Irrepreensível
Ser irrepreensível não é ser perfeito — é viver com integridade diante de Deus e dos homens. A Bíblia nos chama a buscar uma vida reta, pura e sem manchas visíveis de hipocrisia.
O padrão divino
Deus é perfeito e chama seus filhos à integridade. A palavra de Deus é purificada e Ele é escudo dos que caminham na retidão.
Buscar a perfeição em Cristo
Todos tropeçamos em muitas coisas, mas o alvo é a maturidade. Cristo é a fonte da salvação eterna para todos os que lhe obedecem.
काहाके आमु आखा घणी कावा हुक जत्ला; अने जे बोल बोलवा मे नी हुकत्ला तीहया ते खरला माणेह से अने आखा डील ने बी कब्जा मे राख सके।
आपणा बाह भगवान नी अगळ चोखली अने वारली भक्ती आहयी से के वीखावाळा अने रंडायला बयरा ना दुख मे, तीमनी खबर लेवो। अने आह़फा ने कळी गेथो वण-गुनाळ्ळा राखो।
काहाके आखी वारली चीज अने वारलो वाटो अने एक वारलो दान उपर सी जड़े, वीजाळा ना बाह भणी गेथु जड़े, जीनी मे नी ते कंय बदलाव हय सके, अने नी अदल-बदल ना कारण सी तीनी पोर छाञो पड़े।
अळी चोखो बण जवा पोर, आखा हुकम मानवा वाळा नी लेदे अमर छुटकारा नो झोर बण ज्यो,
ईसु तीहया जुवान्या ने केदो, "कदीम तने पुरो पक्को बणवा हय ता, जा! तारु आखु धन वेचीन गरीब ने आप दे, अने ह़रग मे तने मेल्लु धन जड़हे। अने अळतेण आवीन मारी पसळ चाल।"
Vida íntegra
Que a vossa alegria seja completa! Vivam em harmonia, sejam irrepreensíveis — transformados pela renovação da mente.
मे तमने आहयी वात आनी करते केदो, के मारी खुसी तमारी मे बणीन रेय, अने तमारी खुसी पुरी हय जाय।
हजु लग तमु मारा नाम सी कंय बी नी मांग्या। मांगो, ता भगवान तमने आप देहे, आनीन करते के तमारी खुसी पुरी हय जाय।
आहयी कळीन तेवा ना बणो; पण तमारु मन ने नवलु हय जवा सी तमारो चाल-चलण बी बदलतो जाय, जीनी सी तमु भगवान नी भली, अने गमती, अने वारली मरजी मालम पड़ती जाय।
ए भाय-बेन्या मे मालीक ईसु मसी ना नाम मे तमु आखा ह़ाते वीन्ती करु के तमु आखा मेळीन एकीत वात केवा, अने तमु आंबा-सांबा झगड़ो ना करो; पण आखा एकीत मन सी भेळा रेवो।
अने आहयी वात ने सोड़ीन मोंग ने मानो, मोंग आखा ने एक-बीजा सी बांदे अने पुरुन-पुरु करे?
कदी मसी ईसु मे कंय सांती, अने मोंग सी हीम्मत अने आत्मा नी ह़ात-ह़ंगात, अने दया हय। ता मारी आहयी खुसी पुरी करो, के एक मन रेवो अने एकीत मोंग, एकीत मन, अने एकीत वीच्यार राखो। वीरोद नीता झुटी बड़ाय ना लेदे कंय ना करो, पण ह़ुमाळा रीन एक-बीजा ने आपणी गेथा वारु ह़मजो हरेक आपणा फायदा नी, पण बीजा ना फायदा नी बी फीकर करे।
तमु आपणा वीच्यार ने ईसु मसी ना वीच्यार नी ह़रका बणाय लेवो। जे भगवान ना वेह मे हय्न बी
भगवान नी बराबर हयवा
नो वीच्यार नी कर्यो।
पण आह़फा ने ठारलो कर देदो,
अने पावर्या नो वेह धर लेदो,
अने माणेह नी ह़रको बण ज्यो
अने माणेह ना वेह मे उजन्तो हय्न आह़फा ने नानो कर्यो,
अने आञे लग के हुकम पाळ्यो के मरवा, ह़ाचली, होव कुरुस पोर नी मोत बी वेठ लेदो।
एतरे भगवान तीने घणो मोटो बी कर्यो,
