Irrepreensível
Ser irrepreensível não é ser perfeito — é viver com integridade diante de Deus e dos homens. A Bíblia nos chama a buscar uma vida reta, pura e sem manchas visíveis de hipocrisia.
O padrão divino
Deus é perfeito e chama seus filhos à integridade. A palavra de Deus é purificada e Ele é escudo dos que caminham na retidão.
Buscar a perfeição em Cristo
Todos tropeçamos em muitas coisas, mas o alvo é a maturidade. Cristo é a fonte da salvação eterna para todos os que lhe obedecem.
इदुरसाटी कि नाव सप्पा मुंदुर हापाळ घन चुकसेगतेव; लेकीन अगर यावारा माताळदुर दा यातोदारा भी गलती माळतीदील रा आव ऊंद सिद्ध मंळसा आन अदिक सप्पा मय मा भी नियंत्रण ईट सकतान.
नाम परमेश्वर अदिक आप्प उन हात्ती शुद्ध अदिक निर्मल भक्ति ईद आद कि अनाथगोळ अदिक रांड्यागोळ्द क्लेश दा आऊन सुधी ताकोमुल, अदिक तान तान इक दुनिया से निष्कलंक ईटुल.
यतिकी हर ऊंद वळ्लीद दान अदिक हर ऊंद परिपुर्ण उपहार स्वर्ग टु अच आद, अदिक अद आ परमेश्वर उन द्वारा ज्योति याव स्वर्गीय प्रकाश इक माळ्यान ल्यालमा तनकु आगताव, आव हमेशा बदलुस्त सावली घाई बदलुसालुन.
अदिक सिद्ध बन्सदुर मा, तान सप्पा आग्या मानसावाळेर साटी अनन्त काल इन उद्धार इन स्त्रोत बन्सेदुन,
यीशु आऊन से अंदुन, "अगर नी सिद्ध आगोद चाहसत्या रा होग, तान माल मारकु कंगालगोळी कोळ, अदिक नीनी स्वर्ग दा धन सिक्कीत; अदिक बंदकु नान हिंद आगेग."
Vida íntegra
Que a vossa alegria seja completa! Vivam em harmonia, sejam irrepreensíveis — transformados pela renovação da mente.
ना ई मातगोळी नीम से इदुरसाटी अंदीन, कि नान खुशी नीम दा बन्सकु ईरूल, अदिक नीम खुशी पुरा आगेगुल.
ईगासताका नीव नान हेसुर देल येनु बेळीदील; बेळीर रा नीमी सिक्कीत ताकी नीम खुशी पुरा आगेगुल.
ई दुनिया अन घाई आगबाळी; लेकीन नीम मन इन व्हाशोद आगदुर देल नीम चाल चलन भी बदलुसतेला ईरूल, यदुर देल नीव परमेश्वर उन भला, अदिक भावती, अदिक सिद्ध इच्छा अनुभव देल मालूम माळतेला ईत्तीर.
हे वार्टुरा, ना नीम से नाम प्रभु यीशु मसीह अन्द हेसुर देल विनती माळतीन कि नीव सप्पा मुंदुर ऊंद अच मात अनी, अदिक नीम दा फूट बिळबाळुल, लेकीन ऊंद अच मन अदिक ऊंद अच मत आगकु मिलुसकु ईरी.
अदिक ई सप्पा मातगोळ अलावा प्यार इक धारण माळी, प्यार अच सप्पा मुंदुरी आपस दा कटकु ईटतद अदिक परिपुर्ण माळतद.
इदुरसाटी अगर मसीह दा थ्वाळासा शांती, अदिक प्यार देल हिम्मत, अदिक आत्मा अन्द प्रोत्साहन, अदिक थ्वाळासा करूणा अदिक संगती आद, रा नान ईद खुशी पुरा माळी कि ऊंद मन आगकु ईरी, अदिक ऊंद अच प्यार, ऊंद अच चित्त, अदिक ऊंद अच मनसा ईटी. मतलब देल या ख्वाटा बळाई साटी येनु माळबाळी, लेकीन दीनता देल आबुर दाबुर इक तान से वळ्लेर समसी. हर ऊंद तान हित इन ईला, उलटा दुसरा अन्द हित इन भी चिन्ता माळुल. ह्यांग मसीह यीशु उन विचार ईरव हांग अच नीम भी विचार ईरूल;
याव परमेश्वर उन स्वरूप दा ईतकु भी
परमेश्वर उन तुल्य आगली तान वश दा ईटोद वस्तु समसीदील.
उलटा तान तान इक हिंग शुन्य माळ बुट्टुन,
अदिक दास उन रूप धारण माळदुन,
अदिक मंळसा अन्द समानता दा आगेदुन.
अदिक मंळसा अन्द रूप दा प्रगट आगकु तान तान इक दीन माळदुन,
अदिक ईल ताका आग्याकारी ईत्तुन कि मृत्यु, हव, क्रूस इन मृत्यु भी सहन माळदुन.
