1 Anepo patandi, chilambo kabla chikànambiumbwa, Lilove ávele apwawììje, na Lilove ávele pamo na Nnungu. Malinga chanavele Nnungu na Lilove ávele uchocho.

1 Anepo patandi, chilambo kabla chikànambiumbwa, Lilove ávele apwawììje, na Lilove ávele pamo na Nnungu. Malinga chanavele Nnungu na Lilove ávele uchocho. 2 Kutandikila anepo patandi aneyo Lilove ávele pamo na Nnungu. 3 Vitukutuku vyammalele víumbwije kupitila nang’e, na wala nanga chinu chimo chinaumbwije bila nang’e.

14 Lilove nkujuka munu, nkuikala pamo na hwetu, akuno aombèèle inema na uhiu. Na hwetu tùniwona ukulu wake, ukulu wanga Mwana wa weka ahalêke kwa Atata Nnungu.

9 Kwa kuva, mummili wanga Kilisto mùvele ukamilifu wammalele wa Nnungu.

9 Kwa kuva, mummili wanga Kilisto mùvele ukamilifu wammalele wa Nnungu. 10 Na kwa kulundanywa na Kilisto, mwenu mùnikamilika. Nang’e njo avatawâla vatawâla vammalele na vavêle na mamulaka vammalele.

5 Mùùve na isungu malinga aila yanavenayo Yesu Kilisto.

6 Kutandikila anepo patandi nang’e ávele mwavelelee Nnungu,

henga nang’e kuva mwavelelee Nnungu nanga panawene kuva

chinu cha kulikongonekela.

7 Henga kwa kutamwa kwake mwene, ánivileka anevyo vyammalele,

nkulijuha mwavelelee ntumwa,

nkuva mwavelelee munu.

5 Mùùve na isungu malinga aila yanavenayo Yesu Kilisto.

15 Yesu nkuvauja kuva, "Dachi, na mwenu muchidachi, nangu nnani?" 16 Simoni uvanchema Petulo nkuyang’ula kuchidoni, "Wako nni Kilisto, Mwana wanga Nnungu mumi." 17 Yesu nkunnyang’ula kuva, "Wasa wako Simoni mwana wanga Yona, kwa kuva akee munu akuhunukulidîle, ila mwene Atatangu avêle kulihunde.

23 "Nkongwe akámmaite nnume àmbekuva na chitumbo,

na àmbemmaleka mwana wa chilume,

na vàmbenchema Imanueli,"*

mana lake, Nnungu àvele pamo na hwetu.

54 Nkulu yumo wa matiyala la Chiloma na avala vánavele pamo nanang’e uvannolihija Yesu, pavachiwene chilambo uchindengenda na lammalele lahumidile, nkuyopa namene, nkuhaula kuchidoni, "Muhiu ayu munu ávele Mwana wanga Nnungu."

61 Henga Yesu nkunnyalala chihi nanga kuyang’ula lilove. Kuhani Nkulu nkummuja kavila kuchidoni, "Dachi, wako njo Kilisto, Mwana wa Nnungu, Nnungu Atumbyangîka?" 62 Yesu nkuyang’ula kuchidoni, "Nangu njo nang’e! Mwenu muchimumwone Mwana wa Munu aikèlè m’bali wa kunkono wa Nnungu Avêle na Dimongo, uchocho muchimumwone avèlè mmahunde waida."

6 Ayula malaika nkuvahaulila kuchidoni, "Munayope. Nangu ǹnimala kuva mùntaha Yesu wa ku Nasaleti avambwîje munsalaba. Nang’e ànifufuka, apano akapali. Lola pachinu pavanannajije.

21 Vanu vammalele pavachibatiswa, Yesu nanang’e nkubatiswa. Yesu pachinnyuwa Nnungu, kulihunde nkuhunukuka, 22 na Umumu Wanaswe ánavele muchi umunda nkunsulupukila. Anepo nkupilikanika lidi kuhaloka kulihunde ulichidoni, "Wako njo mwanangu unikutamwa, ǹnikatapaliwa na wako."

58 Yesu nkuvahaulila kuchidoni, "Nangu nìnnyaulilanga uhiu kuva, Iblahimu kabla akànambivelekwa nangu nanipwawa, kwa kuva, ‘Nangu nni Unene.’* "

30 Nangu na Atata nni chinu chimo."

17 Henga Yesu nkuvahaulila kuchidoni, "Atatangu àvele chihi nkukola madengo mpaka nelo, nanani uchocho mbènkukola madengo."

18 Malove anelo lanatangwele Yesu lavatendile Vayahudi kukudungila namene kummwalala Yesu, akee chihi ing’anya ya kutenda lakáluhusiwa Nniduva lya Kuyewelela, ila na kwa kunchema Nnungu kuva Atatake, nang’e àlilinganyanga na Nnungu.

