Irmãos
A comunhão entre irmãos é marca da igreja verdadeira. A Bíblia nos chama a amar uns aos outros como Cristo nos amou — com perdão, encorajamento e cuidado mútuo.
Amor fraternal
Um novo mandamento vos dou: que vos ameis uns aos outros. Nisto conhecerão que sois meus discípulos — pelo amor entre vós.
Ana erme na ene lo kor ta duglo boraiglmedi teiga. Lo kor i, yegl paugwa, Ene deno muduno ikne ikne teo. Na dena muduna ene teimere kuno yegl mere, ene deno muduno ikne ikne teo. Ene yegl eribi, yoba mudu ene kandre, ene na duglo beglkwa yoba meglmedi kanaiglmiwe di, Jisas yegl dugwa.
Yoba ta dena muduna teie dinan, agiglema abaugloma ama dem muduo tenabuka paugwa
Ene dena muduna teiga meglkwa i, nono deno muduno ikne ikne tenamga paugwa. I siragl pre deno muduno tenamga mabuno i, God norukwa. Yoba ta dem muduo yoba pere togwa i, ye God gagigle ta moglsre, God pre kan erukwa yoba ta moglkwa.
Ba yoba ere mogl, deno muduno God tomniwe didre, ye agroma deno muduno tekribi, ka kibi digwa. I siragl pre ye agroma abaroma nogugl akie meglkwa tekrikwa panan, God ye ta kankrikwa pre deno muduno tomniwe dibi, kuno erekrabuka.
Yoba ta ye agigle dem muduo tenan, abuglage sumara wan moglsre, ye agigle yage si dinabedi erabuka.
God gagiglma meglkwa i, ye Jisas Krais pre mediglsre, yobuglo erikwa
Yoba ta Jisas ye God Kere Yugwa Yagl moglmedi pre mediglkwa i, ye God gagiglma meglkwa. Te, yoba ta deno muduno God tebi, God gagiglma ama deno muduno tenaiglkwa.
Deno muduno te ikne ikne edinamga paugwa
Ana ene God kamo kaima paugwa i duglo boglsre, agroma abaroma deno muduno kaima teimara i, ene enene nigl paigwa mere yegl paugwa. Yegl pre ene deno muduno ikne ikne podo te molo.
Comunhão e edificação
Não abandoneis a congregação. Encorajem-se mutuamente, cantem juntos e instruam-se na Palavra de Cristo.
Ana pre mediglkwa yoba tau ye yene akie makai sinaiglkwa i, kide kodigwa ba nono mabuno yegl ta erekramga paugwa. Nono akie makai sinamga paugwa. Te, Yaglno Kade ede ikne unabuka magigl erukwa pre nono kogon podo ersre, deno muduno ikne ikne si gigle di tenamga.
Te, Krais kamo ene nomano ya deno muduno mina kau sinan, ene mogl pai eraiglmara u ta enabuka. Tebi, nomane wakai tenabara i mina ene ikne ikne God kamo duglo boramnedi si gi dio. Ene yegl ersre, te, giglage kane kane mina ene deno muduno bogl God di wakai yei teo. Giglage tau Buk Giglage mina paugwa i ene didre, kaima tau okna digwa i, didre, te, giglage tau Mudu Murubuglo ene nomane tenabere ama ene bekidre, dio.
Ene yegl ersre, enene akie mogl, giglage kaima di ikne ikne edenaiglkwa. Ba ene giglage dinaiglkwa igne, ene drano mina dikrio. Ene deno muduno bogl akie Yaglno Kade giglage di teo.
Perdão e reconciliação
Se o teu irmão pecar contra ti, vai e repreende-o a sós. O perdão e a reconciliação preservam a unidade do corpo de Cristo.
