Legalidades

Fǝr maanda kǝmɗi pangngǝncha

1 Nwaat chikawun nefa kǝ fǝrtǝ manda kǝ pangngǝnchi haha. Kǝthlǝm alkǝt pangndǝswa, ma nga mǝɗi Farta wa. Paɗ nat fǝ alkǝt pangngǝn chiɗi nessiyamǝn Farta ɗǝfchi tandǝsi. 2 Kǝthlǝm ndaˈan nat thla karchǝ fǝr maandǝ kǝ pangngǝnchi haha, kartǝ fǝr maandǝ kǝ ndar nafchǝɗi ɗǝftǝ Farta ha, nat thla thlǝ chich kǝɗu nan kab chak mee kafa. 3 Kǝthlǝm pangngǝnchi haha nga ina lekandata wa, maa thlǝ chicho ǝnɗi kǝmchisi, ma nga fee thlǝ chich ɓǝɓifata wa. Yehǝnsi kǝ chekǝnha tǝ lekandǝ nafɗi naa alkǝt pang ndiyan suwa? Chiko ǝnɗi nech ndiˈchan, mǝthlan paɗ nan chǝmwechi. 4 Kǝthlǝm pangngǝn chaˈan fǝ tarchi Farta nakanda, kǝthlǝm kǝ kǝsowun chindǝsi. Paɗ ma thlǝ chicho mɓǝɓifata, leka ndǝn tanda, kǝthlǝm alkǝtˈyandǝsi kǝ chuchindǝ kita yi kit. Tandǝ fǝ tarchi Farta, kǝthlǝm kǝ chandǝ kita fee thlǝ thlǝnanchǝ mɓǝɓifat kaɗi. 5 Kǝthlǝm ndaˈan nwaat kǝ fǝrwun maanda kǝmɗi pangngǝncha. Ngga kǝthlǝm kǝ rakawun sǝɓtǝ hwiri Farta harwa, paɗ kǝthlǝm ǝnɗi mbuˈtǝ wanɗǝ kaɗat ˈyowun kǝ chǝwun.

6 Ndaˈan chicha thlǝ titǝwun chamnda, kǝthlǝm pangngǝncha fǝ tarchi Farta, fee malanchǝ tarchanda kǝ ɗar tar pangnda. 7 Tiyaman chikawun ǝnɗi natǝn parawunchi. Ma chamnda kǝmchǝsi kǝ tiwun, tikowun, ndu yi ichiyowun, tikowun. Lekaman thla kǝmchǝsi kǝ lekan fee, manaman thla kǝmchǝsi kǝ manan fee paɗ.

Ndiɗandǝ kusiˈ ha tǝmɗi yah raˈan

8 Mǝ par yowun wunchǝ kuma ǝna wa, maangga yi yahraˈan ndakwa. Kǝthlǝm thla thlǝ yahchǝ sheɗan, ndiɗan tǝ kusiˈ i Musa ha paɗ.

17 Mbuˈaˈǝnndǝn mǝ nech kǝ kaɗatˈyo. Nggǝman kusiˈ ˈyamǝn kǝ ti ǝn chamnda kǝmɗi Kaisar wa, ndu kǝ ti ǝn wa wa?" 18 Paɗ tapi sǝn Yesu sǝɓtǝ kaɗatˈyanda. Ndang kan tanda wa, kun fǝ wenikicha, fǝ thlǝm nafcha, kǝthlǝm mǝ natwun kaɗita? 19 Pǝnami tǝn wanɗǝɓithlɗi thlǝ titǝwun chamnansi, ɓangkandǝ ndenari. 20 Ndang kǝ Yesu tanda wa, "Mirshishingndi wuni, tǝ thlǝm wuni nech ɗar wanɗǝɓǝthl ɗa?" 21 Ndang kanda wa, "Mirshishingnda tǝ thlǝm Kaisar nech ɗaran." Ndang kǝ Yesu tanda wa, "Fǝraman Kaisar ǝnɗi nǝch kǝyi Kaisar, fǝraman Farta ǝnɗi nǝch kǝyi Farta."

