Jesus Cristo
Jesus Cristo é o centro de toda a Escritura — Deus encarnado, Salvador do mundo, Senhor dos senhores. Nele habita corporalmente toda a plenitude da divindade.
A divindade de Cristo
No princípio era o Verbo, e o Verbo estava com Deus, e o Verbo era Deus. Jesus é Deus revelado em carne humana.
Tɔɔzeizu mɔunpa Wooi ɠɛni ná. Wooi ɠɛni GALA ba. Wooi ɠɛni ga GALA.
Tɔɔzeizu mɔunpa Wooi ɠɛni ná. Wooi ɠɛni GALA ba. Wooi ɠɛni ga GALA. Mɔunpa é ɠɛni GALA ba. GALA ge anii pɛ kpɛtɛa ga tɔun maaʋele. Nii pɛ kpɛtɛai, naa tanɔpɛ ge la ɓɛtɛni tɔun polu.
Wooi valibogɛ, é ɠɛ ga nuɓusɛi, é zei ade zaama, daavegai ga zaalai ta gaamai. Gi ná-lɛbiyai ɠaani, Doun Zunu ɠila kpegi, nii Kɛɛɠɛ teʋegai, naa ná-lɛbiyai.
Mazɔlɔɔ galadai laazeeliaiti pɛ seiʋɛ Kilista ɓusɛi zu.
Mazɔlɔɔ galadai laazeeliaiti pɛ seiʋɛ Kilista ɓusɛi zu. Fai pɛ daazeeliʋɛ wo ʋɛ tɔun saɓui zu. Tɔ ɠa é ga zobodaiti ta kundiɠilaiti ma ungi.
Kisiɛi é ɠɛni Yesu Kilista ma, naa ɠɛɠalai ɠɛ wo ma:
Tɔun kɛʋelei ɠɛni ga GALA kɛʋelei,
kɛlɛ é la ɠɛni naa ʋɛtɛni
ga fai nii a yeeɓata ma.
Kɛlɛ, tɔun é ɓɔɠɔ ɠɛʋelei pɛ zɛni ná,
é botiɠɛ nui ɠɛʋelei zeɠe,
é ɠɛ ga nuɓusɛiti kɛʋele,
é dɛɛ ga toɠa ga nuɓusɛi ɠɛʋelei.
Kisiɛi é ɠɛni Yesu Kilista ma, naa ɠɛɠalai ɠɛ wo ma:
Jesus, o Filho de Deus
Tu és o Cristo, o Filho do Deus vivo! Jesus revelou o Pai e demonstrou sua autoridade divina por palavras e obras.
É zɛba é ɠɛ ti ma: «Wɔun, wa ma, wo ɠɛ nà ga ɓɛ?» Simon Piyɛlɛ gooɠaaʋoteni, é ɠɛ ma: «Ɗa ɠa è ga Mesi, zɛnvu su ƓALAGI ná-Doun Zunui.»
Yesu zɛba é ɠɛ ma: «È undaanɛɛʋɛ, Simon, Zonase ná-doun zunui, tɔɔzei nuɓusɛi lɛi é ʋa naa lɛɛ ga ɗe, kɛlɛ Kɛ̀ɛ nii é geeɠɔlɔgi zu, naa ɠa é dɛa ga ɗe.
«Wɛlɛ, anzalopo ɓeai, nii é la dɛ zunu vaa ɠwɛɛ, naa ɠa kogi zeɠezu,
é zunu loun zɔlɔɔ, ta daasei pɛɛ ga Emanuwɛle.» bogɛ é zoloo Gɛlɛke woo zɛʋɛ wɔlɔmai ma.
Daaseigi naa ʋoluʋɛ ɠa ga «GALA ka ade ʋa».