18 Malove anelo lanatangwele Yesu lavatendile Vayahudi kukudungila namene kummwalala Yesu, akee chihi ing’anya ya kutenda lakáluhusiwa Nniduva lya Kuyewelela, ila na kwa kunchema Nnungu kuva Atatake, nang’e àlilinganyanga na Nnungu.

21 Kwa kuva, malinga Atata chavafufula vanu vahwîle na kuveng’a umi, nni uchocho Mwanawe chaveng’a umi avala vávalembêla. 22 Atata akánnyukumu munu woheyo, henga hukumu yammalele ànkamujije Mwanawe, 23 uchinga vanu vammalele vamwesììmù Mwanawe, malinga chivamweshimu Atata. Na munu akámweshimu Mwanawe, akámweshimu na Atata antumîle.

25 Nangu nìnnyaulilanga uhiu kuva, pàmbekuva na uhiku, na uhiku anewo ùnikamola, vanu vahwîle uvambelipilikana lidi lya Mwana wa Nnungu, na vanu vambelipilikâna, vàmbekuva vumi.

6 Yesu nkunnyang’ula kuchidoni, "Nangu njo Indila, na Uhiu na Umi. Nanga munu ahulûla uhwena kwa Atata Nnungu bila kupitila kwang’une.

9 Yesu nkunnyaulila Filipo nkuchidoni, "Filipo, ngùtandilike machedo kwikala na mwenu mpaka hambi, dachi kuva ukánangumala? Anguwêne nangu, àmmwene na Atata Nnungu. Hambi wako ùhulula dachi kuhaula kuva, ‘Tulanguje Atata Nnungu?’ 10 Dachi, wako ukákulupila kuva nangu ngùvele nkati mwa Atata Nnungu na Atata Nnungu àvele nkati mwangu? Malove laninnyaulila mwenu lakáhaloka chihi kwang’une, ila Atata Nnungu àvele nkati mwangu nni akôla madengo lake kupitila nangu.

25 Yesu nkunnyaulila kuchidoni, "Nangu njo ufufulo na umi. Munu woheyo angukulupîla nangu, ata kwahwa, achiave mumi.

40 Yesu nkunnyaulila kuchidoni, "Dachi, nikákuhaulidile kuva ukàkulupila uchiuwone ukulu wanga Nnungu?"

12 Upohi nanga paupatikana kupitila kwa munu yunji woheyo. Kwa kuva, pachilambo chammalele vanu nanga pavapewije lina lya munu woheyo ahulûla kutupoha, ila Yesu weka."

36 Pavanavele mmwanda, nkuhwika pachinu pavêle medi, ayula towashi nkuchidoni, "Lola, apano pàvele litanda lya medi. Dachi, chinu ntwani chimbenenda nangu nnabatiswe?" [37 Anepo Filipo nkuchidoni, "Ikàva unakulupila kwa ntima wako wammalele, ìnahululika." Nang’e nkuyang’ula kuchidoni, "Nangu nakulupila kuva Yesu Kilisto njo Mwana wa Nnungu."]* 38 Anepo nkuimija nkokoteni nkusulupukanga. Filipo na ayula towashi nkuhelelekela mmedi, na Filipo nkum’batisa ayula towashi.

3 Nang’e njo ing’anyimi ya ukulu wanga Nnungu, na njo nfano uhiu wanga Nnungu mwene. Kwa kuva, Mwana wanga Nnungu àvihululiha vitukutuku vyammalele vihwenehe kupwawa kwa dimongo dya lilove lyake. Ánivahahula vanu masambi lavo, na pamalidile nkuikala aneko kulihunde, m’bali wa kunkono wa Nnungu, mumamulaka lake Nnungu Avêle na Ukulu.

4 Anelo làlanguja kuva Mwana wanga Nnungu nni nkulu kupunda malaika malinga lina lyake lyapewije na Nnungu chilivele likulu kupunda malina lavo.

14 Bahi kwa kuva tùvele na Kuhani Nkulu kupunda vammalele, ainjidîle mpaka kulihunde, yani Yesu Mwana wanga Nnungu, bahi tuikamulihe saana ing’ulupa yetu ituiyambukila. 15 Kuhani wetu Nkulu utuvenawe ànahulula kutuvikila chididi ing’anya ya idabadangi yetu. Kwa kuva, nanang’e ánilingwa kwa kila namuna muchi hwetu, henga nanga panatendile sambi.

