O juízo final

O juízo final é a conclusão da história humana. Todos os seres humanos comparecerão diante do trono de Deus para o julgamento eterno — os salvos para a vida, os ímpios para a condenação.

O grande trono branco

Vi um grande trono branco e os mortos diante de Deus. Os livros foram abertos e cada um foi julgado segundo as suas obras.

Ntaaŋàmbar a ntsüü

11 Apan, mɛ kàmɛn kir a imwol làkölàköl làpɛɛl anà mbuur kàbwaayà udu a la. Du anà mɛɛn màtiin ukwɛl kusà ande, anà ma bàfàsàman anki. 12 Ungö apan mɛ kàmɛn akü, andweer anà ambɛy, bàŋàmbar kusà a kir a imwol. In’kaan bàkyer aduub. Un’kaan asin bàkyer aduub, un’kaan a mɔ̈ɔ̈. Akü batsül nsaŋ, mbuur mbuur mulab nsyääl ande, asànaa bàsön ya uboo a in’kaan. 13 Ngyäl kàfuur akü ande, ukwà anà an’lɔŋ màfuur akü ama. Ba banswà batsül nsaŋ, mbuur mbuur asànaa byàkäl isal ande. 14 Ukwà anà an’lɔŋ batɔɔm u yaaŋ a mbaa. Yaaŋ a mbaa alà bà ukwà bàyweel. 15 Isàkal naa mbuur mwɛy ikɔb ande bàsön anki uboo a un’kaan a mɔ̈ɔ̈, nde bun’tɔɔm u yaaŋ a mbaa.

Apocalipse 20:11-15

12 Nde kàkwɛy naa: « Le, mɛ in’wàmuyà agyä. Mɛ in’yàtwaal bweel mupà akà mbuur mbuur asànaa akyà isal ande.

Apocalipse 22:12

12 Nde kàkwɛy naa: « Le, mɛ in’wàmuyà agyä. Mɛ in’yàtwaal bweel mupà akà mbuur mbuur asànaa akyà isal ande. 13 Mɛ in’wà Alfa anà Ɔmɛga, iswaŋà naa wàtàtwɛb anà wàntsüü, nsɛmà anà ntsüü.

Apocalipse 22:12,13

Preparação para o juízo

Deus estabeleceu um dia para julgar o mundo com justiça. Arrependei-vos, porque o juízo se aproxima e cada palavra será pesada.

31 ntɔn nde kàkyàtsul ilä mwɛy akyà usàtsüül nde mɛɛn manswà nsaŋ unsà balàbal u mbwo a mbuur kàsɔ̈ɔ̈l nde, awà kaswɛŋ nde idiim mukun’wiiy kà ukwà. »

Atos 17:31

36 Waa mɛ, mɛ alàkyään naa: kà ilä a nsaŋ, baar bàsàsà in’lɔɔn a ndaa a bunàbun yanswà bàsatɛɛnà ba. 37 Ntɔn ntɛɛn angye ŋakwo isatsüül mbar. »

Mateus 12:36,37

Nsaŋ a ntsüü

Mateus 25:31-33

Nsaŋ a ntsüü

31 « Mpal usàyà Mwan a mbuur unsà làkoo ande anà akyeey banswà, apan nde asàbwaay udu a kir a làkoo ande. 32 In’sɛŋ myanswà myàsàköŋ kusà ande. Nde asàkaab baar amwɛy anà bumwɛy, asànaa un’seey ufàkaab nde in’kɔk anà ntab. 33 Nde in’kɔk asasà u kɔɔ ande libaal, ntab u kɔɔ ande likaar. 34 Apan, mfum asàtɛn a baar bàsàkal u kɔɔ ande libaal naa: "Làyi, bɛ baar kàsaak Taaràmɛ. Làbilà ubɔɔ a imwol akyà bàlɔ̈ɔ̈n ntɔn bɛ sɛmà bàkyer mɛɛn. 35 Ntɔn mɛ, mɛ kàkäl anà ngyal, bɛ lan’pɛ isaa adyà. Mɛ kàkäl anà mfwää, bɛ lan’pɛ undiir anwà. Mɛ kàkäl ungyey, bɛ waa lan’wɛl, 36 mɛ kàkäl wànsàpɔl, bɛ waa lan’bwää. Mɛ kàkäl anà ukyal, bɛ waa làyan’ler. Mɛ kàkäl u bɔlokà, bɛ waa làyan’ler." 37 Apan, baar a balàbal bàsun’fuur naa: "Mwol, mpal nà kamɛn bi anà ngyal, waa bi kapɛ isaa adyà, itàkal anà mfwää, waa bi kapɛ undiir anwà? 38 Mpal nà kamɛn bi ungyey, waa bi kawɛl, itàkal wànsàpɔl waa bi kabwää? 39 Mpal nà kamɛn bi anà ukyal itàkal u bɔlokà, waa bi kàyaler?" 40 Mfum usafuur naa: "Mɛ, mɛ alakyään ndandaa: mbalà yanswà ayà làkyer bɛ indiir abi akà umwɛy ubɔɔ a bibaan akye bà, abà atɔŋ amɛ, bɛ bya làkyer akà mɛ." »

