Irrepreensível
Ser irrepreensível não é ser perfeito — é viver com integridade diante de Deus e dos homens. A Bíblia nos chama a buscar uma vida reta, pura e sem manchas visíveis de hipocrisia.
O padrão divino
Deus é perfeito e chama seus filhos à integridade. A palavra de Deus é purificada e Ele é escudo dos que caminham na retidão.
Buscar a perfeição em Cristo
Todos tropeçamos em muitas coisas, mas o alvo é a maturidade. Cristo é a fonte da salvação eterna para todos os que lhe obedecem.
ಶನಕತೊ ಕೈಯೇಕ್ ವಾತೇಮ ಅಪ್ಣೆ ಖ್ಹಾರೂಸ್ ಗಲತ್ಹುಯಿ ಜೈ಼ಯೇಸ್. ಏಕ್ಜ಼ಣೊ ವಾತ್ಮ ಗಲತ್ ನಾಹುಯೋತೊ ಯೊ ಇನ ಪೂರ ಶರೀರ್ಮ ಚ಼ಪ್ಪಣ್ಮ ರಾಖನ ಯೊ ಶಕತ್ವಾಳೊ ಹುಯಿರ್ಹೊಸ್.
ವದೇಖ್ಹ್ಮ ಪಡ್ಯುರ್ಹಿನ್ ದಿಕ್ಕೊಂತೆ ಇವ್ಣುನಾಬಿ ಮುಂಡಚ್ಚಿಯೇನಾಬಿ ಬಚಾ಼ಡಿನ್ ಇನ ಜಗತ್ನು ದೋಷ್ ನಾಲಗ್ನುತೆ ಇನುಯೋಸ್ ಬಚಾ಼ಡಿಲ್ಯಾವನುಸ್ ಬಾ ಹುಯಿರೋತೆ ದೇವ್ಕನ ಶುದ್ಧಬಿ ಪಾಕ್ಬಿ ಹುಯಿರ್ಹವಾನಿ ಭಕ್ತಿ.
ಖ್ಹಾರೂಸ್ ಅಛ಼್ಛು ತೋಫಬಿ, ಪೂರಹುಯುತೆ ಖ್ಹಾರೂಸ್ ವರಾಬಿ ಉಪ್ಪರ್ಥು ಆಯು ಹುಯುಸ್, ಯೋಖ್ಹಾರು ಪರಲೋಕನೊ ಉಜಾ಼ಳನೊ ಬಾಥೀಸ್ ಉತ್ರಿಆವಸ್. ದೇವ್ ಛಾ಼ಳನಿತರ ಬದ್ಲಿಜಾವಾಳೊಬಿ ಕಾಹೆ, ಚ಼ಲ್ಪ್ಲಾಟಿನೊ ಖ್ಹಾಯಲ್ನೋಬಿ ಕಾಹೆ.
ಆ ನಾಹುಯಿನ್ ಇನೆ ಭರ್ಪೂರ್ ಕರೀನ್, ಇನ ವಿಧೇಯಹುವಾಳ ಅಖ್ಖನಾಬಿ ಹಮೇಶ ರಕ್ಷಣೆನಖ್ಹಾಜೆ ಬಣ್ಯೊ.
ಯೇಸುನೆ ಇನ, "ತೂ ಪಕ್ಕಾ ಹೋಣುಕರಿ ಉಶೇತೊ, ಜೈ಼ನ್, ತಾರು ಶೊತ್ನ ಖ್ಹಾರು ವೇಚಿನ್, ಇನೇಥಿ ಆವಸ್ತೆ ಪೈಶಾನ ಗರೀಬ್ನ ದೇ, ತದೆ ಸೊರ್ಗಾಮ ತುನ ಶೊತ್ ರ್ಹಿಶೆ. ಅನಕೇಡೆಥು ತೂ ಐನ್, ಮಾರ ಪೀಠೆ ಆವ್!" ಕರಿ ಬೋಲ್ಯೊ.
