21 Gesa vila Tata ivo akuwabweleza muugima wadanganike na kuwenk’ha ugima, ivo ivo nae Mwana akuwenk’ha ugima wala akuwalonda. 22 Tata hakumulamula mnt’hu yoyote, mbali lamulo dyose kamulekela Mwana, 23 ili want’hu wose wamtunye Mwana gesa ivo wakumtunya Tata. Ila hakumtunya Mwana hakumtunya Tata amtumile." 24 "Huwalongeleni kweli, mnt’hu yoyote akuhulika mbuli zangu na kumtogola ila anitumile, anaugima wa siku zose na seke alamuligwe, mbali kafosa kale muukudanganika na kuingila muugima wa siku zose bila nk’homelezo. 25 Huwalongela kweli, chipindi chikwiza, na chifika kale, wadanganike nawaihulike sauti ya Mwana wa Mulungu, na wala wakuihulika sauti nawawe na ugima. 26 Gesa vila Tata ivo eli mwanduso wa ugima, ivoivo kamwink’ha Mwanake kuwa chanduso cha ugima. 27 Nae Mulungu kamwink’ha Mwanake ukulu wa kulamula kwa vila yeye ni mnt’hu ila atumigwe na Mulungu. 28 Msekukangawala kwa mbuli izo, kwa vila chipindi chikwiza ambaho wala want’hu wose wammakabuli nawaihulike sauti yake. 29 Wose nawabwelezigwe muugima, wala watendile yadamane nawapate ugima wa siku zose na wala watendile ubananzi nawalamulwe."

30 Nie sikudaha kutenda chint’hu chochote kwa udahi wangu mwenyewe. Nie hulamula gesa ivo huhulika kulawa kwa Tata, nayo ulamuzi wangu wa kweli. Ivo hulonda nie sio kutenda ivo hubweda nie mwenyewe, mbali hutenda ivo akubweda ila anitumile. 31 Nikalonga mbuli zangu mwenyewe, ayo hulonda kuyalonga sekeyatogoligwe kuwa ya kweli

7 Mbali nie huwalongeleni kweli, muhavu nie nisegele kwa vila ikawa sikusegela iyo Mtazi sekeeze kumwenu, mbali nikasegela nanimtume kumwenu. 8 Naye akeza naawalagise want’hu isi kuhusu zambi na kutogolwa kulongozi kwa Mulungu na ulamuzi. 9 Watenda zambi kwa vila hawakunitogola.

30 Mbali Yesu akawalongela, "Sauti iyo hailawile kwa ajili yangu nie, ila kwa ajili yenu. 31 Haluse ndo chipindi cha want’hu wa isi ino kulamulwa, elo mwene wa isi ino naahokigwe ukulu wake. 32 Na nie nikeza kutumbikigwa mchanya ya mti kulawila hasi, naniwatende want’hu wose weze kumwangu."

38 Nae akalonga, "Hutogola Mndewa." Kamala kamfugamalila. 39 Yesu akalonga, "Niye niza mui isi ili kulamula, ili wala vipofu waone na wala wakuona wawe vipofu."

1 Muhokeleni ila eli na utogozi mdodo, na msekupinzana nae kwa chila akuchigesa. 2 Want’hu hawakulingana, mnt’hu imwe kwa kutogola kwake akudya chint’hu chochote, mbali mnt’hu imwenga kwa kutogola kwake kudodo, akudya mboga za mazani muhala. 3 Ila mnt’hu akudya chila chint’hu aleke kumzela ila hakudya chila chint’hu. Na ila akudya mboga za mazani muhala aleke kumulamula ila akudya vint’hu vose, kwavila Mulungu kamtogola ivoeli. 4 Weye niani hata kumulamula msank’hani wa miago? Kutimalala egu kungwa kwake iyo ni sank’hano ya mkulu wake, ena nae natimalale kwavila Mndewa Yesu akudaha kumtimalisa.

12 Ivo, chila mnt’hu naalonge mbuli azitendile halongozi ha Mulungu.

13 Ivo, chileke kuwalamula wamwenga, mbali chitogolelane kuleka kutenda mbuli zikulonda kuwatenda wamwenga wagwe mzizambi. 14 Nie humanya kweli, Mndewa Yesu kanilagisa kuwa habule chint’hu chochote hachikufaya, mbali mnt’hu akaona kuwa chint’hu icho hachikufaya nachiwe hachikufaya kumwake mnt’hu iyo.