41 « Abun, nde asàtɛn a baar bàsàkal u kɔɔ ande likaar naa: "Baar aŋàküül! Làkyà kunà! Làkyen u mbaa a mbul a in’tye ayà bàyöŋà ntɔn ileŋ anà akyeey ande! 42 Ntɔn mɛ kàkäl anà ngyal, wɛɛ bɛ udyà lan’pɛ anki. Mɛ kàkäl anà mfwää, wɛɛ bɛ undiir anwà lan’pɛ anki. 43 Mɛ kàkäl ungyey, wɛɛ bɛ lan’wɛl anki, wànsàpɔl, wɛɛ bɛ lan’bwää anki. Mɛ kàkäl anà ukyal anà u bɔlokà, wɛɛ bɛ làyan’ler anki." 44 Apan ba bàsun’fuur naa: "Mwol, mpal nà kamɛn bi anà ngyal itàkal anà mpfwää, itàkal un’ngyey, itàkal wànsàpɔl, itàkal anà ukyal, itàkal u bɔlokà, waa bi mpa kabay?" 45 Mfum waa usafuur naa: "Mɛ, mɛ alàkyään ndandaa: mbalà yanswà mpa làkyer bɛ indiir abi byanswà akà umwɛy ubɔɔ a bibaan abi, bɛ bya sye làkyer anki akà mɛ." 46 Baar abà bàsàkyà u ntaaŋàmbar a mbul a in’tye, wɛɛ baar a balàbal u mɔ̈ɔ̈ a mbul a in’tye. »

Mateus 25:31-46

Segurança em Cristo

Quem crê no Filho tem a vida eterna e não entra em juízo. O amor de Deus é nosso refúgio diante do juízo vindouro.

16 Abun Nzam kàkwen mɛɛn mbɔɔn, lalan kàpɛ nde Mwan baal ande mwɛy mpɛl, ntɔn mbuur wanswà asà làkwikilà amu nde ukɔ̈ɔ̈n akyà bwà, wɛɛ nde ukäl anà mɔ̈ɔ̈ a mbul a in’tye.

João 3:16

16 Abun Nzam kàkwen mɛɛn mbɔɔn, lalan kàpɛ nde Mwan baal ande mwɛy mpɛl, ntɔn mbuur wanswà asà làkwikilà amu nde ukɔ̈ɔ̈n akyà bwà, wɛɛ nde ukäl anà mɔ̈ɔ̈ a mbul a in’tye. 17 Ntɔn Nzam kàtöm anki Mwan baal ande u mɛɛn ntɔn mudwa mbuur ndwà, wɛɛ ntɔn mɛɛn iwü mɔ̈ɔ̈ u mbwo a nde. 18 Mbuur afàsà nde làkwikilà bun’tsüül anki nsaŋ. Mbuur mpa afàsà làkwikilà, bàkyun’tsüül mbar itaan, ntɔn nde kàsi anki làkwikilà amu ikɔb a Mwan baal mwɛy mpɛl a Nzam. 19 Nsaŋ ya yi: pɛɛlà làyi u mɛɛn, wɛɛ baar bàkwen làpib kà ikal a pɛɛlà, ntɔn nsyääl aba yàkäl yàmbe.

