11 Titswene, me amoni kiti-ipfumu yinene yi fuuka, na wu aba atsahala ŋa yulu a yo. Toto na mayulu byatahuhi lala na hiinzi hya nde, na a baabwemono byo ve. 12 Titswene, me amoni babaakwa, bakuutu na bangebe, baateleme ŋa busu bwa kiti-ipfumu. Baadibuli mabuuku. Baabwedibula libuuku likima, ni libuuku la moonyi. Baatsundisi babaakwa mu mavaanga ma bo baasiidi, we bu baasonehe mutso mabuuku✝. 13 Mubu apalisi bamvumbi ba nde haaba na bo. Lipfu na tsi a babaakwa, bo kaka baapalisi babaakwa ba bo. Na baatsundisi bo boosi mu mavaanga ma bo baasiidi. 14 Lipfu na tsi a babaakwa baabwahi hutso a dyanga la mbaahu a suufe. Dyanga la mbaahu ni lipfu la moole. 15 Woosi wu baavelisonehe nduhi mu libuuku la moonyi, baabwahi nde hutso a dyanga la mbaahu.

12 Yisu ti: «Yuha, me a taamba mu uya ve! Me tsa mbehe musyendo buuve tsundusu a muutu muutu we bu hu li mavaanga ma nde.

12 Yisu ti: «Yuha, me a taamba mu uya ve! Me tsa mbehe musyendo buuve tsundusu a muutu muutu we bu hu li mavaanga ma nde. 13 Me ni Alafa na Omenga, watsomi na wa tsyelele, mbandihili na tsukusu✝.»

31 Nzambi amiisoolo ilumbu hi nde hutsundasa baatu boosi mu butsiitsa, mu nzila a muutu wu nde hamiisoolo. Nde amiimweese imbangi huli baatu boosi, ti muutu mowuna na ali, bu hamiisuula nde ŋa hati la babaakwa.»

36 Me ndeele benu lo: Mu ilumbu hya tsundusu a Nzambi, pasi muutu sa ava ikuumbu mu mambu moosi ma maavele a tsalu ma nde hapalisa. 37 Mu tooni ati, ni mu mambu ma we ubaapalisa mu munywa a we, Nzambi huubiingasa we, buuve huubelese we.»

31 Yisu abweleele: «Ŋa Mwana a Muutu huuya hutso muyusu a nde na bapofi boosi, nde sa atsahala ŋa kiti a nde yi ipfumu yi muyusu. 32 Baatu boosi ba ŋa toto sa bakuukama ŋa busu bwa nde. Nde sa atahula baatu ŋa hati la bo, we bu mukeelisi biboodi ubaatahula mandombo na bataba. 33 Nde sa asuusa mandombo hu mbahala a nde, na bataba hu kaasu a nde.

31 Yisu abweleele: «Ŋa Mwana a Muutu huuya hutso muyusu a nde na bapofi boosi, nde sa atsahala ŋa kiti a nde yi ipfumu yi muyusu. 32 Baatu boosi ba ŋa toto sa bakuukama ŋa busu bwa nde. Nde sa atahula baatu ŋa hati la bo, we bu mukeelisi biboodi ubaatahula mandombo na bataba. 33 Nde sa asuusa mandombo hu mbahala a nde, na bataba hu kaasu a nde.

34 Buuna mutumi sa aleele huli ba buuba hu mbahala a nde: "Yaani, benu ba Taata a me haasyeme. Byalilaani mukobe wu Ipfumu hi mayulu hi baamiivangimasa mu benu umata pangili a tsi. 35 Mu tooni ati, me ambeedi na nzala, na benu laaviidi me byudya. Me ambeedi na peyu a mamba, na benu laaviidi me mamba ma unywa. Me ambeedi mwenyi, na benu laayaki me. 36 Me ambeedi pene, na benu laalwatisi me. Me ambeedi na ubeele, na benu laataasili me. Me ambeedi mutso a kondaayi, na benu laayamono me."

37 Ni mu buuna, baatu ba baasiidi litondo la Nzambi sa bafutala nde: "Pfumu, ki taangu bisu laamoni we na nzala, na laaviidi we byudya; buuve we aba na peyu a mamba, na laaviidi we mamba ma unywa? 38 Ki taangu bisu laamoni we mwenyi, na laayaki we huli bisu; buuve we aba pene, na bisu laalwatisi we bikutu? 39 Ki taangu bisu laamoni we mubeedu, buuve mu kondaayi, na bisu laataasili we?"

40 Na Mutumi sa afutala bo: "Mu mbuli me ndi mu undeele benu, pasi taangu yi benu laasiidi buuna, huli mumosi mu baana ba ngu a me wu afulala bukenyi, ni huli me benu laasiidi buuna."

41 Titswene, nde sa aleele huli ba buuba hu kaasu a nde: "Matilaani me, benu ba Nzambi haamiisinga! Yenaani hu mbaahu yi bilima na bilima yi baamiivangimasa mu Mukuyi na bapofi ba nde! 42 Mu tooni ati, me ambeedi na nzala, na benu a laaviidi me byudya ve. Me ambeedi na peyu a mamba, na benu a laaviidi me mamba ma unywa ve. 43 Me ambeedi mwenyi, na benu a laayaki me ve. Me ambeedi pene, na benu a laalwatisi me ve. Me ambeedi mubeedu na mu kondaayi, na benu a laataasili me ve." 44 Buuna, bo sa bafutala nde: "Pfumu, ki taangu bisu laamoni we na nzala, buuve na peyu a mamba, mwenyi, buuve pene, buuve na bubeedu, buuve mu kondaayi, na bisu a laakumbisi we ve?" 45 Na nde sa afutala huli bo: "Mu mbuli me ndi mu undeele benu, pasi taangu yi benu laavelisa buuna huli mumosi mu baana ba ngu a me wu afulala bukenyi, ni huli me benu laavelisa buuna." 46 Ni buuna, bo sa bayene hu tsyembili yi bilima na bilima. Ka baatu ba baasungama, sa bayene hu moonyi wu bilima na bilima✝.»

