Jesus Cristo

Jesus Cristo é o centro de toda a Escritura — Deus encarnado, Salvador do mundo, Senhor dos senhores. Nele habita corporalmente toda a plenitude da divindade.

A divindade de Cristo

No princípio era o Verbo, e o Verbo estava com Deus, e o Verbo era Deus. Jesus é Deus revelado em carne humana.

Ndaa yà pɛɛlà anà mɔ̈ɔ̈

1 U nsɛmà kàkäl Ndaa, Ndaa kàkäl anà Nzam, Ndaa kàkäl Nzam.

João 1:1

Ndaa yà pɛɛlà anà mɔ̈ɔ̈

1 U nsɛmà kàkäl Ndaa, Ndaa kàkäl anà Nzam, Ndaa kàkäl Nzam. 2 Nde kàkäl u nsɛmà anà Nzam. 3 Indiir byanswà bàkyer u mbwo a nde, kà we anà undiir anki bàkɔ̈ɔ̈n akyer u mbwo a nde.

João 1:1-3

14 Ndaa kàbwäär ndür, nde kàkäl uboo a bi, wàŋàyɔl a kab a ngway anà ndandaa. Bi kàkyàman làkoo ande, làkoo a Mwan baal mwɛy mpɛl kàfü akà Taa.

João 1:14

9 Ntɔn ngyööl a Nzam yanswà yà u ndür ande,

Colossenses 2:9

9 Ntɔn ngyööl a Nzam yanswà yà u ndür ande, 10 anà bɛ, bɛ làbà aŋàyɔl amu mbuur awà un’tswe a Imfum kyanswà anà Ikɔ̈b kyanswà.

Colossenses 2:9,10

5 Làkäl anà ifà a tub aki amu bɛ, ifà kyàkäl amu Yɛsu Klistɔ:

6 Nde mbuur kàkäl asànaa Nzam,

nde kàwɛl anki wa asànaa undiir agyɔɔr mukal balàbal anà Nzam.

7 Wɛɛ nde kàkɔɔb ya yanswà kàkäl nde ayà,

waa kàbulà asànaa un’sɔ,

asànaa baar,

ntabwey ande asànaa yà mbuur,

Filipenses 2:5-7

5 Làkäl anà ifà a tub aki amu bɛ, ifà kyàkäl amu Yɛsu Klistɔ:

Filipenses 2:5

Jesus, o Filho de Deus

Tu és o Cristo, o Filho do Deus vivo! Jesus revelou o Pai e demonstrou sua autoridade divina por palavras e obras.

15 Nde waa kàtɛn a ba naa: « Atöl bɛ, bɛ làfàtɛn naa mɛ in’wà nà? » 16 Simɔn Petɔlà kàfuur naa: « Ngye, Ngye awà Klistɔ, Mwan a Nzam a mɔ̈ɔ̈. » 17 Apan, Yɛsu waa kun’kyään naa: « Un’sak akà ngye Simɔn, mwan a Yɔnas, ntɔn kà ngye ŋakwo anki an’yöb ya, wɛɛ Taaràmɛ awà u du kàmayɔɔb.

Mateus 16:15-17

23 « Le, mwan un’kaar unkɔr asàkal yöm, nde asàbɔr mwan baal,

bàsun’beelà Mànwel »,

iswaŋà naa « Nzam wà uboo a bi ».

Mateus 1:23

54 Mpal bàmɛn ba ntɛɛr a mɛɛn anà ndaa yàbü, kaptɛn anà aŋità bàkäl anà nde museyà Yɛsu, bàmɛn bɔɔmà a kölàköl, waa bàtɛn naa: « Ndandaa, mbuur awà kàkäl Mwan a Nzam! »

Mateus 27:54

61 Wɛɛ Yɛsu kàkäl akul, waa mpa kàfuur akà ikikye. Mfum a angaŋ kun’fuul mbalà asin: « Nkye ngye awà Klistɔ, Mwan a Nzam aŋàsaak? » 62 Yɛsu waa kàfuur naa: « Mɛ in’wà nde, bɛ làsàman Mwan a mbuur waŋàbwaay u kɔɔ ibaal a Ŋangwal, wàmuyà uboo in’böŋ a du. »

Marcos 14:61,62

6 Wɛɛ nde kàtɛn a ba naa: « Twon lan’man bɔɔmà, bɛ làwàmuleŋ Yɛsu un’nsi Nasàlɛr awà bàbɛɛrà u kulunsi. Nde akyàwiyà, nde ufàkal anki apà. Làler ikal bun’tɔ̈ɔ̈l.