2 Bahi tuvikange ding’ano dyetu kwanga Yesu, atandilihîje na aikamilîsha ing’ulupa yetu. Nang’e kwa kuva ánimala ihangaladi yambepata lukoto, ánipililila kuhwa munsalaba bila kujali dihoni dya kuvambwa munsalaba, na hambi àikele m’bali wa kunkono wa chiteng’u cha chifalume cha Nnungu.

17 Bahi ing’anya ya anelyo, Yesu nkulembelewa alilandanye na anung’unuvake kwa kila namuna, uchinga ààve Kuhani wavo Nkulu avêle na chididi na akulupîka kwa kuntumikila Nnungu, uchinga ahumye sadaka ya kuvausija vanu masambi.

15 Kila munu ayambukîla kuva, Yesu nni Mwana wa Nnungu, Nnungu àhweneha kukamulana na nang’e, na nang’e àhweneha kukamulana na Nnungu.

15 Kila munu ayambukîla kuva, Yesu nni Mwana wa Nnungu, Nnungu àhweneha kukamulana na nang’e, na nang’e àhweneha kukamulana na Nnungu.

9 Na Nnungu álangujije itamwi yake kwetuhwe kwa kuntuma Mwanawe wa weka pachilambo, uchinga tùùve na umi ukee na ntululilo kwa kupitila kwanga nang’e. 10 Akee hwetu tunatandilike kuntamwa Nnungu, henga nang’e njo anatandilike kututamwa hwetu, nkuntuma Mwanawe uchinga ààve sadaka ya kusamehewa masambi letu, na aneyo njo itamwi ya uhiu.

9 Na Nnungu álangujije itamwi yake kwetuhwe kwa kuntuma Mwanawe wa weka pachilambo, uchinga tùùve na umi ukee na ntululilo kwa kupitila kwanga nang’e.

8 Munu woheyo ahwenêha kutenda-tenda masambi, aneyo nni munu wa ayula Ibilisi, kwa kuva, Ibilisi ni nkútenda masambi kutandikila anepo patandi. Bahi ing’anya ya anelyo, Mwana wanga Nnungu ániida apano pachilambo uchinga alaondongange madengo langa Ibilisi.

5 Dachi, nnani achilêma chilambo? Nni munu akulupîla kuva Yesu nni Mwana wa Nnungu.

11 Na auno njo ushahidi wene kuva, Nnungu àtwing’ile umi ukee na ntululilo, na umi anewo ùpatikana kwa kulundanywa kwetu na Mwanawe. 12 Munu ahwenêha kukamulana na Mwana wa Nnungu, aneyo àvele na umi anewo, na munu akáhweneha kukamulana na Mwana wa Nnungu, aneyo akee na umi.

9 Kwa kuva, ukàyambukila kwa kanya yako umwene kuva, Yesu njo Nang’olo na kukulupila muntima mwako kuva Nnungu àninfufula kuhaloka kwa vanu vahwîle, uchiupohwe.

20 Nangu ǹnihwa pamo na Kilisto munsalaba, na hambi akee nangu ngulâma, ila nni Kilisto aikâla nkati mwangu. Nangu ngùikala chihi kwa kunkulupila Mwana wanga Nnungu angutamwîje na kuuhumya umi wake kwajili yangu.

19 Bahi kwa indila ya Yesu Kilisto, Nnungu wangu achiamwing’ange vitukutuku vyammalele vimusikikidile, kupapatana na ukulu wa utajili wake.

15 Amani ya Kilisto itawale mmitima yenu, kwa kuva mwenu mùnichemwa kuva mmili umo uchinga muikalange kwa amani. Na mùùve mmanu mma kushukulu.

10 Hwetu nni madengo latendwîje na makono langa Nnungu, na kwa kulundanywa kwetu na Yesu Kilisto, Nnungu ánituumba kwa namuna yahambi uchinga tupate kutenda lambone lanatutayalishijije Nnungu uchinga tulatende.

2 Bahi muikalange kwa kutamwana malinga Kilisto chatutamwije hwetu na kuuhumya umi wake kwajili yetu kuva muchi sadaka ya kupija, inung’îla na inkatapalîla Nnungu.

4 Mmili ùvele na dimbandi dyohe, na dimbandi anedyo dikákola madengo ulamo, 5 na uvila njo chiivele kwetu hwetu, ikànava hwetu ni tuvohe, henga tùjukile mmili umo kwa kulundana kwetu na Kilisto, na kila munu nni imbandi kwa nnyake.

57 Henga ashukuliwe Nnungu atwîng’a ushindi kwa indila yanga Nang’olo wetu Yesu Kilisto!

15 Henga n’juhe Kilisto kuva Nang’olo wa weka mmitima yenu. Maduva lammalele mùùve tayali kunnyang’ula kila munu ammujânga habali ya lilolelo limuvenalyo, henga nnyang’ule kwa upole na eshima.