Siɛgi zu Wɔlɔme zalaʋusu ɠundiɠii ta salaʋusui niiti ti ɠɛni wɛlɛzu Yesu ma, ti zou ɓalii ɠaani la, naa ʋɛɛ fai pɛ ba niiti ti ɠɛni ɠɛɛzu, dualuagi lɔɔni ti zu, ti ɠɛ ma: «Gaamazu, zunui nii ɠɛa ga GALA Doun Zunui!»
Kɛlɛ Yesu maaɠɛni kpɔ, é la gaaʋoteni. Zalaɠa ɠula ɠundiɠi wolai gaazaɠani ʋolu, é ɠɛ ma: «Ɗa ɠa è ga Kilista ɓaa, GALAGI nii mamagi bɛ, naa ná-Doun Zunui?»
Yesu gooɠaaʋoteni, é ɠɛ ma: «Ungo, nà ʋe. Wa ʋaazu Nu ná-Doun Zunui ɠaazu, é zeini Zɛbɛi-Pɛ-Maliɠii yeezazuʋɛ, é ɗa ʋa geeɠɔlɔgi ma lonaɓiingiti maazu.»
Kɛlɛ zinipoi ɠɛni ti ma: «À mina lua. Nazalɛte nui Yesu ɠa wo gaiziɛzu, nii ti kpadɔni saa wului ma. É la mɔ ʋɛ, é wuzeɠea, é ɠula saai ya. À ʋa, wo wɛlɛ, ʋɛ é ɠɛa laani ná.
Tɛi nuɓusɛi pɛ ge ɠɛni ɓatizesu, Yesu ɓalaa ɓatizeni. Kɛai ma GALA falizu, geeɠɔlɔgi laalaoni, Zɛnvu Ɲadegai yei ma, poopogi ɓusɛi ɠɛʋelei zu. Wooi ta ɠulani geeɠɔlɔgi zu, é ɠɛ ma: «Ɗa ɠa è ga nɛ̀ɛbɛ Loun Zunui, ɗa gòla yiilaazu.»
Eu Sou
Jesus disse: antes que Abraão existisse, Eu Sou. Ele se identificou com o nome divino revelado a Moisés na sarça ardente.
Yesu ɠɛni ti ma: «Gè bo wo ma ga gaamai, aisa Abalaame ʋa zɔlɔɔ, nà ga naa, nii é ná.»
Moize ɠɛni GALA ma: «Nà liizu Izilayɛle nuɓusɛiti pɔ bɛ, gè ɠɛ ti ma: ‹Wo-mɛmɛwolani ta-ƓALAGI tèʋegɛ wo ʋɔ bɛ.› Kɛlɛ ni ta gàazaɠana ga ‹daasei ka lee?› Nà ti wooɠaaʋote ɠale?»
GALA ge ɠɛni Moize ma: «Nà ga naa, nii é ná.» É ɠɛni ma mɔnɔ: «Pele ɠa ɗa Izilayɛle nuiti gooɠaaʋote da: ‹Zɔi é lolisu ga: Nà ná, naa ɠa é tèʋegai wo ʋɔ bɛ.› »
Nà-o, Kɛ̀ɛ-o, gá ga nu ɠila nɔ.»
Kɛlɛ Yesu ti wooɠaaʋoteni, é ɠɛ ti ma: «Zaaɠaza Kɛ̀ɛ ɠa botii ɠɛɛzu, nà ɓalaa, nà botii ʋa, gè ɗa kɛ.» Naama wooi maaʋele ma Zuifuiti ta-ɠundiɠiiti ti wola zɛbɛzeɠeni ga ti Yesu ʋa, tɔɔzei é ɠɛni dooɠo foloi ma lɔgi ɠoloɠolosu, naa ʋoluma é ɠɛni ɠɛɛzu GALA ka ga Kɛɛɠɛ ɠitei, é ɗa ɓɔɠɔ ɠɛ ga GALA kɛʋele.