Vida íntegra
Que a vossa alegria seja completa! Vivam em harmonia, sejam irrepreensíveis — transformados pela renovação da mente.
ಮಾರಾಮ ಛಾ಼ತೆ ಖ್ಹುಶಿ ತುಮಾರಮಾಬಿ ರ್ಹೇಣು ಕರಿ, ಅಜು಼ ತುಮಾರಿ ಖ್ಹುಶಿ ಭರೈನ್ ಝ಼ಲಕ್ಣು ಕರಿ ಮೇ ಆ ಖ್ಹಾರು ತುಮೂನ ಬೋಲಿರಾಖ್ಯೊಸ್.
ತುಮೆ ಹಂಕೆತೋಡಿ ಮಾರ ನಾಮ್ಪರ್ ಶಾತ್ಬಿ ಮಾಂಗಿರಾಖ್ಯಕೊಯ್ನಿ; ಮಾಂಗಿಲೆವೊ ತುಮೂನ ಮಳ್ಶೆ, ತದೆ ತುಮಾರಿ ಖ್ಹುಶಿ ಭರೈನ್ ಝ಼ಲಕ್ಶೆ" ಕರಿ ಬೋಲ್ಯೊ.
ಆ ಜಗತ್ವಾಳು ಚಾ಼ಲ್ ಚ಼ಲಣ್ಣಾ ನಾ ಪಾಡಿಚಾ಼ಲ್ನುತೆ ನವ ದಿಲ್ಥಿ ಬದ್ಲಿನ್ ಪರಲೋಕ್ನ ಖ್ಹಯಾಲ್ವಾಳ ಹುಯಿರ್ಹೆವೊ. ಅಮ್ ರ್ಹಿಯಾತೊ ದೇವ್ನ ಪರ್ಖಿನ್ ಅಛ್ಛಾ಼ನಾಬಿ, ಇಷ್ಟರ್ಹವಾನುಬಿ ಕಳಂಕ್ ಕೊಂತೇಬಿ ಖಿವುಕರಿ ಮಾಲುಮ್ ಕರ್ಲಿಶು.
ಸಬೆಮ ಭಾಗ್ ಹುಯುತೆ
ಬೇನೆ, ಭೈಯೇವೊ, ಅಪ್ಣೊ ಪ್ರಭು ಯೇಸುಕ್ರಿಸ್ತನ ನಾಮ್ಥಿ ಮೇ ತುಮೂನ ಬಿಂತಿ ಕರುಸ್ತೆ ಶಾತ್ಕತೊ, ಅಬ್ಬಾಜ಼ಬ್ಬಿ ನಾ ಬೋಲ್ನುತೆ, ಅಷಿಲ್ ಕಮ್ಶಿಲ್ ಕರಿ ಬೇಭಾಗ್ ನಾ ರ್ಹೇವ್ಣು. ಎಕ್ಕಸ್ ದಿಲ್ಥಿ ಎಕ್ಕಸ್ ಖ್ಹಯಾಲ್ಥೀಬಿ ಎಕ್ಟುರ್ಹೀನ್ ಜಿವ್ಣು ಕರೊ,
ಅಜು಼ ಭರ್ಪೂರ್ಮ ಅಖ್ಖುಜ಼ಣು ಒಗ್ಗಟ್ಥಿ ಭಂದೈರ್ಹೀನ್ ಪ್ಯಾರ್ಮ ಭರೈರ್ಹೆವೊ.
