13 केक्रो थेन यी देखाइक लग कि उ अपन संघरियनहे प्रेम करत, यिहिसे भारी आकुर कौनो तरिका नै हो कि ऊ ओइन्हे बँचाइक लग अपन ज्यान दैदेहे।

12 येशू कलाँ, "मोरिक आज्ञा यहे हो, कि जसिके मै तुहुरिन्हे प्रेम कर्नु, तुहुरे फेन एकदोसर जहनहे ओस्तेहेँके प्रेम करो।

9 जसिके बाबा महिन्हे प्रेम कर्ले बा, ओस्तेहेँके मै फेन तुहुरिन्हे प्रेम कर्नु। तुहुरे मोरिक प्रेमके संग एकतामे पलिरहहो।

23 येशू उहिहे जवाफ देलाँ, "मै अपनहे असिन मनैनहे देखैथुँ, जे महिन्हे प्रेम करत। और जे मोरिक सिखाइल बातहे पालन करत, उहिहे मोरिक बाबा प्रेम करी। और हम्रे ओकर थेन अइबी, और ओकर संग रबी।

34 मै तुहुरिन्हे एकथो लावा आज्ञा देहतुँ: तुहुरे एकदोसर जहनहे प्रेम करो। जसिके मै तुहुरिन्हे प्रेम करथुँ, ओस्तेके तुहुरे फेन दोसुर जहनहे प्रेम करो।

8 पर परमेश्वर हमार लग हुँकार प्रेम यम्नेहेँ देखैथाँ, कि हम्रे पापी रहलेमे ख्रीष्ट हमार लग मुगिलाँ।

2 ख्रीष्टहे उदाहरण बनाके दोसुर जहनहे प्रेम कर्ती जिओ, जे तुहुरिन्हे प्रेम करल और तुहुरिन्के पापहे उठाइक लग अपनहे बलिदान करदेहल। और परमेश्वर खुशी रहिँत, काकरेकी उ बलिदान हुँकार लग सुगन्धित अत्तरके बराबर रहिन।

16 मै प्राथना करथुँ, कि परमेश्वर अपन महिमक सम्पतिमेसे हुँकार आत्मा तुहुरिन्हे शक्ति दिन् ताकि तुहुरिन्के मन बल्गर होजाए।

17 और तुहुरे ख्रीष्टहे विश्वास कर्लक कारण तुहुरिन्के मन बल्गर होए, और ख्रीष्ट तुहुरिन्के मनमे स्थायी रुपमे वास करिँत। मै प्राथना करतुँ, काकरेकी तुहुरे ख्रीष्टहे पक्कासे और ईमानदारीसे प्रेम करथो। 18 परमेश्वर सक्कु पवित्र मनैनके संग तुहुरिन्हे बुझे सेक्ना शक्ति मिलजाए कि ख्रीष्ट हम्रिहिन्हे अतरा धेउर प्रेम करथाँ कि हुँकार प्रेमके हम्रे लम्बाई, चौड़ाई, उँचाई और गहिँराई* सम्झे नै सेक्थी। 19 और मै प्राथना करतुँ कि ख्रीष्ट हम्रिहिन्हे कत्थुक प्रेम करथाँ कहिके अनुभव करनामे तुहुरे सक्षम हुई सेको। ताकि तुहुरे हरेक मेरसे पक्का हुई सेको जसिके परमेश्वर पक्का बताँ।

19 हम्रे परमेश्वरहे और एकदोसुर जहनहे प्रेम कर्थी, काकरेकी आघे परमेश्वर हम्रिहिन्हे प्रेम करलाँ।

14 हमार प्रभु हरदम मोरिकमे अपन प्रशस्त अनुग्रह देखैलाँ। ऊ महिन्हे विश्वास और प्रेम देलाँ। काकरेकी मै ख्रीष्ट येशूक संग एकजुट रहुँ।