Justiça

33 Busa unaha ninyo ang pagpasakop sa paghari sa Dios ug ang pagtuman sa iyang kabubut-on, ug ihatag gayod niya ang tanan ninyo nga mga gikinahanglan.

18 Ang ganti sa tawong daotan lumalabay lang,

apan ang buhat sa tawong matarong moani ug matuod nga ganti.

21 Ang tawo nga nagtinguha gayod nga magkinabuhi

nga matarong ug matinud-anon,

makaangkon ug taas nga kinabuhi ug kalamposan,

ug ang mga tawo modayeg kaniya.

3 Mas ikalipay sa Ginoo ang husto

ug matarong nga binuhatan sa tawo

kaysa iyang mga halad.

2 Alang kanato husto na gayod ang tanan natong ginahimo,

apan ang Ginoo ray nasayod

sa tinuod natong motibo.

2 Ang bahandi nga nakuha sa daotang paagi dili makahatag ug kaayohan,

apan ang matarong nga pagkinabuhi makaluwas kanimo gikan sa kamatayon.

21 Si Cristo wala gayoy sala, apan siya mao ang gipasilotan sa Dios tungod sa atong mga sala, aron nga kon anaa kita kang Cristo, ipakamatarong kita sa Dios.

11 Kay gipakita na sa Dios sa tanang matang sa katawhan ang iyang grasya nga naghatag ug kaluwasan. 12 Ug kini nga grasya nagtudlo kanato nga kinahanglang isalikway na nato ang pagkinabuhi nga dili diosnon ug ang mga kalibotanon nga pang-ibog. Kinahanglan magkinabuhi kita dinhi niining kalibotan nga mahibalo motimbang-timbang kon unsa ang maayo o dili. Ug kinahanglan nga matarong ug diosnon ang atong binuhatan

Ang mga Pahimangno

11 Apan ikaw, isip alagad sa Dios, likayi kanang mga butanga. Paningkamoti ang pagkinabuhi nga matarong ug diosnon. Tun-i ang husto nga pagtuo ug paghigugma. Magmainantuson ka ug magmalumo ngadto sa imong isigka-tawo.

8 Gawas niana, mga igsoon, huna-hunaa ninyo kanunay ang mga butang nga maayo ug dinayeg: ang matuod, halangdon, matarong, putli, matahom, ug dalaygon.

7 Ayaw ninyo limbongi ang inyong kaugalingon. Walay tawo nga makalimbong sa Dios. Kay kon unsa ang gipugas sa tawo mao usab ang iyang anihon.

9 Busa dili kita angayng pul-an sa pagbuhat ug maayo, kay kon magpadayon kita, moabot gayod ang panahon nga madawat nato ang ganti.

18 Ang tawo nga nagpugas ug kalinaw moani ug pagkamatarong ug maayo nga relasyon sa usag-usa.

16 Pagsuginlanay kamo sa inyong mga sala ug pag-inampoay aron mangaayo kamo. Kay dako ang mahimo sa pag-ampo sa tawo nga matarong.

8 Duol kamo sa Dios, ug ang Dios moduol kaninyo. Kamo nga mga makasasala, pagkinabuhi na kamo nga hinlo! Ug kamo nga maduha-duhaon, hinloi ninyo ang inyong mga kasing-kasing.

28 Kay nahigugma ang Ginoo sa katarong ug dili niya pasagdan ang nagmatinumanon kaniya.

Tipigan niya sila sa walay kataposan,

apan ang mga kaliwat sa mga daotan mahanaw gikan sa yuta sa Israel.

15 Nagbantay ang Ginoo sa mga matarong, ug gapamati sa ilang pagpakitabang.

6 Dili siya mapakyas sa iyang mga buluhaton,

ug dili siya malimtan hangtod sa kahangtoran.

1 Bulahan ang tawo nga wala nagkinabuhi

sumala sa tambag sa mga daotang tawo,

wala nagsunod sa ginabuhat sa mga makasasala,

ug wala nakig-uban sa mga bugal-bugalon.

10 Modangop ako kanimo sa tibuok kong kasing-kasing,

busa ayaw itugot nga talikdan ko ang imong mga sugo.

6 Kay ang Dios magbalos sa tagsa-tagsa sumala sa iyang mga binuhatan.*

15 Siguroha gayod ninyo nga dili kamo mobalos ug daotan sa nagbuhat kaninyo ug daotan, kondili maningkamot kamo nga magbuhat ug maayo sa usag usa ug ngadto sa tanang mga tawo.

14 Apan kon mag-antos kamo tungod sa inyong pagbuhat ug maayo, bulahan kamo. Busa ayaw kamo kahadlok o kabalaka kon unsay ilang buhaton kaninyo.*.

33 Ug kon ang mga tawo nga maayo kaninyo mao lang ang inyong buhatan ug maayo, makadawat ba kamo ug balos gikan sa Dios? Bisan ang mga makasasala naghimo usab niini.

25 Makuyaw ang pagdali-dali ug saad nga imong ihalad ang usa ka butang ngadto sa Ginoo.

Kinahanglang huna-hunaon mo una kini sa dili ka pa mosaad.