14 ज़ुंण बी हाम्हैं किअ तेतो करनअ खिरी बिधाता नसाफ, च़ाऐ भलअ होए या बूरअ, च़ाऐ सह हाम्हैं किज़ै च़ुप्प-च़ुप्पै बी होए किअ द।✝

21 "ज़िहअ बाब मूंऐं दै मणछा ज़िऊंदै करा, तिहअ ई करा पूत बी ज़हा सह च़ाहा तिन्‍नां ज़िऊंदै।

22 "बाब निं कोहिओ नसाफ करदअ, तेऊ सभाल़ी अह सज़ा दैणें ज़िम्मैंबारी मुंह तेऊए पूता का। 23 एते तैणीं कि ज़िहअ सोभ लोग बाबो अदर करा, तिहअ ई पूतो बी करे। ज़ुंण पूतो अदर नांईं करदअ, सह निं तेऊ बाबो बी अदर करदअ ज़ुंणी सह छ़ाडअ द आसा।

24 "हुंह खोज़ा तम्हां का सत्त कि ज़ुंण मेरअ बैण शूणीं मुंह छ़ाडणैं आल़ै दी विश्वास करा, सदा रहणैं आल़ी ज़िन्दगी आसा तेऊए अर तेऊ लै निं सज़ा हणीं। पर सह मुक्‍कअ मौता पार करी सदा रहणैं आल़ी ज़िन्दगी लै डेऊई।

25 "हुंह खोज़ा तम्हां का सत्त कि इहअ बगत आसा एभै अर इहअ ई हणअ कि मूंऐं दै शुणनअ परमेशरो बैण, अर तेता शूणीं हणैं तिंयां ज़िऊंदै।

26 "ज़िहअ बाब ज़िन्दगी दैणैंओ मूल़ आसा, तिहअ ई बणाअं तेऊ आपणअ पूत बी ज़िन्दगी दैणैंओ मूल़। 27 इधी तैणीं कि मुंह मणछे पूता लै आसा सोभी लोगा प्रैंदै नसाफ करनैओ हक बी दैनअ द।

28 "ऐहा गल्‍ला शूणीं तम्हैं रहैन निं हआ, अज़ी एछणअ इहअ बगत बी, ज़ेतरै घोरी दाबै दै आसा, तेऊओ बैण शूणीं निखल़णैं बागा लै। 29 ज़ुंणी भलाई किई दी होए, तिंयां ज़िन्दगी ज़िऊंणें तैणीं ज़िऊंदै, अर ज़ुंणी बूराई होए किई दी, तिंयां हणैं जम्परीए सज़ा पाणें तैणीं ज़िऊंदै।"*दान. 12:2

30 "हुंह निं आपणीं बाखा किछ़ै करदअ, हुंह आसा मेरै बाब छ़ाडअ द, अर तेऊ खोज़अ मुखा कि किहअ नसाफ करनअ। मेरअ नसाफ आसा शुचअ इहअ करै कि हुंह निं आपणीं मरज़ी करदअ पर हुंह च़ाहा तेऊए मरज़ी पूरी करनअ ज़ुंणी हुंह स्वर्गा का आसा छ़ाडअ द।

31 "ज़ै हुंह आपणैं बारै आप्पै खोज़ूं, मेरी शाजत निं शुची हणीं।

7 "तैबी खोज़ा हुंह तम्हां का सत्त आसा इहअ कि मेरअ डेऊणअ आसा तम्हां लै भलअ। ज़ै हुंह नांईं डेऊं, तै निं सह मज़त करनै आल़अ तम्हां सेटा लै एछणअ। पर ज़ांऊं हुंह डेऊणअ, तेखअ छ़ाडणअ मुंह सह तम्हां सेटा लै। 8 तेऊ लाणअ संसारे मणछा लै दोश कि तिन्‍नैं किअ पाप। तिन्‍नां का रहैऊंणअ तेऊ कि तिन्‍नैं निं परमेशरे साबै धर्म किअ अर इहअ बी कि परमेशरा करनअ एकी धैल़ी ऐहा गल्‍लो नसाफ किल्हैकि तिन्‍नैं निं तिहअ किअ ज़ुंण परमेशरै तिन्‍नां लै बोलअ त।

