Jesus me ama
Jesus me ama — essa certeza transforma vidas. O amor de Cristo não depende do nosso merecimento, mas da sua natureza. Ele nos amou primeiro, e nada pode nos separar desse amor.
Ele me amou primeiro
Nós amamos porque Ele nos amou primeiro. O amor de Deus se manifestou em nos enviar seu Filho como propiciação pelos nossos pecados.
Nza guigira wari won ndavi harigi gumgi ga ndɨɨi, ne khaŋ muuŋgi, Fhe Bakɨme fharav won ndavar nza nɨɨŋgi.
Guma guigira won ndavar harigi gumgi ga ndɨɨi tɨv, ana Fhe Bakɨmen tɨv ma. Nza khueŋ ndɨkndɨgɨ thari, nza fharav wari won ndavir Fhe Bakɨme nɨɨŋgi. Fhuvara! Fhe Bakɨme fharav guigira won ndavar nza nɨɨŋgi. Ana fharav guigira won ndavar nza nɨɨŋgiap, maaŋ muuŋgiap, ana won Kama sarigim, ana nza muuŋgi tɨvi mbatɨgi ga nzuav rɨmɨn zav kha nuianan zergi. Ana zerav, rimgiap, nza muuŋgim, nza Fhe Bakɨme phorgap ndava bavira ki.
Mbaia, nde ram mbui ndɨkndɨga mbui. Fhe Bakɨme, ana guigira nza vuzvugiap, guigira won ndavar nza nɨɨŋgi! Ana guigira won ndavar nza nɨɨŋgiap, kha kakaman nzan muunga, nde nan tari ma. Ne guigi guarara, nza Fhe Bakɨmen tari ma. Kha nuianan tɨvi zɨn vui gumgi, nza kaŋgi fhu. Mbe vhɨra, nza Ndia Fhe Bakɨme kaŋgi fhu. Mbe nza Ndia Fhe Bakɨme kaŋgia kake, mbe nza kaŋge.
Zisas, ana nduara won tuma fekhɨngiap, nzan kurkura zav nza nzuav rimgi. Ana mba tɨva muuŋgiap, ana guigira won ndavar harigi gumgi ga ndɨɨi tɨvar nza khɨvigi. Nza maaŋ muuŋgiap mba tɨva kaŋgi. Nza vhɨra wari wo ntuua fusuv, nza phorgap guigira Zisas khothɨgi gumgi, nza mben kurkurarga.
"Fhe Bakɨme, ana Kama bavira ki. Ana guigira wo ndavar kha nuianan ki gumgi gu mbigi ga nɨɨŋgiap, ana ne nzuav mba Kama bavira, ana anan mbe nɨɨŋgi. Ana maaŋ muuŋgim, mba ana khothɨgi gumgi gu mbigi, mbe fhɨrgi rɨgɨp vhɨzgirga tuktɨgi fhu. Zakɨra fhuvara! Mbe zazera mbara muuŋgiap ki bɨɨŋbɨɨŋ ndigirga.
Nza tɨvi mbatɨgi ga mbui gumgi gu mbigi ga gegap mbara muuŋgiap kim, Krais nzan kurkura zav, nza nzuav rimgi. Mba tɨv, Fhe Bakɨme khuen nza khɨvigi, ana guigira won ndavar nza nɨɨŋgi.
Amor inseparável
Nem a morte, nem a vida, nem qualquer outra criatura poderá nos separar do amor de Deus em Cristo Jesus nosso Senhor.
Fhe Bakɨme, ana guigira won ndavar nza nɨɨŋgim, gu khueŋ khothɨgi, bigɨna the Fhe Bakɨme vuzvuga thugɨrga tuktɨgi fhuvara. Nza rimgirga o, nza ŋamki o, Fhe Bakɨme enseri o, tori gu ŋiniŋgi havhari o, ntige khar ki bigi o, zumgu hɨrga bigi o, mbarkɨrga bigi nta ŋkasŋka ki o, kha vun ki bigi o, kha nɨɨn nuianan ki bigi o, mbar tamtam khar ki bigi, mba bigi, nta zam, nta Fhe Bakɨme wo ndavar nza nɨɨŋgi vuzvuga thugɨrga tuktɨgi fhuvara. Ana wo ndavar nza nɨɨŋgi vuzvuk, ana nza Bakɨme Krais Zisas muuŋgi ŋaarar panan, ana wo ndavar nza nɨɨŋgi vuzvugar nza khɨvigi.