Marcos 16:6

Ndüümà a Yɛsu

21 Yàmɛnà naa baar banswà bàkyeenà mukàwal ndüümà. Yɛsu sye kàkàwal ndüümà. Mpal kàkäl nde muyamà, du waa làdubà, 22 Dweelà In’kyɛɛl kàyi udu ande kà imbuur imbuur asànaa yem. Ndaa yan’fà du yan’tɛn naa: « Ngye, ngye awà Mwan in’kwen mɛ, mɔ̈ɔ̈ amɛ wanswà we amu ngye. »

Lucas 3:21,22

Eu Sou

Jesus disse: antes que Abraão existisse, Eu Sou. Ele se identificou com o nome divino revelado a Moisés na sarça ardente.

58 Yɛsu naa: « Ndandaa, ndandaa, mɛ alàkyään: kusà a mböör a Abàlam, "Mɛ In’wà". »

João 8:58

30 Taa anà mɛ, bi ibà mwɛy. »

João 10:30

17 Wɛɛ Yɛsu kafuur naa: « Tii lalà Taa wàmusal, mɛ sye in’wàmusal. » 18 Ntɔn ndaa ayi, amfum a Ayudà bàyileŋà ipöl mbɔɔn mukun’dwa, kànà ntɔn kàbɛyà nde saba anki, wɛɛ ntɔn kàtɛɛnà nde naa Nzam wà Taarànde ŋakwo, abà nde mumɛnà làsii làmwɛy anà Nzam.

João 5:17,18

18 Ntɔn ndaa ayi, amfum a Ayudà bàyileŋà ipöl mbɔɔn mukun’dwa, kànà ntɔn kàbɛyà nde saba anki, wɛɛ ntɔn kàtɛɛnà nde naa Nzam wà Taarànde ŋakwo, abà nde mumɛnà làsii làmwɛy anà Nzam.

João 5:18

21 Ntɔn, asànaa Taa ufàwiy nde akü anà ufapà nde mɔ̈ɔ̈, abun sye Mwan afàpà mɔ̈ɔ̈ akà mbuur awukwen nde. 22 Taa ufàtsüül anki mbuur nsaŋ, wɛɛ nde ikɔ̈b atsul nsaŋ kyanswà kàpɛ akà Mwan, 23 ntɔn baar banswà bàsi Mwan làkoo asànaa bàfàsà ba Taa làkoo. Mbuur mpa afàsà Mwan làkoo, nde sye Taa awà kun’töm ufun’sà anki làkoo. »

João 5:21-23

25 Ndandaa, ndandaa mɛ alakyään, taaŋ làmuyà - la sye lan’kwo - alà bàsàwem akü ndaa a Mwan a Nzam. Baar bàsàwem ya, bàsàkal anà mɔ̈ɔ̈.

João 5:25

O Salvador e Senhor

Jesus é o caminho, a verdade e a vida. Não há outro nome dado entre os homens pelo qual devamos ser salvos.

6 Yɛsu kun’fuur naa: « Mɛ, mɛ in’wà mbwo, ndandaa anà mɔ̈ɔ̈. Mbuur ukwo anki mukyà akà Taa ukɔɔn alyaaŋ u mbwo amɛ.

João 14:6

9 Yɛsu kun’fuur naa: « Filipo, mɛ an’kal anà bɛ taaŋ mbɔɔn, wɛɛ ngye ŋàtan’yöb anki? Mbuur kàman’man, kan’man Taa. Ntɔn nkye an’tɛn ngye naa: "Iswɛŋ Taa"? 10 Làsi làkwikilà naa mɛ in’wà amu Taa, naa nde wà amu mɛ. Ndaa in’fàtɛn mɛ a bɛ banswà, kà mɛ ŋakwo in’fàbɔn anki, Taa awà amu mɛ afàkyer isal ande ŋakwo.

João 14:9,10

25 Yɛsu kàtɛn a nde naa: « Mɛ, mɛ in’wà ngwiiyà anà mɔ̈ɔ̈. Mbuur wanswà an’sà làkwikilà amu mɛ asàkal anà mɔ̈ɔ̈, itàkal naa nde kan’kwà.