9 "पापे बारै नसाफ करनअ तेऊ तै कि तिंयां निं मुंह दी विश्वास करदै।

30 एता लै बोलअ ईशू, "अह बोल निं मुल्है आई पर अह आसा तम्हां लै। 31 ऐबै हणअ एऊ संसारो नसाफ अर एऊ संसारा आपणैं बशै करी राज़ करनै आल़ै राख्सा भेटणीं सज़ा। सह काढणअ ऐबै बागा लै। 32 ज़ेभै मुंह ऐहा पृथूई का उझै च़के, तै आणनैं मुंह सोभ आप्पू सेटा लै।"

38 तेखअ बोलअ तेऊ मणछै, "हे प्रभू, हुंह करा विश्वास।" तेखअ टेक्‍कअ तेऊ ईशू सेटा माथअ।

39 तेखअ बोलअ ईशू तेऊ लै, "हुंह आसा आअ द एऊ संसारा लै नसाफ करदअ ताकि ज़ुंण कांणै आसा तिन्‍नां का शुझदअ लागे अर ज़हा का शुझिआ, तिंयां होए कांणै।"

1 ज़ुंण विश्वासा दी दुबल़अ आसा तेऊ निंयां आपणीं संगती दी, पर ज़ै तेऊ बैहम आसा, तेऊ संघै निं ऐहा गल्‍ला दी दोश लाई हठल़दै लागी कि तेऊओ विश्वास निं थारै विश्वासा ज़िहअ आथी। 2 एकी आसा विश्वास कि सोभ किछ़ खाणअ आसा ठीक, पर ज़ुंण विश्वासा दी दुबल़अ आसा, सह खाआ शाग-पाच ई।

3 ज़ुंण शिखा खाआ सह निं तेऊ मणछा बृथा समझ़ी ज़ुंण शिखा निं खांदअ, अर नां नमासी शिखा खाणैं आल़ै लै दोश लाई, किल्हैकि परमेशरै आसा तिंयां दुहै मनै दै। 4 तूह कुंण हआ ज़ुंण दुजै परमेशरे दासा लै दोश लाआ? तेऊओ विश्वासा दी बणी रहणअ अर नांईं रहणैंओ नातअ आसा तेऊए मालका संघै ता सह रहणअ विश्वासा दी पाक्‍कअ, किल्हैकि प्रभू सका तेऊ विश्वासा दी पाक्‍कै डाही।

12 तैही लागणअ हाम्हां सोभी बी परमेशरा सम्हनै आपणैं-आपणैं कामों साब-कताब दैणअ।

13 ता, ऐबै निं हाम्हां आजू पोर्ही एकी-दुजै लै दोश लाणअ, पर तम्हैं करा इहअ बच़ार पाक्‍कअ कि आपणैं विश्वासी भाईए सम्हनै निं इहअ कोई काम करी ज़ेता करै तेरअ साथी-भाई परमेशरा दी विश्वास करनअ छ़ाडे।

14 ऐबै लागअ मुखा थोघ अर प्रभू ईशू मसीहा दी खुल्ही मेरी आछी, किछ़ू खाणैं च़िज़ा खाई करै निं छ़ोत लागदी पर ज़ुंण इहअ समझ़ा कि किज़ू खाई करै लागणीं तेऊ छ़ोत, तेऊ लै आसा सह छ़ोतली।

17 हुंह बोला इहअ एते तैणीं कि परमेशरो नसाफ हणैंओ बगत गअ नेल़ एछी। पैहलै करनअ तेऊ तिन्‍नां लोगो नसाफ ज़ुंण तेऊए आपणैं आसा। ज़ै परमेशरा हाम्हां विश्वासीओ नसाफ पैहलै करनअ, तैहा डरैऊंणी गल्‍ले बारै सोठा ज़ुंण तिन्‍नां मणछा लै हणीं ज़ुंणी परमेशरा का आअ द सह खुशीओ समाद नांईं मनअ।✝

5 एते तैणीं आसा इहअ कि ज़ेभै तैणीं प्रभू निं एछे, तेभै तैणीं निं किछ़ी गल्‍लो फैंसलअ करी। तेऊ खोज़णैं मणछे सोभै बच़ार बाढै ज़ेते बारै कोही का निं थोघ आथी। तेऊ करनै तिन्‍नें दिले भेद प्रगट, तेभै हणीं परमेशरा बाखा का सोभिए बड़ैई।

