Justiça

33 परंतु तुम्ही प्रथम त्यांचे राज्य आणि नीतिमत्व मिळविण्यासाठी झटा म्हणजे या सर्व गोष्टीही तुम्हाला प्राप्त होतील.

18 दुष्ट मनुष्याला मिळणारे वेतन फसवे असते;

परंतु जो नीतिमत्तेचे बीज पेरतो त्याला निश्चितच बक्षीस मिळते.

21 जो कोणी नीतिमत्व आणि प्रीती मिळविण्याचा प्रयत्न करतो,

त्याला जीवन, समृद्धी व सन्मान यांचा लाभ होतो.

3 अर्पणापेक्षा मनुष्याच्या न्याय्य व

रास्त वागण्याने याहवेहला अधिक संतोष होतो.

2 माणसांना वाटते की त्यांचेच मार्ग योग्य आहेत,

परंतु याहवेह अंतःकरण तोलून पाहतात.

2 दुष्टाईने मिळविलेल्या संपत्तीस कायमचे मूल्य नसते

परंतु धार्मिकता मृत्यूपासून सोडविते.

21 ज्यांच्या ठायी पाप नव्हते, त्यांना आपल्यासाठी पाप* असे केले, म्हणजे त्यांच्याशी आपण संयुक्त होऊन, परमेश्वराचे नीतिमत्व व्हावे.

11 कारण आता सर्वांना तारण देणारी परमेश्वराची कृपा प्रकट झाली आहे. 12 ती कृपा आपल्याला असे शिकविते की, आम्ही अभक्ती व ऐहिक वासनांना "नाही" म्हणून, आताच्या युगात आत्मसंयमाने, नीतीने व सुभक्तीने जगावे;

तीमथ्याला शेवटचा कार्यभार

11 परंतु हे परमेश्वराच्या माणसा, तू या सर्व गोष्टींपासून पळ आणि नीतिमत्व, सुभक्ती, विश्वास, प्रीती, सहनशीलता आणि लीनता यांच्या पाठीस लाग.

8 शेवटी, बंधू आणि भगिनींनो, जे काही सत्य, जे काही आदरणीय व जे काही न्याय्य, जे काही शुद्ध, जे काही सुंदर, जे काही प्रशंसनीय, श्रवणीय आणि स्तुतिपात्र आहे त्याचा विचार करा.

7 फसविले जाऊ नका; परमेश्वराचा उपहास करू शकत नाही. कारण मनुष्य जे पेरतो तेच कापतो!

9 योग्य ते करण्याचा आपल्याला कंटाळा येऊ नये, कारण आपण थकलो नाही तर योग्य वेळी पिकांची कापणी करू.

18 शांती करणारे शांतीचे बीज पेरतात आणि ते नीतिमत्वाचे पीक काढतात.

16 यास्तव एकमेकांजवळ आपली पापे कबूल करा व एकमेकांसाठी प्रार्थना करा, म्हणजे तुम्ही निरोगी व्हाल. नीतिमान माणसाची प्रार्थना प्रबळ व परिणामकारक असते.

8 तुम्ही परमेश्वराजवळ या म्हणजे ते तुम्हाजवळ येतील. अहो पाप्यांनो, आपले हात धुवा आणि दुहेरी मनाचे जे आहेत त्यांनी आपली अंतःकरणे शुद्ध करावीत.

28 कारण याहवेहस न्यायी प्रिय आहे;

ते आपल्या विश्वासू भक्तांचा कधीही त्याग करणार नाही.

दुष्टपणा करणारे लोक मात्र पूर्णपणे नाश पावतील,

दुष्टांची संतती नष्ट होऊन जाईल.

15 याहवेहचे नेत्र नीतिमानांवर आहेत,

आणि त्यांचे कान नीतिमानांच्या आरोळीकडे लागलेले असतात.

6 निश्चितच, नीतिमान कधीही पथभ्रष्ट होणार नाही;

त्यांना सर्वकाळ स्मरणात ठेवले जाईल.

1 धन्य ते लोक,

जे दुष्टांच्या मसलतीने चालत नाहीत,

किंवा पापी लोकांच्या मार्गात उभे राहत नाहीत,

आणि थट्टा करणार्‍यांच्या संगतीमध्ये बसत नाहीत.

10 तुम्हाला शोधण्याचा मी पूर्ण हृदयाने प्रयत्न केला आहे;

त्या आज्ञेपासून मला बहकून जाऊ देऊ नका.

6 परमेश्वर "प्रत्येकाला ज्याच्या त्याच्या कृत्याप्रमाणे योग्य ते प्रतिफळ देतील."*

15 कोणी वाईटाची फेड वाईटाने करणार नाही याची काळजी घ्या, परंतु प्रत्येकाचे आणि सर्वांचे सर्वदा चांगले करण्यासाठी झटा.

14 जर तुम्ही चांगले केल्याबद्दल सहन करता, तर तुम्ही आशीर्वादित आहात. "त्यांच्या अफवांना भिऊ नका आणि घाबरू नका."*

33 आणि जे तुमचे भले करतात त्यांचे भले केले, तर त्यात तुम्हाला काय लाभ? पापी लोकही तसेच करतात.

25 विचार न करता घाईघाईने समर्पण करणे

आणि नंतर दिलेल्या शपथांचा विचार करणे, मनुष्यासाठी हा एक सापळा आहे.