Jesus Cristo
Jesus Cristo é o centro de toda a Escritura — Deus encarnado, Salvador do mundo, Senhor dos senhores. Nele habita corporalmente toda a plenitude da divindade.
A divindade de Cristo
No princípio era o Verbo, e o Verbo estava com Deus, e o Verbo era Deus. Jesus é Deus revelado em carne humana.
कळी घड़ायणे सी पेहलुत बुल हतलो, ने बुल भगवान पुठ्ये हतलो, ने बुल भगवानुत हतलु।
कळी घड़ायणे सी पेहलुत बुल हतलो, ने बुल भगवान पुठ्ये हतलो, ने बुल भगवानुत हतलु। च बुल कळी सी पेहेल भगवान साते हतलो। कळी मां ज आखो काय तेरे सीत बण्यो, ने ज काय बण्यो तेरेमां सी काय बी चीज तेरे पाखुर नी बण्यो।
तेरेमां चु बुल कहंवायतेलु; ने चु माणुस बणीन धरती पर आयु, ने आपणे ईचमां रयु। ने हामु तेरी सेक-सींगार देख्या, जसा की भगवान बासेन एकुत लाटेक्ला पुर्यान गीण-दया ने छाचाय बी हतली।
काहाकी ईसु मसी मां भगवानेन आखा गुण पुरा-पुरा वसला छे, ने आपणु तेरो डील मतलब तेरी मंडळी छे, ने आपणु तेरी सीकापणेन साहरे, तेरे साते जुड़ायला रहणेन साहरे पुरा-पुरा पाक्का हय गुयला छे। अतरे आपणुक काहनी बी वातेन कसर नी हय।
काहाकी ईसु मसी मां भगवानेन आखा गुण पुरा-पुरा वसला छे, ने आपणु तेरो डील मतलब तेरी मंडळी छे, ने आपणु तेरी सीकापणेन साहरे, तेरे साते जुड़ायला रहणेन साहरे पुरा-पुरा पाक्का हय गुयला छे। अतरे आपणुक काहनी बी वातेन कसर नी हय। आपणु ईसु, ते कळी भीणी आखा राज करन्या पर, ने हकदार्या पर राज करन्यु मालीक छे।
जसु ईसु मसीन वीच्यार ने वेहवार हतलु, तसुत वीच्यार ने वेहवार तुंद्रु बी रहणु चाहजे।
चु ईसु, भगवान हय्न बी,
भगवान बराबर हवणेन हक काजे छुड़ देदु।
ने आपसा काजे अतरु नानु
ने हेटु कर देदु,
की माणसेन अवतार लीन माणसेन तसु बण गुयु,
ने तींद्रे अगळ पावर्यान तसु बण गुयु।
जसु ईसु मसीन वीच्यार ने वेहवार हतलु, तसुत वीच्यार ने वेहवार तुंद्रु बी रहणु चाहजे।
Jesus, o Filho de Deus
Tu és o Cristo, o Filho do Deus vivo! Jesus revelou o Pai e demonstrou sua autoridade divina por palavras e obras.
ज सामळीन ईसु तीनुक कह्यु, "बाकुन तुहुंं मेसे काजे काय कह्वु?" सीमोन पतरस कह्यु, "तु जीवता भगवानेन पुर्यु मसी छे।"
ईसु तीना पतरस काजे कह्यु, "ए सीमोन, योनान पुर्या, तु वारु छे; काहाकी सीकार ने लुही नी, बाकुन मारु बास सरगे मां छे, चु जी वात तुसे बताड़्यु।
"देखु, एक कुवारली पुरे भारीस हवसे, ने तेरु एक पुर्यु पयदा हवसे, ने हेरो नाव ईम्मानुएल पाड़जी," तेरो मतलब छे "भगवानुत हामरे पुठ्ये छे।"
तत्यार सुबेदार ने जे तेरे साते ईसुन राखवाळी करतेला, चे आखो ज काय हय च देखीन बेसका बीही गुया, ने कह्या, "छाचलीन हयु भगवानेन पुर्यु हतलु!"
बाकुन तेबी ईसु हुगुत हय रयु, ने काय बी जपाप नी आप्यु, डाहलु पुजारु अळी दीसरी कावा अळी तीनाक पुछ्यु, "काय तु परमवाळान वारलु पुर्यु मसी छे?" "ईसु कह्यु," हव मे छे, "ने तुहुंं माणसेन पुर्या काजे आखा सी मटा ताकतवाळान जेवड़्ये आंगे बठलु ने सरगेन आदळा पुठ्ये आवतेलान देखसु!"