Naama wooi maaʋele ma Zuifuiti ta-ɠundiɠiiti ti wola zɛbɛzeɠeni ga ti Yesu ʋa, tɔɔzei é ɠɛni dooɠo foloi ma lɔgi ɠoloɠolosu, naa ʋoluma é ɠɛni ɠɛɛzu GALA ka ga Kɛɛɠɛ ɠitei, é ɗa ɓɔɠɔ ɠɛ ga GALA kɛʋele.
Tɔɔzei ʋelei Ɠɛɛɠɛ GALA ge gɔvɛiti buzeɠezu la, é ti ɠula saai ya, é zɛnvui ve ti ya, zenɔ ɠana Doun Zunui ɓalaa ɠa zɛnvui veezu naama nui ya, nii é pɔ é fe bɛ. É ɓudɛ naa maazu, Ɠɛɛɠɛ GALA tɛi a ɗa nuiti ta-lukpɔi ɠaaleʋe, kɛlɛ é tukpɔɠaaleʋe vai pɛ zɛgɛ Doun Zunui ya, naa ɠa a kɛ nuiti pɛ ti unfemai ve Doun Zunui ya, ga Ɠɛɛɠɛ GALA kɛʋele. Zɔi é la unfema veeni Doun Zunui ʋɛ, naama nui la unfema veezu Ɠɛɛɠɛ GALA bɛ, nii é tɔun teʋegai.
«Gè bo wo ma ga gaamai, yeeɠɛɠalai ɠa ʋaazu, tɔun vɔlɔ é zeelia, siɛgi zu zɔiti ti zaai, ti ʋaazu GALA Doun Zunui wooi mɛnisu da, tama zɔiti pɛ ta gooi mɛni, naati ta zɛnvui wo.
O Salvador e Senhor
Jesus é o caminho, a verdade e a vida. Não há outro nome dado entre os homens pelo qual devamos ser salvos.
Yesu gooɠaaʋoteni, é ɠɛ ma: «Nà ɠa gè ga pelei, ta gaamai, ta zɛnvui. Nu nɔpɛ ge la ʋa Kɛ̀ɛ ʋɔ, kɛni é leʋe ga nɔ̀un pɔ pelei.
Yesu gooɠaaʋoteni, é ɠɛ ma: «Ada ʋolu kaite, Filipe, ná pɛ su, è la nɔ̀un kwɛɛ? Zɔi nɔpɛ é kàa, naama nui Kɛ̀ɛ ɓalaa kaa. Toɠa ɠale mu è ɠɛɛzu ma: ‹Ɠɛɛɠɛ lɛ ga giye›? È la laani da ɓaa ga gìliʋɛ Kɛ̀ɛ ʋa, Kɛ̀ɛ ɓalaagi ɠiliʋɛ nɔ̀un ba? Wooi niiti gè ti wosu wo ma, nà ɓɔɠɔ lɛi gè ʋa ɠɛ nɔ ti ɠulazu yiima, kɛlɛ Kɛ̀ɛ nii é zeini zìimaʋɛ, naa ɠa é ná-botiiti kɛɛzu ɠana.
Yesu ɠɛni ma: «Nà ɠa gè ga buzeɠei saai ya ta zɛnvui, zɔi nɔpɛ è laazu nɔ̀un da, naama nui anɛɛ ɓalaa toɠa zaazu, toɠa zɛnvui wo.
Yesu gooɠaaʋoteni, é ɠɛ ma: «Gè la boni è ma ɓaa, ga: ‹Ni ɗa laana nɔ̀un da, ɗa GALA ná-lɛbiyai ɠa›?»
Yesu ɠila nɔ ɠa kizogi ɠa zoo zɔlɔɔsu saɓui zu, mazɔlɔɔ GALA ge la nu ɠili nɔpɛ daasei feeni eteai zu nuiti saama, nii da zoo ɠizosu ga tɔun maaʋele.»