Krais, ana guigira won ndavara nza nɨɨŋgi. Mba vuzvuk, ana guigi guarara za nzan ki, bigɨn the ana vuzvuga thugɨrga tuktɨgi fhuvara. Zakɨra fhuvara! Maaŋ muuŋgip, simtɨk nzan hɨrga o, nza maaŋ muuŋgip zaa ndirga o, harigi gumgi tɨvi mbatɨgir nzan muunga o, nza thi hɨrga o, nza shagi ga sosuagirga o, bigɨna mbatɨga thueŋ nzan hɨr saŋv muunga o, mbe nza shogiri nza vhɨzɨrga. Mba bigi, nta Krais vuzvuga thugɨrie? Zakɨra fhuvara! Mba bigi guigira nzan hɨrga. Fhe Bakɨme buni vhuuiŋ ki gap ne suaŋgi,
"Nza ndun gumgi gu mbigi ki. Maaŋ muuŋgiap, mbe zazera nza shogirim, nza vhɨzir za mbui.
Mbe nza garim, nza sipsivi fara muuŋgim, mbe fura nza shogi."
Krais, ana won ndavar nza nɨɨŋgi. Mba nzan hi bigi, nta fhura ki bigi ma. Krais, ana zazera nzan kurkurigim, nza guigira mba bigi kambai.
Zisas Krais, ana za Fhe Bakɨme buni guarira bun nzuai guma ma. Ana za kha gumgi kharav, rimgiap, fhara khavgi guma ma. Ana vhɨra za kha nuianan ki ŋgui vhɨrve gari gumgir panin guma bakɨme ma. Ana vhɨra fhura nden korar muuŋv, nden ndavir muuŋrim, nde ndavi mbɨrav wari kɨri.
Ana guigira won ndavar nza nɨɨŋgiap, ana wo vɨzɨnra ana nza muuŋgi tɨvi mbatɨgi, ana nta vhɨzgim, nza bɨkbɨɨgi. Ana nza muuŋgim, nza anan Ndia Fhe Bakɨme piin ki gumgi gu mbigi ki. Nza kav, Fhe Bakɨmen rotu garim, nza za kha bigi ga suaŋv ara han ŋgɨp, nza zazera harigi gumgi gu mbigir kurkurigi. Mba Fhe Bakɨme, ana Zisasan Ndia ma. Zisas Krais, ana zazera guigira zɨ bakɨme kav, ana ŋkasŋka ki. Ne guigi guarara.
Nza vhava ŋaarar rurga.
Fhe Bakɨme guigira won ndavar nde nɨɨŋgim, nde ana tari ki. Maaŋ muuŋgiap, nde ana mbui tɨvi zɨn ŋgɨri. Nde guigira wari won ndavir harigi ntɨɨri ga ndɨɨi tɨvi zɨn ŋgɨp, wari ruri. Krais, ana guigira won ndavara nza nɨɨŋgiap won tuma fekhɨngiap nzan kurigi. Nde mba tɨva zɨn ŋgɨri. Ana won tuma fekhɨngiap Fhe Bakɨme nzuav ndɨgar vhuuŋ hi ofa mbui fara muuŋgi ofa muuŋgi.
Celebrar o amor de Jesus
O amor de Jesus é motivo de cântico e louvor. De manhã cantarei teu amor e à noite proclamarei tua misericórdia.
Maaŋ muuŋgip, guma the guigira won ndavar guigira won kɨvntogir nɨɨŋgip, mben kurkurar saŋv won tuma fekhɨngirga, mba tɨv, ana guigira fhura won ndavar ndi ndɨɨi tɨvi ana za nta kambarigi.
Nde nza wo Bakɨme Zisas Kraisan fhura kora muuŋgi korar muumbar, nde ana kaŋgi. Ana guigira bigɨr vhɨrve ki, ana nden kurkurar zav, ana guigira saa tara guarara fara muuŋgiap ki. Ana saa tara guarara kɨv, nden kurarim, nde Fhe Bakɨme bigir vhɨrve ndirga.