Juízo

O juízo de Deus é manifestação de sua justiça e soberania. Ele julga o mundo, julga as nações e julga cada coração com perfeita equidade e misericórdia.

O juízo de Deus

Deus é juiz justo que prova os corações. Seu juízo é verdadeiro e alcança toda obra, secreta ou pública.

21 Ntɔn, asànaa Taa ufàwiy nde akü anà ufapà nde mɔ̈ɔ̈, abun sye Mwan afàpà mɔ̈ɔ̈ akà mbuur awukwen nde. 22 Taa ufàtsüül anki mbuur nsaŋ, wɛɛ nde ikɔ̈b atsul nsaŋ kyanswà kàpɛ akà Mwan, 23 ntɔn baar banswà bàsi Mwan làkoo asànaa bàfàsà ba Taa làkoo. Mbuur mpa afàsà Mwan làkoo, nde sye Taa awà kun’töm ufun’sà anki làkoo. »

24 Nde kàkwɛy naa: « Ndandaa, ndandaa mɛ alàkyään, mbuur wanswà afàwem ndaa amɛ anà afàsà làkwikilà amu mbuur kan’töm, nde we anà mɔ̈ɔ̈ a mbul a in’tye, nde uyà anki u nsaŋ, wɛɛ nde kàkyàtoo itaan unsà ukwà, nde kàkyàwal mɔ̈ɔ̈. 25 Ndandaa, ndandaa mɛ alakyään, taaŋ làmuyà - la sye lan’kwo - alà bàsàwem akü ndaa a Mwan a Nzam. Baar bàsàwem ya, bàsàkal anà mɔ̈ɔ̈. 26 Ntɔn, asànaa Taa awà nde anà mɔ̈ɔ̈ amu nde ŋakwo, nde kàpɛ mbwo akà Mwan mukal anà mɔ̈ɔ̈. 27 Nde kun’pɛ ikɔ̈b mutsul nsaŋ, ntɔn nde wà Mwan a mbuur. 28 Twon lan’man ndaa yubem unsà ya, ntɔn taaŋ làmuyà alà bàsàwem baar banswà abà uboo a an’dii ndaa ande. 29 Baar bàkyer indiir aŋàbwaŋ bàsàwiyà ntɔn muwal mɔ̈ɔ̈, wɛɛ baar bàkyer indiir ibe, ba bàsàwiyà ntɔn nsaŋ. 30 Mɛ, mɛ in’kwe anki mukyer akà undiir mwɛy mɛ ŋakwo: mɛ in’fàtsul nsaŋ a ndaa in’fàwem mɛ, lalan mbar in’fàtsul mɛ yà balàbal, ntɔn mɛ in’fàleŋ anki ukwen amɛ ŋakwo, wɛɛ mɛ in’fàleŋ ukwen a mbuur kan’töm.

Imbäl ntɔn Yɛsu

31 « Ilàkal naa mɛ kàtɛɛ imbäl ntɔn mɛ ŋakwo, kya kyàlàkal anki kyà ndandaa.

João 5:21-31

7 Mpalabà, mɛ amàlasam ubwaŋàbwaŋ: yan’söön mfun akà bɛ naa mɛ, mɛ in’kyen. Wɛɛ kya mɛ impàkyà anki, un’lɛɛl akwà alàyà mukàlabay, uyàfàyà anki akà bɛ. Wɛɛ isàkal naa mɛ an’kyà, mɛ in’kyer asàlatööm awà. 8 Waa mpal usàyà nde, nde asàswaŋ ubwaŋàbwaŋ muyöb man’be aba, balàbal anà nsaŋ a Nzam. 9 U ndaa iler man’be, ntɔn ba bàfàsà anki làkwikilà amu mɛ,

João 16:7-9

30 Yɛsu kakyään naa: « Ndaa ayi kà ban’tɛn a mɛ anki, wɛɛ ban’tɛn a bɛ. 31 Papanà là taaŋ mutsul nsaŋ a mɛɛn mà, papanà mfum a mɛɛn mà bàyun’tɔɔm u nsà. 32 Wɛɛ akà mɛ, mpal bàsan’sɛɛn u mɛɛn pà, mɛ in’sànaan baar banswà akà mɛ. »

