O juízo final

O juízo final é a conclusão da história humana. Todos os seres humanos comparecerão diante do trono de Deus para o julgamento eterno — os salvos para a vida, os ímpios para a condenação.

O grande trono branco

Vi um grande trono branco e os mortos diante de Deus. Os livros foram abertos e cada um foi julgado segundo as suas obras.

सेलवार्‍युउ न्यायनिवाड़ु

11 तिहींइं फासाड़ी आंय फाशोअ एक पांडी वोडी राजगादी आन तियीपोअ बोठ्ला एका माहुंहूं देख्यो. धरती आन जुग तियाआ सामने आरताइत गोये आन तियांहां काज जागू ने जोड़्यू. 12 आन आंय हाना-वोडा आक्खा मोल्याहां राजगादीइ सामने उबे रोल्ये देख्ये, आन पुस्तक उगाड़्यो; ताहां फाशोअ एक बिहीरो पुस्तक, तो जिवनोअ पुस्तक होय, उगाड़्यो; तियां पुस्तकोम लेखाअली गोठीइ परमाणे तियां मोल्या माअहोंअ कामोअ न्यायनिवाड़ू ओवू. 13 दोर्‍यामेहें मोअनाराहां दोर्‍ये आपी देदे, मोत आन अधोलोकोमेहें मोअयेते, तियां बी तियांम मोल्या माअहोंहों आपी देदे; आन हारेकोअ जियातियाआ कामोअ पुरमाणे न्यायनिवाड़ू ओवू. 14 तिहींइं फासाड़ी मोत आन अधोलोक, बेनुहूं आगीइ दोर्‍यामेहें टाकी देदे. ए आगीइ दोर्‍या दुसरी मोत होय; 15 आन जियांआं नावे जिवनोअ पुस्तकोमेहें ने सापड़्ये, तियांहां आगीइ दोर्‍यामेहें टाकी देदे.

Apocalipse 20:11-15

12 ईसु कोहे, "उनाआ! आंय वेगुज आवोहो! आन हारेक जोओंहों जियां तियांआं कामोंअ पुरमाणे बक्शीस आपिहीं.

Apocalipse 22:12

12 ईसु कोहे, "उनाआ! आंय वेगुज आवोहो! आन हारेक जोओंहों जियां तियांआं कामोंअ पुरमाणे बक्शीस आपिहीं. 13 आंय अल्फा आन ओमेगा, पेहलु आन सेलवाऱ्युउ, सुरुवात आन सेवट होंव."

Apocalipse 22:12,13

हादाजलम रोनाराआ दर्शन

Daniel 7:9

हादाजलम रोनाराआ दर्शन

9 "आंय पालता-पालताम आखरीपोअ की देख्यो, के राजगादी मांड्यी, आन एक वेगुउ डायु तिहींपोअ बोठू; तियाआ आंगड़ो बर्फाआ होस आसो, आन तियाआ मुन्काआ सिंग्ये कापाहोअ होस पांडेपांडेज ओते; तियाआ राजगादी आगीइ होस आन तियाआ साके जलजल कोअत्ला आराआ होस देखाअताते. 10 तिया डायाआ सामने रोत आगीइ खाड निहीत वोहतीते; ताहरेए हाजारो हाजार माअहें तियाआ सेवासाकरी कोअतेते, आन लाखेनलाख माअहें तियाआ सामने हुजुर ओते; ताहराआ न्यायी बोहीत गोया, आन पुस्तके उगाड़्ये."

Daniel 7:9,10

2 जें धरतीइ निसे माहणोमेहें हुवित रोयेहे तियांमेर्‍येए वारुज माअहें जागीत उठे, वार जोएं ते हादाफल्याआ जिवनोअ कोअते उठे, आन वार जोएं ते तियांआं खाराब नावोवाअहीं आन हादाफल्याआ अपमानोअ काजे उठे. 3 ताहां समजदार माअहें जुगोअ उजालाआ होस रोय, आन जें वार जोओंहों धर्मी बोणावतेहे, तें हादाफल ताराआ होस उजालावाले रोये."