Agro ta tadaglme eran, yoba ta pi, ye di tenabuka paugwa
Jisas ka ta ama yegl dugwa, Ene agitn ta tadaglme eran, ene swara ye moglmara pidre, aglaumo di pogl tenatnga. Di pogl ten, ye nomane inan, pra, ene agitn ere ikne edinga mere yegl paugwa. Ba ene di pogl ten, ye ta prikran, ene yoba swara mo suo akie ye moglmara enaiglkwa paugwa. I siragl pre God kamo dugwa i, yoba suo mo suota mogltre, ka ta dibi, gigle dinabuka.
Agro ta tadaglme eran, yoba ta pi, ye di tenabuka paugwa
Jisas ka ta ama yegl dugwa, Ene agitn ta tadaglme eran, ene swara ye moglmara pidre, aglaumo di pogl tenatnga. Di pogl ten, ye nomane inan, pra, ene agitn ere ikne edinga mere yegl paugwa. Ba ene di pogl ten, ye ta prikran, ene yoba swara mo suo akie ye moglmara enaiglkwa paugwa. I siragl pre God kamo dugwa i, yoba suo mo suota mogltre, ka ta dibi, gigle dinabuka. Ba ene dibi, prikran, ene yugobuno swara moraiglmara di nogugl edibi, ye kaima nomane ta ikran, ene ye yoba meda mo taks igwa yoba mige tau wau simere mere yegl ta moglmedi kanaiglmiwe dugwa.
Na ene kaima di teiga, God heven ibo moglsre, ye taragl tau makinagle pre mane dinabuka i, ene makandigle mogl, mane dinaiglkwa. Te, ye taragl tau makinagle pre pra we dinabuka i, ene ama pra we dinaiglkwa. Te, na aglke ene yegl di tenaglka, ene yoba suo mo suota na kagna mina taragl swara pre ta di pribr, di prabrere mere na Nina heven ibo moglkwa i, ere tenabuka. Yegl pre yoba suo mo suota na kagna mina makai sinaiglkwa i, na ye meglmara suna mogl teiwe dugwa.
Jisas yegl didre, ama yegl dugwa, Ene agitn ta aglau ere tenan, ene deno muduno bogl ye aglaumo kide kodo tekitn, na Nina heven ibo moglkwa i, mabuno kuno yegl mere ene ere tenabiwe di, Jisas yegl dugwa.
Yegl dibi, na king moraglka i, yegl dinaglka, Na ene kaima di teiga, na agrama meglmara suna i, ene yoba swara ta, yoba kade mo yoba yoko kaima ta moglkwa i pra, ake ple di teigwa igne, ene na ake ple di narimiwe di, yegl dinaglka.
I siragl pre yoba ira ta God kamo prisre, duglo boraiglkwa i keme na agrama moglsre, abarama moglsre, manama moglsre, erimiwe di, Jisas yegl dugwa.
Timoti ye pre mediglkwa yoba i, bormai swara meglmedi kanabuka
Ana ene pre mediglkwa yoba meglmara suna i, yagl kidagl ta moraiglkwa i, ene ka muglkudi di tekro. Ye nomane inaiglmedi ka ta di tenatnga panan, na ninama meglmedi kandre, ye ka kiede di to. Te, yagl kulu mo kumugl gak ta suna moraiglkwa i, ye na agrama meglmedi kandre, abu kidagl moraiglkwa i na manama meglmedi kanatnga. Te, abai mor ta suna moraiglkwa i, na abarama meglmedi kandre, ege swara ta ye bogl mabuno kide eramnedi, nomane yegl ta ikro.
Ba yoba ta ere mogl, yoba ta ye bogl bormai swara meglkwa i sugl moglkran, i kide panabuka. I kide panabuka ba ye nem mo mam mo agigle abauglo kaima ta morabuka i sugl moglkran, i kide kaima panabuka. Pre meduglkwa yoba yegl ta eran, ye mabuno kide kaima erukwa. Yoba pre mediglkrikwa i mabuno kide yegl ta erekriko, ye mabuno kide kaima erukwa pre ye ka pre medunga i kide kodugwa mere yegl erukwa.