João 12:30-32

38 Baal waa kàtɛn naa: « Mwol, mɛ, mɛ an’sà làkwikilà. » Apan, nde kàbü an’köm kusà a Yɛsu. 39 Waa Yɛsu kàtɛn naa: « Mɛ, mɛ kàyi u mɛɛn pà ntɔn ntsüül a nsaŋ mwɛy ikäl: ntɔn ikwàmii bàmɛn, baar bàfàman bàbulà ikwàmii. »

João 9:38,39

Prestando contas

Cada um prestará contas de si mesmo a Deus. O juízo começa pela casa de Deus e depois alcança os que não obedecem ao evangelho.

Ukɔɔn atsüül un’tɔŋ nsaŋ

1 Lun’wɛl mbuur awe anà gyɔ̈ɔ̈là unsà làkwikilà, twon lan’ler an’kyän ande pànsi pànsi. 2 Làkwikilà a mbuur mwɛy lun’paa mbwo mudyà undiir wanswà, wɛɛ wumwɛy, u mbwo a gyɔ̈ɔ̈là, afàdyà ndon mpɛl. 3 Wɛy mbuur afàdyà, ukɔɔn adyà un’siinà mbuur mpa afàdyà anà mbuur mpa afàdyà ukɔɔn atsüül mbuur afàdyà nsaŋ, ntɔn Nzam kàkyun’wal. 4 Ngye, ngye awà nà mutsüül un’syääl abar nsaŋ? Itàkal naa nde wàŋàtsim, itàkal naa nde wàŋàbwà, ntɔn Mwol we anà ikɔ̈b mukun’mbaar.

Romanos 14:1-4

12 Abun, mbuur mbuur uboo a bi asàkyer asà un’lɔɔn akà Nzam ntɔn nde ŋakwo.

Nkɔ̈ɔ̈n abwiy un’tɔŋ

13 Bi ikyer awɛy mutsuul nsaŋ bamwɛy anà bumwey, wɛɛ làkyer naa bɛ làkɔ̈ɔ̈n akal isin a mbweel a un’tɔŋ. 14 Akà mɛ, mɛ in’kyàyöb, mɛ an’sà kam unsà Mwol Yɛsu naa: undiir a ŋingyäy watɛy. Wɛɛ undiir a ŋingyäy wà akà mbuur awà kan’kyey naa wa wà abun.

Romanos 14:12-14

17 Taaŋ a nsaŋ lan’kwo, ya itàtwab akà bi baan a Nzam. Abun, isàkal naa ya isàtwab akà bi, wɛɛ ya isàkal aben akà baar bàfàtɔn Làsaŋ Aŋàbwaŋ a Nzam?

1 Pedro 4:17

5 Kyakin, twon lan’tsul nsaŋ kusà a taaŋ alà bàsi, làdil mpal usàyà Mwol. Nde mbuur asàsà u pɛɛlà ndaa aŋàyee u làpib anà asàmɛɛy an’kyän aŋàyee mà mpem a baar. Apan, mbuur mbuur asàwal akà Nzam nsyäŋà yan’kwo akà nde.

1 Coríntios 4:5

2 Ntɔn ngye sye bàsatsüül asànaa afàtsüül ngye baar bumwɛy, ngye sye bàsasi unsà isii afàsi ngye baar bumwɛy. 3 Ntɔn nkye amanà ngye nà un’lɛŋ awà u dii a un’tɔŋ angye, wɛɛ umpaaŋ a làbää wà u dii angye, ngye wa amanà anki? 4 Aben, ngye akwen mutɛn a un’tɔŋ angye naa: "Wɛy mɛ alwom un’lɛŋ u dii a ngye", wɛɛ le, ngye awe anà umpaaŋ a làbää u dii angye?