1 Athotakawnaw kya Bya a um, Bya tuh Pachia ryte a umkheih hae, Bya tuh Pachia nynh thua.

1 Athotakawnaw kya Bya a um, Bya tuh Pachia ryte a umkheih hae, Bya tuh Pachia nynh thua. 2 Tuh-e Bya tuh athotakawnaw kyamawte Pachia ryte a umkheih hae. 3 Tynre balyn tuh amaw liate nynh rae athua, amaw leite raepaw ccangkheit san um khyh.

14 Bya tuh ccungccaw lang yn tang zah aening kya a um, aning tuh thawccinaw te byaccing te phe beih zah, Paaw kya-e lu kheit kyalyapaw Ccapaw phu-enaw lante a phu-enaw kha ah muih vae oh.

9 Pawccecize Pachia thuanaw accingpaw balyn tuh Khri kya pynsaw lante a um.

9 Pawccecize Pachia thuanaw accingpaw balyn tuh Khri kya pynsaw lante a um. 10 Kawhoinaw te uktu balyn kyaze lu athuapaw amaw liate nanning tuh na ccing oh.

5 Khri Jesu kya a umpaw hynh-e tuanaw hynh nanning kya mah la um sah,

6 Khri tuh Pachia muinsan

phang a ke pite,

Pachia ryte nginkunaw kha

luade lante tuakuh khyh,

7 tuhlaeze amaw a thuanaw

balyn kha vua zah,

see muinsan kha lawkute

ccungccaw alo lante yn pui.

5 Khri Jesu kya a umpaw hynh-e tuanaw hynh nanning kya mah la um sah,

15 Jesu nynh minmin kha, "Nanning nynh so kae hynh hum nae ci oh mou?" cite a khia hae. 16 Simon Peter nynh, "Nang tuh a hiinpaw Pachia Ccapaw Messiah nynh na thua," a ci.✝ 17 Tetuh Jesu nynh, "Johan ccapaw Simon, nang tuh hythua a ccoupaw nynh na thua! Pawccecize chii te saw nynh e hynh nang ae phypyapaw thua khyh, vaawlang umpaw ka Paaw nynh ae phypyapaw nynh thua.

23 "Dotua, liaccady nynh

ccaaw yn poi cih zah

ccapaw yn saah cih, a min tuh

Immanuel yn cikuh cih,"

(asuilan tuh, "Pachia kae kya a um," cipaw nynh thua).✝

54 Jesu a rin hae paw rhawbawipaw te a umkheih hae paw nynh innry asuekupaw te acyihkuhpaw balyn kha he a muih hae tuh myarya rih hae zah, "E paw tuh Pachia Ccapaw ccaccing nynh thua," a ci hae.

61 Thuasalama aning nynh yccae khyh, kaw kheit san khung khyh. Tuinte ranpibawi lupi nynh, "Alesaepaw Pachia Ccapaw, Messiah na thua tou?" cite bua a khia. 62 Jesu nynh, "Ka thua; te

nanning nynh Ccungccaw Ccapaw tuh

Alesaepaw ranglang kya

a haungpaw te

vaawlang e maeking kyate

yn rungpaw kha nae muih cih oh," a ci.✝

6 Aning nynh minmin kha, "Siikuh nan oh, vaelantung kya a khiade hae paw Nazareth paw Jesu kha nanning nynh na ccung oh. Aning tuh phe a thoo vae! Hein kya um vae khyh. A rhua a ccynaw hae hynh dotua oh.

