14 S’oossay oosuwaa ubbaa bollan, k’ay geemmeedda yewuwaa ubbaa bollan, lo"a gidina, iita gidinakka pirddanaw de’ee.

21 Gaasuunnee, Aawuu hayk’k’eeddawantta hayk’uwaappe dentsiide shemppuwaanna wotsiyaawaadan, Na’aykka k’ay bare koyyowantta shemppuwaanna wotsee. 22,23 Asay ubbay Aawuwaa bonchchiyaawaadan, Na’aakka bonchchana mala, Aawuu pirddaa ubbaa Na’aw immeeddawaappe attin, I oonanne pirddenna; Na’aa bonchchenna uray, Aa kiitteedda Aawuwaakka bonchchenna.

24 «Taani hinttenttoo tumuwaa oday; ta k’aalaa sisiyaawoonne taana kiitteeddawaan ammaniyaawoo med’inaa de’uu de’ee. Hayk’uwaappe de’oo I pinneeddawaappe attin, pirddettenna. 25 Taani hinttenttoo tumuwaa oday; hayk’k’eedda Asay S’oossaa Na’aa kooshshaa sisiyaa wodii yaanawaa; hewenneekka ha"a. He kooshshaa sisiyaawanttu shemppuwaanna de’ana. 26 Ayaw gooppe, Aawoo de’uwaa immiyaa wolk’k’ay de’iyaawaadan, de’uwaa immiyaa he wolk’k’aa bare Na’awukka immeedda. 27 S’oossaa Aawuu bare Na’aw pirddiyaa maataa immeedda; ayaw gooppe, Na’ay Asaa Na’aa.

28 «Hawaan malalettoppite; ayaw gooppe, duufuwaan de’iyaawanttu Aa kooshshaa sisiyaa wodii yee. 29 Sisiide unttunttu duufuwaappe gas’aa kesana; lo"obaa ootseeddawanttu de’uwaan de’anaw denddana; k’ay iitabaa ootseeddaawanttu pirddettanaw denddanawantta.✝

30 «Taani taappe ayinne ootsanaw danddaykke; S’oossay taw odeeddawaadan pirdday. Ta pirdday tuma; ayaw gooppe, taani taana kiitteeddawaa sheniyaa poliyaawaappe attin, taani dosiyaawaa ootsikke.

31 «Taani ta huup’ew tabaa markkattooppe, ta markkatetsay tuma gidenna.

7 Shin Taani hinttenttoo tumuwaa oday; Taani biyaawe hinttenttoo lo"a. Ayaw gooppe, Taani baana d’ayooppe, mentsetsiyaawe hinttenttukko yeenna; shin Taani booppe, Aa hinttenttukko yeddana. 8 K’ay mentsetsiyaawe yiide, unttunttu nagaraabaa, S’oossaa s’illotetsaabaanne pirddaabaa ha sa’aa Asay bayizzeeddawaa bessanawaa. 9 Nagaraabay Asay Taana ammanenna diraassa.

30 Yesuusi zaariide unttuntta, «Ha k’aalay hinttenttu diraw yeeddawaappe attin, Ta diraassa gidenna. 31 Ha sa’ay pirddettiyaa wodii ha"a; ha sa’aa* mooddiyaawe ha"i kare olettanawaa. 32 K’ay Taani mask’k’aliyaa bolla kak’ettiyaa wode, asaa ubbaa Taakko goochchana» yaageedda.

38 Bitanii zaariide, «Godaw, ammanay» yaagiide Yesuusaw goyinneedda.

39 Yesuusi, «K’ook’atuu s’eelana malanne s’eelliyaawanttu k’ook’ana mala, taani pirddanaw ha sa’aa yaad» yaageedda.

1 Ammanuwaan azalliyaa uraa shiishshi akkite. Shin I bare huup’ew k’oppiyaabaan aanana palumettoppite. 2 Itti uraa ammanuu I ayaa miinanne diggenna. Shin ammanuwaan azalliyaa uray gaden mokkeeddabaa s’alalaa mee. 3 Ubbabaa miyaa uray ubbabaa meenna uraa kad’oppo; ubbabaa meenna uraykka ubbabaa miyaa uraa bolla pirddoppo. Ayaw gooppe, S’oossay Aa shiishshi akkeedda. 4 Hara asaa k’oomaa bolla pirddiyaawe neeni oonee? I kunddina woy denddina bare Godaassa; shin Goday Aa dentsanaw danddayiyaa diraw, I ek’k’ana.

