Irmãos

A comunhão entre irmãos é marca da igreja verdadeira. A Bíblia nos chama a amar uns aos outros como Cristo nos amou — com perdão, encorajamento e cuidado mútuo.

Amor fraternal

Um novo mandamento vos dou: que vos ameis uns aos outros. Nisto conhecerão que sois meus discípulos — pelo amor entre vós.

34 Níchigaali iseri gumadi le hun: Lun hínsiñegua humá húmagua. Ítara kei hínsiñe nun, lunti giñe hínsiñegua humá húmagua. 35 Anhaün hínsiñegua húmagua, hasubudirubei sun gürigia luagu nani humá disipulugu.

João 13:34,35

Ínsiñeni Bungiu

7 Niduheñu hínsiñetiña nun, lunti hínsiñegua wamá wámagua lugundun lúmagiñe Bungiu liabin ínsiñehabuni. Sun le hínsiñehabubei, liráü Bungiu, ani subuditi giñe Bungiu lun.

1 João 4:7

20 Anhein ariñaga aban gürigia: «Hínsiñeti Bungiu nun», ani mínsiñeti líbiri lun, yeeti gürigia ligia; lugundun anhein mínsiñe lubéi líbiri aban gürigia lun, le ariha lumuti, siñabei giñe hínsiñe lan Bungiu lun, le marihin lubéi.

1 João 4:20

10 Le hínsiñehabuti houn líbirigu, lídanñein larugounga, ani úati ni kata lun lábürügüdüni.

1 João 2:10

Afiñeni le agañeirubalin ubóu

1 Sun ha afiñebaña luagu Hesusu lan Krístubei, hagía lirahüñübaña Bungiu; ani sun ha hínsiñehabubaña lun aban úguchi hínsiñehabubaña giñe houn lirahüñü úguchi ligía.

1 João 5:1

22 Guentó, lau gaganbadi humá lun linarün Bungiu lau lubafu Sífiri Sandu, harumaaru hanigi lun gayaraabei lan hínsiñedun hiduheñu luéigiñe Hesukrístu hun le tímatimaati. Lunti lubeiti hínsiñegua humá hungua lau sun taruman hanigi, luma lau sun here,

1 Pedro 1:22

Comunhão e edificação

Não abandoneis a congregação. Encorajem-se mutuamente, cantem juntos e instruam-se na Palavra de Cristo.

25 Wagía afiñetiña, moun lumuti wafalaruni hénpulu hani ha héchubaña lun midin hamá lidan wadamuridagun, lubaragiñe lira, ru wamá gurasu houn wíbirigu, guentotima lau ariha wamani luagu yarafaali lan luéyuri Wabureme Hesukrístu.

Hebreus 10:25

16 Buíngüdaloun luganute Kristu hanigi le gumuti. Arufudaha humá húmawagua eweridiragua huguyame húmawagua lau lichú aau. Heremuha luagu luéirigun Bungiu lau eteingiruni lun tidan hanigi lau sálumu luma burí uremu.

Colossenses 3:16

19 Adimureha humá húmagua luagu luéirigun Bungiu, lau sálumu luma uremu; heremuha lun Wabureme alawaha humeime tidan hanigi.

Efésios 5:19

17 Hámagiñegua gürigia hafurendeira,

kéisigubeirügü lau lan gürabu layarahóua gürabu.

Provérbios 27:17

17 Aban umadaü, súnwandan buidu lan,

ítara liña kei aban íbiri lidan lidaani idiheri.

Provérbios 17:17

24 Anihein umadaguaü ménrengunti lagünrinchagun,

gama lumoun añahein giñe umadagu úaraguatiña sügǘ lau íbiri.

Provérbios 18:24

10 Mígirabaña bumadagu, ni lumadagu búguchi.

Mídinba lau bani turobuli lúbiñoun bíbiri.

Buítimati besinu yarafati sügǘ lau íbiri díseti.

Provérbios 27:10

Perdão e reconciliação

Se o teu irmão pecar contra ti, vai e repreende-o a sós. O perdão e a reconciliação preservam a unidade do corpo de Cristo.

Ligaburi ferudunawa hamá iduheñu luéigiñe Hesukrístu

Mateus 18:15,16

Ligaburi ferudunawa hamá iduheñu luéigiñe Hesukrístu

15 Anhein adüga biduhe wuribani bun, bayanuha luma hábuguarügü, ábame basubudiragüdüni lidurun lun. Anhein adüga gasu bau, gamadaguayaadün. 16 Anhein madügün gasu bau, ábame banügün aban o bián gürigia hanwoun lun sun lan le ariñawagúti, añahein hamaamuga amu gefentiña luagu. 17 Anhein madügün gasu hau, ábame bariñaguni lun hadamurin afiñetiña; anhein madügün gasu lau adamurini, ábame banügüni kei aban mafiñenti luagu Bungiu o kei lan aban aguburahati liseinsuna gumadi, gayara láamuga lasansiruni luriban ligaburi.

18 Ninarün hau luagu le lan hagüragun ya ubouagu, lagürawaguba giñe sielu, ani le hafaragadun ya ubouagu lafaragaduwaba giñe sielu.

19 Nariñahare giñe hun luagu ánhaña lan úarada biama hídangiñe ya ubouagu lun hamuriahan aban katei luma Bungiu le siélubei, líchugubei hun; 20 ladüga le ñein hamuti biama o ǘrüwa óundaragu lidan niri, anahein ñein hamidangua.

Mateus 18:15-20

35 Aba lásurun Hesusu ariñageina:

—Ítara luba giñe ladüga Núguchi Bungiu le siélubei hun anhein ua feruduna lani kada aban hídangiñe líbiri tídangiñe lanigi.

Mateus 18:35

40 Ábame nariñagun houn: "Ninarün hau, furumiñeguarügü katei le hadügübei lun aban hádangiñe namulenu, ka lan lǘnabunbei, nun giñe hadügei".

Mateus 25:40

35 ladüga furumiñeguarügü ha adügüti lugundan Bungiu, hagía namulenubaña, nítunu tuma núguchu.

Marcos 3:35

17 —Mareida humá iyereehabúni tidan hanigi lubá híbiri.

—Erereha humá lun gürigia híledi dan le lunti lan hererehan lun. Maramudagua humá lau lifigoun.

Levítico 19:17

Lóuserun Timotéu hama afiñetiña

1 Madeinhabá lun aban weiriei mutu; lubaragiñe lira, adimurehabá lun kamá hamuga lun búguchi; óusera báñame nibureingiña keisi bamulenu. 2 Óuserabaña wéiyaaña würiña kei bóuserunu búguchu, óusera báñame würiña nibureingiña kei hamuga bítunu, lau lubuidun aritaguni.