21 Ccungccaw hae balyn tuh baptisma a in hae, Jesu mah baptisma inbua zah saw a sang lyakhe vaawlang yn hungkuh zah, 22 Thyaa Muisaw tuh vahu hawte pyn lante yn langkuh zah Jesu tungvaw yn ccuh; vaawlang te roi yn ccae zah, "Nang tuh ka sungsahpaw ka Ccapaw nynh na thua; na tungvaw kya ka lungry accing," a ci.✝

58 Jesu nynh, "Byaccaccing kae hopya oh, Abraham a um mawze kae tuh ka um vae," a cipya hae.

13 Thuasalama Moses nynh Pachia kha, "Israel hae kalan ka la thua cih zah, ‘Nae minpaaw hae Pachia nynh kae kha nae kalan yn saw,’ cite ka hopah hae zah minmin nynh, ‘A min hummou?’ cite yn khia hae ze pawtemou ka hopah cih hae?" a ci.✝ 14 Pachia nynh Moses kha, "KAE TUH KAE NYNH KA THUA. Tukeiccuze, ‘KAE NYNH KA THUA a cihtupaw nynh kae kha nae kalan yn saw,’ cite Israel hae kha na hopah cih hae," a cipya.✝

30 Kae te ka Paaw tuh ccangkheit nynh kae thua," a ci.

17 Thuasalama Jesu nynh minmin kha, "Ka Paaw tuh atu cia ryalah zah kae mah rya ka lah," cite a khung hae. 18 E kong keiccuze Judah hae nynh amaw kha chia lan cite houh a nounuaku hae, pawccecize aning nynh sabbath nin a ro kyalya thua leite Pachia kha mah ka Paaw ci zah tuhte amaw te amaw kha Pachia te a ngingsaku, a ci hae.

18 E kong keiccuze Judah hae nynh amaw kha chia lan cite houh a nounuaku hae, pawccecize aning nynh sabbath nin a ro kyalya thua leite Pachia kha mah ka Paaw ci zah tuhte amaw te amaw kha Pachia te a ngingsaku, a ci hae.

21 Pawccecize Paaw nynh a chih hae paw kha thoosah zah a hiinsah hae hawte, Ccapaw nynh mah a rypaw ccungccaw hae kha a hiinsah hae. 22 Pawccecize Paaw nynh hum ccungccaw sanmah byapia khyh, byapianaw miakaw kha Ccapaw kalan marya a pya. 23 Tuhteze nynh ccungccaw balyn nynh Paaw kha saw a tua hae hawte Ccapaw kha mah saw a tua cih hae. Ccapaw kha saw a tua leipaw ccungccaw tuh Ccapaw a sawtupaw Paaw kha saw a tua leipaw nynh thua.

25 "Byaccaccing kae hopya oh, a chih hae paw nynh Pachia Ccapaw roi oun thae cih hae zah roi a thae hae paw nynh oun hiinnaw hae ccyh tuh yn thua cih, tuh-e ccyh tuh atu mah a thua vae.

6 Jesu nynh, "Kae tuh laanpi, byaccing te hiinnaw nynh ka thua. Kae ka kyate holeite tuh hum sanmah Paaw kalan thua kho khyh.

9 Jesu nynh, "Kae tuh nae kya khaw cia ka um vae, nae nyh loh khyh oh tou, Filip? Humhung zemah kae yn muih vae paw ccungccaw tuh Paaw kha mah a muih vae. Pawccemou, ‘Paaw kha kaening oun muihsah,’ na cipaw tuh? 10 Kae tuh Paaw kya ka um zah Paaw tuh ka kya a um cipaw hynh na zyn khyh tou? Nae kya ka hopaw bya hynh kamaw kaw te ka ho khyh, ka kya a umpaw Paaw nynh amaw rya kha a law.

25 Jesu nynh Mata kha, "Kae tuh thoothuinaw te hiinnaw nynh ka thua, kae yn zynpaw tuh a chi zemah a hiin cih,

40 Jesu nynh Martha kha, "Na zyn ze Pachia phu-enaw na muih cih cite kae hopah khyh tou?" a cipya.

12 Mingccangpaw kya khumnaw um khyh; pawccecize vaawlui zakaw e ccungccaw hae kya aening oun khum kho lanpaw ccangpaw min um khyh," cite a hopya hae.