Ti yɛni liizu, ti zeeli adɛ ta, ʋɛ ziɛi ɠɛni ná, kundiɠii ɠɛni Filipe ma: «Wɛlɛ ziɛi ʋa. Lee ɠa é pele leʋesu tùɠɔ, gè ʋa ɓatize?» Filipe gooɠaaʋoteni, é ɠɛ ma: «Ni ɗa ɠidaaleʋena ga è-yiimaʋɛ pɛ, ɗa zoo ɓatizesu.» Zunui ɠɛ ma: «Gè ɠidaaleʋea ga Yesu Kilista ɠa é ga GALA Doun Zunui.» Etiyopi zunui devei veeni ga wotoloi lo. Filipe ta zunui naa ti felegɔ ti ʋilɛni ziɛi wu, Filipe kpatize.
A supremacia de Cristo
Ele é o resplendor da glória de Deus e a expressão exata do seu ser. Toda a plenitude habita nele e por Ele tudo subsiste.
Doun Zunui tɔna ka é ga GALA ná-lɛbiyai ma voloi, é ga GALA ɓɔɠɔi ʋaaɠulabai. Tɔ ɠa é kpɛtɛanii pɛ suzosu ga daawooi ná-zɛbɛi. Kpegai ma ga kotoiti gba vai ɠɛ, é zeini geeɠɔlɔgi zu maazuʋɛ poun, GALA Maayikiai yeezazuʋɛ.
Doun Zunui wɔɔlɔʋɛ gola, é leʋe geezuɠeelaiti ba, ʋele nɔ ɠana é la ɓalaa, é daasei sɔlɔɔgɛ, nii bɔɔlɔai naati tɔnɔi ʋa.
Ade lo kpaan kidaaleʋei zu, nii de ma wooi wosu, tɔɔzei zalaɠa ɠula ɠundiɠi wolai ɠa ade ya, nii é geeɠɔlɔgi zuvologai, naa ɠa é ga Yesu, GALA Doun Zunui. Mazɔlɔɔ zalaɠa ɠula ɠundiɠi wola laade, é ʋa ɠɛ ade ya, ga nii é la zooga é ʋa de maawɔinɠa da-zɛbɛsulalai zu, kɛlɛ tɔun é tɛgai zɔlɔɔni fai pɛ su ga de ɠɛʋele, kɛlɛ é la ɠɛni koto ɠɛɛni.
De ɠaazulo Yesu ʋa kpaan, nii é kidaaleʋei lɔɔzeiɗa de ʋɛ, é liizu la eyɛsu daazeeli. É vaani bu ga ti paa saa wului ma, é la naama zaa zii leveni ga unfe faa nɔpɛ, tɔɔzei é ɠɛni koozunɛɛi ɠwɛɛ, makɛga ɠɛni de tuɠɔ, toɠa zeini niina GALA ná-masa kpɔkpɔgi yeezazuʋɛ.
Naa ɠa é ba, kɛni a la ɠula ga kɛɛɠɛleaiti fai pɛ su, naa ɠa a kɛ, é ɠɛ ga zalaɠa ɠula ɠundiɠi wolai, daavegai ga gaazumaawɔinɠai, é ga wooɠɛɠila nu GALA ná-botii zu, ga é nuɓusɛiti ta-ɠotoiti gba.
Tama, ada-ɓɔlɔiti ka é ti zeɠeni,
Ada-zoolɛiti ka é ti zeɠeai ga ɠasɔ.
Kɛlɛ de ɠɛni ɠisiɛzu ga GALA ná-doɠai ɠa é daawu ɠana,
é ɗa doɠa, é ɗa unfe.
Kɛlɛ ada-lɔ koloɠologiti faa ɠa ti bɔɔni su,
ada-vaaɠaaza golaiti faa ɠa ti suɠaleɠaleni la.
Maaɠoloi nii a la zeeli ade ma, de ʋa ziilɛigi zɔlɔɔ,
naama ɠasɔi laani tɔun unma.
Maawanani, naa ɠa é ade ɠɛdɛni.
Ná-masadai ɠoma ɠa wɔɔlɔ,
é ziilɛigi zei, nii kpela ge la ba.