चु तीनुक कह्यु, "बीहु मां तुहुंं ते ईसु नासरी काजे, तीनाक कुरुस पर चड़ावला चु छे। चु जीव उठ्यु। चु जां नी हय जाहां चे मेल्ला।
बेसका साल वीत गुया ने अळी ईसु यरदन नद्ये गुयु चां बपतीस्मा आपण्यु युहन्नु बेसका माणसेक पाणी मां डुबाड़ीन बपतीस्मा आपतेलु। दीसरा माणसे बपतीस्मा ली लेदा, ने अळी, बपतीस्मा आपण्यु युहन्नु ईसु काजे बी बपतीस्मा आप्यु। जसु ईसु बपतीस्मा लेदु ती, चु दुवा कर्यु; जत्यार चु दुवा करने बाजी रवलु तत्यार सरग उघड़ी गुयो। ने भगवानेन चुखलु आत्मा एक पेरवान तसों ईसु पर उतर्यो ने तत्यारुत भगवान बास सरगेम रय्न ईसुक कह्यु, "तु मारु लाटेकलु पुर्यु छे, मे तार पर बेसकु खुस छे।"
Eu Sou
Jesus disse: antes que Abraão existisse, Eu Sou. Ele se identificou com o nome divino revelado a Moisés na sarça ardente.
ईसु तीनुक कह्यु, "मे तुहुंं काजे छाचलीन कहं अब्राहम पयदा नी हयु तेरे सी बी पेहलुन मेत छे।"
मे ने मारु भगवान बास एक छे।"
ईसु तीनु दमण्याक ज कह्यु, "मारु बास हय लगुन काम करने बाजी रयु ने मे बी काम करने बाजी रयु।"
ईनी वजे सी यहुदी ने अदुस तीनाक मार नाखणेन कुसीत करने लाग्या, काहाकी हयु आरामेन दाहड़े वाळा रीतीक अतरुत नी तुड़े, बाकुन भगवान काजे मारु बास कहीन आपसा काजे भगवान बराबर बी ठहरावतेलु।
ईनी वजे सी यहुदी ने अदुस तीनाक मार नाखणेन कुसीत करने लाग्या, काहाकी हयु आरामेन दाहड़े वाळा रीतीक अतरुत नी तुड़े, बाकुन भगवान काजे मारु बास कहीन आपसा काजे भगवान बराबर बी ठहरावतेलु।
तुहुंंक मालुम छे की भगवान मर्या सर्याक जीवता करीन बठा करे। तसुत पुर्या धड़े बी जीनुक गमे तीनुक नवलो जीवन आपणेन ने जीवता करीन बठा करनेन हक छे। भगवान बास ते कुयन बी नीयाव नी करे, बाकुन माणसेन नीयाव करनेन आखो हक तेरा पुर्या काजे आप देदलु छे। काहाकी आखा माणसे भगवान बासेन ईज्जत करे; तसान तसा आखा माणसे तेरा पुर्यान बी ईज्जत करनु चाहे। चु पुर्यान ईज्जत नी करे चु पुर्या काजे मकलन्या भगवान बासेन बी ईज्जत नी करे।
मे तुंद्रे सी छाचलीन कहं च टेम आवसे ने मरला माणसे भगवानेन पुर्यान बुल सामळसे ने जे सामळसे चे मर्या-सर्याम सी जीवता हय जासे।
O Salvador e Senhor
Jesus é o caminho, a verdade e a vida. Não há outro nome dado entre os homens pelo qual devamos ser salvos.
