O juízo final

Tongwa Kwebupelo

11 Ndakakobona tjigalo tjebumambo tjitjena tjikulukulu, na iwhoyo waka eligele patjili, nekudzimu nehango kwakatihha pawunli, kukasitjhapamhe kukabon’wa. 12 Ndakabona bafi, bakulu nebatukununu, balimile mbeli kwetjigalo tjebumambo, whalo dzakahhugwa. Kwakahhugwa gumwe lukwalo, gunoba lukwalo gobutjilo. Ndizo bafi bakatongwa kubva muzwinhu zwaka zwakakwagwa muwhalo, kuyendidzana nemihingo yabo. 13 Ipapo gungwa lakapfa bose bakabafila mulili, Lufu neHhedesi kwakadusa bo bose baka bali mukuli, bakatongewa bose kuyendidzana nezwabakabathama. 14 Lufu neHhedesi kwakaposegwa mubibi lemoto. Bibi lemoto ndigo lufu gwebubili. 15 Hapa kuna wakawanika esakakwagwa mulukwalo gobutjilo, iwhoyo wakaposegwa mubibi lemoto.

12 "Linga, ndohha nekulibilidza, mbhayilo wangu ndowhoba ndinawo, kuti ndipe umwe newumwe nhu kunoyendidzana nehinga kukwe.

12 "Linga, ndohha nekulibilidza, mbhayilo wangu ndowhoba ndinawo, kuti ndipe umwe newumwe nhu kunoyendidzana nehinga kukwe. 13 Ndimi Alifa naOmega, kutangisa nekupedzisila, mabambo nebupelo."

31 Nekuti wakabiga hhuba, laanowhotonga hango yose ngendulamo, ehingisa nlume waakahala; wakapa banhu bose busupi ngekwayikoku ngewumusa kubafi."

36 "Ndomubudza, muhhuba letongewa banhu banowhozwitjenesa nekwelimwe nelimwe dama lisina n’hingo laba leba; 37 ngobe ngematama awo nowhosunungugwa, kakale ngematama awo nowhowan’wa nlandu."

Tongwa Kwebupelo

31 "Hapa Nkololo wenhu obuya ali mugudzo lile, batumwa beNdzimu bose banaye, ipapo unowhogala patjigalo tjitje tjegudzo. 32 Njudzi dzose dzowhokubungana mbeli kukwe, iye unowhodzipalalanya senlisi ethewula mhwizi mumbudzi. 33 Unowhosa mhwizi kuludli gugwe, koga mbudzi unowhodzisa kulumehwe.

Tongwa Kwebupelo

31 "Hapa Nkololo wenhu obuya ali mugudzo lile, batumwa beNdzimu bose banaye, ipapo unowhogala patjigalo tjitje tjegudzo. 32 Njudzi dzose dzowhokubungana mbeli kukwe, iye unowhodzipalalanya senlisi ethewula mhwizi mumbudzi. 33 Unowhosa mhwizi kuludli gugwe, koga mbudzi unowhodzisa kulumehwe. 34 Mambo unowhoti kuna ibabo bakuludli gugwe, ‘Ihhani ngeno imwi bakakombolegwa baTate bangu, wamutjilani bumambo gwamakabaakanyigwa kubvila hango payakabumbiwa. 35 Ngobe ndaka ndinahhala mukandipa zodliwa, ndaka ndinanyota mukandipa vula, ndaka ndilimwezi mukandiwamutjila mumizi yenyu, 36 ndakandiyenda mbudlo mukandimbadza, ndakandigwala mukandikumba, ndaka ndili mujele mukahha kundili.’ 37 Bakalulama banowhohandula beti, ‘He, kati takamubona lini munahhala tikamupa zodliwa, kene munanyota tikamupa vula? 38 Takamubona lini mulimwezi tikamuwamutjila mumizi yedu, kene mulimbudlo tikamumbadza? 39 Takamubona lini mugwala, kene muli mujele timukumba?’ 40 Mambo unowhohandula eti, ‘Lebeswa, ndoti kumuli, sekwamakayeta kuwumwe untukunu wemakamu angu iyawa, makakuyeta kundili.’ "

41 "Unowhoti kuna ibabo bakulumehwe gugwe, ‘Yendani kutjena nami, imwi bakalongwa bhiso, muyende kumoto usingadzime, wakabaakanyigwa satane nebatumwa babe; 42 nekuti ndaka ndinahhala amuzondipa zodliwa, ndaka ndinanyota amuzondipa vula. 43 Ndaka ndilimwezi amuzondiwamutjila mumizi yenyu, ndilimbudlo amuzondimbadza, ndigwala nendilimujele amuzondikumba.’ 44 Banowhohandula bo beti, ‘He kati takamubona lini munahhala kene munanyota kene mulimwezi kene makati piti kene mugwala kene mulimujele, tikasamubhatsha?’ 45 Iye unowhobahandula eti, ‘Lebeswa, ndoti kumuli, sekwamusakayetila umwe ntukunu wayibaba, amuzokuyeta kundili.’ 46 Banowhoyendesewa kulangiwa kusigapele, koga bakalulama mubupenyu gusingapele."