Toɠa zei Davide ná-masa kpɔkpɔgi ɠa, é masadai ɠɛ.
Toɠa naa zei, é makɛ ma ga sɔledai ta telebodai,
é zo niizu ma eyɛsu ɠɔ.
Wɛlɛ naa ɠa Ɠɔoɠɔ GALAGI, Fai-Pɛ-Maliɠii a kɛ ná-nɛɛbɛ wolai zu.
Confessar a Cristo
Todo aquele que confessa que Jesus é o Filho de Deus, Deus permanece nele e ele em Deus. A fé em Cristo é a vitória.
Zɔi nɔpɛ é kulazu laa, é ɠɛ ma: «Yesu ɠa ga GALA Doun Zunui,» GALA ka zeini naa yiimaʋɛ, tɔ ɓalaa ɠiliʋɛ GALA ba.
Zɔi nɔpɛ é kulazu laa, é ɠɛ ma: «Yesu ɠa ga GALA Doun Zunui,» GALA ka zeini naa yiimaʋɛ, tɔ ɓalaa ɠiliʋɛ GALA ba.
Wɛlɛ ʋelei GALA ná-nɛɛbɛi ɠulani la kɛlɛma ade ʋɛ: GALA ge ná-Doun Zunu ɠila kpegi leʋeni eteai zu, nii a kɛ de zɛnvui wo ga tɔun maaʋele. Nɛɛbɛi ɠa ga nii: É la ga dɔun ka de GALA nɛai ʋɛ, kɛlɛ tɔun ka é ade nɛɛni ʋɛ, é ná-Doun Zunui leʋe, é ɠɛ ga da-ɠotoiti gba zalaɠai.
Wɛlɛ ʋelei GALA ná-nɛɛbɛi ɠulani la kɛlɛma ade ʋɛ: GALA ge ná-Doun Zunu ɠila kpegi leʋeni eteai zu, nii a kɛ de zɛnvui wo ga tɔun maaʋele.
Zɔi é yɛsu kotoi ɠɛɛzu, naa ɠa ga Inɛgi nɔnɔ, mazɔlɔɔ Inɛgi kotoi ɠɛɛni tɔɔzeizu mɔunpa. GALA Doun Zunui ɠulani kɛlɛma ɠiteɠite su ga é Inɛgi ná-kɛɛwotiiti koloɠolo.
Ɓɛ ɠa a zoo é pilɛ sɔlɔɔ eteai ma? Kɛni zɔi ɠila kpe kidaaleʋeai ga Yesu ɠa ga GALA Doun Zunui.
Wɛlɛ naama zeele wooi ʋa: GALA ge ɠɔoɠɔ zɛnvui vea de ya, da naama yɛnvui zɔlɔɔsu ná-Doun Zunui ya. Zɔi giliai Doun Zunui ʋa, zɛnvui ɠa naa ya. Zɔi é la ɠilini GALA Doun Zunui ʋa, zɛnvui la naa ya.
Ni ɗa bona laaʋɛ ga Yesu ɠa ga Maliɠii, è la da è-yiimaʋɛ ga GALA ge buzeɠeni, é kula saai ya, GALA ka è ɠizo.
Viver em Cristo
Já não sou eu quem vive, mas Cristo vive em mim. Ele supre toda necessidade, dá paz e reina como Senhor.
Gá Kilista gi ɓadɔni saa wului ma. Nà la mɔ de gè ʋa ɠɛ zɛnvui wosu, Kilista ɠa é yɛnvuzu sù. Zɛnvui gè bosu niina, nà bosu ga kidaaleʋei maaʋele GALA Doun Zunui ma, nii é nɛ̀a ʋɛ, é yee zeɠe ɓɔɠɔ maazu nà-faa zu.
Nà-GALAGI ɠa wo-maavaiti pɛ kɛ, eɠɛʋelei ná-kpɛtɛi wola maanɛai la, ga Yesu Kilista maaʋele.