ईसु थोमा काजे कह्यु, "वाट, छाचली ने जीवात मेत छे। मारेन्चां नी आवे ती तीनाक भगवान बासेन्चां नी जावाये।"
ईसु फीलीप्पुस काजे कह्यु, "ए फीलीप्पुस! मे अतरा दाहड़ा लग तुंद्रे पुठ्ये र्यु, ने तेबी तुहुंं मेसेक नी उळखु? जु मेसेक देखलु छे। चु भगवान बास काजे बी देखलु छे। तु असु काहा कह्यु की हामु काजे बास देखाड़ दे। तुसेक भुरसु नी आवतु काय की भगवान बास मारे मां छे, ने मे भगवानेन बास मां छे, मे जे बुले तुहुंंक कह्वो चे बुले मारा नी हय बाकुन बास मारेम रवीन बुले ने मारे सी तेरा मटा काम करे।
ईसु मारथा काजे कह्यु, "मर्या-सर्याम सी पछा जीवता करीन बठा करन्यु, ने तीनुक अमर जीवाय आपण्यु मेत छे, जु बी मार पर भुरसु करे, चु मर बी जासे तेबी जीवतेलु रवसे।"
ईसु मारथाक कह्यु, "कदी तु भुरसु करसी, ती भगवानेन सेक-सींगार देखसी, असु मे तुसेक हय पेहलुस कह्लु बी।"
तेरेसी ईसुक छुड़ीन काहना बी दीसरा माणसेन साहरे पाप सी छुटकारु नी जड़े, काहाकी सरगेन नेचो ईनी आखी कळी मां ईसु नाव छुड़ीन दीसरो नाव नी हय, तीने नावे आपणुक पापेम सी छुटकारु जड़तु हय।
वाटे चालता-चालता चे पाणी हतलो चां आखा पुग गुया। पाणीक देखीन गतराड़ु कह्यु, "देख, पलो हयो पाणी। हय मेसेक बपतीस्मा लेणेम काय रुक छे?" फीलीप्पुस कह्यु, कदी तु पुरो-पुरो मन लागाड़ीन भुरसु करे, ती ली सके। चु जपाप आप्यु, "हव, मे भुरसु करो की ईसु मसी भगवानेन पुर्यु छे।"
तत्यार गतराड़ु घुड़ागाडी चालाड़न्याक घुड़ागाडीक उबराक दे कह्यु, ने फीलीप्पुस ने गतराड़ु दुय जणा पाणी मां भराया ने फीलीप्पुस तीनाक पाणी मां बपतीस्मा आप्यु।
A supremacia de Cristo
Ele é o resplendor da glória de Deus e a expressão exata do seu ser. Toda a plenitude habita nele e por Ele tudo subsiste.
जु पुर्यु ते भगवानेन खरलु सीकु छे। चु आपसान ताकतवाळा बुलेन साहरे आखी चीजेक सामळे। ने चु हेरा खुन सी आपणा पापे काजे धुय देदु, ने सरगे जाय्न आखाम ताकतवाळा बास भगवानेन जेवड़्ये आंग्ये बठ गुयु।
असु करीन भगवान तीनाक आपसी जागा आपीन सरग वाळा काहवाळ्या सी बेसकु मटु बणाय देदु। ने तीनाक तींद्रा नाव सी बी मटो नाव आप देदु।
हेरेसी आपणु एक डाहलु मुखी पुजारु छे, मतलब भगवानेन पुर्यु ईसु, सरगे काजे वेणकीन गुयलु छे, अतरे ए भायस्यो ने बहणस्या! आवु, आपणु तीना भुरसा पर वारु टेकला रवजे। आपणु मुखी पुजारु ईसु ते आपणी लुलखाय मां आपणे साते दुखी हये। चु ते आपणेन तसु पापेन साहरे पारखायलु ते खरु, बाकुन तेबी चु गुनाळु नी नीकळ्यु।
ईसु ते आपणा भुरसान पायु छे, ने पाक्कु करन्यु छे; हेरेसी तेरे भीणी एक हेट्या भाळीन जी भुरसान दवड़ दवड़जे। ने आपसा अगळ मेल्ली खुसी हात करने करीन लाजवाये पाखुर कुरुसेन दुख झेल्यु; ने दुख झेलीन भगवानेन राजगादी पर जेवड़्ये आंग्ये बस गुयु।
हेरेसी असो हवणु हतलो की, ईसु आखी वातो मां आपसा मनख्या भायसेन तसु बणे; पापेन बादा छुटीन पापी माणसेक भगवान धड़े मेळ कराड़े ने असो करीन भगवान वगे सी एक दयाळु ने ईमानदार डाहलु मुखी पुजारु बणे।
Confessar a Cristo
Todo aquele que confessa que Jesus é o Filho de Deus, Deus permanece nele e ele em Deus. A fé em Cristo é a vitória.
