Irrepreensível
Ser irrepreensível não é ser perfeito — é viver com integridade diante de Deus e dos homens. A Bíblia nos chama a buscar uma vida reta, pura e sem manchas visíveis de hipocrisia.
O padrão divino
Deus é perfeito e chama seus filhos à integridade. A palavra de Deus é purificada e Ele é escudo dos que caminham na retidão.
E Pachia tuh a laanpi phe accing;
Bawipaw byakinpyakunaw nynh
ahmepaw kha ccaekia akhan;
Aning tuh amaw kya
a rekuh hae paw balyn hanlan
khawriaphua nynh thua.
E Pachia tuh, a laanpi phe accing;
Bawipaw byakinpyakunaw nynh
ahmepaw kha ccaekia a khan;
Aning tuh amaw kya
a rekuh hae paw balyn hanlan
khawriaphua nynh thua.
Mih hiinnaw kya ccaenaw um leipaw te
Bawipaw kawbya a zui hae paw tuh
lungtua hae paw nynh thua.
Ccaenaw um lei lante hiin zah,
ahmepaw kha a cyihpaw,
a thinlung kya-e byaccingpaw kha
a hopaw,
a munglae te ccungccaw thethya
a ho leipaw, a ruiban hae tungvaw
hoyleinaw a rae leipaw,
a innpaw hae kha the a thyasah leipaw,
Miding hae hanlan
hawnaw hoypaw kha a ccakhungpya hae;
ccaenaw um lei lante
a cceih hae paw hanlan aning tuh
khawriaphua nynh thua.
Buscar a perfeição em Cristo
Todos tropeçamos em muitas coisas, mas o alvo é a maturidade. Cristo é a fonte da salvação eterna para todos os que lhe obedecem.
Pawccecize aening balyn tuh patae ah mesei oh. Bya a honaw kya a mesei leipaw ccungccaw tuh a pyn balyn kha a taekuh khopaw thua zah accingpaw nynh thua.
Paaw Pachia malang athyaapaw te anungsikuh leipaw beiknaw tuh e hynh nynh thua: Ngawraw hae te nomae hae kha mih vawsawnaw kya do-oihpaw te ahmaw mah laephi vaw e anungsikuhpaw kya kalouhku leite umpaw kha nynh thua.
Ahoypaw lasung miakaw te accingpaw lasung miakaw tuh aluki langte, awnaw hae mih Paaw kyate nynh oun thua hae. Amaw kya tuh rulaekunaw um khyh zah apaleihkuhpaw mynlyh cipaw um boi khyh.
Accingpaw lang rae athua koute, amaw kaw a ngae hae paw balyn hanlan aning tuh zungzae khumnaw athotupaw lang yn tang.
Jesu nynh, "Accingpaw ccungccaw lang na tang ry ze, cceih lah na hoipaw kha zua lah, ryachi hae kha la pya hae; tetuh vaawlang khua kya sisua na hoi cih, te yn cceih lah kae hynh yn zui," a cipya.
Vida íntegra
Que a vossa alegria seja completa! Vivam em harmonia, sejam irrepreensíveis — transformados pela renovação da mente.
Ka lungtuanaw tuh nae kya a um nawlan te nae lungtuanaw phe accing nawlan hynh-e bya hynh kae hopya oh.
Atu cia ka min te pawsang na ngia loh khyh oh, nae lungtuanaw accing nawlan ngia oh lah na mue cih oh.
Nanning nynh hynh-e laephi muinsanke nan oh, thuasalama ahoypaw uccaw, ry lan umpaw uccaw te accingpaw uccaw cikuh hae paw—Pachia rynaw tuh pawmou athua cipaw na thaethya nawlan oh, nae thinlung kha thawsakute muinsan rulaekuh oh.
Uteno hae, nae kya phiakunaw um leite nanning balyn nynh lunglokunaw na hoi oh zah, alokuhpaw tuanaw te alokuhpaw eenaw kya lungngingnaw na hoi nawlan oh, ah Bawipaw Jesu Khri min te kae ngia oh.
Hynh-e hae balyn laelan, accingpaw lunglokunaw liate pawpaw balyn a sueluapaw sungsakunaw khate ccaankuh oh.
Tukeiccuze Khri kya thawzung pyakunaw ccangkhakheit, sungsakunaw kya-e ngaengannaw ccangkhakheit te Muisaw kya-e vaeccawkunaw ccangkhakheit, thawccikunaw te ngaethyaumsakunaw ccangkhakheit a um ze, lunglokute alokuhpaw sungsakunaw hoi biate, nawccawkheihnaw te tuanaw ccangkheit hoi biate nanning nynh ka lungtuanaw kha yn ccingsah oh. Karankunaw, pooku minthaan rynaw te pawsang mah cyih nan oh, ming hae kha naemaw laeze ahoy huapaw lante zakawsangsakunaw thinlung te tua oh. Nanning lu raveih nynh mawmaw thanenaw kyalya kha do leite ming hae thanenaw kha mah dobia oh. Khri Jesu kya a umpaw hynh-e tuanaw hynh nanning kya mah la um sah,
Khri tuh Pachia muinsan
phang a ke pite,
Pachia ryte nginkunaw kha
luade lante tuakuh khyh,
tuhlaeze amaw a thuanaw
balyn kha vua zah,
see muinsan kha lawkute
ccungccaw alo lante yn pui.