36 Tuhte laanpi kya a ccia lya hae khe, tui umnaw san kheit kya thua hae zah tinreihkuhpaw nynh, "Dotua, hein kya tui mang um! Baptisma in lanpaw hynh paw nynh mou yn khaw?" a cipya. 37 Filip nynh, "Na thinlung balyn te na zyn zetuh baptisma na in kho," a cipya. Aning nynh, "Jesu Khri tuh Pachia Ccapaw nynh thua cipaw ka zyn," cite a khung. 38 Marangle kha thadynsah lan kawpya zah Filip te tinreihkuhpaw tuh parouhte tui lungkhu lang cceihbung hae zah Filip nynh tuh-e paw tuh baptisma a pya.

3 Tuh-e Ccapaw tuh Pachia phu-enaw awnawpaw te Pachia thuanaw muinsan langsakunawpaw nynh thua. Athungpaw a bya liate pawpaw balyn kha po a tynsah. Aening seinaw hae kha amaw ccaccei nynh he oun thyaasahpah koute ahangnaw kya Lesaenaw ranglang khe a dahung vae.

4 Vaaw hae laeze houh ahoy huaccepaw min kha a ccou keiccuze Ccapaw tuh vaaw hae laeze patae alesaehua.

14 Tukeiccuze vaawlang po a khung vae paw, alesaepaw Ranpibawi Lupi, Pachia Ccapaw Jesu ah hoi oh keiccuze ah ccaekiakhannaw kha tynkaring lan kyngkuh oh sih. 15 Pawccecize aening ah Ranpibawi Lupi tuh aening thawzyanaw kya thawccihthya leipaw thua khyh, aning tuh aening hawte tuhounaw aphuinphuin a ing, thuasalama seinaw rae khyh.

2 Aening zynnaw a thotu te a ccingsahtupaw Jesu kha riri dote ccue oh sih. Aning tuh maethyanaw kha pawlangria leite amaw malang nungpya athuapaw lungtuanaw hanlan vaelantung kya teingnaw kha ngaesang zah Pachia kya-e bawitungkhung ranglang khe a dahung vae.

17 Tukeiccuze ccungccaw hae seinaw hanlan seishawnaw raepya khylan, Pachia te asekuhpaw uccaw hae kya Khri tuh thawccithyapaw te a lungzipaw Ranpibawi Lupi athua nawlan, pawpaw balyn kya a uno hae te a loku lan hae paw nynh thua.

4 Thanccingte aning nynh

aening vaemaw kha lah zah,

aening ccinaw kha a phu;

tuhzemah Pachia nynh

aning kha detah zah

a teingsah vae cite ah tua oh.

5 Thuasalama aening cyiseimenaw keiccuze

aning tuh vaemaw mue zah,✝

aening hoyleinaw keiccuze

ziaku buakunaw kha a teing;

aning tungvaw accahpaw detahnaw nynh

aening kha accingpaw lang oun rae zah,

a vaemaw liate aening tuh ah dan oh.

6 Pawccecize aening hanlan

imua lu kheit a pui vae,

ccapaw lu kheit pya ah thua oh;

aning tuh uknaw kaw a hoi cih;

amaw kha Ngaeang lan umpaw

Tuanaw pyatu, Athungpaw Pachia,

Zungzae tynpaw Paaw,

Daenaw Siapharan

cite minphu athua cih.

15 Humhung zemah Jesu tuh Pachia Ccapaw nynh thua cite ccaekia a khanpaw tuh a kya Pachia um zah aning mah Pachia kya a um.

15 Humhung zemah Jesu tuh Pachia Ccapaw nynh thua cite ccaekia a khanpaw tuh a kya Pachia um zah aning mah Pachia kya a um.

9 Pachia nynh aening oun sungsahnaw alangkunawpaw tuh: Ccapaw liate aening nynh hiinnaw ah mue nawlan oh, Pachia nynh a hoi thypaw Ccapaw kha laephi vawlan yn saw. 10 Sungsakunaw cipaw tuh: Aening nynh Pachia kha ah sungsah oh cipaw thua leite, Pachia nynh aening kha oun sungsah zah a Ccapaw kha aening seinaw ngaethyanaw elang yn saw.

9 Pachia nynh aening oun sungsahnaw alangkunawpaw tuh: Ccapaw liate aening nynh hiinnaw ah mue nawlan oh, Pachia nynh a hoi thypaw Ccapaw kha laephi vawlan yn saw.