अने तीने तीहयु नाम आप्यो जे आखा नामु मे मोटु से।
के जे ह़रग मे अने कळ पोर अने जे कळीन हेटा से;
तीहया आखा ईसु ना नाम पोर मांडा टेके।
अने भगवान बाह नो बड़ाय नी लेदे
आखा माणहु मान लेय के "ईसु मसी मालीक से।"
आनी लेदे ए मारा मोंगाळ्ळा भाय अने बेन्या, जीसम तमु हमेसा गेथा हुकम मान्ता आय र्या, हेमेत हाव बी नी नीस्ता मारी ह़ाते रेता जाय्न पण खास करीन हाव मारी सी सेटा रीन बी बीहता अने कापता जाय्न आपणा-आपणा छुटकारा नु काम पुरु करता जावो। काहाके भगवाननेत से, जे आपणु मोंग नु काम पुरु करवा ना लेदे तमारा मन मे वीच्यार नाखे, अने तीनी अनसारे काम करवा नी ताखत बी आपे।
आपणा आखा काम बड़बड़ कर्या वगर अने पाड़ोपाड़्या वगर कर्या करो। के तमु वण-गुनाळ्ळा अने भोळा हय्न वाकला अने हटाळा माणहु ना वच मे भगवान ना वण-गुनाळ्ळा अवल्यात बणीन रेवो, तीमनी वच मे तमु जीवाय नो बोल लीन कळी मे धप्तला दीवा नी तेम देखाय देवो, के मसी ना आव्वा ना दाड़े मने घमंड करवा नो कारण हये के नी मारो दवड़ो अने नी मारी मेहनत करवा नु फाल्तु हयी।
कदी मने तमारा भरहा ना लेदे बादा अने चाकरी ना लेदे मने मारु लोय बी वयाड़वा पड़े ते बी मे घण खुस से, अने तमु आखा ह़ाते घण खुस रेम। ईसमेत तमु बी घण खुस हयो, अने मारी ह़ाते घण खुसी मनावो।
मने मालीक ईसु मे आह से के मे तीमुथीयुस ने तमारीन्तां छोटोत मोकलही, के तमारा बारा मे ह़मळीन मने सांती जड़हे। काहाके मारी ह़ाते आसवु कोय बी माणेह नी हय, जे खरला मन सी तमारी भलाय नी फीकर करे। काहाके आखा आपणी भलाय नी फीकर करी र्या, ईसु मसी नी भलाय नी फीकर नी करता। पण तीमुथीयुस ने तमु ते पारख्या अने जाणी बी लेदला से के जीसम सोरो बाह ह़ाते काम करतलो, तेमेत तीहयो बी खुस-खबर ने ह़मळाव्वा मे मारी ह़ाते मेहनत कर्यो। एतरे मने आह से के जीसमेत मने मारा बारा मे पतो चालहे के मारी ह़ाते ह़ुं हयवा वाळु से, तीसमेत मे तीने छोटोत तमारीन्तां मोकल देही। अळी मने मालीक पोर पक्को भरहो से के मे आह़फो बी छोटोत आवही।
पण मेत ईपफ्रुदीतुस ने जे मारो भाय, अने ह़ाती अने सीपायड़ान तेम काठो-जीव करन्यो अने तमारो नेवताळो, अने जरुड़ी वातु मे मारी चाकरी करन्यो से, तमारीन्तां मोकलवा जरुड़ी ह़मज्यो। काहाके तीनु मन तमु आखा पोर लागलु हतु, एतरे तीहयो दुखी रेतो हतो काहाके तमु ते तीनी बेमारी ना बारा मे ह़मळला हता। अने ह़ाचली तीहयो घणो मांदलो हतो, आञे लग के मरवा पोर हतो, पण भगवान तीनी पोर दया कर्यो; अने नीस्तो तीनी पोर एतरो नी, पण मारी पोर बी के मने दुख पोर दुख वेठवा नी पड़े। एतरे मेत तीने मोकलवा अळी बी तीयार कर्यो के तीने अळी भेटीन घण खुस हय जावो अने मारो बी दुख कम हय जाय। एतरे तमु मालीक मे रीन तीनी सी घण खुस हय्न भेट करजो, अने आसवा ने ईज्जत कर्या करजो, काहाके तीहयो मसी ना काम ना लेदे आह़फा ना जीव पोर भार उचलीन मोत ना ह़ाते हय जेलो हतो, के जे कमी तमारी भणी गेथी मारी चाकरी मे हयी तीने पुरी करो।
अने चेतीन रेवो! कोय बी कोय ह़ाते बुराय ना बदले बुराय ना करो; पण जलम भलाय करवा तीयार रेवो, आपणु आखा अने बीजा ह़ाते बी भलाय नी वात करो।