जु कुय ज्य मानी लेय, की ईसु भगवानेन पुर्यु छे भगवान हेरेमां बणीन रवे, ने चु भगवान मां।
जु कुय ज्य मानी लेय, की ईसु भगवानेन पुर्यु छे भगवान हेरेमां बणीन रवे, ने चु भगवान मां।
भगवान हामरे पर असु परम राख्यु, चु हेरेसी उजेंतो हयो की भगवान आपणा एक खुळ्या पुर्या काजे जागा मां मकेल्लु छे की हामु हेरे साहरे जीवाय जीवसु। भगवानेन परमेन बदले, आपणु बी भगवान काजे परम करजे बाकुन तेबी परम करनेन खरलु दाखलु आपणु जु परम नी हय, खरलु परम असु उजेंतु हयु की भगवान आपसा पुर्या काजे आपणा पापेन माफी वाटे मरीन बादा छुटणे करीन ईनी कळीम मकली देदु।
भगवान हामरे पर असु परम राख्यु, चु हेरेसी उजेंतो हयो की भगवान आपणा एक खुळ्या पुर्या काजे जागा मां मकेल्लु छे की हामु हेरे साहरे जीवाय जीवसु।
जु कुय पाप करे, चु भुतड़ा भीणी सी छे, काहाकी भुतड़ु सुरु सी पाप करतु आवलु छे। भगवानेन पुर्यु हेरसी उजेंतु हयु की भुतड़ान काम काजे खत्तम कर देय।
कळी पर जीत हात करने वाळो कुण छे? सीरप चु तेरु भुरसु छे, की ईसु, भगवानेन पुर्यु छे।
ने ची गवाय जी छे, की भगवान हामुक जलमेन जीवाय आपलु छे, ने ज्य जीवाय हेरा पुर्या मां छे। तेरे धड़े पुर्यु छे, तेरे धड़े जीवन छे; ने जेरे धड़े भगवानेन पुर्यु नी हय, हेरे धड़े जीवन बी नी हय।
की कदी तु तारा मुंहडा सी ईसु काजे मालीक जाणीन हुकारु भरे, ने आपणा मन सी भुरसु करे की भगवान ईसु काजे मरलाम सी जीवाड़्यु, ती तुसेक छाचलीन छुटकारु जड़से।
Viver em Cristo
Já não sou eu quem vive, mas Cristo vive em mim. Ele supre toda necessidade, dá paz e reina como Senhor.
ने हय मे जीवतेलु नी हय बाकुन ईसु मसी मारेम जीवतेलु छे। ने मे हय बी डीलेम जीवतेलु रय रयु, बाकुन मे भगवानेन बेटास ईसु पर भुरसु करने सी जीवतेलु रय रयु, जु मेसेक परम कर्यु, ने मारे वाटे आपसा जीव काजे कुरुस पर चड़ाय देदु।
ने मारु भगवान बी धन मां सी जी सेक-सींगार भेळी मसी ईसु मां छे, चां सी तुहुंंक जो काय चाहजे चो आखो देसे।
तुहुंं आखा एकुत डीलेन भाग छे, ज ईसुन डील छे; ने एक दीसरा पुठ्ये हेळी-मेळीन सांती मां जीवणे करीन भगवान तुहुंंक बुलावलु छे। ने ईसुन सी जड़नी सुक-सांतीन साहरे तुंद्रा मनेन वीच्यार काजे कब्जाम राखीन भेळा रहु। ने तुहुंं भगवान काजे बेसकु वारु छे कह्ता रहु।
काहाकी आपणु ते भगवान सीत ईसु मसी मां एक नवला सीका मां घड़ायला छे; ने चु, आपणु काजे तीना भला कामे काजे करता जाय्न जीवणे करीन घड़्लु छे, तीनु भला कामे काजे चु पेहले सीत पाक्की करलु छे।
ईसु मसी आपणे सी परम करलु छे, आपणे वाटे आपसा काजे भगवान अगळ वारु गमे असो गंदायण्या भेटेन तसु बादान रुप मां चड़ावलु छे। ईसुन तसात तुहुंं बी दीसरा सी परम करता जाय्न जीवु।
काहाकी जसों आपणा डील मां बेसका डील छे, ने आखा डीलेन एक तसों काम नी हय, तसात आपणु बी बेसका हय्न बी ईसु मसी मां एकुत डील मां भेसकायन एक दीसरु डील छे।
बाकुन भगवान काजे तु बेसकु वारु छे करीन कह्वो जो हामरे मालीक ईसु मसीन साहरे हामुक जीत जड़े।
बाकुन मसी काजे मालीक जाणी आपणा-आपणा मन मां चुखला समजु जु कुय तुंद्रे सी तुंद्री आसेन बारामां काय पुछे हीनाक जपाप आपणे वाटे जलम तीयार रवु बाकुन नरम ने धाकेन साते रवु।
काहाकी भगवान एकुत छे, ने भगवानेन ने माणसेन ईचमां बी मेळ करावण्यु बी एकुत छे, ने जु मेळ कराड़न्यु ते, ईसु मसी छे, जु माणसेक बचावणे करीन माणुस बणीन आवलु।
O Rei eterno
O Rei dos reis voltará em glória e majestade. Todo joelho se dobrará e toda língua confessará que Jesus Cristo é o Senhor.