João 11:25

40 Wɛɛ Yɛsu kun’fuur naa: « Nkye mɛ in’tɛn anki a ngye naa isàkal naa ngye awe anà làkwikilà, ngye ayàman làkoo a Nzam? »

João 11:40

12 Lalan, ngweel a mɔ̈ɔ̈ yatɛy unsà mbuur asin, ntɔn uboo a baar u mɛɛn pà ikɔb a mbuur asin kyatɛy u mbwo a kya ban’kwo bi muwà mɔ̈ɔ̈. »

Atos 4:12

36 Ba bàkäl mulab mbwo aba, waa bàkɔlà kà ikal mwɛy kyàkäl anà an’dà. Yɔl awà kàtɛn naa: « Le an’dà, undiir nà kan’kɔɔn mukan’dümà? » 37 Apan, Filipo waa kàtɛn a nde naa: « Isàkal naa ngye an’kyey u mpem angye yanswà, ngye an’kwo awɛl ndüümà. » Mbuur awà waa kàfuur naa: « Mɛ an’kyey naa Yɛsu Klistɔ wà Mwan a Nzam. » 38 Apan nde kàswɛŋ mubäm shar ande. Ba bàbɔ̈ɔ̈l, Filipo anà yɔl, bàtɔlà kan’dà, waa Filipo kun’dümà.

Atos 8:36-38

A supremacia de Cristo

Ele é o resplendor da glória de Deus e a expressão exata do seu ser. Toda a plenitude habita nele e por Ele tudo subsiste.

3 Mwan awà wà pɛɛlà a làkoo ande anà idiim muswaŋ naa Nzam wà aben, anà nde afàkaar indiir byanswà unsà ngwal a ndaa ande. Ungö mupöŋ man’be a baar, nde kàkàbwaay u du u kɔɔ a ibaal a Nzam aŋàsöön ngwal yanswà. 4 Mwan kàbulà wàŋàsöön akyeey, waa Nzam kun’pɛ ikɔb aŋàsöönà kyà ba.

Hebreus 1:3,4

Yɛsu, undweer a angaŋ a dudu

14 Kyakin, ntɔn bi ibye anà undweer a angaŋ a dudu awà kàlyaaŋ u du, Yɛsu, Mwan a Nzam, wɛy bi ikäär ubwaŋàbwaŋ làkwikilà ifàkyään bi. 15 Abun, bi ibye anà undweer a angaŋ kan’kwo mukiwem ngyɛb ntɔn gyɔ̈ɔ̈là abi. Nde bàkyer un’lwab ndaa amu indiir byanswà asànaa bi, wɛɛ nde man’be kàsàkyer anki.

Hebreus 4:14,15

2 Wɛy mii abi iler akà Yɛsu mpɛl, nde mbuur kàswaal làkwikilà anà afàkölà la. Nde kàtön un’sak kàkäl nde awà, waa kàkyey kulunsi ukɔɔn aman nswɛn a nkweel a tub ayi anà kàbwaay u kɔɔ ibaal a kir imwol a Nzam.

Hebreus 12:2

17 Kyakin, yàlɔ̈m naa nde ubulà asànaa atɔŋ ande unsà indiir byanswà, ntɔn mubulà undweer a angaŋ bàŋàyɔl a ngyɛb anà wàbalàbal unsà isal ande kusà a Nzam, ntɔn mudwa man’be a un’sɛŋ ande.

Hebreus 2:17

Confessar a Cristo

Todo aquele que confessa que Jesus é o Filho de Deus, Deus permanece nele e ele em Deus. A fé em Cristo é a vitória.

15 Mbuur wanswà afàtà imbäl naa Yɛsu wà Mwan a Nzam, Nzam wà amu nde, nde wà amu Nzam.

1 João 4:15

15 Mbuur wanswà afàtà imbäl naa Yɛsu wà Mwan a Nzam, Nzam wà amu nde, nde wà amu Nzam.

1 João 4:15

9 Apan, làler, ukwen a Nzam bàfàmɛnà aben uboo a bi: Nzam kàtöm Mwan ande mwɛy mpɛl u mɛɛn, ntɔn bi iwɛl mɔ̈ɔ̈ u mbwo a nde. 10 Le, ukwen ininà: kà bi anki kàkwen Nzam, wɛɛ nde kikwen, waa kàtöm Mwan ande asànaa ibɔɔn ntɔn ndwääl a man’be abi.