8 Seinaw a raepaw ccungccaw tuh Satan kya-e nynh thua, pawccecize Satan tuh atakaw te palei a seipaw nynh thua. Pachia Ccapaw yn langkupaw tuh Satan ryalaw kha ro khylan nynh thua.

5 Laephi a taepaw tuh hummou? Jesu tuh Pachia Ccapaw nynh thua cite a zynpaw ccungccaw kha thua khyh tou?

11 Ccaekia tuh e hynh nynh thua: Pachia nynh aening kha zungzae hiinnaw oun pya vae, tuh-e hiinnaw tuh a Ccapaw kya nynh a um.✝ 12 Ccapaw a hoipaw tuh hiinnaw a hoi. Pachia Ccapaw kha a hoi leipaw tuh hiinnaw hoi khyh.

9 Pawccecize Jesu tuh Bawipaw nynh thua cite na mung te ccaekia na khan zah Pachia nynh amaw kha chinaw kyate a thoosah cite na thinlung kya na zyn ze, khum na thua cih.

20 tukeiccuze a hiinpaw tuh kamaw thua leite ka lungkhu kya a hiinpaw Khri nynh thua. Atu pynsaw kya ka hiinpaw hiinnaw tuh kae yn sungsah zah ka hanlan amaw te amaw a pyakuhpaw Pachia Ccapaw zynnaw liate nynh ka hiin.

19 Te ka Pachia nynh a phu-enaw kya a hoirum thyhte nae hanlan ahoboupaw miakaw kha Khri Jesu liate ae ccingsahpah cih oh.

15 Khri kya-e daenaw nynh nae thinlung kha ae la uk oh sah; tuh-e daenaw elang nynh nanning kha pyn pynkheit kya um lan ko na thua oh; te lungtuabya hothya oh.

10 Pawccecize aening tuh ahoypaw ryalaw law khylan Khri Jesu kya amaw nynh oun raepaw nynh ah thua oh; tuh-e ahoypaw ryalaw hae kya ah hiin nawlan oh Pachia nynh a la paccyn ty vae.

2 Khri nynh aening kha yn sungsah pawte, Pachia malang mynkhuhpaw pyapaw te silawkunaw lang amaw te amaw kha aening hanlan a pyaku hawte, sungsakunaw kya hiin oh.✝

4 Pawccecize aening nynh pyn pynkheit kya pyn kya-e hae patae ah hoi oh zah, tuh-e hae balyn tuh alokuhpaw ryalaw a hoi khyh hae hawte,✝ 5 patae ah cih oh paw aening mah Khri kya pyn pynkheit ah thua oh zah, lu raveihte pyn kya-e hae nynh ah thua oh.

57 Thuasalama ah Bawipaw Jesu Khri liate aening taenaw oun pyatupaw Pachia kya thehoynaw um sah.

15 Thuasalama nae thinlung kya Khri kha Bawipaw lante sawtua oh. Nae kya umpaw ngaehoinaw konglang ae khia oh paw ccungccaw miakaw kha nebaleih lante, sawtuate hopya lan zungzae paccynkuh oh;

5 Pawccecize

Pachia ccangkheit nynh a um;

Pachia te ccungccaw hae laku kya

Hopiatu Ccungccapaw

Khri Jesu lu kheit rou nynh a um.

11 Vaawlang tuh hungkuh zah marang rawpaw sa kheit kha ka muih. Tuh-e marang tungvaw a ccikuhpaw tuh Alungzipaw, Ahmepaw cite ko athua; aning tuh dingnaw te byapia zah rhaw a tuk.✝ 12 A mit tuh maeesoi te lokuh zah, a lu vawlan bawilukhung hae a khungkuh; a tungvaw kyakhe amaw laelan hum nynh san a ny leipaw min azeikuhpaw a hoi.✝ 13 Chii kya adungkuhpaw angkiccua kha kikuh zah, a min tuh Pachia Bya a cikuh. 14 Vaawlang e rhawkaw hae nynh arawpaw marang hae kha ccikute, raw zah athyaapaw nebaleihpaw boeining kha lawku biate amaw kha a zui hae. 15 Minphuin hae kha detah nawlan ahepaw thaloi tuh a khalang lungkhu te a pou. Aning nynh minmin kha sivaw hoitang te a uk cih hae; Athung huaccepaw Pachia thinrianaw te asekuhpaw bungpawnaw misu mianaw khu kha aning nynh a syde cih.✝ 16 A angkiccua vawlan te a phae vawlan khe, "Siapharan hae Siapharan, bawi hae Bawipaw," cite azeikuhpaw min kha a hoi.