Daniel 12:2,3

Preparação para o juízo

Deus estabeleceu um dia para julgar o mundo com justiça. Arrependei-vos, porque o juízo se aproxima e cada palavra será pesada.

31 काहाके तिये एक दिही एहेलुहू ठरव्युहू के, जिहींमेहें तिये नेमल्यू एक माटी ईसु वाअहीं तो दुन्याअ न्याय निवाडु सतीपणो वाअहीं कोए; आन जियाहा तिये मोल्याम रोत जिवाड़ीत कोइत ए गोठ आखा माअहूं पोअ पुरावू कोइत देखाड़ी देदुहू."

Atos 17:31

36 "आन आंय तुमुहूं कोहो के, जें जें शब्दे माहें गोगे, तियां हारेक फालतू शब्दाआ न्यायनिवाड़ु ओवे तेदिहीं तियांहां ईसाब आपुहूं पोड़े. 37 काहाके तु ताआ गोठी वाअहीं निर्दुस आन ताआ गोठीज वाअहीं दोशी ठरही."

Mateus 12:36,37

आखरीइ न्यायनिवाड़ु

Mateus 25:31-33

आखरीइ न्यायनिवाड़ु

31 "जाहां माहुंउं बेटुह्हू तियाआ महिमामेहें आखा देवदुतोअरी आवे, तेहेलाम तो तियाआ महिमाआ राजगादीपोअ बोहे. 32 आन आखे माअहें तियाआ सामने एकठे कोए; आन जेहलुहू डोरक्यू मेडाहां बोकड़ाम रोत आंगे कोइ देहे, तेहेंज कोइत तो तियांहां एकान बिहीरा रोत आंगे कोए. 33 आन तो मेडाहां तियाआ हाजाड़ीइ वोगेहे आन बोकड़ाहां तियाआ बांगाड़्यीइ वोगेहे उबे कोए. 34 ताहां राजा तियाआ हाजाड़्यीइ वोगर्‍याअ माअहुंहूं कोये, ‘ए माआं आब्हाआ आशिर्वादीत माअहूं! आवा, तिया राजोअ आधिकारी ओत जावा! जो दुन्याआं पेल रोत तुमाआं काजे तियार कोअयोहो. 35 काहाके आंय फुकल्यू ओतू, तेहेलाम तुमू माहूं रोटू आप्यू; तिहील्यू ओतू, तेहेलाम तुमू माहूं पाईं पिवाड्यो; आंय परदेसी ओतू, तेहेलाम तुमू माहूं कोअमेहें हाद्यू. 36 आंय उगड़ाअलुज ओतू, तेहेलाम तुमू माहूं आंगड़े पोवाड़्ये; आंय बिमार ओतू, तेहेलाम तुमू माहूं वेंडार्‍यू; आंय जेलेम ओतू तेहेलाम तुमू माहूं मिले आये.’ 37 ताहां धर्मी तियाहा उत्तर आपे, ‘प्रभु, आमू ताहूं काअहां फुकल्यू देख्यू आन खावाड़्यो, नेत तिहील्यू देख्यू आन पाईं पिवाड़्यो? 38 आमू ताहूं कोयों परदेसी देख्यू आन आमाआं कोअमेहें मिक्यू नेत उगड़ाअलुज देख्यू, आन आंगड़े पोवाड़्ये? 39 आमू ताहूं कोयों बिमार देख्यू नेत जेलेम देख्यू आन ताहूं मिले आये?’ 40 ताहां राजा तियांहां उत्तर आपे, ‘आंय तुमुहूं नक्की कोहो, के तुमू जों माआं या हानाम रोत हाना पाव्हीइला कोडा एकाअरी बी कोअयो, तों माअरीज कोअयो!’