तत्यार मे सरग काजे खुली रवलो देख्यु, ने देखो की एक धवळु घुल्लु छे; ने तीना पर एक सवारी छे, जु भुरसा वाळा, ने छाचलु कहवाये; ने चु धरमेन साते नीयाव ने लड़ाय करे। तेरा डुळा आकठान आंच छे, ने तेरे मुणका पर बेसका राज मुड़े छे। ने तेरो एक नाव तीना पर लिखलो छे, ज तीनाक छुड़ीन अळी कुय नी जाणे। चु लुही मां डुबाड़ला पुथल्या पेहरलु छे, ने तेरो नाव भगवानेन बुल छे। ने सरगेन सीपायड़ा धवळा घुल्ला पर बठी रवला ने चुखला ने धवळा चमकण्यो सणेन पुथल्यो पेहेरीन तेरे पछळ-पछळ आवणे बाजी र्या। जाती-जाती काजे मारने करीन तेरे मुंहडा सी एक पाजावली तलवार नीकळे, ने लुहड़ान डेंगु लीन तीनु पर राज करसे ने हयु आखाम सी ताकत सी भरलु भगवानेन रीस सी कुंड मां अंगुरेन रस रंदळसे। ने तेरा पुथल्या ने सातळ्या पर असो नाव लिखलो छे: "राजान राजा ने मालक्यान मालीक।"
मालीक ईसुन गीण-दया चुखला माणसे साते रहे। आमीन।
ती ईसु थोमा काजे हेरा हात देखाड़ीन कह्यु, "तारी आंगळी ईनु हातेन घाव मां नाख ने आपसु हात उरु कर ने मारा कुखेम वाळा घाव मां तारु हात नाख। ने तु नी भुरसु वाळु मां बणे बाकुन मारे पर भुरसु कर।"
थोमा ईसु काजे जपाप आप्यु, "ए मारा मालीक! ए मारा भगवान!"
ईसु आपसा चेला अगळ अळी बेसका मटा कामेन सहलाणी देखाड़्यु बाकुन तीनु मटा कामेन सहलाणीन बारामां ईनी किताप मां लिखलो नी हय। बाकुन जी वात जां असो करीन लिखली छे की तुहुंं जु भुरसु करु की ईसुत भगवानेन पुर्यु मसी छे, ने तेरे पर भुरसु करीन तेरे नावे सी अमर जीवन हात कर लेय।
मारु हुकुम जु छे की जसु मे तुंद्रे सी परम करलु, तसा तुहुंं बी एक दीसरा सी परम करता रवजु।
मे तुहुंंक छाची छाचीन ज कहं, जु काहनु मारे सी मकेल्ला माणसे काजे मानीन तेरो आव-भाव करे, चु मेसेक मानीन मारुत आव-भाव करे, चु मेसेक मकेलन्याक मानीन तेरुत आव-भाव करे।"
ने मे तीनुक अमर जीवन आपो, ने हयु जीव कदी नी मरसे। ने कुय बी तीनाक मार हातेम सी नी हापके। मारु बास, चु तीनुक मेसेक आप्यु, आखा सी मटु छे, ने कुय बी तीनुक बासेन हातेम सी हापकी नी सके। मे ने मारु भगवान बास एक छे।"
काहाकी भगवान ईनी कळीन पापी माणसे काजे अतरु परम कर्यु, की तेरु एकुत लाटेक्लु पुर्यु मरने करीन आप देदु, ने जु कुय तेरे पर भुरसु करे, चु खत्तम नी हवे बाकुन अमर जीवन हात करसे।
भगवान आपसा पुर्या काजे ईनी कळी मां माणसेन नीयाव करीन डंड आप्णेन हुकुम आपजी करीन नी मकल्यु, बाकुन तेरेमां मकल्यु की कळी मायन माणसे हेरे साहरे छुटकारु हात करसे।
ने जु काहनुक भगवानेन पुर्या ईसु पर भुरसु करे, तीनाक डंडेन हुकुम नी आपे; बाकुन जु कुय ईसु पर भुरसु नी करे, चु गुनावाळु गीणाय गुयलु छे, काहाकी चु भगवानेन एखला पुर्यान नाव पर भुरसु नी कर्यु।
ने जे आपणु कुरुस लीन मारे पछळ नी चाले चु मारु भुरसु करन्यु नी हय।"
काहाकी जां दुय नीते तीन मारा नाव सी भेळा हवसे, ती मे तींद्रे ईचमां रव।"
ईसु चेला भीणी भाळीन कह्यु, "माणसे सी ते ज नी हय सके, बाकुन भगवान सी हय सके, काहाकी भगवान आखो काय कर सके।"
ती ईसु कह्यु, "हय माणसे सी नी हय सके च भगवान सी हय सके।"
तुहुंं आखा पर मालीक ईसु मसीन गीण-दया तुंद्री आत्मा साते बणीन रवे। आमीन।