Justiça

33 Hianagi kota zana, Anumzamofo kumaku’ene, fatgo avu’avazanku haketenkeno, ana maka’zana anazanke huno tamamigahie.

18 Kefo avu’ava’ma nehaza vahe’mo’za antesaza feno zamimo’a atupa knafi megahie. Hianagi fatgo vahe’mokizmi mizamo’a, za’za kna megahie.

21 Mago vahe’mo’ma fatgo avu’avazane vahe’ma avesinte avu’ava’ma hankavetino avaririsimo’a, knare nomani’zanki, fatgo avu’ava’ene ra agine erigahie.

3 Ra Anumzamofo avurera fatgo avu’ava zane, fatgo huno refako hu’zamo’a, Kresramanama vu zana agatere’ne.

2 Vahe’mo’za maka zamavu’zamava’ma nehaza zankura, fatgo avu’avaza nehune hu’za hugahazanagi, Ra Anumzamoke zamagu’a refako huno nezamage.

2 Havi kazigati’ma erisana feno zamo’a kaza osugahianagi, mani fatgoma hunka mani’zamo’a, fri zampintira kagu vazigahie.

21 Na’ankure Anumzamo’a kumi’a omane’nea ne’mofo Kraisina tagri kumiku, azeri kumi vahekna nehuno, tagri kumira Agumpi erinte’nea zamo, tagrira Anumzamofo avure tazeri fatgo vahera nese.

11 Na’ankure Anumzamofo asunku zamo vahe avare’zana hakare vahete erino efore hu’ne. 12 Tagri rempi huramino mono ontahi avu’ava’zane, ama mopafi zanku avesi’zanena atreho nehuno, hagi tamufa kva huta, fatgo huta Anumzamofo (godly) avu’avate ama kna’afina maniho.

11 Hu’neanagi havizampintira atrenka nefrenka, Anumzamofo vahe mani’nananki, fatgo zanke nehunka, Anumzamofo avu’ava nehunka, kamentintia nehunka, vahera kavesi nezmantenka, hanavetinka nevunka fru hunka manio.

8 Hagi vagare nanekea nafuhetane nasarhetma maka knafina tamavutamavama hanazana, na’amo tamage zana me’ne, na’ante vahe’mo’a antahi nemie, na’amo fatgoa hu’ne, na’amo avu sese hu’ne, na’amo vahe’mofona asane hugahie. Na’amo agi’a erisaga hugahie. So’e zantfama me’neniane, husga hunte’zama me’nesiana, anazante antahintahi nehutma hampona hutma maniho.

7 Kagraka’a regavatga nehunka, Anumzamofona azeri haviza hu naneke huonto, nazano kagrama kri’nesana zana, kagraka’a kafigahane.

9 E’ina hanigu knare avu’ava’ma hu’zankura tavesra osanie. Tagrama hanavetita eri’zama erisuta, nezama kafi knazupa knare ne’za kafigahune.

18 Rumokizmima zamarimpa fruma erinezamiza vahe’mo’za, zamarimpa fruzamofo avimaza nehankrazanki’za, nena’ama vasagesazana fatgo avu’avaza hamaregahaze.

16 E’ina hu’negu kumitamia huama hutma kumira otrente atrente nehutma, nunamuna ohunte ahunte nehinkeno, Ramo’a tamazeri kanamareno, fatgo ne’mofo nunamumo’a hanavenentake hu’neankino eri’za erigahie.

8 Anumzante erava’o hinkeno, Agranena tamagaritera erava’o hino. Kumi vahe’motma tamazana sese nehutma, tare tagufa antahintahine vahera tamagu’a eri avusese hiho.

28 Na’ankure Ra Anumzamo’a fatgoma huno refkoma hu’zanku ave’nesiankino, fatgo avu’ava’ma nehia vahera amefira huomigahie. Agra knare huno kegava huzmantenige’za knare hu’za manivava hugahaze. Hianagi kefo avu’ava’ma nehia vahe’mofo mofavreramina zamahefri hana hugahie.

15 Ra Anumzamo’a fatgo zamavu’zamavama nehaza vahete avua anteno kegava hunezmante. Agritegama krafagema hanageno’ma zamaza hanigu agesa anteteno nemanie.

6 Fatgo avu’ava zama nehania vahera kefo avu’ava zamo’a azeri otregahie. Fatgo avu’ava zama nehaza vahera, vahe’mo’za zamagerakani ozamante’za, zamagesa antahizami vava hugahaze.

Knare avu’ava’ma nehaza vahe’ene havi avu’ava’ma nehaza vahe’mofo zagamere

1 Kefo avu’ava’ma nehaza vahe’mokizmi kea amage’ontege, kumi’ma nehaza vahe’mokizmi zamage ontege, mani’ne’za Anumzamofoma kiza zokago kema hunentaza vahe’enema nomaniza vahe’mo’za asomu eri’za muse hugahaze.

10 Kagri’ma kagenakura nagu’areti tusiza hu’na nehakoanki, natrege’na kagri kasegea atre’na kana hazagre’na ofraneno.

6 Anumzamo’a zmavu’zamavama nehanaza avamente, magoke magokemofona mizana amitere hugahie.

15 Mago’mo’e huno havizama huntesimofona, nona’a havizana huonteno. Hianagi maka kna knare avu’avaza ohunte ahunte nehutma, maka vahetera anahukna tamavutmava huzmanteho.

14 Hianagi tamagrama fatgo tamavutamava’ma nehanage’za, tamazeri haviza hugahazanagi tamagra asomu erigahazanki, korera osuta tamazeri kore hanaza zankura antahintahi hakare osiho

33 Tamagrama, knare zamavuzmava huramantesaza vahe’ma, knare tamavutmava huzmentesuta, nankna knare’za erigahaze? Na’ankure kumi vahe’mo’za anahukna zmavuzmava zamagranena nehaze.

25 Kagesa antahi ankeretenka Anumzamofontera huvempa huo. Ame’ama hunka huvempama hutesunka, henka’a anama hu’nesana kegu kagesa antahintahi nehunka kagraka’a kazeri haviza hugahane.