41 "ताहां तो बांगाड़्यीइ वोल्याहां कोये, ‘ए देवोअ हारापल्या माअहूं, माआं सामने रोत तियी हादाजल्मार्‍यीइं आगीम जाते रोवा! जे सैतान आन तियाआ दुतोअ काजे तियार कोअयिही. 42 काहाके आंय फुकल्यू ओतू, आन तुमू माहूं खाअहूं ने आप्यो, आंय तिहील्यू ओतू, आन तुमू माहूं पाईं ने पिवाड्यो; 43 आंय परदेसी ओतू, आन तुमू माहूं तुमाआं कोअमेहें ने हाद्यू; आंय नागरु ओतू, आन तुमू माहूं आंगड़े ने पोवाड़्ये; आंय बिमार आन जेलेम ओतू, तेहेलाम तुमू माआं कालजी ने लेदी.’ 44 ताहां तें उत्तर आपे, ‘प्रभु, आमू ताहूं कोयों फुकल्यू, नेते तिहील्यू, नेते परदेसी, नेत नागरु, नेते बिमार, नेते जेलेम देख्यू, आन ताआ मदत ने कोअयी?’ 45 ताहां तो राजा तियांहां उत्तर आपे, ‘आंय तुमुहूं नक्की कोहो के तुमू जों या हानामेहें रोत हाना एकाअरी बी ने कोअयो, तों माअरी बी ने कोअयो.’ 46 ताहां एं हादाजलम्युउं डोंड भोगे, पोन धर्मी हादाजल्म्याआं जिवनोमेहें जाये."

Mateus 25:31-46

14 काहाके देव आखा कामोअ आन आखी निकाअली गोठीइ न्याय कोए, ते हाजी ओय नेत बाक्ती ओय.

Eclesiastes 12:14

17 आंय मोनोमेहें कोयो, "देव धर्मी आन पापी बेनुउं न्याय कोए," काहाके तियाआ जागे एक एक गोठीइ आन एक एक कामोंअ वेल होय.

Eclesiastes 3:17

30 "प्रभु यहोवाआ ओं वसन होय, ए इस्राएलोअ घराणा, आंय तुमामेऱ्याआ हारेक माअहुंउं न्याय तियाआ वेवाराआ पुरमाणेज कोअहीं. फास्तावू कोआ आन तुमाआ आखा गुनाहां सोड़ा, ताहांज तुमाआ गुना तुमुहूं ठोकाड़ीलोअ कारण ने बोणे. 31 तुमाआ आखा पापोहो सेटे कोआ, जे तुमू कोअयाहा; तुमाआ मोन आन आत्मा बोदलीत टाका! ए इस्राएलोअ माअहों, तुमू काहा मोअहूं होदतेहे? 32 जो मोए तियाआ मोइला वाअहीं आंय खुस नाहां ओवतू, तियाहा काजे फास्तावू कोआ, ताहांज तुमू जिवते रोहा, एहें कोत प्रभु यहोवा कोहे."

Ezequiel 18:30-32

Segurança em Cristo

Quem crê no Filho tem a vida eterna e não entra em juízo. O amor de Deus é nosso refúgio diante do juízo vindouro.

João 3:16

16 काहाके देवे दुन्यापोअ एतीही मेर कोअयी के, तिये तियाआ एखलू बेटुह्हू आपी देदू, एताआ काजे के जो कोडो तियापोअ विश्वास मिके, तो ने आरवाअहूं जोवे, पोन तियाहा हादाजल्म्योंअ जिवन जोड़ुहू जोवे. 17 देवे तियाआ बेटाह्हाहा दुन्यामेहें याअ काजे नाहां मोकल्यू, के दुन्याआ न्याय निवाड़ू कोए, पोन तियाहा याअकाजे मोकल्यू के दुन्याआ तारण ओवुहूं जोवे.

18 जो तियापोअ विश्वास कोअहे, तियापोअ डोंडोअ आदेश नाहां आवतू, पोन जो तियापोअ विश्वास नाहां कोअतो, तो दोशी ठरवात गोयोहो; याअकाजे के तिये देवोअ एखला बेटाह्हाअ नावोपोअ विश्वास ने कोअयू. 19 आन डोंडोअ आदेशोअ कारण ओं होये के उजालो दुन्यामेहें आयोहो, पोन माअहें उजाला रोत वादार आंदारापोअ मेर कोअयी, काहाके तियांआं कामे खाराब होये.