ಕ್ರಿಸ್ತಮ ಹೇಟುಹುವಾನು ಅಜು಼ ಭಡ್ಪಣ್
ಕ್ರಿಸ್ತಮ ಪವಿತ್ರಾತ್ಮಥಿ ಮಳಿನ್ ರ್ಹವಾನು, ಪ್ಯಾರ್ನ ಸಮಾಧಾನ್, ಅಜು಼ ಗೋರ್ನಿ ದಯಾಥಿ ಏಕ್ಥಿಏಕ್ ಹುಮ್ಮಖ್ಹ್ವಾಳ ಹುಯಿರ್ಹೆವೊ. ತುಮೆ ಅಖ್ಖು ಎಕ್ಕಸ್ ದಿಲ್ವಾಳ ಹುಯಿನ್, ಎಕ್ಕಸ್ ಪ್ಯಾರ್ವಾಳ ಹುಯಿನ್, ಏಕ್ಥಿಏಕ್ ಮಳಿನ್ ರ್ಹಾವವಾಳ ಹುಯಿನ್ ಅಜು಼ ಎಕ್ಕಸ್ ಶುಶತ್ ರಾಖವಾಳ ಹುಯಿರಿನ್ ಮಾರಿ ಶಂತೋಖ್ಹ್ನ ಪೂರ ಕರೊ. ಇನುಯೋ ಭಡಾನಖ್ಹಾಜೆ ರ್ಹವೊ, ಶಿಕ್ಕೊ ಲ್ಯವಾನಖ್ಹಾಜೆ ಶಾತ್ಬಿ ನಾಕರ್ನುತೆ, ಹರೇಕ್ ಜ಼ಣುಬಿ ಹೇಟು ಹುವಾಳಹುಯಿನ್ ಬಿಜೇಕ್ ಜ಼ಣಾನ ಇನೇಥಿಬಿ ಊಚೊ಼ಕರಿ ದೇಖಾದೆ. ತುಮಾರಮ ಹರೇಕ್ಜ಼ಣೊ ಖಲಿ ಇವ್ಣ ಅಛ಼್ಛಾಸ್ನ ನಾ ದೇಕ್ಣುತೆ ಬಿಜಾ಼ನು ಅಛ಼್ಛು ಹುವಾನುಬಿ ದೇಖಾದೆ. ಕ್ರಿಸ್ತ ಯೇಸುಮ ಥೋತೆ ದಿಲ್ ತುಮಾರಮಾಬಿ ರ್ಹವಾದೆ.
ಯೋ ದೇವ್ನೊ ರೂಪ್ವಾಳೊ ಹುಯೊ,
ಕತೋಬಿ ದೇವ್ನಿ ಸ್ವರೂಪ್ನ ಬರೋಬರ್ ರ್ಹಯುತೋಬಿ ಮಹಾನ್ ಪದವಿನ ಮ್ಹೇಲುಕೊಯ್ನಿಕರಿ ಬೋಲಿನ್,
ಇನುಯೋಸ್ ಖಾಲಿ ಕರಿಲೀನ್
ದಾಸನು ರೂಪ್ನ ಫೇರಿಲಿನ್ ಅದ್ಮಿನಿಘೋಣಿ ದೆಖೈಲಿದೊ.
ಇನೆ ಇನುಯೋಸ್ ಹೇಟು ಹುಯಿನ್ ಮರಣ್ಣಖ್ಹಾಜೆ ಕತೊ
ಶಿಲ್ಬೇನಿ ಮರಣ್ಣಾಬಿ ಛೀಮಯೆತ್ರೆ ಹೇಟೊ ಹುಯೊ.
ಅನಖ್ಹಾಜೆಸ್ ದೇವ್ನೆ ಇನ ಘಣು ಊಚೊ಼ ಪಾಡ್ಯೊ ಅಜು಼
ಅಖ್ಖಾ ನಾಮ್ಥಿಬಿ ಊಚು಼ ಹುಯಿರ್ಹುತೆ ನಾಮ್ನ ಇನ ದಯ ಕರಿರಾಖ್ಯೊಸ್.