ई कारण परमेश्वर आऊक हापाळ महान भी माळदुन,
अदिक आऊक अद हेसुर कोट्टुन जो सप्पा हेसुरगोळ से श्रेष्ट आद,
कि जो स्वर्ग दा अदिक पृथ्वी मा अदिक पृथ्वी इन ल्यालमा आद,
अव सप्पा यीशु उन हेसुर मा ट्वांगरा टेकसुल;
अदिक परमेश्वर आप्प उन महिमा साटी हर ऊंद ल्यालग्या अंगीकार माळ कोमुल
कि यीशु मसीह अच प्रभु हुन.
इदुरसाटी हे नान प्रियगोळा, ह्यांग नीव हमेशा टु आग्या मान्सतेला बंदीर, हांग अच ईग भी ना सिर्फ नान सांगुळ ईरा होती लेकीन जरूर माळकु ईग नान दुर ईत्तुर मा भी अंज्क अदिक नळ्गतेला तान तान उद्धार इन क्याल्सा पुरा माळ्त होगी; यतिकी परमेश्वर अच हुन याव तान खुद इन इच्छा अन्द कारण नीम मन दा इच्छा अदिक क्याल्सा, येढ्ढु मातगोळ्द माळोद प्रभाव हाक्यान.
सप्पा क्याल्सा बिना बळबळ अदिक बिन बाय कय मुर्सद माळतोगी, कि नीव निर्दोष अदिक भोला आगकु वाकळा अदिक जिद्दी लॉकुर न्याड्या परमेश्वर उन निष्कलंक औलाद बन्सकु ईरी, यार न्याड्या दा नीव जीवन इन वचन हुडुकु दुनिया दा होतकु दिंग्यागोळ घाई कांळ्सतीर, कि मसीह अन्द दिशी नान हात्ती कारण ईरूल कि ना नान जित्ता इरोद अदिक ना नांद घमण्ड माळोद बेकार आत. अगर नानी नीम विश्वास रूपी बलिदान अदिक स्यावा अन्द सांगुळ तान रक्ता भी वाहुसोद बिळुल, तरी भी ना खुश आईन अदिक नीम सप्पा मुंदुर सांगुळ खुशी माळतीन. हांग अच नीव भी खुश ईरी अदिक नान सांगुळ खुशी माळी.
नानी प्रभु यीशु दा आशा आद कि ना तीमुथियुस उक नीम हात्ती तुरन्त कळाईन, ताकी नीम दशा केळकु नानी खुशी सिकुल. यतिकी नान हात्ती हिंग स्वभाव इनव याऊ हैलेच जो शुद्ध मन देल नीम चिन्ता माळुल. यतिकी सप्पा मुंदुर तान स्वार्थ इन खोज दा ईरतार, ना कि यीशु मसीह अन्द. लेकीन आऊक रा नीव परकुसदीर अदिक जान्स भी कोंडीर कि ह्यांग पार आप्प उन सांगुळ माळतान, हांग अच आव खुशखबरी इक फैलुसदुर दा नान सांगुळ स्यावा माळदुन. इदुरसाटी नानी आशा आद कि ह्यांग नानी समझ दा बंदीत कि नान येन दशा आदीन, हांग अच ना आऊक तुरन्त कळु बुळाईन. अदिक नानी प्रभु दा भरोसा आद कि ना खुद भी राटनेरी बराईन.
लेकीन ना इपफ्रुदीतुस उक जो नान वार्ट अदिक सहकर्मी अदिक संगी योद्धा अदिक नीम स्वर्गदूत, अदिक जरूरी मातगोळ दा नान स्यावा टहल माळावाळा हुन, नीम हात्ती कळोद जरूरी सम्सदीन. यतिकी आऊन लालसा नीम सप्पा मुंदुर दा हतकु ईरोद, ई कारण आव व्याकुल ईरतोगोन यतिकी नीव आऊन बिमारी इन बारा दा केळीदीर. निश्चय आव बिमार रा आगेगिदुन ईल ताका कि सायोर मा ईरोन, लेकीन परमेश्वर आऊन मा दया माळदुन, अदिक सिर्फ आऊन मा अच ईला लेकीन नान मा भी कि नानी शोक मा शोक सिकबाळुल. इदुरसाटी ना आऊक कळोद मात्त यक्कुल कोशिश माळदीन कि नीव आऊक मात्त नोळकु खुश आगेगी अदिक नान भी दुख गोर्त आगेगुल. इदुरसाटी नीव प्रभु दा आऊन से हापाळ खुशी इन सांगुळ मुलाकात माळेतीर, अदिक ईत्तोर्द आदर माळतोगेतीर. यतिकी आव मसीह अन्द क्याल्सा साटी तान जीव इक जोखिम दा हाक्कु मृत्यु उन हात्ती होट बंदीदुन ताकी जो कमी नीम दी टु नान स्यावा दा आत अदरी पुरा माळुल.
सावधान. याऊ यारदु से बुराई इन बदला बुराई माळबाळुल; लेकीन हमेशा वळ्लीद माळदुर मा तत्पर ईरी, आपस दा अदिक सप्पा मुंदुर से भी भलाई माळी.