Irrepreensível
Ser irrepreensível não é ser perfeito — é viver com integridade diante de Deus e dos homens. A Bíblia nos chama a buscar uma vida reta, pura e sem manchas visíveis de hipocrisia.
O padrão divino
Deus é perfeito e chama seus filhos à integridade. A palavra de Deus é purificada e Ele é escudo dos que caminham na retidão.
Tinggwang ziemne au, pe zaireli au yicang.
RAMPAUBE sam au mci.
Pa au pe dade nsiulu kelame leune ziemne au hegeu ge lie.
Tinggwang au, pe lampui au mzui! RAMPAUBE sam au mci!
Pa au hegeu ge nzwa lie pe dade nsiu kera peei kelame ziemne.
N sam au a pi mitaubung
Penui teilung kemau kegahme ne samlam pungtu,
RAMPAUBE zai gade tet kelame.
Kemau gah zing kecume, petau tei kelame
nah pe nlung gade ma kesangbe rang kelame.
Pa pe mleu le rangmsia la ma,
pa mi kedame de tei rejam lama,
nah pa pe kidame de kii lama.
Pa pe suiyi tei kelame ziemne maci hekwa beula,
pa au masang eh tet kelame de gum beula,
Buscar a perfeição em Cristo
Todos tropeçamos em muitas coisas, mas o alvo é a maturidade. Cristo é a fonte da salvação eterna para todos os que lhe obedecem.
Kedanemene anui pelane de ma kekiee ge tei maula. Mige pe samrang gade ma tei maula mecai, pa au mina yicangsiak dida, pe pum pelane kecangde kezeu lubui.
Tinggwang nah Peibe dwa de renet mci nah herakemakbe au aide: nggianadung nah hemipuidung keherei kebam ga ngha kera, nah mikatei mide kideube dade tei heradi mene kaipwa bamlu kera deda.
Mapeu keyi leune nah mtamapeu yicangsiak kecu leune nreule de gwang, cide kebaabe Peibe, lidai dila kemakpe mede mimie nzwa nreu dila kemakbe dade gwangla.
Pecu yicangsiak kelube teilu, nah keheibe de pe samzai tei kelume ziemne pa kelungta kelikelu lampuibe teidi.
Jisu pe dage rangdi, "Nang magade yicangsiak neucai, mie delwe n mabam pelane zwadi, delwe kegahme de peudi, iciude nang tinggim ga mabam bam luzie, delwe gwang acai suilu."
Vida íntegra
Que a vossa alegria seja completa! Vivam em harmonia, sejam irrepreensíveis — transformados pela renovação da mente.
Ih ma aidungde nnui dage ranggai lie iciu eh a suikeyi de nnuida bamlu kerane nah iciu eh nnui suiyi canglu kera ziemne.
Cu kecang nnui a zi gade mage de kie mereu. Kielu, nah nnui ngaulu zie, ciu eh nnui suiyibe cangsiaklu kerane.
Kideu aide zaidung mzui diso, dede nnui lung tei hecilu eh nnui zaireli teintsam lu. Aide tei kegai gade nnui daibe yibi, nah luulu kebuibe bi, nah Tinggwang lungning yicang kecu cilu zie.
Cu sinamedung, anui Rampaube Jisu Khrista zi gade, Ih nnui dage kie gaila, nnui pelane kesamdaulwe nnui kakga peu pemaa ketsam bam so, dede nnuide lungcet ket nah kakegai ket gage keriangkeu ncüt lulo.
Dede ma aidungde pelane reu, keku de teu bahlu, cide ma pelane kang ncüt kelube da.
Khrista henahbai kecude kereli
Ciziemne, Khrista gade mide kecunglu kela, milung tau mlalu kela keku, Kemci Rabe gade ngngwa kekangbau kecu, mide keku nah kenggia kecu bam liecai, iciucai nnui ngngwa lungge, keku ge, rabe gade ngngwa ket tei nah kelungzwa eh a suiyi teicang gailo. Nnui ziu ci mede ngang eh magede teiso, dede henah eh kedame nswa yiki lie cetlu. Keheibede de nnuikatei nnui suibe rünne teiso, dede mikedame suibe de tei lulo. Khrista Jisu da kela zaireli de peu nnui dade la lulo,
pa au Tinggwang rehi nzwa liede,
Tinggwang de ngngwa nsamlie
süt kera cetma.