ಇನಖ್ಹಾಜೆ ಸೊರ್ಗ ಮರಣ್
ಪಾತಾಳ್ಮ ರ್ಹವವಾಳು ಖ್ಹಾರುಸ್
ಯೇಸುನ ನಾಮ್ಮ ಗುಡ್ಘ್ಯಮೇಟೆಹುಯಿನ್ ಆಡ್ಪಡಿನ್,
ಬಾ ಹುಯಿರ್ಹೋತೆ ದೇವ್ನಿ ಮಹಿಮೆನ ಖ್ಹಾಜೆ
ಯೇಸು ಕ್ರಿಸ್ತನ ಪ್ರಭುಕರಿ ಹರೇಕ್ ಅದ್ಮಿ ಕಬೂಲ್ ಕರ್ಶೆ.
ಜಗತ್ಮ ಉಜಾ಼ಳನಿತರ ಉಜಾ಼ಖ್ಹ್ದ್ಯವಾನು
ಅಮ್ ರ್ಹವಾಪರ್ ಮಾರ ಪ್ಯಾರ್ನ ದೋಸ್ತಿವೊ, ತುಮೆ ಮಾರಿ ವಾತೇನ ಕೆದೇಬಿ ಪಾಡಿಚಾ಼ಲ್ಯತೆ ತಿಮ್ ಹಮ್ಕೇಬಿ ಪಾಡಿಚಾ಼ಲೊ. ಮೆ ತುಮಾರಮ ರ್ಹವಾನಿವಖ್ಹ್ತೆಸ್ ಖಲಿಕಾಹೆತೆ, ಮೇ ನಾ ರ್ಹವಾಮಾಬಿ ಘಣು ಜಾ಼ಖ್ಹತ್ ದಿಲ್ಮ ಡರ್ಥಿ ಕಾಪವಾಳ ಹುಯಿನ್ ತುಮಾರಿ, ತುಮಾರಿ ರಕ್ಷಣೆನ ಲೀಲೆವೊ. ಶನಕತೊ ದೇವಸ್ ಇನಿಮರ್ಜಿನ ಚ಼ಲಾವ್ಣುಕರಿ ತುಮಾರಮ ಉದ್ದೇಶ್ನಾಬಿ ಅಜು಼ ಕೋಶಿಶ್ನ ಬಣಾವವಾಳೊ ಹುಯಿರೋಸ್. ಭಣಕ್ಣುನಾತೇಬಿ, ಆಡಫೇಡ್ ನಾ ಬೋಲ್ನುತೆ ಖ್ಹಾರು ಕರೊ. ಅಮ್ ತುಮೆ ದೋಷ್ನಾರ್ಹವಾಳಬಿ ಅಜು಼ ದೇವ್ನ ಧೋಬೆಡಾದಿಲ್ನ ಲಡ್ಕಹುಯಿನ್ ಮೋಂಡ್ಖ್ಹಯಾಲ್ನ ಅಜು಼ ಪಾಪ್ಮ ರ್ಹವಾಳ ಜಗತ್ನ ಅದ್ಮಿವೊನ ಬೀಚ್ಮ ಮೈಲುಕೊಂತೆ ದೇವ್ನ ಲಡ್ಕ ಹುಯಿರ್ಹಿಶು. ಅವ್ಣ ಮಹಿ ತುಮೆ ಹರೇಕ್ನಾಬಿ ಜಾನ್ರ್ಹವಾನು ವಚನ್ನ ವತಾಳವಾಳ ಹುಯಿರ್ಹಿನ್, ಜಗತ್ಮ ಝ಼ಮ್ಕಾನ ಶುಕ್ಕರ್ನಿಮತ್ ದೆಖಾವ್ಶು. ತುಮೆ ಅಮ್ಚಾ಼ಲ್ಯಾತೊ ಮಾರಿ ಸೇವೆ ಬಿಣ್ಫಾಯಿದಾನು ಕಾಹೆ, ಮೇ ವದೇಖ್ಹ್ ಪಡ್ಯೋತೆ ಫಾಯಿದೊಸ್ಕರಿ ಬೋಲಾನಿ ಖ್ಹರಾವ್ಣಿ ಕ್ರಿಸ್ತಾನ ದನ್ಮ ಮನಮಳ್ಷೆ. ತುಮಾರಿ ವಿಶ್ವಾಸ್ ಕರಿ ಬಲೀನ ಕಾಣ್ಕೆಮ ದೇವ್ನ ಮೇ ಅರ್ಪಣ್ಕರಾಮ ಮಾರ ಲೋಹಿನ ವವ್ಹಾಡನಿತರ ಹುಯುತೋಬಿ ಮನ ಖುಷಿ, ತುಮಾರ ಜೋ಼ಡೇಬಿ ಶಂತೋಖ್ಹ್ ಪಡುಸ್. ಇಮ್ಮಸ್ ತುಮೇಬಿ ಶಂತೋಖ್ಹ್ ಪಡೊ, ಅಜು಼ ತುಮೆ ಮಾರ ಜೋ಼ಡೆಬಿ ಶಂತೋಖ್ಹ್ ಕರೊ.