21 Bawipaw Jesu a thawccinaw tuh mithyaa hae balyn kya la um sah. Amen.

27 Jesu nynh Thomas kha, "Na kuihdung kha hein kya yn putua lah, ka kuih hae hynh dotua. Na kuih kha yn dyng lah ka naw hynh yn haetua. Zyn leite um nan vae, zyn ccavae," a cipya. 28 Thomas nynh, "Ka Bawipaw te ka Pachia!" a ci.

30 E ccauh kya azeikuh leipaw ccangpaw muihsahnaw patae kha mah Jesu nynh a zuitu hae muihnaw kya a langsaku. 31 Thuasalama Jesu tuh Messiah, Pachia Ccapaw nynh thua cipaw na zyn nawlan oh te tuhte na zynnaw oh liate amaw min te hiinnaw na hoi nawlan oh nynh hynh-e hae hynh zei athua.

12 "Ka kawbya tuh e hynh nynh thua: Kae nynh kae sungsah oh hawte nanning mah lu kheit te lu kheit sungsakuh oh.✝

20 Byaccaccing kae hopya oh, humhung zemah ka sawpaw ccungccaw kha leh a khanpaw tuh kae kha leh yn khanpaw nynh thua; kae kha leh yn khanpaw ccungccaw tuh kae yn sawtupaw kha leh a khanpaw nynh thua," a cipya hae.✝

28 Minmin kha zungzae hiinnaw ka pya hae zah, minmin tuh papin chih vae lan khyh hae. Hum nynh sanmah minmin kha ka kuih kyate yn lua kho vae lan khyh. 29 Minmin kha ka kalan yn pyatupaw ka Paaw tuh pawpaw balyn laeze a lesaehua; hum nynh sanmah minmin kha ka Paaw kuih kyate lua kho lan khyh. 30 Kae te ka Paaw tuh ccangkheit nynh kae thua," a ci.

16 "Pawccecize Pachia nynh laephi hynh eih a sungsah keiccuze a Ccapaw lu kheit kyalyapaw kha oun pya; tukeiccuze amaw a zynpaw miakaw tuh chih vae lan khyh zah zungzae hiinnaw a hoi cih.

17 "Pawccecize Pachia nynh laephi hynh byapia khylan a Ccapaw kha laephi vawlan yn saw khyh, amaw liate laephi ccungccaw hae hynh khum athua hae ccaw cite nynh yn saw. 18 "Amaw a zynpaw ccungccaw tuh byapia thua vae khyh, thuasalama a zyn leipaw tuh byapia phe athua vae, pawccecize Pachia nynh a hoi thypaw Ccapaw min kha zyn khyh.

38 Humhung zemah amaw a vaelantung kha puihku leite kae yn zuipaw tuh kae te ngaekuh khyh.✝

20 Pawccecize lu ning khyhze lu thum nynh ka min te a sueluakunaw hae kyakhe kae mah minmin kya ka umbua," a cipya hae.

27 Jesu nynh minmin kha do hae zah, "Ccungccaw hanlan thua kho khyh, thuasalama Pachia hanlan athua kho leipaw um khyh; pawccecize Pachia hanlan tuh pawpaw balyn athua kho," a ci.

27 Jesu nynh, "Ccungccaw hanlan athua kho leipaw kha Pachia hanlan tuh athua kho," a ci.

25 Ah Bawipaw Jesu Khri kya-e thawccinaw tuh nae muisaw kya la um vae sah. Amen.