Meliene, pa pekatei pecu tei mtaklu
kilame ge nzwa eh,
pa mina nzwa lungh gwang,
nah mina rehi nzwa miakngau tei gwang,
pa pekatei pecu tei henah delwe ketsai kecang de samzai tei gwang,
nah cross gade ketsai kecang de!
Ciziemne Tinggwang de pecu tei ndu sütbeu nah
pecu hezi keheibe swade diki kecu zi peu.
Cine Jisu zi gade tinggim ga kelame, kideu ga kelame nah kideu kangga kelame pelane
koktung mie zie,
nah keheibe de Jisu Khrista au Rampaube lie rang zie,
Peibe Tinggwang kendu ziemne.
Hegi nzwa kebaa
Cine, a kumedung, nnui samzai teimui kela nzwa, Ih kebam dau rünne mene, Ih bam kemakdau au mtingki maisia. Ngngi nah mbeu eh nnuide kelikelu ta tei canglu. Kedanemene Tinggwang peu nnuide pe lungningbe tei neu nah peu tei kerane nnuida peta tei bamlu. Ma pelane ncam mede kesamlim mene teilu, iciude nnui mzui nah mci nah kemau gah eh Tinggwang name tei eh kengkoi nah kemaume ceheu kakga lunghlu kerane, penui kakga nnui kideu kebaabe nzwa baalu, kering sambe kerak teu eh, iciude Khrista tingba benai Ih kemta gage laikai tei mede bata kemta ge teidi kemakne Ih hegie luzie. Iciude nnui kenlum reca nah ratak bam gage reca ge tei eh acu ruigai liede, Ih au a suiyi bam nah nnui pelane de ngngwa a suiyi nsam bam. Cinzwa eh nnuide nnui sui yilu nah acu ngngwa nnui sui yilu.
Timothy penai Epaphroditus
Ih Rampaube Jisu lungning liecai Timothy de nnui dage lang kelwa gai kera regui bam, iciu eh Ih nnui ha cilu eh acude kecung silu kerane. Ih nnui ziemne migede pa kenzwame helungnei kesang kelame gahlu. Kedanemene penui pelane Jisu Khrista gudung be mene, penui ziuyidung rünne peeila. Dede nnui pe keyi cibam, kedanemene pe na pe peide ngngwa kela nzwa, pa acu ngngwa samliakeyi dega heta tei. Ciziemne, a ziemne dainzwa gwangzie bi kecu Ih cilu herizi pecu nnui dage langgai kera Ih regui bam. Nah Ih de Rampaube gade de nnuida kelwa gwanglu kera Ih nlum bam. Epaphroditus, a sinabe acu ngngwa bata tei kelabe, nah acu ngngwa reugwa tei kelabe, nah nnui samgwabe acu ngha kelame de Ih nnui dage langgai maikesia cetlu, kedanemene pa nnui pelane da gwangneu bam dida nah nnui pa nra kebam siu kelune pa pelung keherei bam dida. Kedanemene pa nra süt eh tsai nage da. Dede Tinggwang pecu ngaunggia beu, nah pecu rünne mene acude, iciu eh Ih alung keherei kecu reude keherei melu kerane. Ciziemne Ih nnui dage pecu langgai neuki bam, iciu eh nnui pecu ngaudai lude nnui sui yilu kerane, nah a lungrei tei ncam dilu kerane. Cine nnui sui yisüt eh Rampaube gade pecu ngngwalu delwe pa kenzwa mede herüt peulo. Kedanemene pa nnui a dage teigai kelak ta tei eh Khrista gwa ketei ziemne pe teilung kerehim gage kailwe tsaidi nage delu.
Migede petau kemakpe ziemne petau kemakpe le tei gwa melu kerane mriaklu, dede hangge ge dage nah pelane dage keyibe tei kera peei muilu.
Dede Ih tet kela lampui de pa cibam;
pa acu kedak pie kecudau, Ih au kecak nzwa mpet luzie.
A pipa de pe pipa ga pwa ntipsütla;
Ih pe lampui de pwala nah cikade nreu dima.