5 Kwa kuva, pàvele chihi Nnungu yumo, na pàvele chihi munu yumo avapatanîsa vanu na Nnungu, na munu aneyo nni Yesu Kilisto,

11 Bahi nangu nkukwona kulihunde kuhunukwìkè. Nkumwona falasi wanahe, na ayula ankwedîle ayula falasi àchemwa, Nkúkulupika na Avêle na Uhiu, kwa kuva, ànahukumu na kupanyana ing’ondo kwa haki. 12 Meho lake lánametameta muchi dindimi dya moto, na mmuti mwake múvele na mataji lohe na álembwije lina lyakamayite munu woheyo ila mwene weka. 13 Nang’e áwete lijoho lichuvîje mmyadi, na lina lyake áchemwa, Lilove lyanga Nnungu. 14 Makuwa la matiyala la kulihunde nkuva ulannondola akuno vavakwedìlè falasi vanahe, na vawetèngè dinguwo dyanahe ditotwîje kwa usi ukatapêle wa kitani. 15 Nkanya mwake múhuma upanga ukôla uchinga avashinde vanu va vilambo vinji kwa upanga anewo. Na nang’e àmbetawala kwa isimbo ya chitale na kuvaminya muchi zabibu nnipondo lya kuminyila divayi, lipondo liombêle gasabu yanga Nnungu Avêle na Dimongo Dyammalele. 16 Nnijoho lyake na nchiya chake múlembwije lina alino, NFALUME WA VAFALUME, NANG’OLO WA ANANG’OLO.

21 Inema yanga Nang’olo Yesu ììve pamo na mwenu mmammalele. Amina.

27 Anepo nkunnyaulila Tomaso kuchidoni, "Vika chala chako apano, na ulalole makono langu, na unyoloje nkono wako uutaye nnuvau lwangu. Unave umunu ukákulupila, henga kulupila." 28 Tomaso nkunnyaulila Yesu kuchidoni, "Nang’olo wangu na Nnungu wangu."

30 Yesu átendile vimaiho vya masaibu vinji vyohe muyo mwa vakuhundwa vake vikálembwijwe nchitabu chino. 31 Henga alano lànilembwa uchinga mupate kukulupila kuva Yesu njo Kilisto, Mwana wanga Nnungu, na kwa kukulupila mupate umi kwa kulundana nawe.*

12 Aino njo amuli yangu inimwing’anga mwenu, Tamwana, malinga nangu chinintamwanga mwenu.

20 Nangu nìnnyaulilanga uhiu kuva, ampwechelêla ayula unguntumîle, àngupwechelela na nangu, na munu angupwechelêla nangu, àmpwechelela na ayula angutumîle."

28 Nangu nìveng’a angandolo anevo umi ukee na ntululilo, na vanang’o mwiko vakambeyahika maduva lammalele, na nanga munu ambehulûla ungupakanyola mmakono mwangu. 29 Atatangu angupêle anevo angandolo nni nkulu kupunda vammalele, na nanga munu ahulûla kuvapakanyola mmakono mwa Atatangu. 30 Nangu na Atata nni chinu chimo."

16 Kwa kuva, Nnungu ánivatamwa namene vanu va pachilambo, nkunnyumya Mwanawe wa weka uchinga kila munu ambenkulupîla anahwe, henga ààve na umi ukee na ntululilo. 17 Nnungu akanantumile Mwanawe pachilambo uchinga avahukumu vanu, henga ánintuma uchinga avapohe.

18 Munu woheyo ankulupîla Mwana wa Nnungu akambehukumiwa, henga ayula akánkulupila, tayali ànihukumiwa, ing’anya akánkulupidile Mwana wa weka wa Nnungu.*

38 Na munu woheyo akátamwa kuunyakula nsalaba wake na kuva tayali kuhwa ing’anya yang’une, aneyo akáfala kuva munu wangu.

20 Kwa kuva, pachinu pohepo pavakojana vanu vavili au vatatu ing’anya yang’une, nangu mbèpamo na vanang’o."

27 Yesu nkuvalola nkuvahaulila kuchidoni, "Kwa dimongo dya chimunu ikáhululika, henga kwanga Nnungu ikávele uchocho, kwa kuva, Nnungu ànahulula kulatenda lammalele."

27 Yesu nkuvayang’ula kuchidoni, "Lakáhululika kutendeka kwa dimongo dya chimunu, Nnungu ànahulula kulatenda lammalele."

25 Nangu nìnnyuwilanga mwenu mmammalele inema ihalôka kwanga Nang’olo Yesu Kilisto ììve na mwenu mmammalele.