João 3:16-19

7 Mpalabà, mɛ amàlasam ubwaŋàbwaŋ: yan’söön mfun akà bɛ naa mɛ, mɛ in’kyen. Wɛɛ kya mɛ impàkyà anki, un’lɛɛl akwà alàyà mukàlabay, uyàfàyà anki akà bɛ. Wɛɛ isàkal naa mɛ an’kyà, mɛ in’kyer asàlatööm awà. 8 Waa mpal usàyà nde, nde asàswaŋ ubwaŋàbwaŋ muyöb man’be aba, balàbal anà nsaŋ a Nzam. 9 U ndaa iler man’be, ntɔn ba bàfàsà anki làkwikilà amu mɛ, 10 u ndaa iler balàbal, ntɔn mɛ in’kyà akà Taa anà bɛ làfàsan’man anki, 11 u ndaa iler nsaŋ, mfum afàyaal mɛɛn bàyun’tsüül nsaŋ. »

João 16:7-11

16 Waa bi, bi ban’yöb anà ban’sà làkwikilà naa Nzam akyikwen.

Nzam wà ukwen. Mbuur awà uboo a ukwen wà amu Nzam, anà Nzam wà amu nde. 17 Undiir uleŋà ukwen aŋàkwo uboo abi, wà naa bi ikäl aŋàyɔl a làkyän kà ilä a nsaŋ. Bi isàkal abwɛy, ntɔn mɔ̈ɔ̈ abi u mɛɛn mà wà asànaa awà wànde. 18 Bɔɔmà batɛy uboo a ukwen. Ukwen aŋàkwo bàfàpiy bɔɔmà, ntɔn bɔɔmà bafàyà mpal bàfàdil ntaaŋàmbar. Anà mbur afàman bɔɔmà ukwen ande kà bàŋakwo anki.

1 João 4:16-18

10 Ntɔn, bi banswà ikyer asàkàmɛnà kusà a làbay a nsaŋ a Klistɔ, ntɔn mbuur mbuur uwɛl kab a indiir kàkyer nde, itàkal amubwaŋ, itàkal amube, utaaŋ kàkäl nde u mɔ̈ɔ̈ a ndür ande.

2 Coríntios 5:10

16 Ndaa ayin yanwsà isàmɛnà u mii a mii, umpal usàtsul Nzam nkääl a baar yàŋàyee u mbwo a Yɛsu Klistɔ, asànaa awà ya unsà Làsaŋ Aŋàbwaŋ in’fàlɔŋ mɛ.

Romanos 2:16

27 Mbuur wanswà akyer akwà mbalà mwɛy mpɛl, waa ungö nsaŋ iyà. 28 Abun sye, Klistɔ kàpɛ nde ŋakwo mbalà mwɛy mpɛl ntɔn mubiiŋ man’be a un’kàbɔ a baar. Nde asàmɛnà mbalà yàyweel, kà ntɔn mulwom man’be anki, wɛɛ ntɔn mutwaal ngweel a mɔ̈ɔ̈ akà baar bun’dilà.

Hebreus 9:27,28

37 Ntɔn, bàsön naa:

« Lan’sal taaŋ ikikye, ikikye mpɛl,

mbuur awà ayà, akyer ayàyà,

nde uyàkyer anki itaan.

38 Apan, mbuur awà balàbal kusà amɛ asàkal wàmɔ̈ɔ̈ u mbwo a làkwikilà,

wɛɛ isàkal naa nde an’furà ngö, mɛ in’sàkal anki anà un’sak amu nde. »

39 Bi, bi kà ibà baar afurà ngö anki ntɔn mukàdiimà, wɛɛ bi ibà baar a làkwikilà ntɔn muwà mɔ̈ɔ̈.

Hebreus 10:37-39

6 Kyakin, wɛy bi ikɔɔn abɔ̈ɔ̈n asànaa baar bumwɛy, wɛɛ bi ikal kigyɛɛŋ anà u làbɔ̈ɔ̈n. 7 Baar bàfàbɔ̈ɔ̈n, bàfàbɔ̈ɔ̈n u mpib, in’nweel a man, bàfàyɔr u mpib. 8 Ntɔn bi ibà baan a mwäänà, bi ikal bàlàbɔ̈ɔ̈n, bàŋàbwaar làkwikilà anà ukwen asànaa kàzak ibeenà, anà làkyän a mɔ̈ɔ̈ asànaa mpà ibeenà. 9 Ntɔn Nzam kisɔ̈ɔ̈l anki naa nkyɛl ande yibweel, wɛɛ muwà mɔ̈ɔ̈ u mbwo a Mwol abi Yɛsu Klistɔ,