1 João 4:9,10

9 Apan, làler, ukwen a Nzam bàfàmɛnà aben uboo a bi: Nzam kàtöm Mwan ande mwɛy mpɛl u mɛɛn, ntɔn bi iwɛl mɔ̈ɔ̈ u mbwo a nde.

1 João 4:9

8 Mbuur afàkyer man’be wà mbuur a ileŋ, ntɔn ileŋ afàkyer man’be fà nsɛmà. Mwan a Nzam kàyàmɛnà ntɔn mudwa isal a ileŋ.

1 João 3:8

5 Nà awà ŋiböŋ u mɛɛn, isàkɔɔn akal mbuur afàsà làkwikilà naa Yɛsu wà Mwan a Nzam?

1 João 5:5

11 Le imbäl ki: Nzam kipɛ mɔ̈ɔ̈ a mbul a in’tye, wɛɛ mɔ̈ɔ̈ wà amu Mwan ande. 12 Mbuur awe anà Mwan we anà mɔ̈ɔ̈, mbuur awà akɔ̈ɔ̈n Mwan a Nzam, nde mɔ̈ɔ̈ watɛy.

1 João 5:11,12

9 Isàkal naa u mun angye, ngye afàtà imbäl naa Yɛsu wà Mwol, isàkal naa u mpem angye, ngye awe anà làkwikilà naa Nzam kun’wiiy kà ukwà, ngye asàwà mɔ̈ɔ̈.

Romanos 10:9

Viver em Cristo

Já não sou eu quem vive, mas Cristo vive em mim. Ele supre toda necessidade, dá paz e reina como Senhor.

20 mɛ in’we anà mɔ̈ɔ̈, wɛɛ kà mɛ anki, Klistɔ awe anà mɔ̈ɔ̈ amu mɛ. Ntɔn mɔ̈ɔ̈ amɛ wà imbuur, wa wà unsà làkwikilà, làkwikilà amu Mwan a Nzam awà kan’kwen anà kàpɛ mɔ̈ɔ̈ ande ntɔn mɛ.

Gálatas 2:20

19 Nzam amɛ akyer ayàkölà ngyal abɛ, asànaa awà un’naaŋ ande unsà làkoo amu Klistɔ Yɛsu.

Filipenses 4:19

15 Wɛy duu a Klistɔ làyaal mpem abɛ, duu alà bàlabel bɛ banswà ntɔn mutɔŋ ndür mwɛy. Làyöb mufuur an’tɔɔn.

Colossenses 3:15

10 Ntɔn nde kikyer, nde kiyilà amu Klistɔ Yɛsu, ntɔn isal aŋàbwaŋ kàlɔ̈ɔ̈n Nzam kusà, ntɔn bi ikölà bya.

Efésios 2:10

2 Làkäl unsà ukwen, asànaa Klistɔ kikwen nde anà kàpɛ nde mɔ̈ɔ̈ ande ŋakwo akà Nzam ntɔn bi, asànaa an’kab anà ibɔɔn asànaa may a usɔŋ aŋàbwaŋ.

Efésios 5:2

4 Asànaa bi ibà itiir mbɔɔn unsà ndür mwɛy, wɛɛ itiir abi byanswà kà byà isal imwɛy anki. 5 Kyakin, itàkal naa bi ibà mbɔɔn, bi ibà ndür mwɛy unsà Klistɔ, ntɔn bi ibàŋàtüüb amwɛy anà bumwɛy, asànaa itiir a ndür mwɛy.

Romanos 12:4,5

57 Wɛɛ bi ifuur an’tɔɔn akà Nzam, nde mbuur afàpà iböŋ u mbwo a Mwol abi Yɛsu Klistɔ.

1 Coríntios 15:57

15 Wɛɛ làpɛ làkoo akà Klistɔ taaŋ lanswà asànaa Mwol uboo a mpem abɛ. Làkäl ngwal taaŋ lanswà mufuur ndaa aŋàbwaŋ akà baar banswà bàkwen muyöb làkyän alye anà bɛ.

1 Pedro 3:15

5 Ntɔn Nzam wà mwɛy, mfurboo mwɛy mpɛl uboo a Nzam anà baar, baal Klistɔ Yɛsu,

1 Timóteo 2:5

O Rei eterno

O Rei dos reis voltará em glória e majestade. Todo joelho se dobrará e toda língua confessará que Jesus Cristo é o Senhor.