João 3:16-19

7 पोन आंय तुमुहूं खोरीज कोहो के माआं जाअलोअ तुमाआं काजे हाजो होय, काहाके जर आंय ने जांव ताहां तो हेंगात्यु तुमाआं जागे ने आवे; पोन जर आंय जाहीं, ताहां तियाहा तुमाआं जागे मोकलिहीं. 8 आन जाहां तो आवे ताहां दुन्याहां पुरावू कोइत देखाड़े के, पाप आन सतीपण आन न्यायोअ बाप्तिमेहें पुरावू कोइत आपे. 9 पापोअ बाप्तिमेहें याअकाजे के ते मापोअ विश्वास नाहां कोअते; 10 आन सतीपणोअ बाप्तिमेहें याअकाजे के आंय आब्हाअ जागे जाहो, आन तुमू माहूं फाशे ने देखहा; 11 न्यायोअ बाप्तिमेहें याअकाजे के दुन्याअ आधिकारी दोशी ठरवाअयुहू.

João 16:7-11

16 आपापोअ देवोअ मेर केतीही तों आपू ओलख्योहो, आन तियी मेरेपोअ आपाआ भरिवसू होय.

देव मेर होय, आन जों मेरेम जिवेहे तों देवोअरी रोहे आन देव तियाअरी रोहे. 17 यावाअहीं आपामेहें मेर पुरी ओवीही, तों याअ काजे के न्यायनिवाड़ु ठरवीइलोअ दिही आपाम हिम्मत रोअहूं जोवे; काहाके जेहेंकोइत ख्रिस्त होय तेहेंज कोइत आपू बी यी दुन्याम होय. 18 मेरेम बिक नाहां रोती; हारीपुरी मेर बिकुज काडीत टाकेहे; काहाके बिक रोयी ताहां डोंड जोड़ेज ओ विसार रोहे, आन बिकऱ्यो माहुंउं मेरेम पाक्को नाहां ओवो.

1 João 4:16-18

10 काहाके आपू हारेक जोओंहों, ख्रिस्ताआ न्यायगादीइ सामने उबो रोअहूं पोड़े; एताआ काजे के जें जें कामें दुन्‍यामेहें रोत कोइत कोअयेहे तियांआं बोदलू जोड़ुहूं जोवे. तें हाजे ओय नेत बाक्ते ओय.

2 Coríntios 5:10

16 जे हाजी बातमी मी कोताप्यिही तियीइ परमाणे देव एक दिही मोनवीइ हारेक दोड़ापाअली गोठीइ न्यायनिवाड़ु ईसु ख्रिस्तावाईं कोए.

Romanos 2:16

27 आन जेहलोहो मोनवीइ एकुज वारी मोइलो तिहींरोत न्यायनिवाड़ु ठरवीत मिक्युहू. 28 तेहेंज कोइत ख्रिस्ते बी जाअखीला जोओंअ पापोहों विसीत लेअलोअ काजे एकुज वारी गाराहा बोण्यु; आन बिहीरी वारी तो जें माहें तियाआ वाट जोवतेहे, तियांआं पापोअ काजे नाहां, पोन तियांआं तारणोअ काजे देखाये.

Hebreus 9:27,28

37 वसन कोहे के,

"ओमे जाअखीज थोड़ी वेल रोयीही;

काहाके जो आवनारु होय तो आवे,

तो वाआ ने लागाड़े.

38 पोन माआं धर्मी माहुंउं विश्वासोवाअहीं जिवतो रोय,

आन जर तों वापिस जातो रोय,

ताहां माआं मोनोहो खुसी ने ओवे."

39 पोन आपू ताम आरवाइलोअ काजे फासाड़ी होरकीत वापिस जानारामेर्‍येए कायनाहां, पोन विश्वास कोइत जिव वासाड़नारामेर्‍येए होय.

Hebreus 10:37-39

6 तियाहा काजे आपू बिहीराअ होस हुवते ने रोअहूं जोवे, पोन जागते आन तियारीम रोअहूं जोवे. 7 काहाके जे हुवतेहे ते रातीज हुवतेहे, आन जे साकवाले रोतेहे तें रातीज साकवाल रोतेहे. 8 पोन आपू जे दिहोअ होय, तियाहा काजे विण साकवाल रोअहूं जोवे. आवा विश्वास आन मेरेए आंगड़ो पेवित कोइत आन तारणोओं आशाआ टोपू पेवित रोहूं.