Ccungccaw muinsan lante
yn langkuh zah zakawsangsakute
chinaw kyacia—
vaelantung kya chi ciate heize
kaw a ngae.
Tukeiccuze Pachia nynh mah
amaw kha kou hangthung zah
min balyn laeze
alesae huapaw min kha a pya,
tukeiccuze vaawlang um hae paw,
laephi vaw um hae paw te
lae kaw um hae paw miakaw nynh
Jesu min kya
ccukharu a tung cih hae zah,
Paaw Pachia phu-enaw hanlan
munglae miakaw nynh
Jesu Khri tuh Bawi nynh thua,
a ci cih hae.
Tukeiccuze ka sungsah hae paw, ka kaw zungzae na ngae oh zah, kamaw ka um lya kyalya thua leite, atu kamaw ka um khyh lya mah kaw houh na ngae oh hawte, rawri thyngku biate naemaw khumnaw elang ryalah oh; pawccecize amaw kya-e ahoypaw eenaw kha ry khylan te cyi khylan nae lungkhu kya ryalahpaw tuh Pachia nynh thua.
Ccohku leite, eiku leite pawpaw balyn kha cyih oh, tuhteze nynh a thyaruhpaw te a ccouseikuhpaw she kya ccaenaw um leipaw, seinaw a hoi leipaw, a minthu leipaw, Pachia ccaaw hae lang na tang cih oh zah, laephi kya awsi hawte tuh-e hae laku na aw cih oh. Hiinnaw bya kha varyng kyngkuh oh; tuhteze nynh kae tuh alakaw lan ka ccuehan khyh zah rya ka lahhan khyh cite Khri nin kya ka pookuh kho cih. Nae zynnaw te asekuhpaw pyapaw te silawnaw vawlan khe kamaw hynh niapaw silawnaw lante bu a la thua heize, ka lungtua zah nanning balyn ryte ka lungtua. Tuhawte nanning mah nae lungtua sah lah, kamaw ryte nae lungtua sah.
Nae konglang kha he ka thae te ka ngaengan nawlan aro mawze Timote kha nae kalan saw lan Bawipaw Jesu kya ngaehoinaw ka hoi. Aning hawte nanning thanenaw hanlan hoyte peki cih paw lu kheit san ka hoi khyh. Ming hae balyn nynh Jesu Khri hanlan tua leite mimaw hanlan nynh a tuaku hae. Thuasalama ccapaw nynh paaw ryte rya a law hawte, Timote tuh kae te thehoypaw rya kae lawkheih keiccuze a ryalawnaw kha na ny oh. Tukeiccuze ka konglang pawte nynh acyiku cipaw ccahe ka nyh te, amaw kha nae kalan palou saw lan ka ngaehoi, kamaw mah aro mawze nae kalan kae thua cih cite Bawipaw kha ka doliaku.
Te Epafroditas hynh nae kalan saw aho cite ka tua, aning tuh ka neitaw, rya kae lahkheihpaw, rhaw kae doukheihpaw, ka hobounaw kya rya yn lawpahpaw, nae zeccuetu nynh thua, pawccecize aning tuh accih cipaw na thae oh keiccuze nae balynte kou ae ngae oh zah a lungriathae. Aning tuh vya chih lan a ccih ccaccing. Thuasalama Pachia nynh ngaethya a umsah, amaw kyalya thua leite, kae zemah ngaethyanaw ka tungchih khyh nawlan ngaethya yn umsah. Tukeiccuze amaw kha bua na muih oh te nae lungtua nawlan te kae mah ka lungriathaenaw azyahua nawlan amaw kha thawmuinte kae saw. Tukeiccuze Bawipaw kya amaw kha myarya lungtuate la ccou oh; te khahcihawpaw ccungccaw hae kha sawtuanaw la pya oh. Pawccecize nanning nynh nae pya kho lei oh paw bawmnaw kha pya khylan a hiinnaw kha duaaku leite, Khri ryalaw hanlan vya a chibia.
Hum nynh sanmah lukhakheit tungvaw hoyleinaw kha hoyleinaw te a liaru khyh nawlan raeringkuh sah, naemaw te naemaw kya thuasah, ccungccaw balyn kya thuasah ahoypaw kha rae lan zuakuh zungzae oh.
Thuasalama ka zuipaw
laanpi kha aning nynh a ny;
aning nynh he yn syntawtua ze,
sui hawte ka langkuh cih.
Ka ccu nynh a laanpi kha
tynkaring lan a zui;
a laanpi kha ka zui zah
ccanglang ka maekuh khyh.