Legalidades
A Bíblia reconhece a necessidade de leis e governo civil. Os cristãos são chamados a obedecer às autoridades estabelecidas por Deus, enquanto mantêm a lealdade suprema a Cristo.
Submissão às autoridades
Toda autoridade é instituída por Deus. O cristão é chamado a respeitar as leis, pagar tributos e honrar quem governa.
Soh pha riichai shii nuii
Zabjia ne soh pha riichaithek nuii chid, nyieliieshii Hamangkhung-aphuii è ayung pha ne nyie riichaithek arab ro, chiih-è nyie riichaithek thuh shii ruii pha ji ne Hamangkhung-aphuii è ro. Hanyie è thuh pha riichai anuii pha rek arone Hamangkhung-aphuii è nyie yung pha ji shii de anuii pha rek ro; chiih-è hanyie magunde anuii pha rek arone ai è chua ruii phro. Hanyie è wie rek pho ne khohphothek shii arum pha jishii hanyie è buii rek ji pho shii rum bo. Nathek ne riichai pha bran è arum yang bey? Chiihphado nyie wie ji rek bo, chiih-è ithek ne nathek shii chiong ruii phro, nyieliieshii ai ne nawaithek ro wie rek phi pha Hamangkhung-aphuii ro khiao ro. Jishii nathek è awie pha rek arone, chiihphado aishii rum bo, nyieliieshii airo blu è lago phi pha ji ne izai ro. Ai ne Hamangkhung-aphuii ro khiao ro chiih-è hanyie è buii rek pha ji shii phi pha lago han muii ro. Jishii awie pha chiang shii de rum bo.
Ji phachiang è nathek ne riichaithek shii nuii chid—nyieliieshii Hamangkhung-aphuii ro lago è asi bie pha, jishii khani pha chiang è de nuii bo.
Ji ne nyieliieshii nathek de mijin phi, nyieliieshii ithek ro blia zab rey mage shii riichaithek ne Hamangkhung-aphuii ro blia rek phro. Phi bo, chiihphado, nathek è ithek shii nyie phi pha um pha ji; nawaithek ro nujo nane nuruii mijinthek phi bo, chiih-è zab shii ilab phi ne ithek shii nuii pha doh yi bo.
Nawaithek chung nong rai bo
Hanyiejia ne gai iliing shii muruii um ne arai rabo—Nathek ro muruii phi pha um pha ji ne nawaithek chung miie rai pha ji bie ro. Hanyie magunde ji rek arone Iphey shii nuii ara ro.
Ithek è nathek shii awie rone nin ruii shii nathek ro ziig ne migi arekpho duchoi shii bajo wie rek bo, ithek ne nathek ro wie blia ji shii thieg ruii chiih-è ai wuii ruii pha inai shii Hamangkhung-aphuii shii chiong ruii phro.
Ithong chiang shii nawaithek shii zab pha tharothamang riichai shii phi muii bo: Hanyie yi bajoboh riichai um pha Bisiu, chiih-è hanyie shii awie pha rekpho shii lago phi chiih-è hanyie è wie rek ji shii chiong ruii pha aishii ne bow ne ruiijong pha badri de phi muii bo.
Gathek shii yao bo, chiihphado, nane nyie now ga? Roman saja shii mijin than pha ji ne gethek Iphey shii gidieg ba, asi ba?"
Isu, ithek ro awie pha muphak ji thieg, chiihphado ai yao, "Nathek lawasdai! Nathek gushii nyie um ne ibongbong phlei? Mijin shii phi pha sikhi ji gushii riig yi bo!"
Ithek è sikhi ji aishii yi ne phi, chiih-è ithek shii sai, "Hìthek ne hanyie mizia nane ibeng lei?"
Ithek è chang. "Bisiu ro."
Ji-è Isu è ithek shii yao, "Wie, chiihphado, nyie Bisiu ro ji Bisiu shii phi mage bo, chiih-è nyie Hamangkhung-aphuii ro ji ne Hamangkhung-aphuii shii phi mage bo."
