Justiça

33 B̈ii bɔŋ fəŋ gwía Sɔ́ʼ-Nyii ŋkəŋ ghɔŋbə mə bɛ ndyʉndyʉ tʉ ɔŋ, bə bu kɔ́ fɔbə-ɔ̄ŋ tʉ bii inchəŋ ghɔ.

21 Bʉʼka bʉʼʉ, Nyii nɔ chìi ɔ, ɔ bɛ wo-bʉ̂ʼʉ təmə kínə bʉ̂ʼʉ fɛ, mbɔ bʉʼʉ chʉʼ bɛ ndyʉndyʉ tʉ Nyii ndʉʉ ndə bʉʼʉ fúu ŋwɔŋ-yʉʼʉ bʉʼʉbə Klai.

11 Bʉʼka Nyii nɔʼ dʉ̀ʼ buuŋjyu-i ndə ĩ gwè nə ŋkwaa tʉ bʉə bənchəŋ, 12 kə́ dàhə bʉʼʉ ndə məfyúhə ŋwɔŋtə-ʉʼʉ ndə nubə ndə i gòʼ təmə kə́ kɔ́ kuŋhə tʉ Nyii fɛ ghɔŋbə ntɔ-kəwʉʉnəmbi-mə. Ɔ bɔŋ-kə́-leʼ dàhə bʉʼʉ mbɔ b̈ʉʼʉ kə́ chìi nubə nə ndaahə-ʉʼʉ, kə́ chí mbi ndyʉndyʉ bɔŋ-kə́-leʼ kɔ́ kuŋhə tʉ Nyii ndə mbi-ɔ̄ laa nɔ.

Ndyiʼtə-tʉ̂ʼ-Bɔɔ-kə

11 Bɔŋ tʉ mbəŋ-aŋ, wo-Nyii, nyʉ́ʉ nubə-ɔ̄ŋ. Kə́ kɔ̀ɔtə ndə məbɛ ndyʉndyʉ kə́-leʼ-chí mbi ndə ntɛ ndə i tʉʼ kɔ́ kuŋhə tʉ Nyii, mɔ̀ʼfyii-a ndəŋ Nyii, kie ŋkʉ̂ʉ, lyʉ̀ʉtə́nə, bɔŋleʼ kie mbuɔnəbə.

8 Ndə məlìʼtə, bəliŋ-bɔŋ, nɔ bɛ nubə nɔ ndə bii kie ndə kə́ kwɔ̀ʼtə nubə ndə bɛ shʉəŋ, nubə ndə i kie kuŋhə chɔ, nubə ndə i bɛ ndyʉndyʉ, nubə ndə i bɛ tʉ́ʉnə, nubə ndə bʉə kʉ̀ʉ, nubə ndə i gwè nə yie jyujyu. Kaʼ nubə bɛ ghɔ ndə i bʉ̀ʉ daa, kaʼ nubə bɛ ghɔ ndə bəkɔ bii kɔ́ ŋkɛŋ yie jyujyu chɔ, b̈ii kwɔ̀ʼtə ndə mələ́ŋhə fyiihə-ii nə nubə-ɔ̄ŋ.

7 Kə bii mə fə́ʼhə ŋwɔŋ-yii fɛ, wo mədʉ̀ʉhə Nyii fɛ, bʉʼka ntɛ ŋgwie ndə wo shùɔ sê, nɔ bɛ haʼ yɔŋ ndə ɔ bu kwɛ̀.

9 Kə bʉʼʉ mə káa ndə mə-kə́-fɔ̀ʼ bʉʉ fɛ, bʉʼka mbɔ ndʉʉ bu yi kʉ̀ʼnə nɔ, bʉʼʉ kwɛ̀ ntɔŋmə-i, kaʼ bʉʼʉ gòʼ təmə káa fɛ.

18 B̃ʉə ndə bɔŋ chìi fyii-bʉə-hə ghʉ́ə, ndə b̃ɔ̂ŋ shùɔ ŋgwie sê kə́ bɛ fyiighʉ́ənə, nɔ kwɛ̀ ntɔŋmə ndə i bɛ jyujyu.

16 Ndʉʉmɛ, b̈ii gwía fyùufyùu tʉ ŋwɔŋtə-ii, gháaNyii tʉ ŋwɔŋtə-ii, mbɔ Nyii chʉʼ chʉ́ʼ bii. MəgháaNyii wo ndə ɔ tə́nə ndyʉndyʉ tʉ Nyii nɔ kie ghʉəʼ-shʉ́əshʉ́ə-kə ndə məfɔ̀ʼ.

8 B̈ii kwɛ̀ʼtə gɛ̀ mbʉə Nyii, Nyii bu kwɛ̀ʼtə gwè mbʉə-bii. B̈ii sʉ̀ ghɔbə-ii, bii bʉə-bʉ̂ʼʉ, sʉ̀fyiihə-ii, bʉə təbuuŋ bûu.

6 Nyii bu lɔ̀ʼ wotəmiyɔŋ haʼ ndə fɔʼɔ-ɛ bɛ.

15 B̈ii láa mbɔ wo mə tyú bʉ̂ʼʉ tʉ wo nə bʉ̂ʼʉ fɛ, bɔŋ b̈ii kə́ kɔ̀ɔtə ndə mə-kə́-fɔ̀ʼ bʉʉ tʉ ŋwɔŋtə-ii bɔŋleʼ fɔ̀ʼ tʉ bʉə bənchəŋ.

14 Bɔŋ kaʼ buŋ bɛ mbɔ bii kie ndə mənyíɛ ŋgʉəʼ bʉʼka mətə́nə ndyʉndyʉ, bii bu kie biʼbə. Kə bii mə kə́ fàa wobɛʼ təmiyɔŋ, byuunɔ i kə́ chɔ́ŋhə bii fɛ.

33 Kaʼ bii bɔŋ-kə́-leʼ chìi bʉ̀ʉ haʼ tʉ bʉə ndə bɔ̂ŋ tʉʼ chìi bʉ̀ʉ tʉ bii, kɛŋbə-ii bɛ ka chɔ? Bʉə bʉ̂ʼʉ nɔ chìi haʼ nɔ ghɔ.