Kilista ná-ziilɛigi lo wo luɠɔ, naama yiilɛigi ɠa GALA ge wo loligai ma ʋɔɔma, wo ɠɛ ga kpusɛ ɠilagi ʋaalobazuʋɛti. À ɠɛ ga faanɛɛ wuuɠwɛɛ nuiti.
Mazɔlɔɔ GALA ka é ade ɓɛtɛai, é ade ɓɛtɛʋɛ ada-ɠilibalai zu da Yesu Kilista, kɛɛwoti ʋagɔiti kɛ vaiti ma, niiti é ti ɠɛʋele ɓɛtɛni ma yeeluɠɔ, nii a kɛ de ʋilɛ naati kɛ vai ʋolu.
À ziɛ ga nɛɛbɛi, eɠɛʋelei Kilista de nɛai la ʋɛ, é zɛnvui ve da-vaa zu, ga vebɛanii ta zalaɠai nii makugi nɛai GALA bɛ.
Kpusɛ ɠilagi ʋaalobazuʋɛti mɔinʋɛ, kɛlɛ ti pɛ ti la boti zii ɠila kɛɛzu. Zekana ade la, anɛɛ ni de mɔinʋɛ, de pɛ da ga kpusɛ ɠilagi, de ɠiliai Kilista ʋa, de ɠilagilagi de ɠiliʋɛ ɓɔɠɔ ʋa, eɠɛʋelei kpusɛi ʋaalobazuʋɛti ti la.
Kɛlɛ mamagi ɠa GALA bɛ, é zobogi veezu ade ya, ga de-Maliɠii Yesu Kilista maaʋele!
Kɛlɛ tɔun, à Kilista lɛbi wo-yiimaʋɛ, tɔ ɠa é ga wo-Maliɠii. Wo ɠɛʋele ɓɛtɛai ɠɛ de yeenɔpɛ, wo naati pɛ gooɠaaʋote, zɔiti ti wo ɠaazaɠasu wa-ɠitogi ma ungi ma.
Mazɔlɔɔ GALA gila kpe nɔ ɠa é ná, ta zɔɠɔzuɓɛtɛ nu ɠila kpe nɔ, GALA ta nuɓusɛiti zɔɠɔzu, naama nui ɠa é ga Yesu Kilista,
O Rei eterno
O Rei dos reis voltará em glória e majestade. Todo joelho se dobrará e toda língua confessará que Jesus Cristo é o Senhor.
Naa ʋolu gè geeɠɔlɔgi laalaogai ɠaani. Soo ɠolegi ɠulani kɛlɛma. Zɔi é zeini kɔma, daaseigi ɠɛni ga «Wooɠɛɠila Nui ta Gaama Nui». Toɠa tukpɔi ɠaaleʋezu, é kɔɔi ɠɔ ga telebodai. Gaazuɠɛzɛiti ti ɠɛni volozu eɠɛ abuzogi, masa bɔɔlɔ mɔinmɔingiti ti ɠɛni unba. Daaseigi zɛʋɛai maaʋɛ, nii nu nɔpɛ ge la kwɛɛ, kɛni tɔ ɠila nɔ. Maaɠilini ga seɠei nii zɛɓɛai ga ɲamai. Daaseigi ɠa ga: «GALA daawooi». Geeɠɔlɔgi zu ɠɔɔɠɔ nuɓusɛiti ti ʋilɛni polu, ti zeini soo ɠolegiti kɔma, ti maaɠiliai ga geze ʋagɔ zeɠeiti, ti ɠoleai, ti ɲadegai. Boɠa zɔkpɔ ɠaaligi ɠulani daaʋɛ, naa ɠa é ziiti doɠazu la. Toɠa lo ti luɠɔ ga kɔlu lukpɔi. Toɠa leezɛin ziɠa GALA Zɛbɛi-Pɛ-Maliɠii ná-ziiɠula golai ma lɔɔ ɓɛtɛzuʋɛ. Daaseigi zɛʋɛʋɛ ná-seɠeun golai ma, ta kpalai ma ga: «Masagiti ta-Masagi, maliɠiiti ti-Maliɠii».