16 Ngobe Ndzimu wakada hango zwingapa, kwekuti wakapila Nkololo uwe uyega, kuti nhu wose unogalamoyo muwunli asife koga abe nebutjilo gusingapele.

16 Ngobe Ndzimu wakada hango zwingapa, kwekuti wakapila Nkololo uwe uyega, kuti nhu wose unogalamoyo muwunli asife koga abe nebutjilo gusingapele. 17 Ngobe Ndzimu wakatuma Nkololo muhango, esingahhile tonga hango, koga kuti hango itjidziwe muzina lile.

18 Iye unogalamoyo muwunli haatopiwa nlandu; koga iye usingagalemoyo watjiwanikwa nlandu kale, ngobe haazogalamoyo muzina leNkololo iye yega weNdzimu. 19 Iwhoyu ndiwo ntongo, kuti tjedza tjahha muhango, koga banhu bakada hhalima kupinda tjedza, ngobe zwiyeto zwabo zwakazwilizwibi.

7 Kusineni ndomubudza lebeswa; kwakamunakila kuti ndiyende, ngobe ndikasayenda, Ntjidzi atowhohha; koga hapa ndikayenda, ndowhowuntuma kumuli. 8 Akahha, unowhozibisa banhu behango nekwejinyo nendulamo netongewa, 9 nekwejinyo, ngobe abatondigalamoyo; 10 nekwendulamo, ngobe ndoyenda kunaTate, imwi amutjowhondibona; 11 nekwetongewa, ngobe ntungamili wehango iyeyi wakatongewa."

16 Ndizo toziba kakale togalamoyo kuti Ndzimu unotida.

Ndzimu ludo, iwhoyo unogala muludo unogala muNdzimu, kakale Ndzimu unogala muwunli. 17 Nayiyeyi zila ludo goba nebuhhalo mutili, kuyetila kuti tibe nekuzwigalabgwe muhhuba letongewa, ngobe sekwaali, iswi takajalo bo muhango iyeyi. 18 Akuna luhlo muludo, koga ludo gwakapelela gotata luhlo. Ngobe hla koyendidzana nelangiwa, kakale unohla aazopelela muludo.

10 Ngobe toseni takafanila ma mbeli kwetjigalo tjetonga tjaKhirisitu, kudze umwe newumwe awamutjile tjakawumfanila, kuyendidzana nethama kukwe etjatjila mumbili, kubuya kene kubi.

16 Ikoku kowhoyetikala hhuba Ndzimu laanowhotonga zwakasumbikika zwimumimoyo yebanhu ndaYesu Khirisitu, sekwakunolebgwa ngeNdebo Mbuya yandinosumikila.

27 Ngobe senhu wose ewhofa kan’ompela, hule kwayikoko kotobela tongewa, 28 ndizo Khirisitu wakayetiwa tjibhayilo kan’ompela, kuti asenge matjinyo ebanjinji, unowhobonekwa gwebubili, esingabinge whodusa matjinyo koga ewhotjidza ibabo bakawunlindila.

37 Seleba kwelukwalo guti,

"Kwasala lubaka guhomanana;

iwhoyo unohha unowhohha

atowhononoka;

38 Wakalulama wangu unowhotjila nekugalamoyo,

koga hapa ebgwilila hule,

meya yangu ayitowhohanha nekukwe."

39 Koga atita ibabo banobgwilila hule benopaladziwa, koga tiibabo bana kugalamoyo kakale banotjengeta meya dzabo.

6 Ndizo ke iswi ngatisibhakhwe newhope, sekunota bamwe, koga ngatimuseni meho tibe nekuzwibhata. 7 Ngobe banoyizela banoyizela busiku, nebanolaladza banolaladza busiku. 8 ✝Koga saku tili bemasikati, atibeni nekuzwibhata, timbale bugalimoyo neludo kuli tjidzibili tjepafuba, negalabgwe kwetjidziwa kuli whuntshi yetjidzibili tjen’holo. 9 Ngobe Ndzimu azotihalila kuti tiwigwe nebuhongola, koga wakatihala kuti tiwamutjile tjidziwa muzina laHe wedu Yesu Khirisitu,