ತಿಮೊಥೆ ಅಜು಼ ಎಪಫ್ರೊದಿ
ಕತೋಬಿ ಪ್ರಭು ಯೇಸುನಿ ಮರ್ಜಿ ಹುಯೂತೊ ಮೆ ತಿಮೊಥೆನ ಜ಼ಲ್ದೀಥಿ ತುಮಾರಕನ ಮೋಕಲ್ನುಕರಿ ಭರೋಖ್ಹೊ ಛಾ಼. ಇನೇಥಿ ತುಮಾರಿ ಬಾರೇನಿ ಸಮಾಚಾರ್ನ ಖ್ಹಮ್ಜಿನ್ ಮೆ ಭಾಲ್ ಹುಯಿಶ್. ಇನಿನಿತರ ತುಮಾರು ಅಛ್ಛು಼ರ್ಹವಾನಿ ಬಾರೇಮ ಘಣು ಛು಼ಟಾದಿಲ್ಥಿ ವೇಚ಼್ಣೆ ಕರಾಸ್ತೆ ತಿಮ್ ಮಾರ ಜೋ಼ಡ್ಮ ಬಿಜು಼ ಖಿವೂಬಿ ಕೊಯ್ನಿ. ಅಖ್ಖುಜ಼ಣು ಇವ್ಣ ಕಾಮ್ಪರ್ ಮಗನ್ ರ್ಹೇಸ್ ಪಣ್ಕಿ ಯೇಸು ಕ್ರಿಸ್ತನ ಕಾಮ್ಪರ್ ಮನ್ಲಗಾಡಕೊಯ್ನಿ. ಕತೋಬಿ ತಿಮೊಥೆನ ಯೋಗ್ಯತೆನ ತುಮೆ ಮಾಲುಮ್ ಕರಿರಾಖ್ಯಸ್. ಛಿಯ್ಯೊ ಬಾನಿ ಜೋ಼ಡ್ಮ ಕಿಮ್ಕಿ ತಿಮ್ಮಸ್ ಇನೆ ಮಾರ ಜೋ಼ಡ್ಮ ಸುವಾರ್ತೆನ ಫೈಲಾವನಖ್ಹಾಜೆ ಸೇವೆ ಕರಿರಾಖ್ಯೋಸ್ ಕರಿ ಬೋಲಾನು ತುಮುನ ಮಾಲುಮ್ಛಾ಼. ಇನಖ್ಹಾಜೆ ಮಾರಿ ಬಾರೇಮ ಚಾ಼ಲುಕರಾತೆ ಕಿಮ್ಹುವಾಸ್ಕಿ ಇನ ಖ್ಹಮ್ಜೊತೊ ತದೇಸ್ ತಿಮೊಥೆನ ತುಮಾರಕನ ಮೋಕ್ಲಾನ ಆಖ್ಹ್ ಕರುಸ್. ಆನಾಹುಯಿನ್ ಮೇ ಜಿನು ಒಗ್ಗೀಮಾಸ್ ಐಶ್ಕರಿ ಪ್ರಭುಮ ಘಟ್ಥಿ ವಿಶ್ವಾಸ್ ಕರಿರಾಖ್ಯೊಸ್. ಮಾರಿ ಜ಼ರೂರತ್ನ ಕಾಡಾನಖ್ಹಾಜೆ ತುಮೆ ಮೋಕ್ಲ್ಯಥಾತೆ, ಮಾರೊ ಭೈ, ಜೋ಼ಡ್ನೊ ಸೇವಕ್ಬಿ, ಜೋ಼ಡ್ನೊ ಶಿಪಾಯಿಬಿ ಹುಯಿರ್ಹೋಸ್ತೆ ಎಪಫ್ರೊದೀತ್ನ ತುಮಾರಕನ ಮೋಕ್ಲಾನು ಜ಼ರೂರತ್ ಕರಿ ಲ್ಯಾಹುಸ್. ಇನೆ ತುಮಾರಿ ಬಾರೇಮ ತರ್ಖ್ಹುಕರ್ತೊಥೊ ಅಜು಼ ಯೊ ಜಾನ್ನ ಅಛ್ಛು಼ಕೊಂತೆ ಖಬರ್ನ ತುಮೆ ಖ್ಹಮ್ಜ್ಯಾತೆ ಇನಖ್ಹಾಜೆ ಯೊ ದುಖ್ ಕರಿಲಿದೊ. ಯೋ ರೋಗ್ಮಪಡೀನ್ ಮರನಿತರ ಥೋತೆ ಖ್ಹಾಚಾಸ್, ಕತೋಬಿ ದೇವ್ನೆಯಿನ ಗೋರ್ಕರ್ಯೊ. ಇನಾಸ್ ಖಲಿ ಕಾಹೆತೆ ಮನ ದುಖ್ನಪರ್ ದುಖ್ ನಾ ಆವ್ಣುತೆ ತಿಮ್ ಮನಾಬಿ ದಯಾಕರ್ಯೊ. ಇನಖ್ಹಾಜೆ ತುಮೆ ಇನ ದೇಖಿನ್ ಪಾಛು಼ ಶಂತೋಖ್ಹ್ ಕರ್ನುಕರಿಬಿ ಮಾರಿ ದುಖ್ ಕಮ್ ಹೋಣುಕರೀಬಿ ಮೇ ಇನ ಘಣು ತರಖ್ಹ್ಥಿ ಮೋಕ್ಲುಕರುಸ್. ಇನಖ್ಹಾಜೆ ಪ್ರಭುಮ ಭೈನಿ ಘೋಣಿ ಶಂತೋಖ್ಹ್ಥಿ ಸ್ವೀಕಾರ್ ಕರಿಲೆವೊ. ಎಥ್ರಾನವಾಳನ ಅದ್ಮಿವ್ನ ಸ್ವಾಗತ್ ಕರೊ. ಅಮ್ ತುಮೇಸ್ ಮನ ಕರ್ನುತೆ ಮ್ಹೆಮಾನ್ಮ ಜ಼ರೂರತ್ನ ಭರಾನಖ್ಹಾಜೆ ಇನ ಜಾನ್ಪರ್ಲಿ ಆಖ್ಹ್ನ ಮ್ಹೆಂದಿನ್ ಕ್ರಿಸ್ತ ಯೇಸುನಿ ಸೇವೆಮ ಮರಿಗೊ.
ಕೋಣ್ಬಿ ಖರಾಬ್ನ ಬದಲ್ ಖರಾಬ್ ನಾ ಕರ್ನುತೆ ಇಮ್ ದೇಖಿಲೆವೊ. ಕತೋಬಿ ತುಮೆ ಏಕ್ಥಿಏಕ್ ಅಜು಼ ಹರೇಕ್ ಅದ್ಮಿನಾಬಿ ಅಛ಼್ಛುಕರೊ.