Maliɠii Yesu ná-zaalai yɛ ɛsɛ pɛ ba.
Naa ʋoluma, é ɠɛni Tomase ma: «È-yeeɓeɠai lɔ ʋɛ, wɛlɛ zèeiti ba, ʋa ga è-yeei, è pɛɛ kòkakamaʋɛ ʋa. Mina ɠɛ ga kidaaleʋelala nu, kɛlɛ ɠidaaleʋe.»
Tomase ɠɛni ma: «Màliɠii ta nà-GALAGI!»
Yesu laavɔɔ vaa mɔinmɔin kiligaa ɠɛɛni ʋolu ná-kaladopoiti gaazu, niiti ti la zɛʋɛni niima zɛʋɛi zu. Kɛlɛ niiti ti zɛʋɛai ʋɛ, naati sɛʋɛʋɛ, nii a kɛ wo la da ga Yesu ɠa é ga Kilista, GALA Doun Zunui, ta nii a kɛ wa laana da, wo zɛnvui zɔlɔɔ ga maaʋele.
Nà-devei ɠa ga: Wo ɓɔɠɔ nɛɛ ʋɛ wo ɠilagilagi pɛ, ʋelei gè wo nɛai la ʋɛ.
Gè bo wo ma ga gaamai, zɔi é yeezeizu nà-keelai wu, naama nui yeezeiɗa bù. Zɔi é yeezeizu bù, naama nui yeezeiɗa tèʋe nui wu.»
Nà ɠɔoɠɔ zɛnvui veezu ti ya, ti undaa la ʋiliga eyɛsu pɛ, nu nɔpɛ ge la zooga ɓalaa ti ɠulazu zèa. Kɛ̀ɛ é ti veai zèa, naa wɔɔlɔʋɛ ɛsɛ pɛ ba, tama nu nɔpɛ ge la zooga ti ɠulazu Kɛ̀ɛ ya. Nà-o, Kɛ̀ɛ-o, gá ga nu ɠila nɔ.»
«Mazɔlɔɔ GALA ge eteai nɛa ʋɛ, eyɛsu é ná-Doun Zunu ɠila kpegi vea, naa ɠa a kɛ nu nɔpɛ a la da, naa undaa mina ʋili, kɛlɛ é ɠɔoɠɔ zɛnvui zɔlɔɔ. Tɔɔzei GALA ge la ná-Doun Zunui leʋeni eteai zu ga é eteai ʋeelala, kɛlɛ nii a kɛ eteai kizogi zɔlɔɔ ga maaʋele. Zɔi nɔpɛ é laazu tɔun da, peelalazu nɔpɛ ge la naa ʋa. Kɛlɛ zɔi é la kɛɛni é ʋa la da, naama nui ɓega ga peelalai zɔlɔɔ, tɔɔzei é la laani GALA Doun Zunu ɠila kpegi la.
Zɔi ɓalaa é la zaa wului zeɠeni, é ʋa ʋilɛ pòlu, naama nui la vizɔni ga nà-kaladopo.
Tɔɔzei, ʋɛ nɔpɛ nu felegɔ ɓaa nu saʋagɔ ta ɠaalɛ ba ná dàaseigi zu, nà ti zaama.»
Yesu wɛlɛni ti ʋa, é ɠɛ ti ma: «Naa la zooga é ʋa ɠɛ nuɓusɛiti zea, kɛlɛ é la ɠana GALA zea. Fai pɛ ka zoo ɠɛɛzu GALA zea.»
Yesu ɠɛni ti ma: «Nii é la zooga é ʋa ɠɛ nuɓusɛiti zea, GALA ka zoo naa ɠɛɛzu.»
Maliɠii Yesu Kilista ná-zaalai yɛ wo ʋa.