16 Ka mbi bu Nzambi hatondi tsi, nde atsindihi Mwana a nde wu livingu, mana pasi nde wu usiila nde imiinu, avele bungana, ka nde sa abaha moonyi wu bilima na bilima.

16 Ka mbi bu Nzambi hatondi tsi, nde atsindihi Mwana a nde wu livingu, mana pasi nde wu usiila nde imiinu, avele bungana, ka nde sa abaha moonyi wu bilima na bilima. 17 Nzambi a hatsindihi Mwana a nde mu utsundasa baatu ve, ka mu tooni ati baatu bayoboho mu nde. 18 Woosi wu li mu usiila nde imiinu amiipala mu tsundusu. Ka woosi wu avelesiila nde imiinu, amiikoto mu tsundusu, mu tooni ati nde a hasa imiinu mu nduhi a Mwana a Nzambi wu livingu ve.

19 Mono buni tsundusu yuvangama: liyalala laayidi mu tsi, ka baatu baatondi hwa bo piipidi na baatiimbi liyalala, mu tooni ati mavaanga ma bo mali ma mabi.

7 Bunuubu, mu mbuli me ndi mu undeele benu, hwafwana huli benu, me mu uyene. Mu tooni ati, me upelenzyene, Mukaliini a huya huli benu ve. Ka tso me nzyeni, me tsa tsindaha benu nde. 8 Na bu nde huya, nde sa ayalusa mitima mya baatu ba tsi mo yiniiyi, ba baamiidunga mu dyaambu li masumu, li butsiitsa na la tsundusu a Nzambi. 9 Bo baamiidunga mu li litali masumu, mu tooni ati baatu a bali mu usiila me imiinu ve. 10 Bo baamiidunga mu li litali butsiitsa, mu tooni ati me ka mu unzyene huli Taata, na benu a lubwemono me ve. 11 Bo baamiidunga mu li litali tsundusu, mu tooni ati Nzambi amiitehele utsundasa pfumu a tsi mo yiniiyi.»

16 Mono buni bisu luuyaaba ki litondo li Nzambi hatondo bisu. Nzambi ni litondo, na woosi wu ubaakwilala mu litondo, ubaakwilala mu Nzambi, na Nzambi kaka ubaakwilala mu nde.

17 Tso litondo la Nzambi libaasinzamonehele mu bisu, buuna bisu lili na hiitu mu ilumbu hi Nzambi huyatsundasa baatu. Bisu luuba na hiitu mu tooni ati, idiingu hya bisu ŋa toto mo yiniiyi, hyafwanina na hya Yisu Kristo. 18 Hutso litondo, boomo tso hoole ve. Ka litondo li laakuha, libaabinga boomo, mu tooni ati muutu nga boomo, ni wu ubaakeele tsyembili. Ni mu buuna, muutu nga boomo bwa Nzambi, litondo la Nzambi kini a laayele mu nde ve.

10 Mu tooni ati, bisu boosi laafwana uteleme ŋa busu bwa Kristo mu uyaka tsundusu a nde. Ni huuna, muutu muutu sa ayaka wa nde musyendo mu mamabwe buuve mamabi ma nde haavaangi ŋa toto.

16 Maana ni ma mu umonehele, ilumbu hi Nzambi huutsundasa matswehi ma pasi muutu, mu nduhi a Yisu Kristo, we bu Musamu wu Mubwe wu me ndi mu unzabisa ali mu umweese.

27 Pasi muutu afwana ukwa kwa limosi, titswene Nzambi tsundisi nde. 28 Ni bumosi kaka, Kristo baayehuli nde yeholo limosi mu bungodu, mu umaasa masumu ma baatu ba balahi✝. Nde uyaamonehele monehele la moole, a husaali mu uyaamaasa masumu ma baatu ve, ka mu uyaafuuhasa boosi ba bali mu ukeele liyobolo mu nziili a nde.

37 Mu mbuli, baasonehe:

«Ka ndulu mwana a taangu hoole, yi yaafulala hoole,

na wu afwana uya, sa aya,

nde a huutaamba ve.

38 Woosi wu li tsiitsa ŋa busu bwa me uba moonyi mu imiinu,

ka nde afutaha mbisa,

me a umono kinya mu nde ve✝.»

39 Bisu a lili ba bubaafutaha mbisa, na udimbala ve. Bisu lili baatu ba nga imiinu na ba bali mu nzila liyobolo.

6 Bisu a benu a libwamina we baatu bakima ve, ka bisu a benu laafwana uba likanda, na ukuta linyutu. 7 Babwamini, ni butsuhu bali mu ubwamina. Bakoli baa malamu kaka, ni butsuhu bali mu ukolo malamu. 8 Ka bisu baa lili baana ba liyalala, bisu laafwana ukuta linyutu. Likaangaani imiinu na litondo we ikutu hi itali na hiitu hi liyobolo we ibudu hi midiingu✝. 9 Nzambi a hateele bisu mu ubwana tsyembili a nde ve, ka mu ubaha liyobolo mu Pfumu a bisu Yisu Kristo.