Un’syeen a mpoonà udu a mpoonà a pɛɛl

11 Apan, mɛ kàmɛn du làŋàdubà, mpoonà a pɛl kàyàmɛnà. Mbuur kàläär udu awa bàfun’bel « Lää » anà « Ndandaa ». Nde afàtsul nsaŋ anà afànwaan unsà balàbal. 12 Mii ande myà asànaa làlɛm a mbaa. Nde we anà mpà a imwol mbɔɔn udu a un’tswe anà ikɔb aŋàsɔn akyà uyöb nde mpɛl. 13 Nde wàŋàbwaar kàzak aŋànwɛmà unsà an’kil. Ikɔb ande « Ndaa a Nzam ». 14 In’lwaŋ a aŋità a du myàyun’labà udu a mpoonà a pɛɛl, myaŋàbwaar ipfɛy a in’kà a ntsür kyà pɛɛl anà kyà tsɛk tsɛk. 15 Kɔm aŋàsye làtoo u mun ande ntɔn mukam in’sɛŋ. Nde asàkal un’kyɛɛŋ aba anà un’aŋ wà ishabà, anà nde asàbwɛɛr rɛzɛ uboo a mpfwee ipölà vin a un’fur a nkyɛl a Nzam Aŋangwal. 16 Udu a kàzak ande anà udu a ipɛl ande bàsön ikɔb ki: « Mfum a amfum anà Mwol a amwol ».

Apocalipse 19:11-16

21 Wɛy kab a ngway a Mwol Yɛsu làkäl anà bɛ banswà.

Apocalipse 22:21

27 Ungö waa kàtɛn a Tuma naa: « Sin làpin angye pà, ler an’kɔɔ amɛ. Sin sye kɔɔ angye, fwaar la u bɛl a nsyäärà amɛ. Wɛy mukal un’syeel a mbaaŋ, wɛɛ bulà aŋàlàkwikila! » 28 Tuma kun’fuur naa: « Mwol amɛ, Nzam amɛ! »

João 20:27,28

Isin a un’kaan awà

30 Yɛsu kàkyer idiim asin mbɔɔn u mii a alɔŋki ande abyà mpa bàsön uboo a un’kaan awà. 31 Indiir abi bàsön ntɔn bɛ làsi làkwikilà naa Yɛsu wà Klistɔ, Mwan a Nzam, naa sye u mbwo a làkwikilà alà, bɛ làkäl anà mɔ̈ɔ̈ kikɔb ande.

João 20:30,31

12 Le nswɛɛŋ amɛ ayi: làkwen bɛ a bɛ asànaa in’fàlakwen mɛ.

João 15:12

20 Ndandaa, ndandaa mɛ alàsam: mbuur wanswà awal mbuur an’tɔm mɛ, nde kàman’wal sye. Mbuur kàman’wal, nde kan’wal sye mbuur kan’töm. »

João 13:20

28 Mɛ in’fapà mɔ̈ɔ̈ a mbul a in’tye, mya myàsàkyà anki bwà akà ikikye, akà mbuur mwɛy ukwe anki mugyɔɔr mya u kɔɔ amɛ. 29 Taaràmɛ, mbuur kan’pɛ mya, kan’söön baar banswà. Akà mbuur mwɛy ukwe anki mugyɔɔr mya u kɔɔ a Taa. 30 Taa anà mɛ, bi ibà mwɛy. »

João 10:28-30

16 Abun Nzam kàkwen mɛɛn mbɔɔn, lalan kàpɛ nde Mwan baal ande mwɛy mpɛl, ntɔn mbuur wanswà asà làkwikilà amu nde ukɔ̈ɔ̈n akyà bwà, wɛɛ nde ukäl anà mɔ̈ɔ̈ a mbul a in’tye. 17 Ntɔn Nzam kàtöm anki Mwan baal ande u mɛɛn ntɔn mudwa mbuur ndwà, wɛɛ ntɔn mɛɛn iwü mɔ̈ɔ̈ u mbwo a nde. 18 Mbuur afàsà nde làkwikilà bun’tsüül anki nsaŋ. Mbuur mpa afàsà làkwikilà, bàkyun’tsüül mbar itaan, ntɔn nde kàsi anki làkwikilà amu ikɔb a Mwan baal mwɛy mpɛl a Nzam.