2 किल्हैकि ज़िहअ तम्हैं दुजै लै दोश लाआ, तिहअ ई दोश लागणअ तम्हां लै बी। ज़ेऊ ढाल़ै तम्हैं होरी संघै बर्ताअ करा तेऊ ढाल़ै हणअ तम्हां संघै बी बर्ताअ अर तम्हां भेटणअ होर बी खास्सअ।

3 "कहा होरी भाईए होछ़ी-होछ़ी गलती लोल़ै निं लागणअ! सह हणीं दुजे आछी दी पल़ी दी धख ज़ेही घाहे कणीं भाल़णें ज़ेही। पर आप्पू दैणीं भाल़णीं कि मुंह दी केतरी बडी गलती आसा। किल्हैकि आपणीं आछी दी पल़अ द निं ताखा शेटू बी शुझदअ।

4 "ज़ै तेरी आपणीं आछी ई आसा शेटू पल़अ द, तै किहअ करै सका तूह आपणैं भाई लै इहअ बोली, ‘एछ मेरै भाई हुंह काढूं तेरी आछी पल़ी दी घाहे कणीं पोर्ही?’

6 "ऐबै खोज़ इज़राईली का मेरअ इहअ समाद, ‘हुंह आसा बिधाता, ऐबै दैणीं मुंह आपणीं शगती करै मिसर देशे लोगा लै सज़ा, अर तम्हैं बच़ाऊंणै मुंह तिन्‍नें गलामी का।✝

12 "किल्हैकि तैहा राची दैणीं मुंह मिसर देशै हांढ, संघा पाणै मुंह मणछा मांझ़ै ज़ेठै मर्ध अर डागै-धणा मांझ़ै बी पैहलै सोए नर पशू मारी, तेखअ मिसर देशै ज़ेतरै बी देअ-देबी आसा, तिन्‍नां लै बी दैणीं मुंह सज़ा*। हुंह आसा बिधाता।

4 सह आसा सिधअ तूह ई, एक्‍कै तूह ई ज़सरै खलाफ मंऐं पाप किऐ,

ज़ेता तूह बूरअ मना मंऐं किअ सह ई!

मंऐं निं तेरअ हुकम मनअ अर सह आसा मेरी गलती,

मुल्है दोश लाणा लै आसा तूह शुचअ अर मेरअ नसाफ करना लै आसा तूह धर्मीं।

8 इज़राईली हणैं इहअ शूणीं खुश,

यहूदा नगरी करनी नंद किल्हैकि

हे बिधाता, तंऐं किअ शुचअ नसाफ।

6 तिन्‍नैं पाऐ भबने खेल़्तर पाऐ दै काठ

खराल़ै अर घणा करै फाल़ी।

7 तिन्‍नैं चैल़ी पबित्र ज़ैगा तेरै बसेरै सारै दी आग अर

तिन्‍नैं लाई तेरी पबित्र ज़ैगा छ़ोत।

1 ज़ांऊं जोधअ स्वर्ग दूत बोली मुक्‍कअ, मंऐं शूणअ इहअ स्वर्गा का कि ज़ाणनअ कि खास्सै मणछ आसा लागै दै ज़ोरै-ज़ोरै इहअ बोल्दै,

"परमेशरे ज़ै-ज़ैकार!

"उद्धार, प्रतप्प अर शगती आसा म्हारै परमेशरे ई।

2 "तेऊए करा स्तोती किल्हैकि तेऊओ नसाफ आसा शुचअ अर ठीक,

"तैबी किअ तेऊ तैहा बडी कंज़री बेटल़ीओ नसाफ ज़ुंणी कंझ़रूई करै पूरी पृथूई भ्रष्ट शोटी ती करी। तैहा का लअ तेऊ आपणैं दासे लोहूओ बदल़अ।"✝

3 तेखअ बोलअ दुजी बारी तिन्‍नैं,

"परमेशरे ज़ै-ज़ैकार!

"तैहा दझ़णेंओ धूँ रहणअ जुगै-जुगै लागी!"✝