Ndik Yesu kǝ ɗar ti chamǝn kǝtǝn shita.

24 Kǝrsǝ ɓati Yesu tǝ kǝmsichiyan kǝ Kaparnahum, ɓak fǝ thlǝt chaminchi chap kǝthlǝm Wiri Farta mbǝs Biturus. Chǝhan kanda wa, "Thlǝ tichǝ thlǝ chaˈananˈyowun chamndǝ kǝthlǝm Wiri Farta kuɗa wa?"

25 Nggǝmang kǝ Biturus wa, "Aa, thlǝ tichan."

Kǝ yimkǝ Biturus kǝ hur wuran, Yesu nggakchǝ ndiktǝ tǝ ndi. Chihan kan wa, "Mǝ nech kǝ kaɗatˈyo Biturus? Mǝɗi micha thlǝ thlǝt kutǝrchǝ wanɗǝɓithl icha ndu chamnda? Mǝɗi wanchiyanda wa, ndu mǝɗi fowun wa?"

26 Nggǝman kǝ Biturus wa, "Mǝɗi ramcha."

Ndangkǝ Yesu wa, "Wanchǝ hahiˈan tiwanda wa hacha. 27 Paɗ kǝthlǝm kǝ sǝɓandǝ hwirkaɗ tǝ nggǝmnan wa. Ɗu kǝ kufa kǝ mikin nggalkǝm ˈyo. Kǝ tirin yirif ɗi latu kǝsta, kǝ i neen meˈyan ha. No naa wanɗǝɓǝthl tipesha thla saˈchǝ ndǝnari foɗɗa hwirˈyan. Tǝrko fǝranko tanda, chamndinchi tǝ yuwa."

25 "Maa ɗi yowun mǝk wanhar wa, wesheko ka mban tahsanan kaɗ tǝ ndi peˈwun ɗar mbanda, kǝ nowun saˈtǝ kǝ mǝt chak miyan. Maangga kǝɗu wa, nan ɗǝt tǝ wech kǝmɗi thlǝ chak mee. Thlǝ chak miyan paɗ nan ɗǝt tǝ wech kǝmɗi wanfangnda. Wanfangnan paɗ nan pǝk wech kǝ pursuna. 26 Kittaˈan nati mbuˈowunda, chewu fee kesh minni wa. Maangga tǝ tiyin nat ǝnɗi thlutǝ fee wa, kǝnen chet kesh ǝ minni.

18 Kǝthlǝm nggǝt paɗ, nandǝ ɗǝt tǝ wunchi kǝ pangngǝn paktecha, tǝ kuturcha. Kǝthlǝm kǝ sǝnawun kusheˈtǝ ndiktǝɗisi thla nech mbinchan ǝ pangngǝnanda, tǝ paɗ pangngǝn fee nawakchǝ kǝ Yahudawecha. 19 Fartǝɗi kǝsowun ndǝ nda, kǝ sakowunchǝ inda tǝ ǝnɗi natwun ndikta wa, ndu nechowun mbuˈtǝ wa kǝn wa. Kǝthlǝm na fee fǝrowun ǝnɗi natwun mbuˈta ǝ wanshengngǝn ini.

9 Kǝthlǝm ini chǝ Farta kapa mbandǝsi, kǝthlǝm kǝ chi tarɗi nech nat tǝ naafu fa, paɗ atǝkrechinchǝs terchan.

10 Kǝɗu ndang kǝ Bilatus wa, "Mǝ chicha nawaktu nggǝmandǝ chiha meˈinchi? Shinwen wa alkǝtinchi si kǝ kali wech ha, ndu kǝ kukuchǝ fee wa?"

11 Nggǝrang kǝ Yesu sǝ wa, "Manga Farta fǝruchǝ alkǝt ini wa mǝ nggǝ alkǝtˈyosi kǝ indinchi wa chika ngguɗyeh. Kǝthlǝm ndaˈan thla fǝrchǝ nenchi kǝ harˈyo mǝthlan mbǝruchi ha tǝ ɓǝɓifata."