12 Simmi nuuni huup’iyaan huup’iyaan nubaa S’oossaw odana.

13 Hewaa diraw, nuuni ittuu ittuwaa bolla pirddiyaawaa hawaappe sintsaw ane aggoytte. Shin ubbaappe aatsiide, hintte ishaa d’ubbiyaabaa woy nagaraan oliyaabaa ootsennaadan k’ofaa k’achchite. 14 Taani Godaa Yesuusi Kiristtoosanna de’iyaawaan, bare huup’ew tuna gidiyaabay baynnawaa eraynne akeekay. Shin itti uray ittibaa tuna giide k’oppooppe, hewe aw tuna gidee.

17 Ayaw gooppe, pirdday S’oossaa golliyaan doomettiyaa wodii gakkeedda. K’ay he pirdday koyiro nu bolla doomettiyaawaa gidooppe, Aa wonggalaw azazettenawanttu wurssetsay ayaa gidanee?

5 Hewaa diraw, Goday d’umaan geemmeeddabaa poo’uwaa kessiyaawe, wozanaa k’ofaa k’onc’c’issiyaawe yaana wodii gakkanaw O bollaninne oonanne pirddoppite. He wode, Asay ubbay huup’iyaan huup’iyaan S’oossaappe sabaa demmanawaa.

2 Ayaw gooppe, hinttenttu haratuwaa bolla pirddiyaawaadan, S’oossay hinttenttu bolla pirddana; k’ay hinttenttu haratoo immanaw makkiyaabaan I hinttew makkana. 3 Ne ayfiyaan de’iyaa tuussaa be’akka; shin ne ishaa ayfiyaan de’iyaa suullaa ayaw s’eellay? 4 Woy ne ayfiyaan tuussay de’ishshin, neeni ne ishaa, ‹Taani ne ayfiyaappe suullaa kessoo› waanaade gaanaw danddayay?

6 «Hewaa diraw, neeni Israa’eelatuwaa, ‹Taani Med’inaa Godaa; Taani hinttentta Gibs’etuwaa naak’uwaappe kessana; Taani hinttentta unttunttu ayiletetsaappekka la"a kessana; k’ay Taani ta wolk’k’aama wolk’k’aan Gibs’etuwaa bolla iita pirddaa ahaade hinttentta wozana.

12 «Taani he gallassi k’amaana Gibs’en aad’aadde bayira yeletteedda ubbaa, asaakka, mehiyaakka wod’ana; Gibs’e eek’atuwaa ubbaa bollakka taani pirddana; Taani Med’inaa Godaattee.

4 Taani neena, ne s’alala naak’k’aad;✝

ne ayifiyaa sintsan iitabaa ootsaad.

Hewaa diraw, haasayaaddekka neeni likke;

pirddaaddekka neeni s’illuwaa.

8 Abeet Med’inaa Godaw, S’iyoone asay,

ne s’illo pirddaa sisiide nashettee;

Yihudaa katamatuwaa asaykka hashshu gee.

6 Unttunttu masetteedda sank’k’aa ubbaa,

barenttu kalttaaninne madooshaaninne mentsi yeggeeddino.

7 Geeshsha Golliyaa taman s’uuggiide d’ayisseeddino;

new goyinniyaa sa’aa tunisseeddino.

1 Hewaappe guyyiyaan, saluwaan c’ora asaa kooshshaadan kooshummiyaa wolk’k’aama kooshshay hawaadan yaagiyaawaa taani sisaad;

«S’oossaa galatay gakko.

Atotetsay, bonchchuunne wolk’k’ay,

nu S’oossaassa.

2 Aa pirdday tumuwaanne s’illuwaa.

C’aarataade sa’aa tunisseedda,

wolk’k’aama c’aaratto S’oossay pirddeedda;

S’oossaa oosanchchatuwaa iza wod’eedda diraw,

S’oossay izo mureedda»

yaageedda.✝

3 Asay laa’entsuwaa bare kooshshaa d’ok’k’u ootsiide,

«S’oossaa galatay gakko.

He katamata med’i med’inaw c’uwattana»

yaageeddino.✝