

मुंह फुआरनी अरज़ करना लै उझै ताह बाखा बाहा।

5 तूह रज़ैऊआ मुंह बधिया का बधिया खाणैं पिणैं का खास्सअ,

मुंह बोल़णीं खुशी-खुशी तेरी ज़ै-ज़ैकारे गिहा।

6 सुत्तणै का आजी करा हुंह ताह आद,

सारी राची रहा हुंह तेरै बारै सोठदअ लागी।

7 किल्हैकि तंऐं किई सदा मेरी मज़त,

तेरै फैंखे छ़ैल्‍ली दी रही करनी मुंह तेरी खुशी-खुशी ज़ै-ज़ैकार।

8 हुंह रहा ताह ई पिछ़ू ढाखुई,

तूह डाहा मुंह आपणैं हाथै ढाकी राज्ज़ी-राम्बल़अ।

9 ज़ुंण मुंह मारना लै आसा ताखुऐ दै,

तिंयां डेऊणैं उंधै न्हैरी जम्परी।

10 तिंयां मरनै जुधा दी तलबारा करै,

तिन्‍नें ल्हासा खाणीं शैल़ी अर बणें ज़ीबा।

11 किल्हैकि ताह म्हारै परमेशरा दैणीं राज़ै लै ज़ीत,

ताह करै मनाऊंणी तेऊ खुशी।

ज़ुंण बिधाते नाओंऐं ज़बान दैए,

तिन्‍नां करनी तेऊए बड़ैई,

पर शल़ैघा घल़णै आल़ेए खाखा हणीं बंद।

22 "सह प्रतप्प ज़ुंण तंऐं मुल्है आसा दैनअ द, सह आसा दैनअ द मंऐं तिन्‍नां लै कि तिंयां लोल़ी तिहै एक हुऐ ज़िहै हाम्हैं एक आसा। 23 हुंह तिन्‍नां दी अर तूह मुंह दी ताकि तिंयां सिध्द हई एक हई सके अर ऐहा गल्‍लो संसारा का थोघ लागे कि तंऐं आसा हुंह छ़ाडअ द। ज़ेही झ़ूरी तंऐं मुल्है किई तेही किई तंऐं तिन्‍नां लै बी।

17 थारअ परमेशर बिधाता आसा तम्हां संघै।

सह आसा बलबान अर तेऊ हेरनै तम्हैं बच़ाऊई।

तेऊ हणीं तम्हां करै खास्सी खुशी! सह झ़ूरा च़ुपच़ाप तम्हां लै।

तेऊ बोल़णीं गिह किल्हैकि सह आसा तम्हां करै खास्सअ खुश।"

9 ज़ै हाम्हैं परमेशरा सेटा आपणैं पाप मने, तै आसा परमेशर म्हारै पाप माफ करनै अर हाम्हां म्हारै सारै पापा का शुचै करना लै विश्वास करनै जोगी अर धर्मीं।✝