Obrigações legais
Jesus cumpriu obrigações legais, pagou impostos e orientou seus seguidores a obedecer à lei sem comprometer a fé.
Misiahò chiang è mijin
Isu nane airo samoythek Khaphernaum shii wuii thog mage shii, Misiahò pha mijin thanpho è Phithar shii wuii ne sai, "Na ro masdo de Misiahò pha mijin phi chak ne bey?"
Phithar è chang, "Than chak."
Phithar è hò bucho wuii thog mage shii, Isu è ibi yaodun, "Simon, na ro munow ne nyie ga? Hanyie è soh pha sajathek blia rek ne chiih-è mijin phi phlei? Soh pho mijin ba asi pha gai sohphothek mijin ba?"
Phithar è chang, "Ji ne gai sohphothek mijin ro."
Isu è chang, "Wie ro," Jipha miyaosiu è gethek sohphothek ne athan chid. Jishii, gethek ne hì pha bran shii lijieg yi pha ayang ro. Ji-è khabang shii wuii srane akhiiriie ria mage bo. Naro akhiiriie shii igobi fog ruii pha ù yie ne chiih-è ai sem shii sikhi jia doh ruii ne gu chiang nane na chiang pha Misiahò pha mijin ji cho yi phro. Yie srane gethek ro muthanthek mijin ishak shii phi.
Yang ne nathek shii hanyie magunde na shuang rek ne limiang moe hà noh dun arone nawaithek rek mua pha ji rek srane chua bsa hà anow ba pha ibi shii lumuii hà nawaithek miyao ò rai pha rek bo. Ji asi shii ne ai è nathek shii chua pho hà noh srane, chiih-è chua pho è magashaig shii phi mua, chiih-è magashaig thek è phatheg hà chab mua. Gu nathek shii yao, nathek è zab bang aphi sbo shii ne nathek ne sa phatheg hà raidun phro.
Gu chiang è nathek shii chua pha bohkhohphothek nane sajathek moe noh ruii phro, chiih-è Mua Wie ji nathek shii nane gai bran shii yao bo. Khuchung ithek è nathek shii noh ne chuajan noh shii, na khi-èrek ne yao chiih-è nyie yao chid pha ji shii samdiig arek chid rabo; ishak thog mage shii, nathek nyie yao pha ji ne phi ruii phro.
Isu giak pha
Ji pha ishak shii Bisiu Augusthus è Roman bukho boh thiig shii bran ibeng zey pha yung. Igobi ji è rek ne bran tham ramuii pha ishak shii, Khuirinius yi Syria pha badri ro. Zab pha branthek wuii srane awaithek ibeng zey pha awaithek thawun hà wuii dun.
Joseph de Galili pha Nazareth thawun è Judea pha Bethlehem thawun, Dawid saja giak pha ji hà wuii dun. Joseph thiisa hà wuii pha ji ne, nyieliieshii ai de Dawid saja pha riing è giak pha ji muwuii ro. Ai de awai è gang pha Mery rog shii ibeng zey pha wuii dun, ai ne ani wiigjong ro,
Perspectiva divina
As nações são como uma gota no balde diante de Deus. Ele abre portas que nenhuma lei pode fechar.
Ji shii thiisa hà gidieg bajo um magunde thiisa hàne boh blia pha khriig chua um ro.
Philath è aishii yao, "Na gu shii ayao habey? Now bo, gu na shii thoh pha riichai de um chiih-è bai shii zun pha riichai de um ro."
Isu è chang, "Na è gu lakhung shii riichai rek pha ji ne nyieliieshii Hamangkhung-aphuii è na shii phi. Ji-è bran hanyie è gu shii na wad shii phi muii pha ji ne awie pha layog ichiig shii phi muii."
Este artigo te tocou? Faça uma oração!
+581 estão orando agora.
Junte-se à corrente de oração.